الزوجه النكديه

[ناصر سيد]

الصحف المصرية والعربية

كيف تنكدين علي زوجك
*عندما يعود زوجك من العمل تعبان مش طايق روحه لاتنتظري دخوله من باب الشقه بوجه بشوش بل بتكشيره وبوز جامد وبملابس المطبخ الغرقانه بصل وصلصه وطبعا شعرك المنكوش والمرتفع مترين ومتنسيش يكون في ايديك اكبر سكينه في المطبخ وشوحي بها في الهواء وانتي بتكلميه

*هيقولك سلام عليكم ازيك ياروحي اوعي تصدقي كلامه المعسول فورا ردي عليه الاكل لسه قدامه ساعه اتصبر بحته جبنه او شويه فول واوعي تعملي حاجه هو ملزم يدخل المطبخ حتي ولو راجع مستوي ومش شايف قدامه هو انتي فاضيه مش كفايه عليكي شغل البيت يعني هتقطعي نفسك.
*اصدميه دايما ماما جايه تتغذي معانا انهارده او اخوكي او اي حد مش بيطيق سيرته من اهلك وياريت الموضوع ده كل يوم واعملي علي السفره اكل كتير وغالي ومتنسيش ديوك رومي وحمام محشي فريك ومكرونه بشميل ووز وبط و اغلي انواع الجمبري والسمك والسلطات علي سفرتك.
*اشتري الحلويات من افضل الاماكن واغلاها واوعي تبخلي وانتفي ريش جوزك ريشه ريشه لانه معظم الرجاله بخيله جلده وجوزك علي ماتعوديه وابنك علي ماتربيه.
*دايما نكدي عليه باخبار وحشه يعني موت حد قريبك او قريبه حد اتعور او فلس او اي مشكله عائليه واياكي تفرحيه ابدا وياريت تفتحي علي طول قناه الجزيره او اي قناه اخبار .
*كلي واتخني وميهمكيش الكرش ولو مش عاجبه يتفلق الراجل بيحب الست الرفيعه الخفيفه الرشيقه خليكي عكس الستات تخينه اكيله وبكرش وياريت تكون بتشخري وانتي نايمه واياكي من استخدام اي برفان الا وانتي خارجه من البيت واوعي حتي تولعي بخور واكتمي اوضه النوم بريحه البصل والثوم علشان ينام في الصاله او حتي عن امه.
*جوزك لو كان رومانسي لاتقيمي معه حوار فالرجل الرومانسي عاوز يتكلم ويطول في الكلام علي طول اقطمي معاه الحديث ولو كان راجل طيب ياسلام سيطري علي البيت وكوني دكتاتوره والكلمه كلمتك والشوري شورتك يعني سيده البيت الاولي اه انتي مش اقل من مبارك ولا اي حاكم عربي واوعي في يوم يهمك ولا تخافي فقوه المرأه في عقلها وشدتها.
*الاولاد اسمعي طبعا المفيد في حكايه الولاد كل سنه خلفي لجوزك عيل واملي البيت بالعيال حتي ولو تخلفي دسته وايه يعني العيال عزوه ولو مش قادر علي مصاريفهم يطفش او يهرب وهو ده المطلوب وانتي ليكي الشقه والعفش والمؤخر والنفقه وهو ليه السجن والصبر والجنه.
*ابنك احسن من جوزك دايما اهتمي بيه وجوزك اهمليه وان اي حد من عيالك عيط اجري شوفي عاوز ايه واوعي ضناكي يحس ان جوزك له عندك معزه يطلع العيل علي طول انطوائي وحطي ابنك جوه عينيكي اه ابنك سندك لكن جوزك ماشي ماشي.
*في ساعه الصفا برضه خليكي زي مانتي نكديه والبوز الناشف عرض مستمر وبالنسبه للموضوع اياه في السريع سريع وبدون اي مكياج ولا قمصان ملونه ولا كلام فاضي من ده ومعظم الرجاله اصلا اتبهدلوا من الفراخ البيضه والميه الملوثه ومعندش عندهم قوه ولا طاقه واللي فيهم جته وبعضلات بعد الجواز بيفيص بلا وكسه.
*جوزك طبعا علي ماتعوديه يعني من ليله الدخله اكسريه كل مايقولك حاجه قولي لا كانك معارضه في حزب فاشل وان كانت حتي لا في مصلحتك مش مهم المهم العند والظهور بالغباء وعدم الفهم .

3/5/2011
ناصر سيد

 

[Ahmed Atef]

إيه دة كله
دي أمنا الغولة معملتش كدة في جوزها

 

 

[مزاياإنسانة]

ههههههههههههههههههههه
آآآآآآآآآآآآآه يا مصارريني
حاعيط من الضحك

بس مين المجنونة دي اللي بتنصح الزوجة











































































عشان أشكرها

 

 

[bond]

ايه بس يا عم سيد الاثارة دى كلها
النوع ده من الزوجات صعب الحصول عليه
انا دورت على واحده مالقتش وقالوا لى
كارفور عامل عليهم عرض تاخد واحده عليها حماتين
كلام فى سرك
انت سميت الموضوع بالزوجة النكديه
انا مش عارف ايهم الاسم وايهم الصفة
يعنى انا تصور انك تعمل موضوع
النكديه المحبة او النكديه الجميله
او النكديه النكدية

 

 

[اليكترا]

يالهوى هههههههههههههههههههههه

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة Ahmed Atef إيه دة كله دي أمنا الغولة معملتش كدة في جوزها

وإنت تعرف منين أمنا الغولة وجوزها

إر ....إعترف

 

 

[Ahmed Atef]

اقتباس المشاركة الأصلية كتبت بواسطة Sonesta وإنت تعرف منين أمنا الغولة وجوزها إر ....إعترف

في إحدي مناطق غرب إسكندرية شوفت أمنا الغولة و ماما زومبي و حاجات من اللي قلبك يحبها
و مش بعمم لحد يزعل ولا حاجة

 

 

[ناصر سيد]

متشكر علي المرور ورمضان كريم عليكم