المتقدمين للهجرة فيدرال 2011 ( الدفعة التانيه :)

[om saif]

الصحف المصرية والعربية

بجد مش هزار

ما كانش كاتب NA فى الاماكن الفاضيه

اقتباس المشاركة الأصلية كتبت بواسطة eagle eye اكرم هو ملفك اترفض ليه؟

 

 

[eagle eye]

اقتباس المشاركة الأصلية كتبت بواسطة om saif بجد مش هزار ما كانش كاتب NA فى الاماكن الفاضيه

يا نهار ابيض
طيب و كان لازم يرجعوله الملف خالص مش كانوا يطلبوا تعديله بس
طيب الحمدلله ان انت لحقت تقدم قبل ما اللستة تقفل

 

 

[Vitruvius]

موضوع إعادة توزيع الدرجات ده بيفكرني بالدبة اللي قتلت صاحبها..
يعني المفروض أن الغرض منه إعطاء فرصة أكبر للأصغر سنا و الأمهر في اللغة و تقليل الوزن النسبي للخبرة..
لكن النتيجة غير كدة (حسب المعلومات المتوفرة لحد دلوقت)

يعني دلوقت اللي معاه سنة خبرة واحدة بياخد 15 درجة خبرة.. بعد التعديل يفترض إن الخبرة هتبقى من 15. و لو لاحظت كمان بيقولوا إنها هتتوزع بشكل مختلف. يعني هيبقى الفرق بين كل مستوى الخبرة و اللي قبله أكبر من دلوقت (درجتين حاليا).. متابعين؟

يعني بيقولك الحد الأقصى هيبقى 15 و الدرجات هتتوزع على مجال أكبر..
يبقى لو حسبناها كالتالي (ده توقعي أو تقديري الشخصي فقط)

حاليا:
1 سنة --> 15
2 سنة --> 17
3 سنة --> 19
4 سنة --> 21

بعد التعديل (تقدير متشائم):
1 سنة --> 3
2 سنة --> 7
3 سنة --> 11
4 سنة --> 15

لاحظ ان -على فرض إن تحليلي صحيح- الـ 4 سنين خبرة نقصت 6 درجات بينما 1 سنة خبرة نقصت 12 درجة مرة واحدة (!!!)
و ده هيبقى معناه أن اللي كان هيكسب 15 درجة للخبرة هيبقوا 3 درجات(بنقص 12 درجة).. جميل.. في المقابل فيه 6 درجات أصلا إتشالوا من الخبرة و راحوا للسن و اللغة يعني بقوا في المتناول للشريحة دي

يبقى المحصلة ان النظام ده هيقلل النقاط الكلية بمقدار 6 درجات مع زيادة متطلبات اللغة (!!!) طبعا أنا بتكلم هنا على الأقل سنا و خبرة و اللي النظام ده (كما يقال) معمول عشان يزود فرصهم

طبعا ممكن توزيع النقاط يختلف شوية
بعد التعديل (تقدير متفائل - فرق النقاط يظل 2):
1 سنة --> 9
2 سنة --> 11
3 سنة --> 13
4 سنة --> 15
و الحالة دي مش هتضر اللي معاه سنة خبرة واحدة.. هتزود بس الوزن النسبي للغة و ده يتيح درجات أكبر.. لكني لا أرجح هذا الإحتمال

الخلاصة.. إن توزيع الدرجات بالشكل ده هيكون مفيد فعلا للشباب اللي معاهم خبرة كويسة و هيزود درجاتهم فعلا (مع ملاحظة نقطة الـbilingual).. لكن مش للخريجين الجداد زي ما تصورت لما قريت على الموقع..

أو بكلمات أخرى: التعديلات في مصلحة اللي قوي في اللغة(ـتين) مع ثبات عامل الخبرة (بفرض وجود خبرة محترمة في كل الحالات)

أرجو كلامي ميكونش محبط لحد.. دي مجرد تحليلاتي المتواضعة. و إن غدا لناظره قريب
و على كل حال كيبك تفتح ذراعيها للجميع و بدأت تنخشش في دماغي

إبسطها يا باسط.. قولوا معايا

LINK

 

 

[Akram Group]

هم فعلا كانوا متحفظين جدا اول لما اتغير النظام السنه اللى فاتت
وكانوا اى ملف ناقص ولو اى حاجه هبله كان بيترفض على طول
وساعات كانوا بيرفضوا عمال على بطال وتقريبا كانوا فاكرين انهم
طالما طالبين 20000 فقط انهم هايتقدموا فى خلال شهر او شهرين
وبالفعل معظمنا قدم فى اول شهر اغسطس او سبتمبر
ولكن اتصدموا لما لقوا ان عدى كام شهر وكانوا اللى اتقدموا تقريبا 4000 فقط

بعد الصدمه الكبرى بتاعتهم بدأوا يلموا نفسهم وبقوا يتقوا ربنا فى الملفات بتاعة الناس
وكان اللى ناقصله حاجه فى الابلكيشن كانوا بيفوتوا وكأنهم مش شايفين
وناس كتير طلبوا منهم يبعتوا حاجات ناقصه للملف ومرفضوش ملفاتهم

بس يارب يسهل الحال عشان موضوع السنه اللى كانوا قالوا عليه فى النظام الجديد
شكله مش هايحصل يعنى فى ناس مقدمه فى شهر 7 وشهر 8 ولسه الى الان مفيش
اى تقدم فى ملفاتهم وخصوصا فى مكتب لندن

