هل تتغير بوصلة الجبل؟

[حسام]

الصحف المصرية والعربية

أطالب ادارة المنتدي بمنع تكفير من ينتمي الى أى مذهب فكرى معين مثل العلمانية أو اليسار أو الناصرية أو الليبرالية أو حتى تكفير أديان أخرى
ياترى ممكن؟

 

 

[حسام]

[SIZE=×4]
3- الإحترام المتبادل بين الأعضاء وعدم السخرية منهم أو تحقيرهم على خلفية العقيدة أو الفكر وعدم تعمد تحويل سير مواضيعهم عن الغرض الذى طرحت من أجله وكذلك عدم تناولهم بصوره شخصية مسيئة سواءً كانت مباشرة أو غير مباشرة ويعود تقدير ذلك من عدمه إلى إدارة المنتدى بأغلبية الأصوات.
ده نص المادة الثالثة من قواعد المشاركة
وما يجري من تحقير أو اهانة للآخر على خلفية الدين أو الفكر على قدم وساق فى المنتدي يمر مرور الكرام
لو المنتدي هيبقي زي المنتديات اياها أرجو الاعلان عن ده
عشان نشوفلنا مكان تانى
التكفير عيني عينك
ومطالب بحريته وعدم الحجر عليها
[/SIZE]

 

 

[Virus]

اقتباس المشاركة الأصلية كتبت بواسطة Admin لقد أنشأ المطاريد هذا المنتدى ليمثل الوسطية والإعتدال فى كل شئ ... نريد سقفاً عالياً من حرية الرأى والتعبيرلكن دون تشكيك فى ثوابت الدين أو إهانة الأنبياء والمرسلين ... نريد أن يكون للعضو القوامة والوصاية على نفسه وعلى ما تخطه يداه بما يمليه عليه ضميره أولاً وبدون تدخل من فريق الإشراف إلا إذا إقتضت الضرورة القصوى لذلك ...

ياريت الحاج أدمن يزود فقرة بقى إن لما نكون متنرفزين من حاجة والبلد بتغلي يبقى الأسس والقواعد دي نركنها شوية ونشمر السيوف لأن حي على الجهاد ووالله زمان ياسلاحي وهيلا هوب هيلا هوب..

وعلى فكرة بقى....لما نكون احنا الزمالكاوية متنرفزين من الأهلاوية ونيجي هنا نطلع البلا الأزرق عليهم إياكوا حد ييجي جنبنا لأننا احنا كمان جزء من نسيج المجتمع المصري وبنتأثر بغليانه...

سوري ياحشيش مش طبعي الكلام غير المباشر..ما سبق رد على مداخلتك هنا..لسه منتظرين هيئة الإشراف تقفل أو تأرشف المواضيع السخيفة بتاعة الخنزير عمل إيه في الخنزير والتهييس ده..

 

 

[!! Lidooooo !!]

اقتباس المشاركة الأصلية كتبت بواسطة Virus وعلى فكرة بقى....لما نكون احنا الزمالكاوية متنرفزين من الأهلاوية ونيجي هنا نطلع البلا الأزرق عليهم إياكوا حد ييجي جنبنا لأننا احنا كمان جزء من نسيج المجتمع المصري وبنتأثر بغليانه...

دنتو كدة مش هيكفيكو عشروميت منتدي يا فيروس

 

 

[تكسير]

اقتباس أطالب ادارة المنتدي بمنع تكفير من ينتمي الى أى مذهب فكرى معين مثل العلمانية أو اليسار أو الناصرية أو الليبرالية أو حتى تكفير أديان أخرى ياترى ممكن؟

كلمة كافر لا تُخيف
أن أطلق علي بوذي هذا اللقب , لن يضرني شيئ , بالعكس تمام , فأنا اتباها بكوني كافر ببوذا
وإن أطلقت علي البوذي كافر , لن يضره شيئ فهو كافر

