محسوبكم صابر من بدري !!!!!!!!!!!!

[كلزار]

الصحف المصرية والعربية

محسوبكم صابر من بدرى
ساكن فى الحى العشوائى
عضو فى جمعية مش لاقى
والصبر جميل
…..
...ومواطن بشرب من نيلها
والوصل دليل .. وآدى وصل النور
وآدى صورتى فى جمعة هات حقى جوه التحرير
ومواظب على حب بلادى ومتفائل خير
…..

وبحب جمال عبد الناصر
ورفضت جمال ابن مبارك
وحاربت جمال يوم الاربع وحاربت حمير
…..

وبحب الجيش والدبابة
ومليش فى الخايـلة الكدابة
وطبور العيش وسط غلابة خدوا منى كتير
ووقفت فى لجنات شعبية
وبحب الوحدة الوطنية
اصحابى الفول والطعمية .. دول اجدع ناس
…..

ووقفت وصليت الغايب
على روح الورد اللى مفتح فى جناين مصر
و عرفت القاتل والخاين وكلاب القصر
وعرفت كمان ان الدلتا دى علامة نصر
والنيل متوَّحد فى الآخر رغم الفراعين
وعرفت حقوقى المتباعة
وعرفت أجندة وفـزاعة
وأكلت الكنتاكى اشاعة
وخلعت رئيس بالخلاعة
وعرفت الفتنة أم بتاعة كانت جاية منين
والطلقة اللى فى كتفى عارفها مش طلقة دين

لــ محـمد النحاس

عجبتني فتقلتها لكم يا ريت تعجبكم



مع تحياتي

كلزار

 

[سمو الأميرة]

نقل مميز يا كلزار


:*

 

 

[مودة]

دعوه لموضوعي

مدونة مودتي بلا حدود

تسلم ايديكي لذيذه اخر حاجة
انا فرحت وقولت كلزار انضمت لنادينا

 

 

[only you]

توفحه يا كوكى تسلم ايدك اختيار موفق

 

 

[D@rk_Kn!ght]

بجد جميلة جدا يا كلزار
تسلم ايدك

 

 

[Rapt]

هايلة وتحفة ورائعة توبيك رائع تحياتى

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة كلزار محسوبكم صابر من بدرى ساكن فى الحى العشوائى عضو فى جمعية مش لاقى والصبر جميل محسوبكم مش بمزاجه صابر دي اتاوة الزمن الغابر واذا فكر انه كدة مثابر فده نخع كبير ...ومواطن بشرب من نيلها والوصل دليل .. وآدى وصل النور وآدى صورتى فى جمعة هات حقى جوه التحرير ومواظب على حب بلادى ومتفائل خير ما الكل بيشرب من نيلها ولخيرها الكل يغنيلها ده خربها التحرير نييلها ياخي صبر جميل وبحب جمال عبد الناصر ورفضت جمال ابن مبارك وحاربت جمال يوم الاربع وحاربت حمير بلا نكسة بلا خيبة قوية نهيناها ف ضربة جوية لا تقولي الوحدة القومية دي بلاد تدمير وبحب الجيش والدبابة ومليش فى الخايـلة الكدابة وطبور العيش وسط غلابة خدوا منى كتير ووقفت فى لجنات شعبية وبحب الوحدة الوطنية اصحابى الفول والطعمية .. دول اجدع ناس طب سِد يا فالح ف امبابة دول أهلك دول أهل غلابة بطلوا بقى نعرة كدابة وكفاية تزمير ووقفت وصليت الغايب على روح الورد اللى مفتح فى جناين مصر و عرفت القاتل والخاين وكلاب القصر وعرفت كمان ان الدلتا دى علامة نصر والنيل متوَّحد فى الآخر رغم الفراعين وعرفت حقوقى المتباعة وعرفت أجندة وفـزاعة وأكلت الكنتاكى اشاعة وخلعت رئيس بالخلاعة وعرفت الفتنة أم بتاعة كانت جاية منين والطلقة اللى فى كتفى عارفها مش طلقة دين لــ محـمد النحاس عجبتني فتقلتها لكم يا ريت تعجبكم مع تحياتي كلزار

عندي .. واحد من الفلول

 

 

[كلزار]

اشكركم جميعا على اعجابكم بما نقلت
وتحياتي للجميع

انا عندي
ايه الجمال دا
دانت شاعر واحنا مش عارفين

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة كلزار اشكركم جميعا على اعجابكم بما نقلت وتحياتي للجميع انا عندي ايه الجمال دا دانت شاعر واحنا مش عارفين

احم احم
حاجة كدة لزوم الفلول وكدهوت يعني

 

 

[sincere]

حلوة أوي يا كلزار و بيغنيها هايل على فكرة بس الفلة اللي اتحشرت دي يابااااااي