Arabic Discussion Forum with a Special Interest in Travel and Immigration

بنت الشاطئ · 17th August 2011, 06:17 PM

دعوه لموضوعي

حلو قوى موضوع السلطات المفروض كل واحدة تدخل تحط خبرتها وتقول على كام نوع

عشان فى ناس بيبقى نفسها فى سلطات مختلفه بس للاسف مش تعرف

إكرام يوسف · 17th August 2011, 06:24 PM

تسلم ايدك يا بنت البلد يا جميلة على الموضوع الحلو ده.. وبصراحة أول مرة أشوف حكاي الصوص بتاع الجرجير ده حاجربه أكيد وادعيلك.

بصي أنا باحب قوي سلطة الزبادي

زبادي تبشري عليه خيار وتحطي عليه نعناع ناشف وشعرة فلفل اسود وشعرة كمون. وكان الله يحب المحسنين

لكن كنت قريت طريقة تانية لسلطة الزبادي.. تضيفي عليه فص توم مدقوق ومعلقة خل وتبشري فوقيه معلقة مبشور طماطم.. جربتها عجبتني

بنت البلد · 17th August 2011, 06:35 PM

دعوه لموضوعي

عدسة بنت البلد

اقتباس

المشاركة الأصلية كتبت بواسطة بنت الشاطئ


	حلو قوى موضوع السلطات المفروض كل واحدة تدخل تحط خبرتها وتقول على كام نوع عشان فى ناس بيبقى نفسها فى سلطات مختلفه بس للاسف مش تعرف

بنوته مرحب بيكى

عايزين كام صتف حلو من أديكى وياريت صوره معاهم

ننتظرك بكل شوق

بنت البلد · 17th August 2011, 06:43 PM

دعوه لموضوعي

عدسة بنت البلد

اقتباس

المشاركة الأصلية كتبت بواسطة إكرام يوسف


	سلطة الزبادي زبادي تبشري عليه خيار وتحطي عليه نعناع ناشف وشعرة فلفل اسود وشعرة كمون. وكان الله يحب المحسنين لكن كنت قريت طريقة تانية لسلطة الزبادي.. تضيفي عليه فص توم مدقوق ومعلقة خل وتبشري فوقيه معلقة مبشور طماطم.. جربتها عجبتني

مرحباً بك يامدام إكرام

أنا الطريقه الأولى بعملها لكن بضيف لها فص ثوم مبشور

ومعلقة زيت زيتون

حجرب موضوع الطماطم

أشكرك على الوصفه الجديده لسلطة الذبادى

Matrix · 17th August 2011, 07:14 PM

دعوه لموضوعي

أطلق العنان لمشاعرك ، كن إنسان.

إييه,,,,,الله يخرب بيت السياسه واللي يهتم بالسياسة
قريت عنوان الموضوع عالم السُلطة من غير ما أخد بالي أنه في قسم المطبخ.

دخلت أتفاجأت بالمناظر الحلوة والروائح الحلوة من بنت البلد.
حرام عليكي كده هتجوعينا تاني وإحنا لسه فاطرين.

مودة · 18th August 2011, 07:49 AM

دعوه لموضوعي

مدونة مودتي بلا حدود

معلش يابنت البلد انا ماليش في حكاية الصور وخصوصا صور الاكل
فالصور حجيبهالكم من النت

سلطة الكول سلو

المقادير
كرنباية صغيرة
2 جزرة متوسطة
عصير نص برتقالة
مايونيز مخفف بربع كباية لبن
ملح
معلقة صغيرة خل
4 معالق سكر

الطريقة
يقطع الكرنب شرايح رفيعة

نبشر الجزر

ونخلط كل المقادير مع بعض
كمية المايونيز بحددها بالطعم يعني افضل ادوق لحد مالاقي الطعم اللي يناسبني
تقريبا نص برطمان المايونيز او اربع معالق
تترك في الثلاجة لمدة 3 ساعات

مودة · 18th August 2011, 07:53 AM

دعوه لموضوعي

مدونة مودتي بلا حدود

عندي كمان حاجة من المقبلات زي السلطة ودي طماطم متسبكة مع الفلفل المقلي

بقطع الطماطم مكعبات صغيرة
والفلفل بقطعوا صغير برضه
3 فصوص ثوم

في طاسة تيفال بقليل من الزيت بحمر التوم
واضيف الطاطم واملحها
واسيبها على النار لحد ماتتسبك
واقلي الفلفل واضيفه للطماطم

مودة · 18th August 2011, 08:37 AM

دعوه لموضوعي

مدونة مودتي بلا حدود

الحمص بالطحينة

كوبين حمص ناشف وينقع لمدة اربع ساعات
كوب طحينة
نص كوب عصير لمون
سماق
بقدونس للتجميل
وشرائح زيتون او خيار للتجميل
زيت زيتون

يسلق الحمص فقط بالماء انا بسلقه بحلة الضغط عشان الوقت لانه بياخد وقت كبير عشان يستوي
في الخلاط باخد الحمص فقط الحبوب وعليهم مشوية صغيرين من ماء السلق تقريبا نص كباية
وعليهم الطحينة والليمون والملح
واخلطهم لحد مايبقى الحمص ناعم ملمسه زي الطحينة
في طبق التقديم بنفرده بظهر معلقه
واذوقه بمعلقة من الحمص المسلوق وقليل من السماق والبقدونس والخيار والزتون
اضيف زيت الزيتون
وبالهناء والعافية

كلزار · 18th August 2011, 08:49 AM

طبق السلطه من الاطباق المقدسة على السفره

طماطم
خيار
فلفل اخضر واحمر
جرجير
كسبرة خضرا مابحبش الشبت
كرنبايه حمرا صغيرة قطعه منها
جزر
معلقه زيت زيتون وخل وليمون وشويه ملح وفلفل
واقطعهم وابشر الجزر والخيار
واقلبهم كويس واحط زيت الزيتون والليمون
وقبل الفطار وانا بحضر السفره احط الملح والفلفل
شكلها والوانها جميله جدا
لو اكلتوها تكفيكم في الفطار مع العصير

مودة · 18th August 2011, 08:50 AM

دعوه لموضوعي

مدونة مودتي بلا حدود

سلطة البابا غنوج او متبل الباذنجان

ربع كيلو باذنجان رومي
ربع كوب طحينة
فلفل اخضر
خمس فصوص ثوم
عصير ليمون
ملح
معلقة زبادي
بقدونس للتجميل

الطريقة

اشوي الباذنجانه في الفرن بقشرها زي ماهي
بعد ماتتشوي بزيل القشر من عليها
ادق الثوم والفلفل الاخضر في الهون الطعم اجمل من الخلاط
واضيف ليهم الباذنجان وادقهم مع بعض لغاية ماتتهرس
اضيف ليهم عصير اللمون تقريبا ربع كباية والطحينة والملح والزبادي
واقلبهم مع بعض وافرده في طبق التقديم واجمله بالبقدونس
واضيف زيت الزيتون على الوش

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللي متخيل ان المجلس ح يسيب السلطه !	شهاب	شؤون مصر الداخلية	63	7th December 2011 08:01 AM
المجلس العسكرى هل يتخلى عن السلطه	Dr.Samo	شؤون مصر الداخلية	8	30th September 2011 10:11 PM
ترك السلطه وطعنات المنافقين	nash	شؤون مصر الداخلية	0	27th February 2010 06:54 PM
هل تتذلف إلي أصحاب السلطه	nash	مناقشات وحوارات جادة	18	13th October 2008 05:06 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

عالم السلطه