ازاى نملى ابليكاشنز فيدرال 2014

[AAN]

الصحف المصرية والعربية

معلش عندى سؤال سابق لاوانه ..بس لانى مستعجله و هبعت خلاص
الابليكيشن بتاع background declaration فى مكان تانى للgiven name هكتب نفس الاسم تانى و لا N/A

 

 

[M,Nagib]

هل فى مشكله ان الابليكيشن انزلها واكتبها بخط اليد ولا لازم كمبيوتر ؟

 

 

[abo_hammad]

ينفع نملى الابليكاشنز بايدينا الا الجينيريك,بس بخط اليد هيبقى صعب جدا جدا جدا.

و الكمبيوتر اسهل طبعا بكتير عشان الخانات ساعات مش هتكفى التكابة, الكمبيوتر اسرع و تسهل و أامن
.

انا اسف على التأخير فى تكملة الموضوع لانى مشغول جدا فى العمل و ترتيب بعض الامور, سأعود قريبا جدا للتكملة باذن الله.

 

 

[Mr_masry]

اقتباس المشاركة الأصلية كتبت بواسطة abo_hammad ينفع نملى الابليكاشنز بايدينا الا الجينيريك,بس بخط اليد هيبقى صعب جدا جدا جدا. و الكمبيوتر اسهل طبعا بكتير عشان الخانات ساعات مش هتكفى التكابة, الكمبيوتر اسرع و تسهل و أامن . انا اسف على التأخير فى تكملة الموضوع لانى مشغول جدا فى العمل و ترتيب بعض الامور, سأعود قريبا جدا للتكملة باذن الله.

ربنا يكون في عون حضرتك يارب .. و نتمنى ما تطولش الغيبه لإن الكل مستني تكملة الموضوع بفارغ الصبــر :)

 

 

[lolololo]

w ana m3akom

 

 

[abo_hammad]

ها قد عدنا بفضل الله, موضوع ارسال الجوازات ده طلع لازم له ترتيبات و حوارات, بس سهلة و الحمد لله و الفضل يرجع لله ثم الاخوة الافاضل اللى مروا بالتجربة من قبلنا زى المهندس وايز جاى و الدكتور دارك مان, و عملا بقول رسول الله " من لم يشكر الناس لم يشكر الله" او كما قال صل الله عليه وسلم,فانا اتوجه بالشكر لهما لمابذلاه من مجهود فى مساعدتى.

 

 

[abo_hammad]

احنا كنا خلصنا كلام عن ابليكاشن الـ GENERIC و ابليكاشن ADDITIONAL FAMILY INFORMATION و هنتكلم دلوقتى عن ابليكاشن SCHEDULE A و نقول ان لازم نركز اننا هنكتب نسختين من الابليكاشن ده , واحدة للمقدم الرئيسي و الثانية للتابع سواء كان الزوج او الزوجة, و كمان لو عندنا اطفال فى سن ال 18 سنة او اكبر يبقى هنكتب لهم هما كمان نسخة لكل طفل عنده 18 سنة او اكبر و عشان كده لازم نعلم على احد المربعين اللى فى اول الابليكاشن , طبعا لو علمنا على الاول يبقى احنا بنتكلم عن المقدم الرئيسي و لو علمنا على التانى يبقى الكلام عن التابع او احد الاولاد.
و نبدأ بالسؤال رقم

1- اول مربع هنكتب فيه اسم العائلة,اللى هو اخر اسم فى اسمنا, و الموربع التانى للاسم كاملا الا الاسم الاخير و اللى هو اسم العائلة.

2- هنكتب اسمنا كاملا بالعربى.

3- تاريخ الميلاد.

4- تفاصيل الوالد:
المربع الاول ,لاسم عائلة الوالد, و مفيش مشكلة لو كان الاسم الاخير للوالد مختلف عنك.
المربع التانى لاسم الوالد كاملا الا اسم العائلة الخاص بيه.
المربع الثالث لتاريخ ميلاد الوالد
المربع الخامس لمدينة مولد الوالد
المربع السادس لبلد مولد الوالد
المربع الاخير لتاريخ الوفاة اذا كان الوالد- لا قدر الله - متوفى.

5- تفاصيل عن الام , و نفس خطوات تفاصيل الوالد بالضبط.

6- مجموعة من الاسئلة الامنية و هحاول الخصها كالاتى :

A- هل تم ادانتك فىجريمة داخل كندا او اى عضو من عائلتك اللى انت مقدم لهم معاك على الاقامة.

