جرائم لمصريين بالكويت شئ لا يصدقه عقل

[شينكاوي]

الصحف المصرية والعربية

مشكور وصلت الرسالة ولا اعتراض علي الحذف ولا علي التغيير

 

 

[مدى]

اقتباس المشاركة الأصلية كتبت بواسطة toota موضوع الشحاته ده عادي جدا يا شينكو.....اهم بيعملولك شويه حركات عشان متحسش بالغربة

اصل ماشفتوش فـــ الحرم..
جو تااني خالص...


بس ماينفعش نعمم ياأستاذ محمد ونقول المصريين ..والمصريين ..
نقول فئااام من المصريين عشان محدش يزعل..

بعدين هو الشو الإعلامي كده..لازم يحط المصاايب تحت المجهر عشاان يحقق أرقام مبيعات أكثر..\
الناس بتنجذب للحكاوي اللي من النوع ده..


بس غريبة الكويت..
السعودية مش كده خالص..
المصريين هناك بصراحة منظبطين كثير..

الا فـــ موضوع التسول..ودول بيكونوا جااين أصلا بالهدف ده..

 

 

[نانا]

اقتباس المشاركة الأصلية كتبت بواسطة رمضان ما أوردته في المداخلات انا والاخ شينكاوي عبارة عن نوعية التعليقات التي تكتب وتقال

أولاً انا متفقة مع حضرتك انه نوع من التعليقات التي تكتب وتقال .. ولكن ما نوعها ؟
ومن كاتبها ؟
اعتقد اني ممكن اتقبلها بحزن واحاول أعدل الصورة لو شخص غير مصري بيقولها
لكن لما يكون مصري ( حتى لو بهزار) اكيد الوضع هيختلف وهتضايق

اقتباس المشاركة الأصلية كتبت بواسطة رمضان لكن اذا حضرتك مش فاهمة انه اسقاط فهذا لا يعطيكي الحق لفرض الوصاية علينا وعلى الادارة في آن واحد حياكي الله

أولا لو أنا فاهمة وأنا فاهمة إنه إسقاط غيري ممكن يقرأ الموضوع وما يفهمش حاجة وياخد كلام مسلم بيه وخلاص
ودي كانت وجهة نظري

ثانيا أنا ما فرضتش وصاية على حد أنا قولت وجهة نظري
وللإدارة كامل الحرية في التصرف

 

 

[نانا]

اقتباس المشاركة الأصلية كتبت بواسطة MOHAMED HASSAN انت اكيد يا رمضان تابعت التعليقات في بداية الجريمة وبصراحة الناس كان عندها حق

شكرا لتفهم حضرتك ..

 

 

[شينكاوي]

يا نانا كل التحية والاحترام لك ولكن الموضوع فعلاً لا يمكن معالجته بجدية لأننا قد نكتب ما يسئ لنا كمصريون ويمكن انا ورمضان نحس بالموضوع دا اكتر لان عملنا لا يوجد فيه غير اصحاب البلد

 

 

[نانا]

اقتباس المشاركة الأصلية كتبت بواسطة MOHAMED HASSAN يا نانا كل التحية والاحترام لك ولكن الموضوع فعلاً لا يمكن معالجته بجدية لأننا قد نكتب ما يسئ لنا كمصريون ويمكن انا ورمضان نحس بالموضوع دا اكتر لان عملنا لا يوجد فيه غير اصحاب البلد

أستاذ محمد أنا مقدرة جدا ان ممكن بعض المآخذ والمواقف المسيئة على بعض المصريين تسببلكم حرج أو ضيق
ولا أمانع في المناقشة في مثل تلك المواضيع .. ولكن بشكل آخر
وأيضا لا أمانع أن يكون هناك مزاح مشابه ولكن من الأفضل أن يكون داخل حوار بينكما فقط لاغير لان كل واحد فاهم وعارف مقصد التاني
لكن هنا مش حضرتك وهو بس بتشوفوا الموضوع .. ومش كل اللي هيشوف الموضوع هيفهم مقصد الكلام أو مين اللي كتب وايه جنسيته .. حتى اللي ممكن يفهموا ممكن ما يحبوش يشفوفوا و يقرأوا حاجة زي كدة
دا كان كل اعتراضي على المشاركات اللي سببتلي ضيق شديد

وحتى كمان يا أستاذ محمد لو حضرتك مقتنع بالكلام اللي مكتوب ..
فيا ريت مش احنا المصريين كمان هنتكلم فيما يسيء لينا

ارجو ان تتفهم موقفي ..
خالص احترامي ..

