عندك سؤال بخصوص الكمبيوترو الانترنت ؟؟

[النجم الثاقب]

الصحف المصرية والعربية

السلام عليكم و رحمة الله و بركاته

أعزائى المطاريد ..

من المواضيع الأساسية و المهمة فى اى منتدى موضوع للأسئلة الخاصة بمجال الكمبيوتر و الانترنت و ما شابه



هبدأ انا باستفسار بخصوص الامان فى الشبكات

يا هل ( وش رمزى فى راجل و ست ستات ) فى طريقة لعمل باسوورد للملفات اللى معمولها sharing أو لو ممكن إنى عمل share للملف بحيث اللى يشوفه جهاز واحد بس انا اللى احدده ؟

 

[بندق]

اقتباس المشاركة الأصلية كتبت بواسطة النجم الثاقب السلام عليكم و رحمة الله و بركاته أعزائى المطاريد .. من المواضيع الأساسية و المهمة فى اى منتدى موضوع للأسئلة الخاصة بمجال الكمبيوتر و الانترنت و ما شابه هبدأ انا باستفسار بخصوص الامان فى الشبكات يا هل ( وش رمزى فى راجل و ست ستات ) فى طريقة لعمل باسوورد للملفات اللى معمولها sharing أو لو ممكن إنى عمل share للملف بحيث اللى يشوفه جهاز واحد بس انا اللى احدده ؟

طبعا فيه وفيه امكانية كمان تحدد له الصلاحيات على الفولدر ده يعنى يعمل ايه وما يعملش ايه ..

 

 

[ابتسامــة]

استفسااااار لأهل الخبرة

إزاي أعمل باسوورد لشبكة الوايرلس؟!

 

 

[هيثم نافع]

اقتباس المشاركة الأصلية كتبت بواسطة ابتسامــة استفسااااار لأهل الخبرة إزاي أعمل باسوورد لشبكة الوايرلس؟!

و أنا برضو

إزاي أدخل على أي شبكة وايرليس ،مع أني مشترك في شبكة واير ليس و بدخل بواسطة أكسيس بوينت

اصلي دايما بشوف 4 شبكات عندي لمّا أدخل على إعدادات الأكسس بس مبقدرش أعمل كونيكشن غير مع الشبكة اللي انا فيها .. أزاي أعمل كونيكشن مع باقي الشبكات

 

 

[هيثم نافع]

الصورة دي توضّح الشبكات اللي أنا بشوفها عندي



ياللا همّتكم يا أهل الخبرة

 

 

[hoppa]

هيثم هو الوايرلس ده سريع؟؟
بيتوصل ازاى اصل انا آخر تكنولوجيا وصلتنى هى الدى اس ال و هو مش عندى فى البيت فى اسوان لانى زى ما انت عارف بعيده عن المدينة

قولى بيتوصل من فين و ازاى

دا انا متاخرة قوى

 

 

[هيثم نافع]

سريع زي الطلقة يا هبة ..
أنا مشترك في شبكة واحد (1) ميجابايت
أمّا توصليه إزاي !! دا لازم يكون حد عامل شبكة عندكم في البلد

دلوقتي بقت زي شبكات الدش .. شبكات وايرليس بس من غير سلك .. فقط مجرد أكسيس بويت فوق سطح البيت في حجم كف الإيد

و لو سالتي أكيد رح تلاقي عندكم شبكة في البلد .. إحنا مع أن بلدنا صغيرة .. آديكي شايفة خمس شبكات و بإشتراك رمزي (30) جنيه

 

 

[هيثم نافع]

على فكرة برضو

لو مفيش حد عامل شبكة عندكم .. و معاكي تلاته أو أربعه من صحباتك و مطّرفين في البلد و مينفعش تمدّو سلك .... ممكن تعملو إشتراك دي اس إل و توصّلو بينكم و بين بعضكم بشبكة ويرليس صغيرة محدودة

 

 

[النجم الثاقب]

اقتباس المشاركة الأصلية كتبت بواسطة بندق طبعا فيه وفيه امكانية كمان تحدد له الصلاحيات على الفولدر ده يعنى يعمل ايه وما يعملش ايه ..

شكرا لردك يا استاذ بندق و عذرا لتأخيرى .. لو ممكن حضرتك تشرحلى الطريقة .. انا بستخدم windows xp sp2 .. معلش هتعبك معايا.. اصل انا حاولت كتير معرفتش .. اعتقد ان الكلام ده موجود فى الفيستا بس انا مبستظرفوش .. بس اكيد غصب عنى لازم استظرفه مستقبلا

 

 

[hoppa]

اقتباس المشاركة الأصلية كتبت بواسطة هيثم نافع سريع زي الطلقة يا هبة .. أنا مشترك في شبكة واحد (1) ميجابايت أمّا توصليه إزاي !! دا لازم يكون حد عامل شبكة عندكم في البلد دلوقتي بقت زي شبكات الدش .. شبكات وايرليس بس من غير سلك .. فقط مجرد أكسيس بويت فوق سطح البيت في حجم كف الإيد و لو سالتي أكيد رح تلاقي عندكم شبكة في البلد .. إحنا مع أن بلدنا صغيرة .. آديكي شايفة خمس شبكات و بإشتراك رمزي (30) جنيه

طيب منا اشتراكى دى اس ال و سرعته 1 ميجا بس مش حاسة بسرعته لانه العمارة كلها مشتركة معايا و محل خدمات المحمول تحت العمارة كمان يعنى مشتركين فى الخط ييجة 6 او 7 انفار و مش حاسة بسرعته نهائى و فوق دا كله بدفع زيك زيادة 5 جنيه يا 35 جنيه فى الشهر للنت

احنا فى البلد كتير عايزين نشترك بس مفيش شركات اصلا بتوصل لبلدنا اهى بلد بعيده محشورة بين ادفو و كوم امبو

و فوق كده و كده نوع التليفون بتاعنا مش بينفع يتوصل عليه دى اس ال و انا سألت كتير و كلهم قالوا مش بينفع

لانه تليفون غريب كده حتة جهاز صغير بيتشحن زى الموبايل بالاضافة للعدة لا فيه اسلاك و لا بتاع و بيتوصل بالكمبيوتر بالسيريال بورت و له طريقة غريبة فى الديل آب

انت بس قلبت عليا المواجع ليه
فاتورة التليفون كانت بتوصل ل 800 جنيه يا هيثم و الله
ربنا يجازى اللى كان السبب انا كانت بتطلع روحى عشان انزل كتاب