إستشارة طبيّة عاجلة

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة جرديز مش عارف اقول لحضرتك ايه ربنا يشفيه ويعافيه الحقيقة دي نفس مشكلة والدي المتكررة من حين الى آخر واللي اكتشفنا من خلالها انه لا يوجد في مصر طب دي حاجات وتفاصيل صغيرة بيشوفها كل واحد فينا في حياته بيكتشف من خلالها قد ايه البلد بقت في البايباي اللي مش حاسين بضياع البلد هما اللي لسة ما اتعرضوش لتجربة . الطب في مصر انتهى تماما زيه زي اي مهنة تانية المهم من خلال معاناة والدي .. افيد سيادتك بالآتي التورم ده معناه قصور شديد في وظيفة القلب ( وده طبعا باين من ضغط الدم الواطي جدا ) أو .. قصور شديد في وظيفة الكلى .. او الاتنين قصور الدم معناه انيميا حادة ( في الغالب ) .. وده برضه باين من ضغط الدم , وممكن يحتاج نقل دم ( حسب تحاليله ) المشكلة يا فندم بالنسبة لمدرات البول .. انها غير فعالة بالشكل الكافي , زيها زي اي دوا مصري تاني والفعال منها ممكن المريض يفقد الحساسية ليه .. نتيجة للاعتياد , او تدهور الحالة وده حصل معانا بالنسبة للـ لازيكس فبيظل الحل هو مدرات البول بالحقن ( مش الاقراص ) في كانيولا .. وبجرعات عالية مكثفة , مع تركيب قسطرة ومتابعة تفريغها الحل دلوقتي هو ان تبحثي حضرتك عن افضل مستشفى من حيث الـ ICU ( العناية المركزة ) ويتم نقل الوالد ليها في اقرب وقت او يتم عرض التحاليل فورا على استشاري باطنة وربنا يشفيه من كل سوء ويطمنكم عليه

فعلا والله عندك كل الحق

النهاردة كنت عنده فى العناية المركزة

هو عصبى جدا

انفعل على دكتور صغير جدا ولا فاهم اى حاجة

والجهاز بتاع الضغط فضل يصفر وجهاز القلب توترت ذبذباته

بابا بيقولله انا مابآخد دوا ليه؟

قالله حضرتك عندك قصور بالكلى وتليف بالكبد

والنقرص

وفشل برئة
والضغط واطى جدا

لذلك لاينفع ان تأخد دواء

نكتفى بالبروتينات اللى بنضعها لك بالمحاليل

بابا قالله وعقبال مااخلص البروتينات ايه الخطوات الايجابيه

قالله لا أعرف

بابا اتجنن

قالله ومييييييييييييييييييييييين اللى يعرف

خرجونى من هنا

شد بعصبيه الخراطيم اللى بجسمه

وكانت طبعا الاوردة مفتوحة

وساح فى دمه

وابن خالى بهدل الدنيا

وروحنا للمدير

قولنالله لازم ننقله

قالله نفس الرعاية هنا زى اى رعاية بمستشفى اخرى مجهزة

انا بقا اخدت دورى

قولتلله ازاى رعاية مركزة بها دكاترة عيال ومايعرفوش ايه اللى حيحصل للمريض كخطوة تالية


الف سلامة على والدك


على فكرة عرفنا ان ( لازيكس ) ده اللى عمل لبابا مشاكل بالكلى وانخفاض الضغط

 

[biopasha]

الف سلامة علي والدك ا.سونستا
كلام الافاضل حشيش وجرديز وشاوي سليم من وجهة نظري ..
كبار السن محتاجين رعاية خاصة مع الاطباء باستمرار لان الاعضاء بتكون كسولة عن العمل حتي بدون امراض .. وجود مرض او فشل في عضو بيساعد الباقي انه ما يقومش بكامل وظايفة ...

لكن مفيش حالة ميئوس منها ..
كله وارد انه يتحسن ويرجع زي الفل ..
دكاترة الكبد والباطنة احسن حد ممكن يفيدك ...
واتمني للوالد يارب الشفاء العاجل ..

