نِفسى أنام بدرى فأصحى بدرى

[فــيــروز]

أظن الموضوع شارح نفسه و مش محتاج توضيح ..

حد عنده تجارب مع تظبيط الساعه البيولوجيه بحيث يكون بينام فى موعد أقصاه 11 مساء مثلا فيقدر يصحو منتعش و مبسوط الساعه 6 صباحا؟

أنا قضيت سنين طوييييييييله لازم أروّح من الشغل أنام ساعتين و بعدين أقوم أنتشر فى البيت سواء للفرجه على التليفزيون أو القراءه أو -طبعا- النت .. حتى لو روّحت بيتنا الساعه 8 مساء ولاّ حتى 9 لازم أنام و أرجع أستيقظ مثلا الساعه 11 .. و طبعا مش بانام بعدها قبل 3 صباحا .. حد يسألنى طيب و ليه ماتفضليش نايمه للصُبح ..

المشكله إنّى اتعوّدت إن فترة النوم الاولى دى تكون ساعتين على أقصى تقدير .. فلو عملت عبيطه و قلت فى عقل بالى أدخل أنام الساعه 9 مثلا ولاّ حتى 10 على أساس أفضل نايمه للصبح غالبا كنت أرجع أستيقظ بعد ساعتين تلاته أربعه على أقصى تقدير و أفضل أغنّى ظلموه .. حتى لو كنت هاموت من التعب بردو لازم أستيقظ ..

المهم يعنى عشان مازهّقكوش .. لو فيه حد مظبّط مواعيد نومه يقول لنا عملها إزّاى دى ..
أنا لو عليا ممكن أدخل أنام الساعه 8 مساء مثلا لأنّى غالبا بارجع من الشغل فى الوقت ده بس الأزمه إنّى أفضل نايمه للصبح وماصحاش فى نُص الليل زى الوطاويط

 

[KANE]

ممكن

بس هي المشكلة إن الجسم اتعود خلاص على ساعات معينة ،و اصبحت الساعة البيولوجية مظبوطه عل المواعيد دي

شوفي خلاصة تجاربي في القصة دي -لإني في الأجازات بحب اسهر ودي كانت تعود من ايام المذاكرة لإن فترة الليل هي اهدى فترة ممكن الواحد يركز فيها في مصر-


ما تناميش الظهر

ونامي بدري بالليل

بس مش من أول يوم هيحصل التظبيط

لأ ممكن ياخد يومين ثلاثة أو اكتر

 

 

[ana_3enady]

دعوه لموضوعي

RobertInole

ليه كدة بس بتقلبي عليا المواجع

 

 

[MFaisal]

أنا بنام يوميا حوالى 5 ساعات فقط

 

 

[بطيخة]

ياااااااااااه ... المشكلة الأزلية في حياتي ...
مع اني بيكفيني بس من النوم 4-5 ساعات ولو نمت اكتر من كدة ممكن يجيلي حالة كسل او خمول، بس المشكلة
لكن النوم القليل ده عملي مشاكل صحية طبعا لانه الجسم محتاج اكتر من كدة ... "ماهو طيب اللي بيصحى لوحده اعمله ايه"
حاولت وبشتى الوسائل اني ارهق نفسي للنخاع طول اليوم .. كان تعذيب لمدة شهر ..
أرجع من الشغل قبل ما اتغدى اقضيها جري وبعديها اتغدى .. ببيقى هموت عايزة انام بعدها بفضل صاحية.. طبعا مش هقرأ كتاب لانه مجرد ما هلمسه هنام
ولو ان اللي جاي ده ممكن ماتعمليهوش، بس كنت بلعب بلاي ستيشن اي لعبة رعب تشدني كدة - قولوا علي عيلة بقى -
لحد ماتيجي الساعة اللي مفروض انام فيها.. ببقى فعلا مش شايفة حاجة غير السرير فعلا .. والحمدلله بطلت اقوم بالليل زي العفاريت افضل صاحية لحد تاني يوم الصبح ... حتى في ايام الاجازة بلاقي نفسي صاحية لوحدي بدري

 

 

[toota]

موضوع النوم ده مشكلة حياتي الازلية....حتى ايام ماكنت موظفة وبصحى 6 الصبح كان لازم اسهر على الاقل للساعه 3 الفجر.....

دلوقتي بقيت بالظبط زيك يا فيروز لو جربت انام بدري ممكن اصحى بعدها بساعتين تلاته ودمتم واقعد مفنجله للصبح.....اخر مره رحت للدكتور عشان البرد قلتله على المشكله دي قالي اخد مهدىء خفيف لفترة كام يوم لحد ما اظبط نومي...