يبقى كده فعلا الاجراءات فى اعتقادى هاتوصل لسنه ونص 18 شهر
ولو انى خايف انهم يناموا كام شهر ويطولوا زى الاول
ربنا يسهل الحال للجميع

 

 

[Vitruvius]

متقلقش.. إن شاء الله نسمع أخبار حلوة قريب و الأمور تمشي بسرعة

أنا متفائل من الناحية دي مش عارف ليه

ربنا يوفقك

 

 

[om saif]

ان شاء الله مش هيزيدوا يوم على ال18 شهر
ده لو حصلوا 18
لندن هيفتح مره واحده يعنى حتى لو ناس قربت على سنه هيبقي ميديكال وبعده بشهر باسبورات وبعده بشهر فيزا

ان شاء الله تعالى ده النظام ابشروا

اقتباس المشاركة الأصلية كتبت بواسطة Akram Group هم فعلا كانوا متحفظين جدا اول لما اتغير النظام السنه اللى فاتت وكانوا اى ملف ناقص ولو اى حاجه هبله كان بيترفض على طول وساعات كانوا بيرفضوا عمال على بطال وتقريبا كانوا فاكرين انهم طالما طالبين 20000 فقط انهم هايتقدموا فى خلال شهر او شهرين وبالفعل معظمنا قدم فى اول شهر اغسطس او سبتمبر ولكن اتصدموا لما لقوا ان عدى كام شهر وكانوا اللى اتقدموا تقريبا 4000 فقط بعد الصدمه الكبرى بتاعتهم بدأوا يلموا نفسهم وبقوا يتقوا ربنا فى الملفات بتاعة الناس وكان اللى ناقصله حاجه فى الابلكيشن كانوا بيفوتوا وكأنهم مش شايفين وناس كتير طلبوا منهم يبعتوا حاجات ناقصه للملف ومرفضوش ملفاتهم بس يارب يسهل الحال عشان موضوع السنه اللى كانوا قالوا عليه فى النظام الجديد شكله مش هايحصل يعنى فى ناس مقدمه فى شهر 7 وشهر 8 ولسه الى الان مفيش اى تقدم فى ملفاتهم وخصوصا فى مكتب لندن يبقى كده فعلا الاجراءات فى اعتقادى هاتوصل لسنه ونص 18 شهر ولو انى خايف انهم يناموا كام شهر ويطولوا زى الاول ربنا يسهل الحال للجميع

 

 

[samaa raof]

اقتباس المشاركة الأصلية كتبت بواسطة om saif ان شاء الله مش هيزيدوا يوم على ال18 شهر ده لو حصلوا 18 لندن هيفتح مره واحده يعنى حتى لو ناس قربت على سنه هيبقي ميديكال وبعده بشهر باسبورات وبعده بشهر فيزا ان شاء الله تعالى ده النظام ابشروا

احساسى زى احساس ام سيف ان شاء الله فجاة ربنا هيفتح الباب وتلاقوا ااميديكال عالباب ووراه طلب الباسبورات ان شاء الله

 

 

[OmarDent]

اقتباس المشاركة الأصلية كتبت بواسطة samaa raof احساسى زى احساس ام سيف ان شاء الله فجاة ربنا هيفتح الباب وتلاقوا ااميديكال عالباب ووراه طلب الباسبورات ان شاء الله

ان شاء الله ربنا يسهل لكل اخواننا اللي تبع لندن
و كمان ربنا يكرم الناس اللي تبع القاهرة ناظم قديم لأنهم بصراحة اتظلموا كدة

 

 

[ميدوادارة]

اقتباس المشاركة الأصلية كتبت بواسطة Akram Group الله يبارك فيكم ياجماعه دى مغارة قانون جديد كده على الضيق انا قولت ادعبس على اى اخبار عن اللسته الجديده وخصوصا ان احتمال كبير هاتتغير توزيع البوينتس وشكلهم هايزودوا درجات الايلتس ودرجات الخبرة كمان هاتتغير يارب يقللوا فى درجات الخبرة عشان حبايبنا اللى لسه متخرجين يعرفوا يقدموا عموما انا بدور على اى خبر ولو اى حد عرف يجيبلنا اخبار يبقى كتر خيره برضو عموما انا فعلا قدمت فى الدفعه القديمه مرتين مره اترفض ورقى والمرة التانيه ورقى الحمدلله وصل مكتب لندن بس وربنا يسهل ويجيلي ميديكال فى الشهور القادمه وخصوصا انى لما قدمت تانى مره كانت السنه دى 2011 عموما بالتوفيق لينا جميعا ودعواتنا لفلول الدفعه القديمه وانا معاهم

السلام عليكم ورحمة الله وبركاته

دكتور اكرم انا قرات فى المنتدى انك اترفضت عشان نسيت تكتب NA فى الاماكن الفاضية

هل ده صحيح معلهش انا مقدم نظام قديم ونسيت برده اكتب NA فى الاماكن الفاضية هل ممكن تبشرنى ؟؟

 

 

[Dr.Samo]

الخبر دا لو صحيح ...يبقى هيبقى فيه تغيير فى الليستة فعلا
https://www.almatareed.org/vb/showthread.php?t=77811