ليس هناك أدني مشكلة
ولكن المشكلة والتي تؤرق الكثير
أن تطلق الكلمة داخل المذهب الواحد
بان يقول مسلم لمسلم أنت كافر
أو مسيحي لمسيحي أنت كافر
وهي كلمة في هذا الشأن خطيرة
ولا يمكن ان يطلقها أحد علي أحد إلا بظاهر القول والفعل البين الواضح الصريح
فأن وجد مسلم قد سجد لصنم , فسوف أقولها له بكل أطمئنان أنت كافر

ولوسمعت أحد يشكك في الله وعدله وقدرته ومشيئته وقدره , فسوف أقول له أنت كافر
الذي يتقي الله لا يخاف من تلك الكلمة
أبدا
أما كلمة مشرك
فحبلها واسع يطول فيها الحديث

 

 

[حشيش]

الأعزاء حسام باشا وفيرس باشا

زى ما إنتم بتكتبوا أرائكم بدون حجر عليها من حق غيركم إنه يكتب برده بدون حجر على أفكاره أو إتهام لمواضيعه بأنها سخيفة ويجب على الإدارة غلقها! ... يعنى مثلاً زميل إتهم جمال عبد الناصر بإنه كافر ... الزميل حسابه مع خالقه إن كان ما قاله صحيحاً أو غير ذلك مش مع الإدارة! ... هل منعت الإدارة أن يدحض غيره ما قاله أو ينتقده؟! ... لا ... هل منع أحداً الدكتور يحيى الشاعر أن يرد عليه بصور تؤكد أن الرجل كان يقيم فرائض الله ؟! ... لا ... الإدارة لا تمنع أحداً من أن ينشر موضوعات جديدة أو يعبر عن غضبه فى أى شأن سواء كان ذو خلفية سياسية أو عقائدية حسب ما جاء فى قواعد المشاركة ولكن ما يعنيها فقط هو أن يطرح كل واحد فكره بدون توجيه إهانة أو سخرية من الآخر ... هل حدثت تجاوزات فى الفترة الماضية ... الإجابة نعم حدثت ... وهل قامت الإدارة فى حدود جهدها ووقتها بإتخاذ ما يلزم من إجراءات إدارية مع المخالفين (علماً بأن هناك مكاتبات ولفت نظرات وإنذارات أولات لا يتم الإعلان عنها حسب أيضاً ما ورد فى قواعد المشاركة)؟! ... الإجابة نعم حدث ... هل تم إيقاف البعض ممن لم يستطع أن يفرق بين حرية الرأى وإهانة الآخر ... الإجابة نعم حدث ... بصيغة أخرى الإدارة لا تختار للأعضاء المواضيع التى يتحدثوا فيها والمواضيع التى يجب الا يتحدثوا فيها فهم من النضج بما يكفى لأن يعلموا بأن حريتهم تنتهى عندما تبدأ حرية الآخرين ... لا نستطيع أن نكون بمعزل عن ما يحدث فى مجتمعنا من أحداث مخافة أن يغضب منا فلان أو فلان سواء كان فلان هذا مسلم أو مسيحى أو يهودى أو غير مصنف حتى ... تحياتى

 

 

[znaty]

