Welcome to Calgary !

[great expectations]

الصحف المصرية والعربية

شكرا للجميع وعذرا عن التاخر
يعني كالجاري واسعة جدا والمشوار فيها بيخلص اليوم

طيب التفاصيل

الحجز لكالجاري

طبعا كالجاري ابعد من تورونتو ولذلك تذاكرها اغلي نسبيا

بس تورونتو قافلة قوي من ناحية الشغل اي شغل
وبرضه عليها ضغط هندي صيني بيخلي فرص الدراسة والعمل تنافسية للغاية

كالجاري تكسب نسبيا في النقطة دي

المهم الحجز المفروض يكون بدري وان كان ربنا وحده العالم امتي ممكن تسافر

القصد التذكرة للشخص البالغ قبل شهرين ذهاب وعودة ب 5300

وبتوصل 7000 واكتر كلما قرب ميعاد الحجز

الارخص بدون منافسة تقريبا الكي ال ام klm

الحجز الافضل من عندهم مباشرة او من توماس كوك


احترس من اكسبيدا في حاجتين

اولهم لو معاك طفل اقل من سنتين مش هيطلعوله تذكرة الكترونيك وهتبقي ورقية ويبعتوهالك في البريد وربنا يسلم توصل ولا لا

ثانيا

لازم الكريديت كارد يكون بقي في العلالي لو اسرة


الخلاصة القاهرة امستردام كالجاري ممتاز
العيب الوحيد دقة التفتيش في امستردام واخوكم بيغيير
ايوه اللي بيغير يبعد عن امستردام

ميزة مطار امستردام انه تيرمينال واحد

يعني لا بتطلع ولا بتتوه ولا اي حاجة

وفيه كل ما يضيع 6 ساعات الترانزيت كراسي للنوم لعب للاطفال

وكتر خير اخي ت اللي نصحني اخد اكل خفيف معايا

لان الاسعار في المطارات اوفر جدا

يعني سندوتشات فراخ مية مية للترتنزيت فقط

في الطيارة من امستردام لكالجاري هيموتوك من الشبع

اكل (حلال طبعا) وتسالي وعصاير لغاية ما قلت كفاية



فعلا رخيصة

 

 

[hosiny]

ايوه كده يا دكتور......كل الناس اللي هنا مستنيه كلامك و رؤيتك للايام الاولي والبلد نفسها كمان......بس ياريت تزود الجرعة شوية

 

 

[great expectations]

تنزل مطار كالجاري

يعني مطار صغير بس عصري ونظيف والناس اللي فيه تعدهم عدد
قليلين جدا

يعني تقول كده مطار الاقصر ويمكن مطار الاقصر اكبر


هتمشي ممر طويل لغاية ضابط الجوازات
صباح الخير بالانانجليزي
صباح النور

( اهو تفاصيل)

تديها الباسبور وورقة الديكلاراشن اللي عبيتها في الطيارة

وخد بالك اوعي تكذب فيها

معاك نباتات بذور تفاحة مانجاية عنباية لبن اي حاجة يستحسن ترميها في سلة الطيارة والا هتبقي حكاية
والفلوس لو معاك كاش اكتر من 10 الاف دولار سواء بقي كندي امركي لازم تعلم علي ان معاك اكت من 10 الاف دولار

الموضوع ليس له علاقة بالهجرة

لا لمنع غسيل الاموال والذي منه


نكمل
الباسبور والورقة

وهتدخل كندا في ثانية بس دي ضابط الجوازات

تروح تجيب شنطك وتروح بقي لقسم immogration

هتلاقي صالة فيها 4 ضباط الهجرة علي مكاتبهم

كالجاري هادية وبالكتير هتلاقي 2 او تلاتة قدامك مهاجرين

هتدخل علي الضابطة

وايه بقي سبحان الخلاق ( امسحها يا عمرو الصبح )

ذوق وادب وتفهم وبساطة و و

صبح الخير بقي ولا مساء بس اكيد صباح

سالتني انت المين ابليكانت
يس

وراحت اخدت الباسبورات واللندنج بيبر
وبعدين دققت في الصورة وصاحب الباسبور بلطافة

قالتلي البنت دي بضفيرة واحدة والصورة بضفيرتين

قولتها بسيطة

وانت في الصورة فيه شعر راح فين ؟
قلتلها الزمان

وعند المهم هزار في هزار
وبعدها قلتلها الصور بتاعة اللننجد كونفيومشين مش عاجباني ممكن تغيرهالي

قالتلي بس الموجودة تمشي

قلتلها اللي معايا more recent

قالت okay
وراحت جابت خمس نماذج وملتهم بنت الناس وحطت الصور عليهم

ولذلك اي حد صورته مش عاجباه مش هيخسر حاجة من الاول


اخيرا معاك فلوس قد ايه
مش شرط تقولها زي السفارة ما طالبة
ممكن تقول اللي يكفيك بس خليه يعدي العشر الاف دولار لو اسرة كبيرة

وراحت كتبت الفلوس وسالتني عن عنوان وتليفون

,welcome to calgary

ثواني لسة الشنط

رحت customs

هالو
هاي

انا نيو كومر
ولكم
بص في الكارت بتعا الديكلارشن لقيني معلم علي الفلوس

اثبتها عنده

وما بصش ولا فتح الشنط

والي خارج المطار


لقيت الصديق الصديقmoe والحاج الدكتور medopharm

ربنا يبارك لهم وفيهم

ونكمل بعدين

 

 

[medopharm]

