مغارة اللى مقدمين كيبك بداية من أغسطس وحتى تعديل القانون الجديد

[منى المصرية]

الصحف المصرية والعربية

اخوانى واخواتى مطاريد منتدى المطاريد
صباح الورد عليكم جميعا انا طبعا فتحت الموضوع دة عشان يكون ملتقى لكل الاعضاء اللى ارسلو اوراقهم بداية من أغسطس وحتى تعديل القانون ان شاء الله
حتى نكون يد واحدة فى الفترة القادمة بداية من متابعة الاخبار الجديدة ومعرفة اوضاع ملفاتنا
والتعارف والتعاون فى دراسة اللغة الفرنسية

ياريت بقى كل واحد قدم يدخل ويكتب بياناتة دى

1-تاريخ التقديم
2-مهنة المقدم الرئيسى
3-مهنة التابع
4-قدمت من اى دولة
5-هتبدء منين تذاكر فرنساوى


وطبعا لاحقا هيكون فى جدول بباقى البيانات مماثل لجدول الاخت كودو

معلش بقى يا كودو سرقت منك الفكرة هههههههههههه بس بردة ليكى براءة الاختراع

 

[دنتستاوي]

مبرووووووووووووووووووووك افتتاح المغاره


ويارب تكون وش السعد عليكم

 

 

[so.late]

السلام عليكم جميعا

تحياتى لحضرتك يا استاذه منى على الموضوع دا ويارب يكون فى افادة لكل الاخوه .
بس الحقيقه انا مش فاهم حضرتك تقصدى ايه بتعديل القانون ودا ايه تاثيره على الى مقدمين من اول اغسطس

انا قدمت فى الشهر دا 6/9/2011
بشتغل فى المشتريات وانا خريج محاسبة
قدمت من مصر
بدات الدراسه فى المركز الثقافى الفرنسى وخلصت المستوى الاول الحمد لله وانا كاتب المستوى السابع فى الابليكيشن

يا ريت حضرتك تفهمينى موضوع التعديل دا
وبالتوفيق للجميع

 

 

[Eng Hesham]

مينفعش اللى مقدمين قبلكوا بشهرين بس

انا مقدم فى 15/5/2011

جالى الفايل نمبر 1/9/2011

المهنه اللى متقدم بيها : مهندس كهربا فى شركه مقاولات و رسام اوتوكاد (شركه والدى المقفوله)

قدمت من مصر وبعت على سوريا وتانى يوم وصول الملف لسوريا اتنقل موريال

اما بالنسبه لموضوع الفرنساوى .. حتى الان يعتبر مفتحتش كتاب مع انى كاتب المستوى السابع

والف الف مبروك المغاره الجديده

 

 

[so.late]

بشمهندس هشام

يا ترى الفايل نمبر جه لحضرتك على الايميل ولا البريد العادى؟

 

 

[منى المصرية]

اقتباس المشاركة الأصلية كتبت بواسطة دنتستاوي مبرووووووووووووووووووووك افتتاح المغاره ويارب تكون وش السعد عليكم

نورت الموضوع وربنا يوفقك انت كمان فى حياتك يارب

 

 

[منى المصرية]

اقتباس المشاركة الأصلية كتبت بواسطة so.late السلام عليكم جميعا تحياتى لحضرتك يا استاذه منى على الموضوع دا ويارب يكون فى افادة لكل الاخوه . بس الحقيقه انا مش فاهم حضرتك تقصدى ايه بتعديل القانون ودا ايه تاثيره على الى مقدمين من اول اغسطس انا قدمت فى الشهر دا 6/9/2011 بشتغل فى المشتريات وانا خريج محاسبة قدمت من مصر بدات الدراسه فى المركز الثقافى الفرنسى وخلصت المستوى الاول الحمد لله وانا كاتب المستوى السابع فى الابليكيشن يا ريت حضرتك تفهمينى موضوع التعديل دا وبالتوفيق للجميع

نورت الموضوع بمشاركتك
لا مافى تأثير اطلاثا للقانون الجديد على المقدين بداية من اغسطس انا اقصد ان الموضوع دة يكون ملتقى كل المقدمين الجدد للتعاون
ونورت الموضوع بمشاركتك مرة اخرى

 

 

[منى المصرية]

اقتباس المشاركة الأصلية كتبت بواسطة Eng Hesham مينفعش اللى مقدمين قبلكوا بشهرين بس انا مقدم فى 15/5/2011 جالى الفايل نمبر 1/9/2011 المهنه اللى متقدم بيها : مهندس كهربا فى شركه مقاولات و رسام اوتوكاد (شركه والدى المقفوله) قدمت من مصر وبعت على سوريا وتانى يوم وصول الملف لسوريا اتنقل موريال اما بالنسبه لموضوع الفرنساوى .. حتى الان يعتبر مفتحتش كتاب مع انى كاتب المستوى السابع والف الف مبروك المغاره الجديده

اهلا بيك يا يامهندس هشام طبعا ينفع شرفتان ونورت الموضوع


لا كدة مينعش شد حيلك وابدء ادرس لغة فرنسية لا تتأخر صدقنى الوقت كدة هيسرقك وان شاء الله نتعاون هنا مع بعض فى اللغة

 

 

[Eng Hesham]

الفايل نمبر جالى عن طريق الايميل مش البريد العادى

وانا كنت دافع الفلوس بالفيزا

بعتولى ايصال استلام الفلوس بالبريد العادى

اما بالنسبه للفرنساوى انا مش عارف ليه متضايق منه ولسه مش مفتوحلى سكه معاه

يمكن علشان انا اللى متضايق فملبسها فى الفرنساوى ولا ايه انا مش عارف

بس ربنا يسهل و ان شاء الله نتعاون يا منى فى الفرنساوى

 

 

[so.late]

اقتباس المشاركة الأصلية كتبت بواسطة منى المصرية نورت الموضوع بمشاركتك لا مافى تأثير اطلاثا للقانون الجديد على المقدين بداية من اغسطس انا اقصد ان الموضوع دة يكون ملتقى كل المقدمين الجدد للتعاون ونورت الموضوع بمشاركتك مرة اخرى

الموضوع منور بحضرتك وبالاعضاء الافاضل
الحمد لله ان مافيش تغيرات .
بس حضرتك ماذكرتيش انتى مقدمه امتى وايه اخبار الفرنساوى مع حضرتك