التوحيد والتثليث

[دعلاءفارما]

عندى سؤال للاخ رؤوف ...............هل عندكم فى المسيحيه بتؤمنوا بكل الرسل قبل سيدنا عيسى عليه السلام ؟ و اذا كان نعم ..........هل تؤمنوا ايضا ان كل رسول جاء ليبشر انه لا اله الا الله ....أم غير ذلك ؟

 

[Raouf]

اقتباس المشاركة الأصلية كتبت بواسطة دعلاءفارما عندى سؤال للاخ رؤوف ...............هل عندكم فى المسيحيه بتؤمنوا بكل الرسل قبل سيدنا عيسى عليه السلام ؟ و اذا كان نعم ..........هل تؤمنوا ايضا ان كل رسول جاء ليبشر انه لا اله الا الله ....أم غير ذلك ؟

د/ علاء
اولا انا احييك
علشان انا شفت تغيير جزرى من اسلوب هجومى لاسلوب نقاش و انا كنت متاكد ان ده هيحصل لانك انسان مثقف و اكيد حسيت ان احنا بنتكلم فى الامور دى من باب الصداقة مش لاننا فى منتدى عن العقيدة

بالنسبة لسؤالك المباشر
طبعا احنا بنؤمن بانبياء فبل السيد المسيح
و لا نؤمن ابدا بأى شخص ( ليس نبى بالطبع )
يقول ان هناك اكثر من اله واحد
و نحن نؤمن ان لا اله الا الله
و مفدمة قانون الايمان المسيحى هى
نؤمن باله واحد
تحياتى مرة اخرى

 

 

[دعلاءفارما]

اقتباس المشاركة الأصلية كتبت بواسطة Raouf د/ علاء اولا انا احييك علشان انا شفت تغيير جزرى من اسلوب هجومى لاسلوب نقاش و انا كنت متاكد ان ده هيحصل لانك انسان مثقف و اكيد حسيت ان احنا بنتكلم فى الامور دى من باب الصداقة مش لاننا فى منتدى عن العقيدة بالنسبة لسؤالك المباشر طبعا احنا بنؤمن بانبياء فبل السيد المسيح و لا نؤمن ابدا بأى شخص ( ليس نبى بالطبع ) يقول ان هناك اكثر من اله واحد و نحن نؤمن ان لا اله الا الله و مفدمة قانون الايمان المسيحى هى نؤمن باله واحد تحياتى مرة اخرى

اشكرك على اسلوبك الراقى
طيب يبقى احنا كده متفقين ان دعوه اى رسول هى فى الاساس ( لا اله الا الله ) ودا كان قبل
المسيح عليه السلام ............صح ؟
ودا نفس المبدأ عندنا فى الاسلام بعد المسيح بردوا .........لا اله الا الله
معلش بقى سؤال تانى
هو ممكن يبان انه سؤال ساذج شويه
هو تعريف الاله فى المسيحيه ؟
يعنى مثلا تعريف الاله قبل المسيح وبعده هو الخالق الواحد الاحد خالق السموات و الارض
وهو الوحيد مستحق العباده ليس له شريك فى الملك
بدليل انك قلت ان قبل المسيح ( لا اله الا الله )

شكرا لك مرة اخرى

 

 

[Raouf]

اقتباس المشاركة الأصلية كتبت بواسطة دعلاءفارما اشكرك على اسلوبك الراقى طيب يبقى احنا كده متفقين ان دعوه اى رسول هى فى الاساس ( لا اله الا الله ) ودا كان قبل المسيح عليه السلام ............صح ؟ ودا نفس المبدأ عندنا فى الاسلام بعد المسيح بردوا .........لا اله الا الله معلش بقى سؤال تانى هو ممكن يبان انه سؤال ساذج شويه هو تعريف الاله فى المسيحيه ؟ يعنى مثلا تعريف الاله قبل المسيح وبعده هو الخالق الواحد الاحد خالق السموات و الارض وهو الوحيد مستحق العباده ليس له شريك فى الملك بدليل انك قلت ان قبل المسيح ( لا اله الا الله ) شكرا لك مرة اخرى

د/ علاء
طبعا متفقين ان " لا اله الا الله "
قبل مجىء المسيح و بعد مجىء المسيح و الى ابد الابدين
و ايضا انا لا اؤمن ابدا انه يوجد سؤال ساذج لا تقلق
بالنسبة لتعريف الاله فى المسيحية ؟
فى الحقيقة انا لا اعرف ما اذا كنت تريد التعريف اللاهوتى ام لا
اذا لا فارجو التوضيح ( مع مراعاة الحذر لاننا لا نستحق الكلام على الله لكن يشفع لنا عنده اننا نمجد اسمه الى ابد الابدين "
بالنسبة للاله
هو الله العظيم
هو روح , ازلى ابدى قادر على كل شىء غير متحول ولا متغير غير محصور فى مكان و لا يحده مكان عالم بكل شىء و مدبر كل شىء قدوس و كامل الصفات , هو الخير المطلق
غير مستند او متعلق بشىء او بأحد و كل الخليقة متعلقة به
فهو جوهر كأن بذاته غير قابل للتقسيم او للتجزئة
و هو مصدر الكل و خالق الكل
و لا يعبد غيره و لا كامل غيره
ارجو ان اكون اجبت
و شكرا

 

 

[znaty]