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة biopasha الف سلامة علي والدك ا.سونستا كلام الافاضل حشيش وجرديز وشاوي سليم من وجهة نظري .. كبار السن محتاجين رعاية خاصة مع الاطباء باستمرار لان الاعضاء بتكون كسولة عن العمل حتي بدون امراض .. وجود مرض او فشل في عضو بيساعد الباقي انه ما يقومش بكامل وظايفة ... لكن مفيش حالة ميئوس منها .. كله وارد انه يتحسن ويرجع زي الفل .. دكاترة الكبد والباطنة احسن حد ممكن يفيدك ... واتمني للوالد يارب الشفاء العاجل ..

الله يسلمك د/biopasha

المشكلة الكبرى زى ما قال اخى جرديز

مافى طب بــ مصـــر

تلات دكاترة بيترددوا عليه

قلب - كبد - كلى

لكن كأنهم مش دكاترة ولافاهمين اى حاجة فى اى حاجة

المشكلة احنا وديناه علشان نعالج التورّم

الى الآن أقسم بالله ماحد من هناك عارف يتوصل لسبب التورم

لكن راى محمد حشيش وجرديز فعلا فى محله
رحمتك يارب

الف شكر على اهتمامك د/biopasha

 

 

[shawi]

اوافق الاخ الفاضل جرديز تماما
اسرع شئ لازم يتعمل هو سحب المائ المتراكم فورا ليساعده على التنفس والتخفيف عن القلب الذي ظهر انه يعاني من القصور بنسبة ما واستغرب عدم ذكر ذلك من قبل الاطبا...صحيح ان نتايج التحاليل بتاخد وقت وفيه اطبا واقعيين....

مهم الاطبا قلبهم جامد من كثر ما بيشوفوا حالات.....لكنهم اهلنا واخواننا
طالما تخرجوا من الكلية....القصور في النظام الطبي نفسه
لكن الغرابه اما يكون مستشفى خاص ومدفوع...افترض ان هذا امر منتهي
ربنا يصبركم ويخفف عن الوالد

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة shawi اوافق الاخ الفاضل جرديز تماما اسرع شئ لازم يتعمل هو سحب المائ المتراكم فورا ليساعده على التنفس والتخفيف عن القلب الذي ظهر انه يعاني من القصور بنسبة ما واستغرب عدم ذكر ذلك من قبل الاطبا...صحيح ان نتايج التحاليل بتاخد وقت وفيه اطبا واقعيين.... مهم الاطبا قلبهم جامد من كثر ما بيشوفوا حالات.....لكنهم اهلنا واخواننا طالما تخرجوا من الكلية....القصور في النظام الطبي نفسه لكن الغرابه اما يكون مستشفى خاص ومدفوع...افترض ان هذا امر منتهي ربنا يصبركم ويخفف عن الوالد

ياافندم التحاليل ظهرت بسرعة عندما عملوها

تعرف حضرتك لما اخذوا منه عينه دم كان لونه روز ( بمبة ) ولما سالناهم هو لونه فاتح اوى كده ليه

قالوا كل شئ سنعرفه بالتحاليل

والى الان لم يقولوا لماذا لون الدم فاتح بهذا الشكل

النهاردة كلمتهم على موضوع سحب المياه لانها وصلت لرقبته وبدات تخنقه

قالولى ماينفع اى شئ نعمله لانخفاض ضغطه بشكل جنونى

لازم الضغط يتضبط

ممكن يتضبط بالبروتينات اللى بياخدها عن طريق الوريد

اقولك على شئ تستغربله جداااااااا

بابا ماعنده اولاد.كلنا بنات

المهم جوز اختى يبقا ابن خالى الله يرحمه هو اللى متولى بابا فى كل شئ

جت ممرضه وقالتلله خد بالك

الصيدليه هنا بتصرف الدواء 3 اضعاف سعره بخارج المستشفى

وقالتلله انا ملاحظة بتصرفوا كتير اوى على زجاجات البروتينات وده حرام

وبالفعل

كان بيجيب الزجاجة من صيدليه المستشفى ب 350ج وبالخارج 240 ج

كان بيجيبله 4 زجاجات يوميا

يعنى الجشع فى الفلوس وبس

لكن اهتمام طبى مافيش

والله كلمة جرديز تتكتب فى التاريخ

فى مصر مافيش طب

والبلد فى الباى باى

رحمتك يارب

 

