آخر 10 مشاركات |
السوريون يحملون سيارة عبدالناصر ويخطب 20 مرة فى...
(الكاتـب : د. يحي الشاعر ) (آخر مشاركة : د.أحمد الصاوي) |
|
مقاطعات كندا Canada Provinces |
مواقع هامة وإعلانات نصية |
|||||
|
أدوات الموضوع | انواع عرض الموضوع |
|
رقم المشاركة : 11 |
Senior Member
|
أنا : Dr. Ahmad فرانكفورت كانت بصراحة برد جدا ...جيبت البلوفر من الهاند باج ولبسته....وتوجهت الى الاوتوبيس اللي وصلنا لبيت جحا الشهير بمطار فرانكفورت الدولي....وكان قدامي ساعة واحدة بالظبط على ميعاد اقلاع طيارة اير كندا....حجرة المدخنين في مطار فرانكفورت تحسهم عاملينها عشان يهزءوا المدخنيين ...عبارة عن غرفة من الزجاج على الاربع اتجاهات ..مساحتها اصغر من مساحة علبة السردين ...وفيها حوالي 100 واحد ومكتوب عليها “Camel smoke zone” واللي رايح واللي جاي يبص على اللي جوه ويضحك...
|
|
رقم المشاركة : 13 |
Senior Member
|
أنا : Dr. Ahmad فوجئت ان تقريبا المانيا كلها كانت مسافرة كندا....طابور الجوازات كان زحمة جدا....والطيارة كانت زحمة جدا ...ومافيش فيها خرم ابرة فاضي الواحد ينام فيه....بصراحة 8 ساعات مالهمش طعم ولا لون ولا ريحة ...ما اعرفش عدوا ازاي ...بس الحقيقة طقم المضيفين كانوا ناس ذوق ذوق الصراحة ... حاجة غريبة بس افتكرتها...هي الوجبة ...انا طبعا كنت حاجز وجبة اسلامية ... الطيارة طلعت من هنا وجابولي الوجبة بتاعتي ..انا فقط لوحدي ...وكانت عبارة عن شوربة عدس وأرز وقطعة من اللحم ...لما الوجبة بتاعة باقي الركاب نزلت ..لاقيتها لازانيا مع سي فوود ..نفسي اعرف فيها ايه لو كانوا جابولي منها ...والوجبة التانية ...كانت عبارة عن ساندوتش خس مع طماطم بالنسبة لي ...وللباقيين كانت راب جبنة بالصوص ...وعلى فكرة بقى انا بلطجت عليهم وأخدت منهم عافية كده ....الرحلة مكنش فيها حاجة مميزة ...كل اللي فاكره ان كان فيه راجل هندي من السيخ كل خمس دقايق يروح عند المضيفة في مكان تجهيز الطعام ...ويقوم راجع بكوباية عصير برتقال ...وكان جنبي راجل الماني ووراه مراته ولا الجيرل فريند بتاعته ...كل لما يزهقوا تقوم جايه قاعدة على رجله ولا كأني موجود ...
|
|
رقم المشاركة : 14 |
Senior Member
|
أنا : Dr. Ahmad وصلت الطيارة مطار بيرسون في تورونتو الساعة 12:30 بعد الظهر ...طابور الجوازات كان طويييييييل ...دخلت على ست عجوز حيزبون ...قالتلي روح املا الفورم يا حبيبي كويس وبعدين تعالى ...قولتلها ماهو مليان صح ...قالت لي انا قلت لك مش مليان ...قلتلها لأ مليان يا حاجة ...قامت مكشرة ومعلمالي على اللي مش مليان ولاقيت فعلا الاستمارة نصها كان فاضي ...يادي الكسوف ...بعد كده شاورولي على مكتب الهجرة ...لاقيت ظابط هناك من اصل افريقي ...غاية في الأدب والاحترام ...شاف الفيزا والباسبور والبرووف اوف لاندنج ...وسألني عن مراتي وولادي ...قلت له هيحصلوني ...سألني عن الفلوس قلت له اوريهالك قال لي لأ انا بس عايزك تمضي انها معاك ..قلتله حاضر يا معلمي ...واديت له العنوان ...وده كنت شفته من هنا في مصر في موقع easy roommate ..غرفة في تاون هاوس مع 3 اشخاص تانيين : شانتال ...وين...ريكاردو...شاملة الاكل واللاندري وكل حاجة ب 600 في الشهر ... وبعدين رحت على مكتب تاني للهجرة ...قابلت موظفة من اصل يوناني ..قعدت تتكلم معايا وفي دقيقتين عرفت عني كل حاجة وبلا بلا بلا ... ثم... ويلكوم تو كندا....وراحت مدياني شنطة مليانة ورق وكتب واسطوانات ...