إفتتاح باب الدراسة فى كندا واستراليا واوروبا

[basma_kdm]

الصحف المصرية والعربية

اقتباس المشاركة الأصلية كتبت بواسطة Dr.Nour بردو خلو بالكم فيه جامعات مصاريفها اول سنة حوالي 8000 للطلاب الدولييين و بعد كدا السنة الاولي بتكون حوالي 600-1000 دولار كندي ......... دي كويسة جدا لللي عايز يبدا و جامعات مش صغيرة ولا حاجة اللي محتاج مساعدة تحت امره

مساء الخير
اول مشاركة ليا في باب الدراسة في كندا
اريد معرفة ما هو موقف السفارة الكندية بالقاهرة عند التقدم للحصول علي فيزا دراسة لمدة 6 شهور
وهي لدراسة اللغة الانجليزية
ياريت اخواتنا المطاريد اللي عنده فكرة او خبرة او يعرف حد عنده تجربة الحصول علي فيزا دراسة لغة انجليزية
ياريت ينقل التجربة علشان الكل يستفاد

اللي محتاج مساعدة تحت امره

لو عندك اي فكرة او خبرة عن فيزا الدراسة للغات ياريت تقوليلي لاني قريب ناوية اقدم دراسة 6 شهور

 

 

[dr_mohammed]

السلام عليكم
انا عندى تجربة مع موضوع فيزا الدراسة ده وقدمت عليها من سنتين وكانوا طالبين حساب البنك حوالى 11 الف دولار كندى المهم انا كان حسابى وقتها فيه 78 الف جنيه ورفضت السفارة وكان من اسباب الرفض هو ان الحساب قليل على تكاليف الدراسة والمعيشة فى كندا

 

 

[basma_kdm]

مساء الخير عليكم
عندي بعض الاستفسارات بخصوص التقدم لسفارة كندا للحصول علي فيزا لدراسة اللغة الانجليزية لمدة اكثر من 6 اشهر
1- بعد التقدم اصدار الفيزا بيكون بعد مدة قد ايه وبتكون صلاحيتها قد ايه قبل السفر
2- هل فيه مقابلة للمتقدم للحصول علي فيزا دراسة ولا لا ولو فيه مقابلة بتكون بعد قد ايه من تاريخ التقدم
3- في حالة ان فيه مقابلة بتكون ايه طبيعة المقابلة وطبيعة الحوار اللي هيتم في المقابلة
4- في حالة الحصول علي الفيزا هل ممكن اقدراطلع تصريح عمل ولا لا ولو اقدر بتكون مدته قد ايه
5- ايه الشهادات اللي المفروض اقدمها معايا او ارسلها مع الملف

وياريت اي حد عنده معلومة مفيدة يشاركنا بيها للإفادة

 

 

[lailaamr]

ياريت لو حد يعرف جامعات رخيصة للطلبة الدوليين وهل السفارة في مصر بتدينا الفيزا ومعلومة لكم دراسة الابناء في المدارس مجانيه

 

 

[Fazer]

انا هاقدم على فيزا دراسه لكيبك واستلمت خطاب القبول من الجامعة ...مكتوبلى فى الخطاب ان الدراسه هاتبدى يوم 18 يناير 2016 وفيه امتحان هناك ﻻزم احضره يوم 11 يناير

السؤال هنا : وانا بقدم على CAQ و فيزا الدراسه اكتب تاريخ بدء الدراسه 18 وﻻ 11 ؟

هل اما بستلم الفيزا هايبقى مكتوبلى انى اخش البلد فى اليوم بتاع بدء الدراسه وﻻ ممكن اخش قبلها بيومين حتى ؟

اتمنى انى اﻻقى الاجابه هنا

 

 

[arandas]

اقتباس المشاركة الأصلية كتبت بواسطة Fazer انا هاقدم على فيزا دراسه لكيبك واستلمت خطاب القبول من الجامعة ...مكتوبلى فى الخطاب ان الدراسه هاتبدى يوم 18 يناير 2016 وفيه امتحان هناك ﻻزم احضره يوم 11 يناير السؤال هنا : وانا بقدم على CAQ و فيزا الدراسه اكتب تاريخ بدء الدراسه 18 وﻻ 11 ؟ هل اما بستلم الفيزا هايبقى مكتوبلى انى اخش البلد فى اليوم بتاع بدء الدراسه وﻻ ممكن اخش قبلها بيومين حتى ؟ اتمنى انى اﻻقى الاجابه هنا