 

 

[سمبا]

اطالع الجرائد الكويتية بشل يومي وبالنسبة للصفحات الامنية فهي تذخر ايضا بذكر مواطنين كويتيون يتاجرون بالمخدرات واسيويين بالسرقات والقتل وسعوديون سكاري علي الطرقات
وقاصرات هاربة وغيرهم الكثير
لماذا نضع الجالية المصرية تحت المجهر ونصنع من الحبة قبة ( هل لأن مبدأ الحسنة تخص والسيئة تعم هو القائم )
هل اصبحنا في امس الحاجة إلي تحسين صورة المصريين في الكويت
اعتقد ان الوزرات والهيئات الحكومية التي لا تخلو من المصريين خير دليل بأننا لسنا بهذا السوء
نحن نحيا في مجتمع كأي مجتمع لا يخلو من الحوادث كبرت ام صغرت ابتداء من الحوادث المرورية انتهاء بحوادث القتل ولكل مجتمع قضائه والأمن والقصاص
عيوبنا كثيرة لكن لا تصل لحد الوصف بأنها الجالية الأكثر اجراما
عيوبنا تكمن في ضعفنا وتفرقنا
قبل ان اسافر بكثير اسمع ان الجالية المصرية لا يوجد بينها حب او وصل وان اول ما سيؤذيك ابن بلدك
صراحة لم المس هذا بغض النظر عن بعض الحساسيات التي قد تحدث بين زملاء العمل وشركاء السكن المصريين

أ. رمضان
من اكثر من سنتين وضعت بالمحاورات موضوع بعنوان ان كنت عايش في الكويت دش اهني
وانت لمتني بشبه تعنيف لماذا اكتب دش اهني ولا اكتب ادخل هنا طالما ان مصري
والحق اني احرجت وتوقفت بعدها عن المشاركة في الموضوع
فقط اخبرك بأنه درات الأيام

 

 

[زورو]

يعنى لو حصل الموضوع دة من واحد كويتى كنتوا هتقولوا الكلام دة
وتقولوا المصريين خطريين
كل مكان بالعالم فية الحلو وفية الوحش وفية النص نص
مش معقول يعنى كل مكان والناس اللى فية ممتازة 100 %
هاتللى مكان فى العالم مش فية جرائم وغيرة
اتقوا الله
وقال الرسول الكريم
(استوصوا باهل مصر خيرا فان لى فيها نسبا وصهرا)

ادخلوا مصر ان شاء الله أمنين

اتقوا الله ومش تقولوا أى كلام وخلاص
تسلمى يامصر

 

 

[brain]

يا شينكو خلينا معاك لنهايه المشوار
نمسك جرايد الكويت و نشوف عدد جرائم المصريين
و نقارنها بعدد المصريين في الكويت
يا شينكو لو افترضنا ان هناك جريمه كل يوم يقوم بها مصري - و هو رقم غير صحيح و مبالغ فيه جدا
لكن لنفرض جدلا
ان عدد الجرائم 500 جريمه
500 جريمه بينما عدد المصريين في الكويت 250 الف
يبقى النسبه هي 2 في الالف
و هي نسبه طبيعيه جدا و موجوده في العالم كله و بين كل الجنسيات
النهارده يا شينكو انا كنت في قصر العدل لحضور قضيه ما خاصه بالعمل
كان هناك في القاعه التي توجد بها القضيه الخاصه بنا 16 قضيه
11 قضيه متهم فيها كويتين
و 3 لسوريين
و قضيه لاثيوبي
و الاخيره لمصري
قضايه الكويتين عباره عن
6 قضايا حيازه مخدرات
و 3 هتك عرض
و 1 قضايا جلب عماله
و قضيه صحافه

سيبك انت يا شينكو
بيقولك عمر عبد الكافي وصل الكويت النهارده
و موجود في مسجد الراشد بالعديليه في صلاه الجمعه

 

 

[brain]

لكن هذا لا يمنع ان نوعيه الجرائم التي يقوم بها المصريين اصبحت شرسه جدا
فقضايا الاعتداء على الاطفال هي ظاهره جديده على المصريين
و قضايا القتل لسرقه مبلغ زهيد ايضا ظاهره جديده على المصريين
و هو يؤكد ان هناك خللا ما حدث لسلوك المصريين
يجب دراسته في الداخل لان هناك اساس المشكله
قبل ان نبحث عن الاسباب مع المصريين في الخارج