طريقة عمل التقييم

[Rapt]

الصحف المصرية والعربية

المطاريد هاى تك راعى رعاة الجبل الرسمى
للاعمال التقنية والمستعصية على الفهم
لعامة رواد الجبل ومرتادية زى كلمة
( اننى لم اكن انتوى الترشح )
نقدم لكم



1-اختار عضو او عضوة ....
يقشر العضو او العضوة جيدا
ثم يغسل بماء فاتر مع وضع خل او ملح
2- اختيار توبيك او مشاركة للعضو او العضوة
ثم إعطاء التقييم للعضو او العضوة ....
3- يوضع العضو او العضوة فى قدر
وبية موية مع اشعال النار والتقليب المستمر ..




لا بجد ازاى تعطى تقييم للاعضاء
.... على توبيك او مشاركة مميزة
بعض الاعضاء عالم ببواطن امور التقييم
البعض غير عالم ويفاجىء بالرسائل الادارية



صورة عضو من الاعضاء وليكن رابيت
اذا امعنا النظر فى اخر الصورة نلاحظ سهم
بيشير على ايكونة لزرار بيسمى زرار التقييم

المعنى الانجليزى لية هوة reputation
يعنى الهيبة او السمعة .. يعنى سمعة العضو
انوة مميز ومقطع المنتدى بناء على رقم التقييم..
عدد النقاط .. الطبيعى بعد التسجيل كا عضو جديد
بيبقى الرقم 10 نقاط ... اذا قام احد من الاعضاء
بتقييم العضو او العضوة بالتالى الرقم بيزيد

مثال على تقييم عضو
هانختار العضو الفاضل حشيش
هانشوف توبيك او مشاركة مميزة للعضو حشيش
ونقيم المشاركة او التوبيك

هنلاقى ان المعرف بتاعوة بالشكل دة


هانضغط على زرار التقييم الى هوة دة

هايطلع صورة بالشكل دة

عبارة عن خانة بيضاء فارغة بيطلب منك
انك تكتب اعتقادك عن التقيم وتسيب تعليق
وبعد كدة تضغط على زرار إضافة الى التقييم


كدة نجحنا فى إعطاء تقييم للعضو حشيش
وبالتالى عدد النقاط زاد عندوة

لو فرضا حاولت تقييم نفس المشاركة
او التوبيك مرة تانية لن يسمح لك بذلك وتحصل على
رسالة بالشكل دة


طب لو حاولت انك تقييم مشاركة تانى لحشيش بعد ما قيمتوة اول مرة
فى اى توبيك تانى او مشاركة هاتحصل على الرسالة دية

معناها ايةالرسالة دية ..... معناها انة لاتستطيع تقييم العضو مرتين ورا بعض
حتى لو لمشاركتين مختلفتين ... طب اية الحل..
الحل انك تقيم اعضاء اخرين على مشاركات متميزة .
تقريبا اضافة تقييم ل 10 أعضاء
وبعد كدةتقدر تقييم تانى العضو الفاضل حشيش ...
طب مثال..
تم اضافة تقييم لحشيش .... لإعطاء تقييم مرة اخرى لحشيش يتوجب عمل الاتى .
اضافة تقييم ل 10 اعضاء ... بوند...سونيستا...مدى..كودو..سهران..مصرية..ريم..مود ة..سموالاميرة..ليدووو
بعد كدة تقدر تقيم العضو حشيش

لكن لاحظ الاتى
هتلاقى رسالة إدارية بتقول


معناها انك تخطيت الحد الاقصى لاعطاء تقييمات
على ما اعتقد الحد الادنى هوة 10 تقييمات فى اليوم
او فى خلال 24 ساعة
بعد انتهاء 24 ساعة تقدر تقيم تانى اى عضو
دة فى حالة استنفاذ الاحد الاقصى ....

 

[!! Lidooooo !!]

دى اسرار عليا





رابت


















you know too much

 

 

[only you]

وجون وجون وجوووووووووون يا رابت يا معلم خلى المطاريد تتعلم

 

 

[only you]

يالا وتقييم كمان فايف ستارز

 

 

[ana_3enady]

دعوه لموضوعي

RobertInole

أوباااااااااااااااااا .. انت بتكشف الأسرار

وبعدين انت كدة هاتخلينا نمسك في شواشي شيشو .. يا أخي افرض اني مش عاوز أقيم عضو تاني أو مفيش موضوع أو مشاركة عجبتني لعشر أعضاء أقيمهم .. ونفس العضو عمل موضوع تاني أو مشاركة تانية قيمة وانا عاوز أقيم الموضوع أو المشاركة دي .. يبقى الحل ايه .. هه


الشعب يريد فتح التقييمات على البحري

 

 

[ana_3enady]

دعوه لموضوعي

RobertInole

الشعب يريد وضع دستور وكستور جديد للتقييمات

 

 

[!! Lidooooo !!]

واد يا تيمو

فيه بيزنس خرافي عايزين نعمله سوا


بيقوللك كل ما كان العِضو مشاركاته كتيرة

زيك كدة اللهم حسد يعني


تقييمه للاخرين بيكون بنقط اكتر



يعني لما رابت يقيم حد يادوب ياخدله نقطتين


انتا بأة يا فلول يابن الفلول تقييمك المرة ب 30




لو مش متأكد .. جرب فيا كدة





انا قلتلك ع اللي فيها اهو






وبالنص

 

 

[Rapt]

توبيك دة كديم جدا


بس فى معلومة كمان

قوة التقييم معتمدة على عدد مشاركاتك

لو عدد مشاركاتك من 1 الى 500 تبقى قوة تقيميك نقطة واحدة

لو من 1000 ال 1500 تبقى قوة تقيمك 2 الى 3 نقط

واحد زى ابية عندى قوتة تقريبا 20 او اكتر


شكرا كتير لاونلى وييييييي و ابية عندى وليدووو

 

 

[AlexG]

لا فيه حاجة تانية بجد عاوز افهمها ياجماعة ...

الفاضل رابت قيمنى قبل كدا فتم اضافة نقطتين الى رصيد نقاطى مع انى اعرف ان التقييم يكون بنقطة واحدة

ثم قيمنى احد الاعضاء الافاضل مرة واحدة فتم اضافة 3 نقاط دفعة واحدة

ثم قيمنى صديقى الفاضل ضبش فتم اضافة 5 نقاط مرة واحدة ...

ماهوالسر يا اهل العلم .. هل التقييم تراكمى تصاعدى ام ماذا ... افيدونا افادكم الله

 

 

[aymanology]

تقييم لله ياولاد الحلال

اللي هيديني تقييم هردهوله مرتين ورا بعض
ومحدش يسال ازاي