بالنسبة لل CAQ معنديش فكرة، لكن بالنسبة لفيزا الدراسة اكتب التاريخ اللي مكتوب في جواب القبول و هي كدة كدة الفيزا بتبقى صالحة من تاريخ صدورها الي تاريخ نهاية الدراسة، يعني انت من حقك المفروض تسافر بمجرد ما تحصل على الفيزا لكن ناس كتير بتفضل انها توصل قبل الدراسة باسبوعين او شهر مش اكتر عشان الاوفيسر في المطار و هو بيطلع study permit ميقولكش انت جاي بدري لية، لكن برضة في ناس وصلت قبل ميعاد الدراسة باكتر من شهر و محصلش حاجة، اهم حاجة انك لما توصل ما تشتغلش لان الشغل قبل ميعاد بدا الدراسة مش قانوني.

بالتوفيق ان شاء الله

 

 

[Fazer]

أحب اشكر حضرتك اوﻻ على الرد السريع ده بس عاوز اتاكد من نقطه
هو جواب القبول عندى مكتوب فيه التاريخين تاريخ بدء الدراسه اللى هو 18 وتاريخ الامتحان اللى هو 11 فأنا اكتب 18 صح كده؟

انما انا لو قدمت على الفيزا وليكن فى شهر 8 واستلمتها فى شهر 10 هايكون بدايتها او الوقت اللى اقدر اخش فيه كندا شهر 10 مش هايكتبولى شهر 1 يعنى صح كده؟

حابب اتاكد بس انى فهمت 100%

 

 

[aymn]

الإخوة الكرام
هل يوجد أحد هنا لديه تجربة فى جامعة دال فى هاليفاكس نوفا سكوشيا
أريد أن أسال عن تجربة السكن الجامعى هناك

 

 

[arandas]

اقتباس المشاركة الأصلية كتبت بواسطة Fazer أحب اشكر حضرتك اوﻻ على الرد السريع ده بس عاوز اتاكد من نقطه هو جواب القبول عندى مكتوب فيه التاريخين تاريخ بدء الدراسه اللى هو 18 وتاريخ الامتحان اللى هو 11 فأنا اكتب 18 صح كده؟ انما انا لو قدمت على الفيزا وليكن فى شهر 8 واستلمتها فى شهر 10 هايكون بدايتها او الوقت اللى اقدر اخش فيه كندا شهر 10 مش هايكتبولى شهر 1 يعنى صح كده؟ حابب اتاكد بس انى فهمت 100%

* اعتقد مش حتفرق 7 ايام دول في الموضوع او في القرار بتاعهم هو في application بتاع study permit بيسال على تاريخ بدا الدراسة فلو مكتوب في جواب القبول ان تاريخ بدا الدراسة 18 اكتب 18 و لو كتبت 11 بردة اظن مش حتفرق

* انا كنت قدمت قدمت في شهر 6 تقريبا الفيزا طلعت في شهر 7 و صالحة من تاريخ الاستلام والدراسة كانت في سبتمبر

* في حاجة عايز اقولها لو جواب القبول بتاعك conditional يعني مشروط بانك تنجح في الامتحان اللي في يوم 11 فدة ممكن يقلل فرصك في انك تاخد الفيزا

بالتوفيق ان شاء الله

 

 

[arandas]

اقتباس المشاركة الأصلية كتبت بواسطة aymn الإخوة الكرام هل يوجد أحد هنا لديه تجربة فى جامعة دال فى هاليفاكس نوفا سكوشيا أريد أن أسال عن تجربة السكن الجامعى هناك

للاسف معنديش فكرة ، لكن في موضوع اسمة هاليفاكس رحلة العمر استاذ وليد عايش هناك و ممكن يكون عند فكرة.

https://www.almatareed.org/vb/showthr...6#.VY1HL3qqqko