عمار يا تركيا .. تجربتي من أرض الواقع Türkiye'de Benim deneyim

[Ahmed Essam]

السلام عليكم ورحمة الله وبركاته ...
وحشني منتدى المطاريد أوى والله بقالى كتير مدخلتهوش انا لسه واصل تركيا الحمد لله من حوالى شهر بالظبط، انا سافرت طبعًا لأن والدي اشتغل هنا فسافر من شهرين وانا حصلته انا واسرتي من شهر بالظبط الحمد لله.
انا حاليًا مش عايش فى اسطنبول ولا أنقرة بس قعدت فى اسطنبول حوالى اسبوعين، وهنقلكم فى المغارة دي تجربتي المتواضعة ورأيي عن تركيا بجوانبها الإيجابية والسلبية.
طبعًا احنا كنا آخر مصريين تقريبًا دخلنا تركيا، من بعدنا على طول معدش فيه اى مصري يقدر يسافر تركيا إلا بتصريح من أمن الدولة، وبالتالي معدش فيه أى مصري فى تركيا هيقدر ينزل مصر يا إما هيبقى إرهابي وخاين وعميل وهيتنفخ وانتوا طبعًا عارفين الكلام ده
انا حاليًا المفروض فى تالتة ثانوي علمي رياضة، بس لما جيت هنا قدمت على مدرسة ليبية وبقيت بدرس البكالوريا الليبية، بس طبعًا بعد السنة دي ما تخلص هتواجهني مشكلة الجيش، لازم انزل مصر عشان اعمل تأجيل من الجيش لما اجي ادخل جامعة، سواء جامعة تركية أو أى جامعة بره، بس فى كل الأحوال مش هقدر انزل مصر عشان متنفخش المصري اللى في تركيا اللى ينزل مصر دلوقتي فى ظل حكم السيسي يبقى بينتحر رسمي.
الموضوع ده مسببلي قلق كبير جدًا لأني بسبب الوضع السياسي ده هبقى محبوس جوا تركيا، مش هقدر اطلع بره تركيا ولا هقدر انزل مصر لأني لو قررت مثلاً اقدم على هجرة عشوائية لأمريكا مش هقدر اخد التأشيرة إلا بموقف من الجيش، يعنى فى كل الحالات غالبًا هفضل محبوس هنا ربنا يستر بقا ويجد فى الأمور شيء

المهم ندخل فى موضوع تركيا ... وهتكلم أولاً عن التناقضات اللى فى تركيا اللى لفتت إنتباهي بشكل رهيب .. فى كل حتة هتلاقي تناقضات عجيبة جدًا جدًا ... يعنى ممكن تبقى ماشي فى الشارع تلاقي ناس نضيفة جدًا ومحترمة ،،، وجمبهم ناس معفنة جدًا زي اللى عندنا فى مصر
وتلاقي بيت جميل جدا جدا بس جمبه بيت معفن جدا جدا جدا ... تلاقي منتجات رخيصة جدا جدا ومنتجات تانية غالية جدا جدا جدا جدا !!!
دي أول سلبية فى تركيا لاحظتها بشكل كبير ... زائد ان الكلام ده ينطبق على كل المدن، تلاقي حتت نضيفة جدا جدا وحتت تانية متفرقش عن مصر أي حاجة.
ثانيًا بقا موضوع اللغة ... واي مصري فى تركيا يقدر يأكدلكوا الكلام ده .. مستحيل فى أى مكان ممكن تلاقي يافطة أو إعلان بالإنجليزي، ومستحيل تكلم أى واحد تركي بالإنجليزي ويفهمك ... ده حتى الأرقام One Two Three ميعرفوهاش اه والله زي مبئولكم كده مبهزرش !

