أصوات طالبت بترشيحه إلى الرئاسة

[dr-amira]

الصحف المصرية والعربية

كان نفسى بتحمق و يعمل مداخلة فى اى قضية حقيقية من اللى بتكوى الشعب وفيها اهمال حكومى زى حادثة العبارة او حادثة القطر لكن لالاسف اللوم هنا مش على الحكومة المصريةفكان ممكن يتدخل
بالمناسبة هو علاء بيشتغل ايه؟

 

 

[مصرية]

يا جماعة صعب إنه ييتدخل في مواضيع الفساد الحكومي اللي بتتكلموا عليها لإنه حيبقى بيعادي أبوه فآثر الصمت والابتعاد عن السياسة بدلا من ذلك.
طيب ليه منقولش إن بعده التام عن السياسة ده نوع من الاعتراض السلبي على اللي بيعمله الأب والابن؟
بصراحة ده أول موقف يتحط فيه علاء مبارك بشخصه من فترة طويلة أوي ويتصرف زي ما هو متوقع يحصل.
بجد لو سمعتوا امبارح مصطفى الفقي في العاشرة مساء بيقول إيه حتعرفوا إن اللي قاله علاء ضد السياسة اللي الحكومة المصرية ناوية تستخدمها في القضية اللي إحنا فيها دي لإنها ببساطة مش ناوية تعمل حاجة.

بالمناسبة؛ اختلاف الناس حول شخص ما شئ يبشر بالخير لإن ده العادي؛ إن شخص يكون في ناس معاه وناس ضده لكن اللي مش عادي إن يكون في شخص كللللللللللللل الناس ضده.

 

 

[فــيــروز]

المواطن العادى "علاء مبارك" أفسح له برنامج "البيت بيتك" أربعين دقيقه على الهواء مباشرة ليعيد و يزيد فى كلام يستطيع أى مواطن "عادى بجد المرّه دى" أن يقول مثله و أفضل منه كمان !! طبعا أربعين دقيقه على الهوا يعنى الحلقه كانت لحساب المواطن العادى ده يكرر فيها ما قاله فى فضائيات أخرى اللىّ قلّته أحسن خصوصا لو موقفه سيتوقّف عند الكلام و فعل مفيش .. و خصوصا كمان إنّه للمرّه الثانيه -بعد تعليقه على موقف "شوبير"- يستغل المكالمه للرد على الصحفيين منتقدى مواقف الحكومه المصريه و تاريخها المُخجِل مع شعبها و بالتحديد "ابراهيم عيسى" !! المواطن العادى بيتّصل يصفّى حساباته فى الوقت اللىّ هو عارف إن خصومه لن يفسح لهم "البيت بيته" رُبع الوقت الذى أفسحه له .. بس بردو عادى

 

 

[زعلان]

طيب ما يمكن مكنوش عارفين انه ابن الرئيس يا فيروز وفاكرينه فعلا مواطن عادي


سؤال على الماشي هو في مواطن عادي و مواطن سوبر يعني في ابو 80 وفي 92

 

 

[فــيــروز]

اقتباس المشاركة الأصلية كتبت بواسطة زعلان طيب ما يمكن مكنوش عارفين انه ابن الرئيس يا فيروز وفاكرينه فعلا مواطن عادي

و ممكن يكون هو اشتغلهم و قال أنا "علاء مبارك" بينما هو "علاء عبد الخالق" !! تصدّق ممكن تحصل بردو

اقتباس المشاركة الأصلية كتبت بواسطة زعلان سؤال على الماشي هو في مواطن عادي و مواطن سوبر يعني في ابو 80 وفي 92

و فيه 95 كمان سيادتك

 

 

[Mizo]

اعتقد إنه المفروض كان حلف بالطلاق انه مواطن مصري

 

 

[زعلان]

يعني انت عندك شك انهم ممكن يسمحوا لمواطن عادي انه ياخد 40 دقيقة على الهواء بدون مقاطعه

انا ما شفتش الحلقة بس متخيل مدى الانفعال و التأثر مع كلام المواطن ابو 80 اقصد المواطن العادة

 

 

[فــيــروز]

اقتباس المشاركة الأصلية كتبت بواسطة زعلان يعني انت عندك شك انهم ممكن يسمحوا لمواطن عادي انه ياخد 40 دقيقة على الهواء بدون مقاطعه انا ما شفتش الحلقة بس متخيل مدى الانفعال و التأثر مع كلام المواطن ابو 80 اقصد المواطن العادة

انا دلوقت بقى عندى انطباع إنّهم كانوا بيتعمّدوا يشحّوه قبل كده -ظهور المواطن العادى يعنى- عشان أمّا يظهر يبقى حدث الموسم و يبقى له تأثير و مايفقدش رونقه زى أخوه العادى بردو

 

 

[زعلان]

طب انا كنت محموق جدا والله بجد وحزين على الي حصل للمصريين مش بس بعد مبارة السودان ولكن من زمان طول عمري وانا محموق جدا للشعب المصري ينفع اترشح للرئاسة وتنتخبوني

 

 

[Mizo]

اقتباس المشاركة الأصلية كتبت بواسطة زعلان طب انا كنت محموق جدا والله بجد وحزين على الي حصل للمصريين مش بس بعد مبارة السودان ولكن من زمان طول عمري وانا محموق جدا للشعب المصري ينفع اترشح للرئاسة وتنتخبوني

That depends to

محموق المليجي
ولا
محموق ياسين

---

حبيبي يا أبو حمزه وحيشني والله