البس يا شعب المجلس مش هيطبق قانون العزل

[brain]

اقتباس المشاركة الأصلية كتبت بواسطة monmedo مجر سؤال ... حضراتكم مش شايفين ان قانون العزل دة يعتبر فرض راي على الشعب المصري وعدم احترام لة... لما قلنا ان اختيار الشعب للاخوان المسلمين غلط . وان الشعب اكتر من نصة جهلة طلع الاخوان قلك كدة عيب ازاي تغلط في الشعب ,,, الشعب فاهم وواعي وبيعرف يختار... لية بقى دلوقت طلع الشعب عبيط وبريالة ولازم نحددلة اختيارة حاجة من الاتنين ياما الشعب واعي ويبقى من حق عمر سليمان الترشح .. ياما الشعب عبيط ونحل مجلس الشعب لان اختيار غير رشيد اتمنى الرد بدونالدخول في مهاترات ( انت فلول ولا اخوان ولا سلفيين)

حضرتك بتقارن بين حاجتين مش زي بعض
فارق شاسع بين انتخابات الرئاسه و بين انتخابات مجلس الشعب
لغاية امبارح تقريبا كان هناك دعوى مرفوعه ضد نتيجة الدائره اللي فيها الكتاتني
يعني ايه ؟
يعني الاعتراض متاح
و الطعن على النتيجه متاح
و مراقبة الصناديق كانت متاحه
و ووجود مندوبين متاح
و اعادة فرز متاح
و طعن على مرشحين متاح
لما تتوافر كل هذه الضمانات
مش ينزل عمر سليمان
تنزل ام عمر سليمان نفسها
مش هينجحوا
اخيرا
ما نفعله ليس بدعه في الديمقراطيه
بعد الحرب العالميه الثانيه تم منع كل من انتموا للحزب النازي من المشاركه في الحياه السياسيه
مع اننا لو قارنا بين اعضاء الحزب النازي و بين اعضاء نظام مبارك
لاكتشفنا ان اعضاء الحزب النازي - مهما كان رأينا في افعالهم - كانوا يعملون لصالح بلادهم
و ان كل ما فعلوه كان لرفعة شعبهم - و ان اختلفنا معهم في الوسسله و لكن كان الهدف نبيل -
بينما اعضاء نظام مبارك فعلوا كل شيئ من اجل الحط من شأن بلادهم
و حولوا البلاد الى عزبه خاصه ينتفعوا منها دون النظر الى مصلحة بلادهم و شعبهم
و مع هذه المقارنه الظالمه
تم منع هولاء
و الابقاء على اولئك
بالذمه مش ده حرام

 

[محمد علي عامر]

اقتباس المشاركة الأصلية كتبت بواسطة brain حضرتك بتقارن بين حاجتين مش زي بعض فارق شاسع بين انتخابات الرئاسه و بين انتخابات مجلس الشعب لغاية امبارح تقريبا كان هناك دعوى مرفوعه ضد نتيجة الدائره اللي فيها الكتاتني يعني ايه ؟ يعني الاعتراض متاح و الطعن على النتيجه متاح و مراقبة الصناديق كانت متاحه و ووجود مندوبين متاح و اعادة فرز متاح و طعن على مرشحين متاح لما تتوافر كل هذه الضمانات مش ينزل عمر سليمان تنزل ام عمر سليمان نفسها مش هينجحوا اخيرا ما نفعله ليس بدعه في الديمقراطيه بعد الحرب العالميه الثانيه تم منع كل من انتموا للحزب النازي من المشاركه في الحياه السياسيه مع اننا لو قارنا بين اعضاء الحزب النازي و بين اعضاء نظام مبارك لاكتشفنا ان اعضاء الحزب النازي - مهما كان رأينا في افعالهم - كانوا يعملون لصالح بلادهم و ان كل ما فعلوه كان لرفعة شعبهم - و ان اختلفنا معهم في الوسسله و لكن كان الهدف نبيل - بينما اعضاء نظام مبارك فعلوا كل شيئ من اجل الحط من شأن بلادهم و حولوا البلاد الى عزبه خاصه ينتفعوا منها دون النظر الى مصلحة بلادهم و شعبهم و مع هذه المقارنه الظالمه تم منع هولاء و الابقاء على اولئك بالذمه مش ده حرام

تعرف يا حج برين لما بافتكر قذارة الناس اللي بتتكلهم عنهم دول باصاب بحالة تشبه الجنون وبابقى عايز أنزل أدور الضرب في الناس كلها ... اللي معايا واللي ضدي
إزاي سمحوا لنفسهم يعملوا فينا كدا وإزاي سبناهم يعملوا كدا؟؟؟

 

 

[doctor farouk]

اقتباس المشاركة الأصلية كتبت بواسطة محمد علي عامر تعرف يا حج برين لما بافتكر قذارة الناس اللي بتتكلهم عنهم دول باصاب بحالة تشبه الجنون وبابقى عايز أنزل أدور الضرب في الناس كلها ... اللي معايا واللي ضدي إزاي سمحوا لنفسهم يعملوا فينا كدا وإزاي سبناهم يعملوا كدا؟؟؟