اقتباس المشاركة الأصلية كتبت بواسطة Raouf هو الله العظيم هو روح , ازلى ابدى قادر على كل شىء غير متحول ولا متغير غير محصور فى مكان و لا يحده مكان عالم بكل شىء و مدبر كل شىء قدوس و كامل الصفات , هو الخير المطلق غير مستند او متعلق بشىء او بأحد و كل الخليقة متعلقة به فهو جوهر كأن بذاته غير قابل للتقسيم او للتجزئة و هو مصدر الكل و خالق الكل و لا يعبد غيره و لا كامل غيره ارجو ان اكون اجبت و شكرا

عزيزي رؤوف .التفسير رائع
بس اسمحلي اسال ..ازاي غير متحول ولا يحصره مكان ..وتجسد في شكل الناسوت البشري في هيئة جسد الانسان سيدنا المسيح ؟
انا فعلا عايز اوصل للتصور اللي بتؤمنوا بيه في النقطة دي تحديدا موش للتشكيك او الجدل والله
وتسجيل متابعه برده لموضوع عقيدة التثليث

 

 

[دعلاءفارما]

اقتباس المشاركة الأصلية كتبت بواسطة Raouf د/ علاء طبعا متفقين ان " لا اله الا الله " قبل مجىء المسيح و بعد مجىء المسيح و الى ابد الابدين و ايضا انا لا اؤمن ابدا انه يوجد سؤال ساذج لا تقلق بالنسبة لتعريف الاله فى المسيحية ؟ فى الحقيقة انا لا اعرف ما اذا كنت تريد التعريف اللاهوتى ام لا اذا لا فارجو التوضيح ( مع مراعاة الحذر لاننا لا نستحق الكلام على الله لكن يشفع لنا عنده اننا نمجد اسمه الى ابد الابدين " بالنسبة للاله هو الله العظيم هو روح , ازلى ابدى قادر على كل شىء غير متحول ولا متغير غير محصور فى مكان و لا يحده مكان عالم بكل شىء و مدبر كل شىء قدوس و كامل الصفات , هو الخير المطلق غير مستند او متعلق بشىء او بأحد و كل الخليقة متعلقة به فهو جوهر كأن بذاته غير قابل للتقسيم او للتجزئة و هو مصدر الكل و خالق الكل و لا يعبد غيره و لا كامل غيره ارجو ان اكون اجبت و شكرا

شكرا لك
قصدت من سؤالى انا الله هو الوحيد الذى له هذه الصفات التى ذكرتها ولا يجوز ان
نصف بها غيره...........لأنه لا شريك له ...........صح ؟
ممكن بس افهم عقيده التثليث فى المسيحيه ؟

و شكرا كمان مرة على ذوقك

 

 

[Raouf]

اقتباس المشاركة الأصلية كتبت بواسطة دعلاءفارما شكرا لك قصدت من سؤالى انا الله هو الوحيد الذى له هذه الصفات التى ذكرتها ولا يجوز ان نصف بها غيره...........لأنه لا شريك له ...........صح ؟ ممكن بس افهم عقيده التثليث فى المسيحيه ؟ و شكرا كمان مرة على ذوقك

د/ علاء
صباح الخير
ممكن نفتح موضوع خاص للنقطة دى لاهميتها فى فهم العقيدة حتى لا تتوه وسط المداخلات
و شكرا لك

 

 

[Tornado]

فعلا سؤال مهم ويا ريت يا استاذ رؤوف بعد اذنك تفهمنا معنى التثليث والتوحيد لان اللي فاهمينه ان التليث يعني في 3 شخصيات لله ممكن تفهمنا ايه الصح؟؟؟
مشكور يا فندم مقدما

 

 

[Mzohairy]

حوار جميل و راقي لحد دلوقتي

 

 

[dana]

اولا تحية لحضراتكم لان الحوار مازال راقى
انا اسف فى اللى هقوله اللى مش بيقدر يمسك اعصابه وبيشتم وبيهاجم نرجوة قراءة الموضوع وعدم المشاركة فيه علشان الكل يستفاد دة رجاء

هل نؤمن بأله واحد كمسيحيون لنبقى على الاقل كقاعدة مشتركة بيننا وبين المسلمون
نعم نؤمن باله واحد ونشهد انه لا يوجد غير الله سبحانه وتعالى
وهذا موجود بالعهد القديم
اسمع يا اسرائيل الرب الهنا رب واحد ( تثنيه 6 : 4 )
انظروا الان انا انا هو و ليس اله معي ( تثنيه 32 : 39 )
هكذا يقول الرب ملك اسرائيل و فاديه رب الجنود انا الاول و انا الاخر و لا اله غيري ( اشعياء 44 : 6 )

فى العهد الجديد
لان الله واحد ( روميه 3 : 30)
لكن لنا اله واحد ( كورنثوس الاولى 8 : 6 )
و انواع اعمال موجودة و لكن الله واحد ( كورنثوس الاولى 12 : 6)
انت تؤمن ان الله واحد حسنا تفعل و الشياطين يؤمنون و يقشعرون ( يعقوب 2: 19 )
وفى كل مرة نقول فى صلاتنا باسم الاب والابن والروح القدس اله واحد امين
نتحول بعد ذلك لشرح مفهوم التثليث فى المسيحة وهم الثلاثة اقانيم الاب والابن والروح القدس