مشاريع فردية أم جماعية ؟

[D@rk_Kn!ght]

الصحف المصرية والعربية

بصراحة لم اجد القسم المناسب لهذا الموضوع
ولكن لتعلقه بالمشاريع القنية
فما كان أمامى خيار الا وضعه فى هذا القسم

عموما الموضوع مطروح للنقاش واستقطاب خبرات الاعضاء فى هذا المجال وبالاخص الفاضل دكتور حسام


مشاريع فردية أم جماعية ؟



عندما يفكر أي شخص في البدء بمشروع تقني دائماً يواجه نفس السؤال : هل المشاريع الفردية أفضل أم الجماعية ؟ ولاتخاذ قرار أياً كان نوعه فإنه غالباً يتم اللجوء للطريقة التقليدية في اتخاذ القرارات : قائمة المزايا والعيوب.

من ناحية البدء من نقطة الصفر فالأفضل أن يبدؤه شخص واحد لعدة أسباب : أولها أن الرؤية والهدف وكذلك الخطوط العريضة للمشروع تكون واضحة بخلاف لو أن مجموعة من الأشخاص تعارضت رؤيتهم أو اختلفت اتجاهاتهم، فإن المشروع سيتعثر قبل أن يبدأ أو بعد عمله بفترة بسيطة ، وثانياً لأن مسؤولية التخطيط غالباً تُعطى لشخص واحد أما باقي العمليات كالتنظيم والتنسيق والمراقبة والتسويق فهي تتطلب فريق من الأشخاص مختلفي التخصصات ليصل المشروع إلى مرحلة النجاح ، ولتقريب الصورة أكثر فإن رسم مخطط المنزل يحتاج إلى مهندس معماري واحد ومجموعة متنوعة من الأيدي العاملة لتنفيذه.


المشاريع الجماعية لا تعني بالضرورة التعاون مع أشخاص بينهم معرفة مسبقة في الحياة الواقعية، ولكنها قد تكون معرفة عن طريق الشبكة العنكبوتية تتيح للأشخاص الاجتماع في مجموعات لعمل مشاريع معينة بوجود تقنيات تسهل من العمل الجماعي. مثل أنظمة إدارة المشاريع المختلفة ، وكذلك وجود تويتر وغيره كمصادر لخبرات فورية يستطيع أي شخص الاستفادة منها.

من الطبيعي جداً أن يقل حماس فريق العمل بعد فترة من الزمن والمحتمل أن يتركوا المشروع، ما عدا صاحب الفكرة لأنه ما يزال يؤمن بها ، لكن ذلك لا يعني استغنائه عن النصائح والاستشارات والإرشادات بين فترة وأخرى من قِبل المستفيدين من مشروعه، فنظرة المستفيد من المشروع أهم من نظرة صاحب المشروع نفسه.

عموماً فإن نوع المشروع والجمهور المستهدف هما اللذان يحددان ضرورة اشتراك جماعة في عمله أو انفراد شخص واحد بالعمل كله. وفي كل الأحوال الاستفادة من نصائح الآخرين عن طريق ما يمكنني أن أطلق عليه خبرات سحابية هو أمر محتم وأيضاً سهولة الاستفادة من التغذية الراجعة من المستفيدين التي أصبح الحصول عليها أسرع وأقل تكلفة.


هذه خواطر لاحد الزملاء فما هى خواطركم وأرائكم ؟

 

[حسام]

بالاسم كدة؟
ايه الصياح ده؟
والله يا عمنا بشكرك على ثقتك فى العبدلله الغلبان
مبدئيا
لازم نتكتل
لازم نتجمع
فى الواقع
على النت
ان شالله فى بلوتو
لازم نتجمع
وبفتكر رائعة عمنا فؤاد حداد
مفيش حياة ليك الا بغيرك
تعيش في خيره ويعيش في خيرك
مفيش واحد بيعرف كل حاجة لوحده
ومفيش حد مش محتاج لحد
ولو فرضنا ان اتنين من نفس التعليم والشعل والخبرات
هتلاقي برضة نقط قوة عند ده مش موجودة عند ده
والعكس صحيح
عشان كدة بقول وأكد على كلام عم دارك باشا نايت
لازم النتورك
نلتقى بعد الفاصل
قصدي الفطار

