قائمة انتظار هجرة كيبك

[gadolly]

الصحف المصرية والعربية

للمراجعة السريعة, الهجرة الي كيبك محتاجة انترفيو ز ده بييجي بترتيب التقديم, بعد 2003 كان الانترفيو بييجي بعد التقديم بسنتين, بس من شهر 7 2008 حصل ان مكتب سوريا حول كل الملفات اللي من 1 2007 الي مونتريال و ده اللي خلي الناس اللي مقدمة 7 2008 يجيلهم الانترفيو
العملية دي وقعت ناس في النص ملفاتهم مرحتش مونتريال و الدور مجاش عليهم في مكتب سوريا و المجموعة دي من شهر 9 الي 12 2006 و تم اطلاق لقب ولاد البطة السودة عليهم
مجموعة العمل في كيبك كلنت بتابع جوابات الانترفيو اللي بتوصل و تشوف تاريخ تقديم الملف و رقمه و المعلومات دي ساعدت ناس كتيرة اللي لقوا ملفات بعدهم جالهم الجوابات و هم لأ فراحوا كلموا السفارة و عرفوا ان جواباتهم ضاعت او ان المحامي كان نايم في العسل

الجدول الاتي بيوضح عينة من الناس المقدمة و ارقام ملفاتهم, كل الناس جالهم الجوابات ما عدا ولاد البطة السودة اللي انا اتشرف اني اكون منهم
mizo 6/2005 152xx
mazamizo 9/2005 159xx
dr ayman 1/2006 164xx
mona 5/2006 174xx
samer 9/2006 184xx
rami 9/2006 184xx
hamoudi 10/2006 188xx
gadolly 12/2006 203xx
mahmoud 1/2007 196xx
nassar friend 2/2007 197xx
ebn sina 2/2007 198xx
nassar 3/2007 203xx
الوحيد اللي جالوا الجواب في 9 2006 هو سامر و متسألنيش ازاي خرق القاعدة
حمودي بيقول ان مكتب سوريا بقي نظام مصري و ماشي بالبركة و ممكن تلاقي الموظفين بيقروا جرايد و الستات بيقمعوا بامية, و غالبا ده اللي حصل , الدنيا اخر هرجلة هناك دلوقتي و محدش عارف اخبار ملفاتنا ايه
اخر معلومة ان بتوع 10 2006 اتحولوا ويتنج لست عشان ميعاد المقابلة

لو انت قدمت هجرة كيبك, اكتب تاريخ تقديمك و اول 3 ارقام من رقم ملفك عشان نكمل الداتا بيز و تعرف ميعاد انترفيوهك المتوقع و تستعد له

شكرا يا باشوات
جادوللي

 

[nassarlink]

السلام عليكم ورحمة الله وبركاته
والله وحشتوني كتير
وكل سنه وانت طيب وكل الاخوه المطاريد بخير
يا تري العيد عندكم مظاهر الاحتفال ايه في بطن الجبل
اكيد طبعا الطلقات الناريه ماليا السماء
وبعدين ايه الشغل النار الي انا شايفه في المنتدي الله زيدو بارك واللهم لا حسد
المهم علشان منساش انا عاوزك في ايهوعلشان مغيرش موضوع التوبك
في حاجه غريبه حصلت من قبل العيد وهي ان في واحد جالهموعد المقابله بتاعته في الامارات بس مش فاكر ابو ظبي ولا دبي
المهم انه في الامارات ةده طبعا بيخالف كل المقاييس الي احنا عارفينها لانه مبدئيا مقدم من مصر وفي المكتب بتاعنا من المنصوره
طبعا حاجه غريبه
هتقولي انت متاكد يا نصار -زي العادتك _ هاقول لك ايوه متاكد زي مانا متاكد انك في كيبيك
وعلشان ماطولش عليك لما هجيب معلومات عنه هعرفك زي رقم الملف وتاريخ التاديم وخلافه
انا طولت عليك وشغلتك عن اخوانا المطاريد
سلام يا صاحبي

 

 

[gadolly]

مصدقك يا باشا, المكتب بتاع سوريا لوش خلاص, ده فيه حاجات غريبة اوي بتحصل دلوقتي

المهم شد حيلك انت بس في الاعداد و ربنا ان شاء الله يفكها علي الجميع

 

 

[nona alawaal]

أعتقد ان هذا التوبيك و التوبيك الخاص بابناء البطة السوداء محتاجين ينضموا لبعض

 

 

[gadolly]

اقتباس المشاركة الأصلية كتبت بواسطة nona alawaal أعتقد ان هذا التوبيك و التوبيك الخاص بابناء البطة السوداء محتاجين ينضموا لبعض

لا يا نونا, اصل توبك البطة السودة حيقفل كدة كدة لما القلة المندسة تجيلها الجوابات, بس قائمة الانتظار حيفضل لكل الناس اللي جاية بعد كدة

ربنا يكرمك, خليها متلثمة لحد ما نعرف اولنا من اخرنا

 

 

[nona alawaal]

طيب ماشى ايه رايك يا دكتور نضم التانيين لهنا علشان البطة السوداء بعد ما تنحل عقدتها يفضل لها ذكرى ههههههه
يعنى ده الاصل

 

 

[Batman]

توبيك جميل وذكريات جميلة

للرفع ..

 

 

[nassarlink]

صدقت والله
فعلا رجعتنا لاحلي ايام كنا بنمر بيها

 

 

[toronto]

اقتباس المشاركة الأصلية كتبت بواسطة nassarlink صدقت والله فعلا رجعتنا لاحلي ايام كنا بنمر بيها

اللي فات كان حلو...لكن اللي جاى..ربنا يعلم بيه.

 

 

[nassarlink]

اقتباس المشاركة الأصلية كتبت بواسطة toronto اللي فات كان حلو...لكن اللي جاى..ربنا يعلم بيه.

كلامك مضبوط يا تورونتو
والي يصدق علي كلامك
المقطع ده من مسرحيه ماما امريكا الي بيقلد فيه محمد صبحي سيادة الرئيس
وابنه بيقوله ما احنا من يوم ما اتولدنا وايامنا كلها سوه يابوي
رد ابوه لكن الي جاي اسود من السواد