تخيلوا مثلاً انى دخلت محل فى اسطنبول من اشهر المحلات فى تركيا كلها اسمه şok (شوك) .. وجيت عند الكاشير بقولها الحاجات دي تكلف كام بالإنجليزي لقيتها قعدت تزعقلي .. وبعدين قعدت تقولي beş ... وكلمة (بيش) بالتركي يعنى خمسة بس انا مكنتش متأكد ساعتها فقولتلها Five؟!
لقيتها مش فاهمة يعنى ايه Five ! واروح لكاشير فى التاني محدش عارف يعنى ايه Five ! تخيلوا !!
ومن ساعتها بصراحة مش عارف هما الأتراك جهلة بالإنجليزي للدرجة دي ولا إعتزاز بلغتهم يعنى؟! وانا بصراحة أعتقد أنه جهل مش إعتزاز باللغة

هكمل الموضوع ان شاء الله فى الرد الجاي ولو المغارة عجبتكم هنزل صور إن شاء الله للمناطق اللى زرتها فى تركيا لحد دلوقتي

 

[mahmoud serafy]

كمل يا باشا تسجيل متابعة وقولنا ممكن الواحد يلاقي شغل فين واي منطقة

 

 

[Ahmed Essam]

اقتباس المشاركة الأصلية كتبت بواسطة mahmoud serafy كمل يا باشا تسجيل متابعة وقولنا ممكن الواحد يلاقي شغل فين واي منطقة

اسطنبول وانقرة وازمير وبورصة هما احسن مدن ممكن تلاقي فيهم شغل
لكن انا مش بفضل اسطنبول لأنها كبيرة جدا وممكن تاخد فى اليوم مش اقل من ساعتين عشان تروح الشغل + العيشة فيها غالية بالنسبة لباقي المدن دي لأن فيها سوريين كتير .. كل اما كانت المدينة فيها سوريين كل اما كانت أغلى
لكن مستحيل تلاقي شغل من غير تركي لازم تكون كويس جدا جدا فى التركي
بالنسبة للإيجارات فيه السكن الشبابي مابين 200 لـ350 ليرة ، الشقق بقا بتبدأ من 600 ليرة لحد 1500 ..

 

 

[سيف الدولة]

اقتباس المشاركة الأصلية كتبت بواسطة Ahmed Essam اسطنبول وانقرة وازمير وبورصة هما احسن مدن ممكن تلاقي فيهم شغل لكن انا مش بفضل اسطنبول لأنها كبيرة جدا وممكن تاخد فى اليوم مش اقل من ساعتين عشان تروح الشغل + العيشة فيها غالية بالنسبة لباقي المدن دي لأن فيها سوريين كتير .. كل اما كانت المدينة فيها سوريين كل اما كانت أغلى لكن مستحيل تلاقي شغل من غير تركي لازم تكون كويس جدا جدا فى التركي بالنسبة للإيجارات فيه السكن الشبابي مابين 200 لـ350 ليرة ، الشقق بقا بتبدأ من 600 ليرة لحد 1500 ..

ضحكتني يا اخ احمد ...هو في حتة بتركيا لم يغزوها السوريين ؟؟
بس قلي ..رأيك ايه في السوريين

 

 

[Ahmed Essam]

اقتباس المشاركة الأصلية كتبت بواسطة سيف الدولة ضحكتني يا اخ احمد ...هو في حتة بتركيا لم يغزوها السوريين ؟؟ بس قلي ..رأيك ايه في السوريين

كل مكان هنا فى سوريين بس بنسب .. يعنى السوريين فى مرسين اكتر من السوريين فى اسطنبول عشان كده هتلاقي مرسين اغلى من اسطنبول

السوريين بصراحة كلهم محترمين لحد دلوقتي متعاملتش مع حد سوري وحش ... اوحش ناس هنا هما الأكراد سواء كانوا سوريين او عراقيين او أتراك .. الأكراد كلهم مش كويسين ونصابين

 

 

[mahmoud serafy]

وايه اسعار السكن

 

 

[تكسير]

بيش وجوهار ويك ودو وشيش ودوسة وهابيك ودبارة وو


عشرة الطاولة في القهوة تعلم إي حد تركي هههههههههههههههه

 

 

[ysma]

مرهبا, تشكرات أفندم على هذا الموضوع

 

 

[Ahmed Essam]

اقتباس المشاركة الأصلية كتبت بواسطة ysma مرهبا, تشكرات أفندم على هذا الموضوع

هي تشكر بس مش تشكرات teşekkür
جمعها teşekkürler

 

 

[ysma]

جامع السلطان أحمد