 

[جرديز]

كلام مدير المستشفى نظريا صح , العنايات المركزة في المستشفيات المشهورة كلها مستوى واحد
لأنهم بيجيبوا شباب اوائل الدفعات .. وستاف جامعة .. معتمدين ان ده كافي تعليميا
الاستشاري الكبير بيعدّي مرة في اليوم يبص بصة على الحالات كلها وياخد القرارات الاستثنائية للحالات كلها
فمفيش حد يعرف وحدات الـ ICU المتميزة الا طبيب معرفة يكون عارف الشغل ماشي ازاي هناك بحكم الاحتكاك والخبرة

الفكرة هي ان المشكلة في التعليم نفسه
الناس دي نجحت في الكلية بمذاكرة الفينالات والشيتات ونادرا ما بيبقى فيه دكتور قاري المراجع الكبيرة
وطبعا مش هنتكلم في متابعة الدوريات
ده غير ان التدريب العملي في البايباي , بسبب كثرة العدد وقلة الامكانيات
انا فاكر اني قريت ان شباب الاطباء في المانيا لا يحصلون على رخصة المهنة الا بتحقيق عدد محدد من الساعات العملية ( بيكون شاف فيها كل حاجة تقريبا )
ده بيأثر في تقييم كتير من الدكاترة للآثار الجانبية للأدوية , انا شفت استشاريين بيكتبوا ادوية تموت العيان بدون مبالغة
لا لشيء الا لأنهم غير مدركين لتاريخ الحالة المرضي بالتوازي مع الاثار الجانبية للدواء
هو شركات الادوية بتعزم الاطباء على سفريات للخارج ليه ؟؟ ماهو عشان كده
فيه كمان مشكلة هي البعد الاقتصادي
الواحد فينا بيدخل المستشفى تفكيره منحصر في قريبه العيان
اما الدكاترة فبيبقى تفكيرهم هو سنه .. جدوى علاجه .. عدد المرضى في العناية المركزة .. مستوى الزحمة .. حجم الفاتورة

انا مش عاوز اجيبلكم اكتئاب
لكن كل واحد يخلي باله من صحته في مصر .. والمفتاح هو الاكل القليل والرياضة
واللي يمرض ما يركزش قوي في المنظومة الصحية .. ويتقبل قضاء الله بأي حال
لأن التفاصيل بحق .. مرعبة

خالص تمنياتي للوالد بالشفاء العاجل يا مدام سونستا

 

 

[arwa ahmed]

شفاه الله وعافاه
فشل في الكلى والكبد هذا يحتاج منا دعاء شديد
هل كان والدك يعاني من الكبد منذ فترة طويلة
على مااعتقد
فلتتغمده رعاية الله

 

 

[arwa ahmed]

والدك مصاب بال hepatorenal syndrome type one
والامل في زراعة الكبد
اذا امكن
ربنا معاكي

 

 

[Sonesta]

دعوه لموضوعي

ليالى المطاريد.,,,هل تعلم

لااله الا الله

لااله الا الله

لااله الا الله

تليف بالكبد يعنى فشل؟؟

زرع كبد إزاى مش حيستحمل العمليه

بابا عنده 69 سنه ومش حيستحمل زرع الكبد

وكمان فشل كلوى!!!

هو احتقان وقصور بالكلى يعنى فشل كلوى!!!

يعنى كده بابا خلالالالاص

لاإله إلا الله لا إله إلا الله لاإله إلا الله

 

 

[arwa ahmed]

يابنتي ربنا فوق الكل
ومن يتوكل على الله فهو حسبه قد جعل الله لكل شىء قدرا
العمر ده بايد ربنا موش بايد حد
ربنا الشافي المعافي
احنا بناخد بالاسباب