B- هل تم ادانتك بجريمة فى اى بلد اخر ,او متهم باى قضية فى اى بلد اخر.

C- هل قدمت سابقا على طلب لجوء لكندا من اى بلد لمكتب فيزا كندا او تبع المفوضية العليا للامم المتحدة للاجئيين.

D- هل تم رفضك كلاجىء او مهاجر او طلب اقامة دائمة بالاضافة الى كيبيك او مرشح اقليمي او زائر او طلب اقامة مؤقتة لكندا او اى بلد اخر.

E- هل تورطت فى اعمال " ابادة جماعية" - و الله السؤال كده- او جرائم حرب او جرائم ضد الانسانية.

كده السيسي فقد الامل فى الهجرة لكندا .

المهم, نكمل:

G- هل استخدمت او خططت او أيدت النزاع المسلح من اجل الوصول لاهداف سياسية او دينية او اجتماعية.

H- هل تعاونت مع مجموعات ايدت او استخدمت الهذا النوع من النزاع المسلح.

I- هل كنت عضوا فى منظمة تورطت فى اعمال تُعد جريمة.

J- هل تم ايقافك او وضعك فى السجن

K- هل عندك اى امراض جسدية خطيرة او اى اضطرابات عقلية.

طبعا هنعلم على المربع بتاع NO و اللى حصل معاه اى نقطة من اللى فوق هيعلم قصادها على مربع YES

و فى المربع الكبير اللى تحت الاسئلة دى هتقول تفاصيل ما حدث معك فى النقطة اللى انت علمت عليها YES و اللى مفيش حاجة حصلت معاه يبقى هيكتب فى المربع ده N/A

7- EDUCATION

هنلاقى اربع مربعات صغيرين فوق الجدول الكبير و دول عشان نكتب فيهم عدد سنين الدراسة لكل مرحلة تعليمية, الاول هنمتب فيه 8 سنين اللى هما الابتدائى و الاعدادى و تانى مربع هنكتب 3 سنين بتوع الثانوى و التالت للكلية, و اللى عايد سنة فى الكلية مش هتتحسب ,انت هتكتب عدد السنين الاساسية حتى لو عدت سنتين او تلاتة و المربع الاخير هنكتب 0 و اللى عامل دبلومة او ماجيستير هيكتب عدد سنين دراستهم و بعد كده ندخل على الجدول الكبير:

هنكتب التفاصيل المطلوبة عن مرحلة الدراسة الثانوية و بعد كده الجامعة بالترتيب

هنكتب بدأنا الدراسة من شهر كذا و غالبا هيبقى سبتمبر فى سنة كذا لحد شهر كذا و غالبا هيبقى دور مايو فى سنة كذا و المربع التانى هتكتب اسم مدرسة الثانوى بتاعتك والمربع الثالث عشان اسم المدينة و الدولة و الرابع عشان نوع الشهادة, لو ثانوية عامة يبقى هنمتب HIGH SCHOOL و لو غيرها يبقى هنكتب نوع الشهادة , و الاخير انا كتبت N/A
و بعد كده نفس التفاصيل مع الكلية بس فى المربع الاخير هتكتب تخصصك اللى فى شهادة البكالوريوس و فى مربع نوع الشهادة هنكتب BACHELOR'S DEGREE و بعد كده هنملى كل المربعات هنملاها بـ N/A مش هنسيب و لا خانة واحدة فاضية , و اللى عمل دبلومة او ماجيستير هيكتب تفاصيلهم.


يُتبع .......

 

 

[abo_hammad]

8- PERSONAL HISTORY
الجزئية دى مهمة جدا يا جماعة و فى ناس بتعمل اخطأ مش ظريفة فيها و هو انها بتعمل "جاب" يعنى فراغ بين الوقت و ده غلط و انا هوضح, احنا المفروض اننا هنشرح كل حاجة حصلت معانا فى اخر 10 سنين او منذ سن ال 18 سنة ايهما اقرب, يعنى لو انت عندك 27 سنة ,يبقى هتفضل تشرح كل اللى حصل معاك رجوعا لحد سن الـ 18 سنة و لو انت عندك 30 سنة يبقى هتشرح لحد اخر 10 سنين و مش هنسيب اى اوقات فى الفترة مش هنكتبها حتى لو كنا مش شغالين يبقى هنكتب مش شغاالين" UNEMPLOYED" لو بنتدرب يبقى هنكتب تتدريب لو بندرس يبقة هكتب دراسة و هكذا و هنبدأ طبعا من اخر حاجة عملنها, يعنى هنبدأ من تاريخ كتابة الابليكاشن و رجوعا الى المدة المطلوبة, مثلا:

من 3-2011 الى 5- 2014 ,لو شغال يبقى هتكتب اسم الوظيفة لو بتدرس يبقى هتكتب STUDY و كل كلمة هنقولها لازم تقدم بيها مستند رسمى معتمد و لو مفيش مستند يثبت كلامك يبقى هتكتب "كفر ليتير" لشرح اسباب عد تقديمك لما يثبت صحة ما كتبته و فيه حاجات مش محتاجة اثبات, زى مثلا لو مش شغال ويبقى مش هتقدم اى حاجة, عشان كده بنقول ان الجزئية دى من اهم الاجزاء اللى فى الابليكاشنز كلها لانها لازم تتوافق مع باقى ورقك كله اللى انت مقدمه.
و بعد كده هنكتب المدينة و الدولة و بعد كده حالتك فى هذا البلد, يعنى لو فى مصر يبقى هتكتب CITIZEN انما لو كنت فى الخليج يبقى هتكتب WORKER زى الجينيريك بالضبط و بعد كده اسم المؤسسة.

اللى بعده هنكتب الاتى:

من 1- 2009 الى 2 او 3-2011 كنا مثلا من غير شغل, مش ده المهم , المهم انكم تاخدوا بالكم من التاريخ الملون و انه زى بعض و هو ده المطلوب, عدم ترك اى فراغات فى الوقت و هكذا , وطبعا غالبا الاماكن مش هتكفى للكتابة, يبقى هنعمل إكسل شيت بنفس اسلوب الجداول و هنكتب فى اول الشيت من فوق اسمك كاملا و من تحته اسم الابليكاشن و من تحته رقم و اسم السؤال اللى انت بتجاوبه و ده هنتبعه مع اى ابليكاشن.

و اللى يخلص تاريخه و يلاقى ان لسه فيه اماكن فاضيه يبقى هيملاها بكلمة NONE

9- لو كنت عضو فى اى منظمة او جمعية تجارية او سياسية او شبابية , يبقى هنكتب التفاصيل المطلوبة من غير اى اختصارات و لو مفيش يبقى هنملى كل الخانات بكلمةNONE و مش هنسيب و لا خانة فاضية’ انا عمال ااكد على الموضوع ده.

10- لو كنت فى اى منصب حكومى يبقى هتكتب التفاصيل المطلوبة و لو مفيش يبقى هنملى كل الخانات بكلمة NONE

11- الخدمة العسكرية او شبه العسكرية ,لو كت أديت اى خدمة يبقى هتكتب التفاصيل المطلوبة و لو مفيش يبقى هنملى المربع الاولى بكلمة NONE و باقى خانات الجدول كلها بنفس الكلمة.

12- العناوين, مطلوب انك تكتب العناوين اللى انت اقمت فيها منذ سن ال 18 سنة الى الان,يعنى هنبدأ من سن ال 18 سنة الى الان او لحد 10 سنين فاتوا,ايهما اقرب.

و باقى الخانات كلها نملاها بـ NONE .

و فى الورقة الاخيرة نخلى بالنا لانها مقسومة نصفين , النصف الاول اللى مكتوب فيه DECLARATION OF APPLICANT و ده الجزء بتاعك اللى هتمضى فيه و تترخ الابليكاشن و نخلى بالنا ان كل فرد هيتعمل له الابليكاشن ده هو اللى هيمضى عليه مش اى حد تانى او حتى المقدم الرئيسي .

الجزء اللى تحته ملناش دعوة بيه.

و بكده يبقى خلص الابليكاشن ده على خير .

 

 

[abo_hammad]

ابليكاشن SCHEDULE 3 و ده للمقدم الرئيسي و بس و محدش تانى من افراد الاسرة هيملاه تانى:

السؤال رقم 1- هكتب اسمنا كالمعتاد اسم العائلة ثم الاسم كاملا الا اسم العائلة .

2- تاريخ الميلاد.

3- السؤال ده قسمين:
a) هل عندك عرض عمل فى كندا هنعلم على NO و لو علمنا على YES يبقى هنكتب التفاصيل المطلوبة.