وفعلا استعملت المهدىء الي هو اقل جرعه ممكن وبقيت انام نوم مقولكيش بالست والسبع ساعات.....قمت بطلته غباوة مني خفت اتعود عليه...رجعت لطبعي القديم....رجعت اخده تاني مبقاش يحوأأأأأ

 

 

[ana_3enady]

دعوه لموضوعي

RobertInole

صعبان عليا جفاك .. يا توقيت النوم والصحيان

 

 

[قائد مدفعيه المطاريد]

اقتباس المشاركة الأصلية كتبت بواسطة فــيــروز أظن الموضوع شارح نفسه و مش محتاج توضيح .. حد عنده تجارب مع تظبيط الساعه البيولوجيه بحيث يكون بينام فى موعد أقصاه 11 مساء مثلا فيقدر يصحو منتعش و مبسوط الساعه 6 صباحا؟ أنا قضيت سنين طوييييييييله لازم أروّح من الشغل أنام ساعتين و بعدين أقوم أنتشر فى البيت سواء للفرجه على التليفزيون أو القراءه أو -طبعا- النت .. حتى لو روّحت بيتنا الساعه 8 مساء ولاّ حتى 9 لازم أنام و أرجع أستيقظ مثلا الساعه 11 .. و طبعا مش بانام بعدها قبل 3 صباحا .. حد يسألنى طيب و ليه ماتفضليش نايمه للصُبح .. المشكله إنّى اتعوّدت إن فترة النوم الاولى دى تكون ساعتين على أقصى تقدير .. فلو عملت عبيطه و قلت فى عقل بالى أدخل أنام الساعه 9 مثلا ولاّ حتى 10 على أساس أفضل نايمه للصبح غالبا كنت أرجع أستيقظ بعد ساعتين تلاته أربعه على أقصى تقدير و أفضل أغنّى ظلموه .. حتى لو كنت هاموت من التعب بردو لازم أستيقظ .. المهم يعنى عشان مازهّقكوش .. لو فيه حد مظبّط مواعيد نومه يقول لنا عملها إزّاى دى .. أنا لو عليا ممكن أدخل أنام الساعه 8 مساء مثلا لأنّى غالبا بارجع من الشغل فى الوقت ده بس الأزمه إنّى أفضل نايمه للصبح وماصحاش فى نُص الليل زى الوطاويط

انا عندى مشكله شبه مشكلتك .. لما بقضى اليوم كله فى الشغل بيصعب عليا نفسى ان اليوم يضيع كده .. قوم أسهر شويه قدام التليفزيون او على النت و كده يعنى .. اما بالنسبه للصحيان كده كده بقوم متأخر و بروح الشغل متأخر سواء سهرت او لاء .. مع انى بظبط اتنين منبه مش عارف أظبط يومى خالص.. و لا ساعه بيولوجيه و لا ساعه بعقارب.

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة قائد مدفعيه المطاريد انا عندى مشكله شبه مشكلتك .. لما بقضى اليوم كله فى الشغل بيصعب عليا نفسى ان اليوم يضيع كده .. قوم أسهر شويه قدام التليفزيون او على النت و كده يعنى .. اما بالنسبه للصحيان كده كده بقوم متأخر و بروح الشغل متأخر سواء سهرت او لاء .. مع انى بظبط اتنين منبه مش عارف أظبط يومى خالص.. و لا ساعه بيولوجيه و لا ساعه بعقارب.

شرحه

 

 

[x_ray]

مش عارف بس هى العمليه كلها بتعتمد على انت معود جسمك على اى نظام يعنى هى مسئلة تعود لانى كان عندى المشكله دى وكمان انا ظروف شغلى ممكن تحكم عليه انى مره اكون شغال من 8 باليل ل 8 الصبح ومره وحده تتعكس الموضوع ويبقا الشغل من 6 الصبح حتى 2 الظهر فا كنت بعانى فى الفترده دى بس انا خليت جسمى يتعود ينام على اى توقيت وده كان باجباره لغايت ما اتعود فا المسئله كلها محتاجه شويت عزيمه واجبار وممكن تعب فى الايام الاولى لكن مع الوقت والاصرار وكمان خاصة اذا كنت مرتبط بميعاد معين فا انا بقولك كونى قاسيه مع جسمك شويه لغايت ما يتعود وكمان حاولى ما تناميش فى الظهر او بعد الشغل ده هيساعد كتير .