اقتباس المشاركة الأصلية كتبت بواسطة حشيش الأعزاء حسام باشا وفيرس باشا زى ما إنتم بتكتبوا أرائكم بدون حجر عليها من حق غيركم إنه يكتب برده بدون حجر على أفكاره أو إتهام لمواضيعه بأنها سخيفة ويجب على الإدارة غلقها! ... يعنى مثلاً زميل إتهم جمال عبد الناصر بإنه كافر ... الزميل حسابه مع خالقه إن كان ما قاله صحيحاً أو غير ذلك مش مع الإدارة! ... هل منعت الإدارة أن يدحض غيره ما قاله أو ينتقده؟! ... لا ... هل منع أحداً الدكتور يحيى الشاعر أن يرد عليه بصور تؤكد أن الرجل كان يقيم فرائض الله ؟! ... لا ... الإدارة لا تمنع أحداً من أن ينشر موضوعات جديدة أو يعبر عن غضبه فى أى شأن سواء كان ذو خلفية سياسية أو عقائدية حسب ما جاء فى قواعد المشاركة ولكن ما يعنيها فقط هو أن يطرح كل واحد فكره بدون توجيه إهانة أو سخرية من الآخر ... هل حدثت تجاوزات فى الفترة الماضية ... الإجابة نعم حدثت ... وهل قامت الإدارة فى حدود جهدها ووقتها بإتخاذ ما يلزم من إجراءات إدارية مع المخالفين (علماً بأن هناك مكاتبات ولفت نظرات وإنذارات أولات لا يتم الإعلان عنها حسب أيضاً ما ورد فى قواعد المشاركة)؟! ... الإجابة نعم حدث ... هل تم إيقاف البعض ممن لم يستطع أن يفرق بين حرية الرأى وإهانة الآخر ... الإجابة نعم حدث ... بصيغة أخرى الإدارة لا تختار للأعضاء المواضيع التى يتحدثوا فيها والمواضيع التى يجب الا يتحدثوا فيها فهم من النضج بما يكفى لأن يعلموا بأن حريتهم تنتهى عندما تبدأ حرية الآخرين ... لا نستطيع أن نكون بمعزل عن ما يحدث فى مجتمعنا من أحداث مخافة أن يغضب منا فلان أو فلان سواء كان فلان هذا مسلم أو مسيحى أو يهودى أو غير مصنف حتى ... تحياتى

عزيزي حشيش ..ولا مرة واحدة ..قريت لك مداخلة ..وماعجبنيش رايك فيها
تسلم لنا دماغك المتكلفة دي يا برنس

 

 

[znaty]

اقتباس المشاركة الأصلية كتبت بواسطة savary حبيبى من زمان والله ,, الدكتور حسام له وجه نظره برده ,, انا عن نفسى ضد الخوض فى عقائد الاخرين و ضد تسفيه اصحاب اى معتقد دينى او فكرى وبالنسبه لمصر و اللى حصل واللى بيحصل واللى لسه هيحصل فوجه نظرى البسيطه -وقولتها قبل كده- ان فى تحالف و حسابات سياسيه بين النظام وبين الكنيسه المصريه بقياده البابا شنوده ورجاله فى الحكم الكنسى- ان صح التعبير وقولت قبل كده ان مشكله البابا شنوده انه بيلعب سياسه و بيتجاهل واقع مصر حاليا الشارع دلوقتى مش طرف مهمل او ملهوش قيمه مش معنى اعلانى التأييد الكامل و ولائى الكامل مقابل مكاسب سياسيه ان الشارع دا يتحرق بجاز ! اقول ضيوف و اقول القرأن اضافتله ايات و اخطف اللى عاوز اخطفه واخبى اللى عاوز اخبيه واللى يسألنى اقوله انت مالك !! لا , فى شارع مصرى و من حقه يبدى مظاهر امتعاضه و غضبه من حقه يعلن رفضه للتحالف و الموائمه السياسيه بين النظام والكنيسه على طريقه شيلنى و اشيلك او سيبب وانا اسيب !! اه انا عارف ان المفروض محدش يتاخد بذنب حد ,, بس معلش ماهو قداسه البابا ونيافه الانبا هما الممثل الرسمى للمسيحين فى مصر ولازم الصوت يوصل من داخل الكنيسه للقيادات ان اللى بتعملوه دا غلط ! واللى بتعملوه دا هيودى البلد فى داهيه يا اما يتبرؤا منهم ويقولوا لا يمثلونا ولا بيتكلموا بلسانا زى ما بنقول لما الهجوم على مصر بيتم بسبب موضوع غزه و الحصار و الجدار يعنى الخلاصه انا شايفه وضع طبيعى للى بيحصل فى مصر ان الدنيا تكون مشدوده و محتقنه

