إنطباعاتك عن مستقبل منتدى المطاريد

[هاني مليجي]

الصحف المصرية والعربية

اقتباس المشاركة الأصلية كتبت بواسطة أحمد باشــا هنا قواعد المشاركه و نظام الشكوى و النظام الأداري .....مكتوبه أهو و حسنا فعلت الأدارة بعدم نشر الشكاوي او الأجراءات الأدارية عالعام الآ الأجراءات الجسيم منها و هو هدف حميد لعدم أحراج الأعضاء او وضع من تسول له نفسه الكيد و التشهير

ربنا يبارك لنا في المكان ده
وان شاء الله يكون أجمل منتدى في العالم

:h i:

 

 

[MFaisal]

ان شاء الله أنا بتوقع مستقبل كويس للمنتدى ده ..

بيفكرنى بالولايات المتحدة الأمريكية .. فى بدايتها كانت عبارة عن شوية مطاريد ( زى حالاتنا ) ودلوقتى أكبر امبراطورية فى العالم ..

ملاحظة ... أرجو اصلاح خاصية الرد السريع
وملاحظ أيضا ان المنتدى ( تقيل ) أوى فى تصفحه والصفحات لا تفتح بسرعة

 

 

[Muhammad Zidan]

صحيح أنا علمت على من السابق لأوانه إجراء هذا الاستفتاء

لكن أنا عندي ميل قوي إن المنتدى هايكون من المنتديات الناجحة وإن شاء الله يكون زي المحاورات وأحسن كمان

بس خلونا نطور السوفت وير وبسرعة ونعدل بعض الحاجات زي اللي قال عليه أخونا ضبش

وشريط الموضوعات الساخنة ... والخط الافتراضي وقالوا عليه زمايلنا كتير

والنبي يا بدرية ما تنسي حكاية الشريط السريع ده ... بيسهل علينا جداً

لا إله إلا الله ...

 

 

[Smart]

مستقبل باهر بإذن الله ..
بس هو لو تخفوا البولد بتاع الخط اللى بنكتب بيه دا شوية ..
ح يكون مستقبل أبهر ..


تخفوا البولد شوية ..
بس ما يكونش لايت ..

حاجة وسط كدة ..
تعرفوا؟؟

 

 

[Admin]

اقتباس المشاركة الأصلية كتبت بواسطة Smart مستقبل باهر بإذن الله .. بس هو لو تخفوا البولد بتاع الخط اللى بنكتب بيه دا شوية .. ح يكون مستقبل أبهر .. تخفوا البولد شوية .. بس ما يكونش لايت .. حاجة وسط كدة .. تعرفوا؟؟

الحقيقة يابو خالو (البولد) كان من إختصاص الدفاس وأبو دهشوم ولما البوليس كبس وإتمسكوا فضل الخط على كده

 

 

[hoppa]

اقتباس المشاركة الأصلية كتبت بواسطة Smart مستقبل باهر بإذن الله .. بس هو لو تخفوا البولد بتاع الخط اللى بنكتب بيه دا شوية .. ح يكون مستقبل أبهر .. تخفوا البولد شوية .. بس ما يكونش لايت .. حاجة وسط كدة .. تعرفوا؟؟

ليه كدا يا سمارت يا خويا
لييييييه
انا عنيا دبشت من الخط قبل ما يكبروه و ناس كتير غيرى طلبوا يكبروا الخط
ما شاء الله على عنيك انت...عدسات مقعرررررة

 

 

[Smart]

اقتباس ليه كدا يا سمارت يا خويا لييييييه انا عنيا دبشت من الخط قبل ما يكبروه و ناس كتير غيرى طلبوا يكبروا الخط ما شاء الله على عنيك انت...عدسات مقعرررررة

لا انا مش عاوزهم يصغروا الخط ..
لكن يخففوا الاسود بتاعه شوية ..
ويكون زى نفس سمك الخط بتاع التوقيع كدة ..

وبعدين عاوزة تدينى إيحاء ان نظرك شيش بيش؟؟؟
طب دول كام ..

 

 

[امانى]

بتوقع ان شاء الله للمنتدى مستقبل باهر ورقى وهيكون من ضمن المنتديات الرائعة على الساحة ده اذا ماكنش بقى احسنهم كمان بفضل الحب والترابط اللى انا شيفاه بيننا

نجاح اى عمل بيتوقف على فريق العمل فيه وهنا الفريق والاعضاء كلهم ماشاء الله على مستوى المسؤلية وقبل كل ده الانتماء والحب . ان شاء الله دائما فى التقدم والرقى يا مطاريد

 

 

[Admin2]

والله يا امونة على الكلمتين الحلوين دول مش خسارة فيكي انذارين فئة 20 ووقف شهر 86 دا ااقل واجب على كلامك الحلو المشرف دا انحنى امام انسانيتك