طلب ضرورى جدا من اجدع مطاريد

[Ahmed.hazem]

الصحف المصرية والعربية

يا جماعة انا كنت عايز اعرف اذا كانت شهادتى محتاجة معادلة ولا لا ؟
و تانى حاجة انا لسة عندى 21 سنة فهل تنصحونى أفكر فى الهجرة من دلوقتى ولا لم أكبر شوية .. أنا و جهة نظرى أتبهدل و أنا صغير و عازب , أحسن ما أكون متجوز و مش حمل بهدلة الغربة ؟؟ أيه رأى المطاريد ؟؟؟

 

[فريسكا]

خلاص شطبنا وبنلم الكراسي
لو وضعك كويس خليك هنا خليك

 

 

[Hafez]

اقتباس المشاركة الأصلية كتبت بواسطة فريسكا خلاص شطبنا وبنلم الكراسي لو وضعك كويس خليك هناك خليك وبلاش تسافر

من رايي انه يسافر ويجرب وقال علي رأى المثل وقد فاز بالمذات كل مغامر..

 

 

[Mafia]

هو انت ايه وضعك خريج ايه معاك ايه عايز ايه حتى نساعدك

 

 

[Ahmed.hazem]

انا خاريج كلية تجارة انجليزى قسم تمويل و استثمار و شهادتى مشتركة بين تجاذة انجليزى و جامعة ولاية جورجيا فى امريكا .. و معاية التوفل كدة كدة لانه كان من شروط قبولى .. و عايز ايه عايز اهج من هنا و خصوصا بعد بعد الثورة وكدة و بعد القلم المحترم اللى الشعب و النخبة ادوه للشباب زى ما تقول كدة يئست من كل حاجة هنا

 

 

[Ahmed.hazem]

حرام عليك يا فريسكا ليه عايز تعمل فيا كدة

 

 

[ysma]

شوف يا أحمد سنك الصغير للأسف لا يصلح للهجرة بسبب أنه ليس عندك أى خبرة عملية و خبرتك فى الحياة صغيرة.

أفضل شىء لك إنك تحاول إنك تدرس ماجستير بره مصر خاصة فى كندا لأن الهجرة للدارسين سهلة, أو إنك تشتغل فى مصر كام سنة و يبقى عندك خبرة و بعد كده تقدر تهاجر بهذه الخبرة كما فى هجرة كندا للعاملين المهرة... و الخيار يرجعلك...

 

 

[Porto_vista]

ابدأ التحضير من الآن، الموضوع بياخذ طويل

 

 

[Mafia]

انت عمرك 21 سنة قريب من سني انا اصغر منك بسنة ولسة بادرس
نصيحة ليك اشتغل وكون فلوس بسيطة وبعدين هاجر او حاول تحصل على خبرة
او شارك في اللوتري او ادرس فرنسي وروح كيبيك

 

 

[shawi]

اقتباس المشاركة الأصلية كتبت بواسطة Ahmed.hazem انا خاريج كلية تجارة انجليزى قسم تمويل و استثمار و شهادتى مشتركة بين تجاذة انجليزى و جامعة ولاية جورجيا فى امريكا .. و معاية التوفل كدة كدة لانه كان من شروط قبولى .. و عايز ايه عايز اهج من هنا و خصوصا بعد بعد الثورة وكدة و بعد القلم المحترم اللى الشعب و النخبة ادوه للشباب زى ما تقول كدة يئست من كل حاجة هنا

السفر للخارج يعتبر زي الخطط الحربيه
اذا تم بدون تخطيط سليم النتيجه فشل ذريع
سعادتك معاك فلوس
او حد ممكن يمولك؟
اذا الجواب اه يبقة نبدا التخطيط
اذا الجواب لا

يبقى برضك يبتدى التخطيط لعمل التمويل اولا

بعد تجهيز التمويل يبدا التخطيط على السفر بانهي صفه
طالب دراسات عليا والا مستثمر
ده حيعتمد على الفلوس اللي تحت ايدك يعني التمويل!!!

من هنا نبتدي الحكايه وفي انتظار ردودك
اي حاجه غير كده تبقة مجازفه ملهاش معنى