B) هل عرض الشركة اللى عملت عرض العمل ليك معاها خطاب تأكيدى من الـ HR بتاع كندا او اللى هى ESDC لو مفيش يبقى نعلم على NO و لو فيه يبقى هنعلم على YES و نبعت صورة من هذا الخطاب.

4- هل انت حاليا تعمل فى كندا, طبعا كلنا NO و اللى YES يبقى هيقدم صورة من تصريح العمل بتاعه.

5- هل تلقيت اى منحة دراسية او مكافئة من كندا و تطلب الامر منك العودة لبلدك الاصلى لاكمال الدراسة, , اظن ان كلنا NO و اللى YES بيسألوك هل انت راض عن هذه المنحة او المكافئة و شروطها.

6- هل درست الثانوى او ما بعد المرحلة الثانوية فى كندا, لو YES يبقى هنبعت صور من الشهادات ,ولو NO يبقى هيسألك عن امتلاكك لتقييم المؤهل و هنعمل على YES و نرسل اصل التقييم.

7- اللغة :و هو عبارة عن 3 اجزاء:

A) ماذا ستكون لغتك الاولى فى كندا

B) هل تمتلك شهادة من احد المؤسسات المعتمدة لامتحانات اللغة, طبعا هنعمل على YES و هنبعت اصل الشهادة.

C) هل التابع يجيد الانجليزية او الفرنسية , لو YES يبقى هنقدم اصل الشهادة بتاعة الايلتس ايضا او حتى الـ TEF .

8- هل انت او التابع قمتم بالدراسة لمدة سنتين فى برنامج دراسة لمدة سنتين FULL TIME فى كندا, لو YES يبقى هنعلم على مربع المقدم الرئيسي اللى هو YOU ولو التابع يبقى هنعلم على اللى بعده و هنقدم ما يثبت.

9- السؤال ده جزئين :

A) هل انت اشتغلت فى كندا قبل كده لمدة سنة واحدة عمل بدوام كامل , لو YES يبقى هتقدم ما يثبت.

B) هل التابع ليك اشتغل او اشتغلت لمدة سنة كاملة فى كندا بدوام كامل , لو YES يبقى هنقدم ما يثبت.

10- هل انت او التابع ليك, لكم اقارب من الدرجة الاولى فى كندا عندهم 18 سنة او اكبر و يكونوا معاهم الاقامة الدائمة او الجنسية, لو YES يبقى هنعلم على احد المربعات اللى بتبين نوع القرابة.

11- و ده عن الاملاك و الاموال اللى هنقدر نثبتها و عشان نجيب من الاخر ,المربع الاول و التانى هنسيبهم فاضيين - ايوه, هنسيبهم فاضيين لانهم لا يقبلوا الكتابة فيهم سواء كان N/A او حتى الرقم 0 - و التالت هنكتب فيه الرقم اللى هيبقى مكتوب فى الشهادة البنكية المقدمة مع الملف و اللى هى غالبا هتبقى بالجنية المصرى,فانت حولهم لدولار كندى و اكتب الرقم فى المربع التالت.

12- خبرة العمل :و السؤال ده قسمين:

A) هنكتب الوظيفة اللى انت مقدم عليها فى الليستة و النوك بتاعها.

B) هتبدأ بعملك الحالى و رجوعا الى الخلف فى التاريخ لحد اخر عشر سنين, هنكتب المسمي الوظيفى و النوك وهنعلم على عدد السنين ثم المهام الوظيفية و غالبا هنحتاج نعمل إكسل شيت لان المكان مش هيكفى.

هنترخ الابليكاشن و نمضى و دمتم.

 

 

[abo_hammad]

ابليكاشن السفريات او SUPPLEMENTARY INFORMATION

السؤال ؤقم 1- الاسم كالمعتاد.

2- و ده عدة اجزاء:

a) المقدم الرئيسي:

هو ضارب لك مثال و هتتبعه ولو كنت مسافرتش قبل كده خارج مصر يبقى هنعلم على مربع اعلى يمين الجدول الخاص بك و اللى هو DID NOT TRAVEL و هتملى كل خانات الجدول بـ N/A .

B) التابع : نفس الخطوات.

من C الى E ده للاولاد اللة عندهم 18 سنة او اكبر و هنتبع نفس الخطوات و هنضيف اسم كل طفل و اللى عنده اولاد زيادة يبقى هيعمل اكسل شيت و يضيفه للابليكاشن.

و من غير تواريخ او امضاءات و دمتم.