ياااااااااه ..وحشني جدا جدا يا صديقي اللدود
اعذرني انا اختفيت فترة وافتقدت جدا خناقاتنا اللذيذة دي
طب تصدق بالله ..كنت من يومين في مداخلة هاستعير كلمتك الشهيرة اللي عاتبتك عليها زمان ..فاكرها ؟؟
كنت محتاج اكتبها اوي يا دكترة لواحد هنا
المهم يا صاحبي
باختصار كدة
اقسم بالله انا ليا اصحاب كتير اوي مسيحيين ويشهد الله على الود والصداقة اللي بينا
وهذا لا يمنه اني مقتنع انه على عقيدة ضاله وهو مقتنع اني كمان كدة
عادي
لكن لو اتفتح الموضوع لاي سبب كان ..لن تمنعني صداقتي وودي له ..اني اكتم كلمة الحق علشان اشتري وده بغضب ربي او ازيف حقائق في القران او اخبي اشياء من اسس عقيدتي
ودة موش اهانه له ..هو حر
لما القران يقول ان اهل الكتاب بدلوا كلام الله من بعد تنزيله يبقى خلاص الكتاب المقدس الحالي محرف
سواء دة عجب اصدقلئي المسيحيين او لا ..او سواء اعتبروه اهانة او لا
دي كلمة من فوق سبع سموات موش هاتتكسر لبشر والعياذ بالله
لذلك خلينا اصحاب احسن ..لكن لو اتكلمتوا يبقى تسمعوا برده ..؟؟
كلمة الحق لا تطوى لبشر يا صاحبي

اما مصر ..فانا شايف ..ان لو كان السادات ماسكها الوقتي ..كانت هاتبقى احسن بكتير

 

 

[Virus]

اقتباس المشاركة الأصلية كتبت بواسطة حشيش مخافة أن يغضب منا فلان أو فلان سواء كان فلان هذا مسلم أو مسيحى أو يهودى أو غير مصنف حتى ... تحياتى

عزيزي حشيش..

لا أدري من أين جئت بهذه الفكرة العجيبة....ولم برأيك قد أخاف من إغضابهم وأنا لا أعرف أي مسيحي هنا ولا حتى قريب من أحدهم فكريا

حسنا..من الممكن أن نظل في جدل لن يفيد أي منا وبالتأكيد لن يفيد من يقرأ..يمكنني أن أملا لك صفحة اقتباسات تتعارض تماما مع مبادئ المنتدى..لكن المسألة أبسط من ذلك..

لدينا رأي أوضحناه حرصا منا على مصلحة المطاريد ليس إلا..يمكن للإدارة أن تسمعه وتدرسه ويمكنها أيضا أن تهمله تماما كما هي العادة في المنتديات الأخرى..لذا فلا داعي للجدل حول الأمر..في النهاية لن تضير هذه الموضوعات المسيحيين في شيء كما لن تضيرنا كل قاذورات المنتديات المسيحية الأخرى التي تهاجم الإسلام..

المسألة كلها في احترامنا لقيم ما اتفقنا عليها عند المشاركة هنا..

تحياتي..

 

 

[savary]

اقتباس طب تصدق بالله ..كنت من يومين في مداخلة هاستعير كلمتك الشهيرة اللي عاتبتك عليها زمان ..فاكرها ؟؟ كنت محتاج اكتبها اوي يا دكترة لواحد هنا

طيب ما كنت اقتبستها من اى موضوع قديم !

انا هبقى ابعتهالك بالاقتباس فى رساله خاصه
عشان كل ما تحتاج تكتبها تروح جايبها وهتظهر بالاقتباس بتاعها
واسمى منور عليها

اقتباس اما مصر ..فانا شايف ..ان لو كان السادات ماسكها الوقتي ..كانت هاتبقى احسن بكتير

ماهو كأنه ماسكها بالظبط !!
اسمهم السادات 1 و السادات 2 و ربنا يعتقنا بقى