والله انا كنت في حاله عدم تصديق لما لقيت موضوع يدعم عمر سليمان
اليد الدمويه في نظام مبارك
والله افتكرتها زي هزار او تأليس
بس الكارثه ان لقيت الموضوع بجد
وبجد ضغطي اترفع او ما لقيت جمله كارثيه عن عمر سليمان

خير خلف لخير سلف

بجد انا مش عارف اقول ايه
انا كنت عاوز اكسر الكي بورد بصراحه
الله يرحمه يا طارق عبد اللطيف

 

 

[محمد علي عامر]

اقتباس المشاركة الأصلية كتبت بواسطة only you اللواء محمد العصـار عضو المجلس العســكرى: و أكد سيادة اللواء أن سعد الكتاتنى رئيس مجلس الشعب اتصل بالمشير طنطاوى وكان رده نهائيـــــاً لن يكون هنـــــاك عزل لأحد أو اقصاء ،،،

وإنت مالك يا طنطاوي؟؟ بأي صفة تقول بعدم تطبيق القانون؟؟
وفقا لإعلانك الدستوري مجلس الشعب هو الذي يصدر القوانين مش إنت ... إيه اللي حشرك في شئ مش من صلاحياتك وفقا لإعلانك اللي حطيته بنفسك.

اقتباس المشاركة الأصلية كتبت بواسطة only you و قال العصار "انتو خايفين من الصناديق ولا خايفين من ايه

اقتباس المشاركة الأصلية كتبت بواسطة only you

خايفين من تزوير الإنتخابات يا عصار!!! ومن اللجنة اللي حصنتوا قراراتها ولا تسأل عما تفعل!!!!!

 

 

[أحمد فاروق]

اقتباس المشاركة الأصلية كتبت بواسطة محمد علي عامر وإنت مالك يا طنطاوي؟؟ بأي صفة تقول بعدم تطبيق القانون؟؟ وفقا لإعلانك الدستوري مجلس الشعب هو الذي يصدر القوانين مش إنت ... إيه اللي حشرك في شئ مش من صلاحياتك وفقا لإعلانك اللي حطيته بنفسك. خايفين من تزوير الإنتخابات يا عصار!!! ومن اللجنة اللي حصنتوا قراراتها ولا تسأل عما تفعل!!!!!

وكمان ...

اقتباس المشاركة الأصلية كتبت بواسطة only you ... ونحن الحاكم الشرعى للبلاد ...

حاكم ازاي؟ مش فيه سلطة تشريعية بقيت مع البرلمان واللا ايه؟ ومن انتخابات انت نفسك أشرفت عليها وعينت لجنتها؟ ومش فيه سلطة قضائية مع القضاء واللا ايه؟ واللي بتتغنى ليل نهار بضرورة احترام أحكامه؟ يبقى حاكم ازاي؟
وشرعي؟! ومنين جت الشرعية دي؟ ولا حد انتخبكم، ولا نظام شرعي عينكم. ده المخلوع هو اللي كفلكم بإدارة شئون البلاد، واحنا اللي سكتنا على كده أملا في إنكم تعقلوا بقى وتثوبوا إلى رشدكم، لكن للأسف اتضح إنه مستحيل يحصل.

 

 

[HanyMan]

لازم ندى الشعب العظيم فرصته فى أختيار رئيسه.
انتوا خايفين ليه مش ده شعب عظيم برضوا ولا بيتهيئلنا

 

 

[جرديز]

له حق يقول كده
ما هو دي لحظات الغرغرة

 

 

[HanyMan]

 

 

[محمد المرى]

وكشر مجلس العار عن انيابه , اردتم ام لم ترضوا فان عمر سليمان هو حاكم مصر , واذا كنتم قد صدقتم ان المجلس حمى الثورة فانتم شعب واهم , العسكر هم الحاكم الشرعى للبلاد .
المجلس العسكرى يريد جر البلاد الى حرب اهلية لانه يعلم كل العلم ان الشعب لن يرض بعمر سليمان
هذا مجلس عار وفى الحقيقة فان الاخوان هم من جروا الابلاد الى هذا المستنقع ولكنهم للاسف لن يشربوا وحدهم فسوف يشرب الجميع من نفس الكأس .والحل :
لا سبيل الا الى ازاحة مجلس العار , ولكنى للاسف ارى مسلسلا دمويا ربما سيكون العن من المسلسل السورى والمسلسل الليبى , نحن ننتظر دورا تاريخيا من الوطنيين داخل ثكنات الجيش المصرى بمعاونة منالشعب للقبض على كل هؤلاء المجرمين والذين يريدون جر مصر الى ماهو مجهول ولكنى رغم كل ذلك اثق كل الثقة فى نصر من الله وفتح قريب , اتحاد الجميع , هى الخطوة الآهم الآن واعتقد ان الفرقة والتشرزم لن يفيد الا هذة العصابة الظالم اهلها , فهل انتم مستعدون لذلك

 

 

[محمد المرى]

نسيت اقول : ان مجلس العار عنده دم عارفيين ليه :
لانه لم يفرض علينا عودة الرئيس حسنى مبارك مرة ثانية رئيسا لمصر, والمفروض توجيه ملايين التلغرافات والرسائل لهم وتشكروه على عدم اللجوء الى هذة الخطوة
ياللا يامبارك عرفت تربى وطمرت العشرة