اقتباس المشاركة الأصلية كتبت بواسطة great expectations تنزل مطار كالجاري يعني مطار صغير بس عصري ونظيف والناس اللي فيه تعدهم عدد قليلين جدا يعني تقول كده مطار الاقصر ويمكن مطار الاقصر اكبر هتمشي ممر طويل لغاية ضابط الجوازات صباح الخير بالانانجليزي صباح النور ( اهو تفاصيل) تديها الباسبور وورقة الديكلاراشن اللي عبيتها في الطيارة وخد بالك اوعي تكذب فيها معاك نباتات بذور تفاحة مانجاية عنباية لبن اي حاجة يستحسن ترميها في سلة الطيارة والا هتبقي حكاية والفلوس لو معاك كاش اكتر من 10 الاف دولار سواء بقي كندي امركي لازم تعلم علي ان معاك اكت من 10 الاف دولار الموضوع ليس له علاقة بالهجرة لا لمنع غسيل الاموال والذي منه نكمل الباسبور والورقة وهتدخل كندا في ثانية بس دي ضابط الجوازات تروح تجيب شنطك وتروح بقي لقسم immogration هتلاقي صالة فيها 4 ضباط الهجرة علي مكاتبهم كالجاري هادية وبالكتير هتلاقي 2 او تلاتة قدامك مهاجرين هتدخل علي الضابطة وايه بقي سبحان الخلاق ( امسحها يا عمرو الصبح ) ذوق وادب وتفهم وبساطة و و صبح الخير بقي ولا مساء بس اكيد صباح سالتني انت المين ابليكانت يس وراحت اخدت الباسبورات واللندنج بيبر وبعدين دققت في الصورة وصاحب الباسبور بلطافة قالتلي البنت دي بضفيرة واحدة والصورة بضفيرتين قولتها بسيطة وانت في الصورة فيه شعر راح فين ؟ قلتلها الزمان وعند المهم هزار في هزار وبعدها قلتلها الصور بتاعة اللننجد كونفيومشين مش عاجباني ممكن تغيرهالي قالتلي بس الموجودة تمشي قلتلها اللي معايا more recent قالت okay وراحت جابت خمس نماذج وملتهم بنت الناس وحطت الصور عليهم ولذلك اي حد صورته مش عاجباه مش هيخسر حاجة من الاول اخيرا معاك فلوس قد ايه مش شرط تقولها زي السفارة ما طالبة ممكن تقول اللي يكفيك بس خليه يعدي العشر الاف دولار لو اسرة كبيرة وراحت كتبت الفلوس وسالتني عن عنوان وتليفون ,welcome to calgary ثواني لسة الشنط رحت customs هالو هاي انا نيو كومر ولكم بص في الكارت بتعا الديكلارشن لقيني معلم علي الفلوس اثبتها عنده وما بصش ولا فتح الشنط والي خارج المطار لقيت الصديق الصديقmoe والحاج الدكتور medopharm ربنا يبارك لهم وفيهم ونكمل بعدين

ياويلكم ياويلكم
النجع والكفور اللى حوالينا نورت يادكتره

 

 

[hosiny]

سؤال فني يا دكتورنا......ليه كالجري بالذات مش ادمنتون؟؟؟؟؟

 

 

[ramyfathalla]

الحمد لله أنا كنت فاقد الأمل و قلت خلاص الشاويش عطية حاينشغل فى المعادلة و الذى منه و مش حايكتب تانى


لكن الحمد لله كتب و نور المنتدى و الدنيا كلها

أرجوك لا تتوقف

 

 

[صيدلى مصرى]

د/ قناوى
هل لو مفيش عنوان وتليفون لما يسالوا فى مطار كالجارى تبقى مشكلة ولا زى ما احد الزملاء اللى عملوا لاندنج فى مدينة غير كالجارى ما كتب قال لو مفيش عنوان بيكتبوا ايميلهم وتليفونهم والفاكس وممكن ابعت لهم العنوان بعد كده؟

هل فى استخراج الكروت السين والتامين الصحى مطلوب صور شخصية ؟

هل لازم حضور الاشخاص بنفسهم فى استخراج الكارتين دول ولا ينفع انا اللى اعملهم للمدام ولبنتى من غير حضورهم؟

هل عمل الكارتين فى مكان واحد او مبنى واحد ولا فى عنوانين مختلفين؟

هل شهادة الخبرة اللى بنطلعها من المرور فى مصر لازم تتوثق من الخارجية ولا اجيبها معايا واترجمها فى كالجارى من غير ما تتوثق هنا؟

اعذرنى على اسئلتى الكتيرة وباتمنى لك التوفيق فى كالجارى

اقتباس المشاركة الأصلية كتبت بواسطة great expectations وراحت كتبت الفلوس وسالتني عن عنوان وتليفون

 

 

[alexandrienne]

السلام عليكم
ألف مليون حمدلله علي سلامتكم جميعا مع تمنياتي وتمنيات alexandrien لك وللأسرة الكريمة بحياة سعيدة وموفقينا بإذن الله في حياتكم الجديدة اللهم ارزقهم عيشا كريما يارب

 

 

[anwar-m]

ايوه كده يا د. خالد
عايزين نعرف كل فتفوته حصلت معاك
وانت ناوي على ايه ,,, تعادل ,,, ولا تغير ؟؟؟
انا بتحمس ارجع كندا كل ما حد يكتب عنها
والله وحتحلوا القعده يا رجاله

 

 

[انى راحلة]

د قناوى الف الف مبروك ربنا يسهل حياتك الجديدة وتنول كل اللى بتتمناه انت واسرتك انا حاسة من كلامك بنبرة سعادة انا بجد سعيدة جدا لحضرتك وعلى راى تامر حسنى ولسة اللى جاى احلللللللللللى