 

 

[حسام]

موضوع رائع زي ده مايلاقيش حد يشارك برأى أو فكرة أو تعليق؟
ألطم ؟
خلاص؟
الدنيا جرى فيها ايه؟
القذافي هيعقل خلاص؟

 

 

[Rapt]

اتصدق لسة شايفة دوقتى

 

 

[حسام]

وتصدق برضة عندك حق

 

 

[D@rk_Kn!ght]

اقتباس المشاركة الأصلية كتبت بواسطة حسام موضوع رائع زي ده مايلاقيش حد يشارك برأى أو فكرة أو تعليق؟ ألطم ؟ خلاص؟ الدنيا جرى فيها ايه؟ القذافي هيعقل خلاص؟

مش عارف يا دكتور اقول لحضرتك ايه
بس فعلا حاجة تضايق

 

 

[حسام]

ولا يهمك
انا عملت موضوع اسمه مهارات التواصل الانساني
فى الأول ماحدش تابعه
وكنت فعلا محتاج رأي الناس ومتواصلهم
بعد كدة سيبته
رقت نفسها واصطادت زبونها
على رأى جميل راتب لما كان عامل البهظ بيه فى الرائعة الكيف

 

 

[حسام]

انا حاليا بعمل مشروع جريدة اعلانية
بفهم فى المبيعات
والتسويق شوية
لا اشتغلت فى المجال
لا
نيفر ايفر
صديق كان بيشتغل فى جرنال حكالي تجربته
اخويا كان محاسب فى جريدة زي دي حكالي أرقامه
صديق ع المنتدى محاسب برضة قاللى على شوية محاذير
ليدو منفضلي وداير أشحت عليه فى المنتدى والايميلات والموبايلات زي العيل اللى تاه من اهله
-مشوها أهله-
المهم قررنا نعمل المشروع انا واصدقاء شركة
منها نجمع بين أكثر من رؤية
الرأى الجماعي مهم جدا
وكل واحد بيضيف فكرة لما يحصل عصف ذهني
وكل واحد منهم مسك حتة أو وظيفة هوة قريب ليها وممكن يعملها
وأنا مزنوق فى الادارة والتنسيق بين كل الناس دي
التجربة لسة فى بدايتها
هحكيلكو تفاصيلها
ايجابا وسلبا
لو شفتو ان فيها فايدة
تحياتي لصاحب الموضوع على الفكرة الرائعة

 

 

[حسام]

داركي باشا
الموضوع شافه 12
شارك فيه 3
لسة ماخدشي فرصته فى الاعلام
لكن كلي ثقة ان موضوعك هو الحل لمشاكلنا الاقتصادية كأفراد وكدول الفترة الجاية

 

 

[D@rk_Kn!ght]

شكرا دكتور حسام على تفاعلك
فعلا ثقتى فى حضرتك مكانتش من فراغ

انا كمان بشوف ان العمل الجماعى افضل بمراحل من العمل الفردى لان ببساطة مفيش انسان كامل
كل منا عنده نقطة هو متميز فيها
انا خبرتى فى هذا المجال متواضعة ولا تتعدى خبرة العمل على بعض المشارع الصغيرة جدا ايام الجامعة وفى بعض الدورات
ولكن بدون شك انتاجية العمل الجماعى افضل بكثير من العمل الفردى


نتمنى من الله يا دكتور حسام ان الموضوع ده يا خد حقه من المشاركة وابداء الاراء والخبرات

شكرا ليك يا فندم ولاثرائك للموضوع