ما اعرفش فيهم ايه لغاية دلوقتي ...وبعدين موظف تاني من اصل اسيوي محترم جدا ...فهمني اعمل ايه بالظبط وقاللي اقدم على ال SIN وال OHIP وقال لي ا ن ال OHIP هيجيني بعد 3 اشهر من تاريخ اللاندنج وليس تاريخ التقديم ... وال PR هيجي بعد شهرين ...ثم توجهت لمكان استلام الحقائب ...ولاقيت الشنط متبهدلة ...وللاسف نسيت اخد معاي 3 دولار كندي كوينز عشان اجيب عربية للشنط ...في شركة هناك في ثواني خدت مني الشنط ..لاقيتهم ناس من اثيوبيا على ناس من لبنان كده وخدوا عشرة دولار في الموضوع ده ... وكمان كانوا عايزين بقشيش ...واخدت منهم ريسيت ... ظابط الجمارك كان شاب لطيف ...أخد مني ورقة things to follow اللي انا كنت كاتبها في فورم B4A وخلاني اجمع قيمة الحاجات اللي انا كاتبها فيها ...دخل ختمها جوه وفرغها في فورمة تانية اسمها B4 ودي لو حد عايز يخلص علطول يملاها قبل ما يجي وبعد ما ختمها اداهالي وقالي مش عايز حاجة من الحاجات اللي انت جايبها معاك ولا اعايز اعرفها خالص ..ومالمسش الشنط خالص ...وبعدين خرجت من المطار ...ولا كأني دخلت جوه تلاجة ..رحت داخل تاني بسرعة ....قعدت الف حوالين نفسي شوية ...جبت كارت من المطار وكلمت اهلي في مصر وكلمت شانتال في مكتبها قلتلها اني وصلت ...قالت لي حمدا لله على السلامة يا برنس الليالي.... خد تاكسي وتعالى ...قلتلها تاكسي ولا ليموزين ...قالت لي ما فيش فرق ..الاتنين هيكونوا بحوالي 75 دولار من المطار الى سكاربورو ...والمهم ان تقريبا السيخ مسيطرين على سوق الليموزين...رحت مع واحد منهم ب 77 دولار ...وطبعا طول ما انا كنت في السكة وانا عمال استغرب على لون السما مع لون الشجر ...زي ما اكون في فيلم كارتون... السماء في مصر لونها ماطلعش ازرق بعد 31 سنة يا جدعان ...
|
|
رقم المشاركة : 15 |
Senior Member
|
أنا : Dr. Ahmad وصلت البيت تقريبا الساعة 3:30 العصر .. كان تاون هاوس ..عبارة عن بيت في مجموعة بيوت كلها نفس الشكل ..وعاملين زي اتحاد ملاك ..ليهم الباركينج بتاعهم فقط ...لاقيت الحاج وين قاعد مستنيني وقاللي :
|
|
رقم المشاركة : 16 |
Member
|
حمدالله على السلامة د/ أحمد
|
|
رقم المشاركة : 17 |
Senior Member
|
أنا : Moe حمد لله علي السلامة د احمد انت فين في سكاربورو??ربنا يكرمك
|
|
رقم المشاركة : 18 |
Colonel
|
حمدالله عالسلامه يابوحميد
أنا : shawi أهلا وسهلا في الديار الكنديه
التعديل الأخير تم بواسطة shawi ; 18th September 2011 الساعة 06:22 AM |
|
رقم المشاركة : 19 |
Silver Member
|
حمدلله على السلامة يادكتور
|
مواقع النشر (المفضلة) |
الكلمات الدلالية (Tags) |
لاندينج, الهجرة لكندا, الهجرة إلى كندا, تورنتو, إجراءات اللاندينج |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كل عام وأنتم بخير ... جلال عامر | O.S.A.M.A | منقوووووووووووولات | 4 | 28th December 2010 07:40 AM |
أنا نفرتيتى.. أنا عروسة النيل.. أنا حتة من السما.. بس «حتة غامقة» | مصرية | منقوووووووووووولات | 3 | 4th January 2010 11:02 AM |
كل عام وأنتم بخير يا مطاريد | ثورة | ترحيبات ... مناسبات ... علاقات عامة | 1 | 7th December 2008 10:55 AM |
كل عام وأنتم بخير | حازم حسن | ترحيبات ... مناسبات ... علاقات عامة | 6 | 29th September 2008 11:28 PM |
Currency Calculator
|
Your Information Powered by Find-IP.net
|
RSS RSS 2.0 XML MAP HTML |
|