خطوات الهجرة الى كندا - بدون محامي .!!!

[gadolly]

الصحف المصرية والعربية

اقتباس المشاركة الأصلية كتبت بواسطة nona alawaal جلاكسى حبيبة قلبى انتى بتدعيها تروح كيبك و بعدين انت هتيجى فيدرال شوفوا انتم الاثنين سيبكم من الفرنساوى بلا وجع قلب ...دى مفيش لغة اصلا و بيكلوا نصف الكلمة و تفهمى بقى من الجملة وجع قلب ده غير ان كل الفرنساوى اللى هتتعلموه كوم و الفرنساوى الكيباوى اللى هو مش فرنساوى ده كوم اخر

ليه كدة يا نونا بتوقفي سوق بتوع كيبك من الدعوات, انت عايزة الناس كلها تروح فيدرال عشان لما يملوا الابليكيشن يدعولك و ملقيش حد يدعيلي

يا ولاد يا مطاريد, فرنساوي صعب اه, بس بارده ارحم من امتحان الايلتس, اه بتبق بكلمتين في الانترفيو و ان شاء الله تعدي, و كمان انتي شايفة الدنيا بقت سريعة اوي لكيبك, يعني بالكتير سنة و نص و تبقي مهاجر, و الله اعلم الفيدرال و القوانين الجديدة ايه التخصصات اللي حيطلبوها
بس بجد يا نونا مجهود جبار اللي انت عاملاه و ربنا يوفقك و نشوفك في كندا, نفسي الاقيكي في التوبك بتاع الميزانية للمهاجرين الجداد, اكيد لما تروحي كندا حتعرفي تفقطيها احسن مننا بس تكون علي شييت اكسل المرة دي

 

 

[nona alawaal]

و لله يا استاذ جادولى انا وصلت الى المستوى السادس فى الفرنساوى .. بس اكتأبت و جالى حالة نفسية و كنت لازم و لا بد التخلص من هذه اللغة ده كنت بقعد فى الحصة ادعى على الفرنسيين و فرنسا و اللى عايزين يتعلموها .. و مع اخر امتحان قلت لهم بالنص اناهروح and I will cure my self from this language ... دى خنقة يا راجل ... و الحمد لله نسيته ( بالمناسبة اخر امتحان لى كان اليوم اللى قبل رمضان ).. الانجليزى لغة جميلة و غير معقدة و مفهومة ..
و اجراءات الهجرة بيسرعوها
ادعى لى بس ان وظيفتى تكون مدرجة ضمن الوظائف المطلوبة للفيدرال .... انا عارفة ان دعوة حضرتك مستجابة ان شاء الله و خصوصا و انت فى الغربة

 

 

[nona alawaal]

بدأنا بانزال الابليكشن
ثم بالقلم الازرق او الاسود بدأنا نملاء الابليكشن
فى البداية وجدنا

how many family members (including yourself(؟؟
الاجابة بتكون عدد أعضاء الاسرة ............. الرجل و مراته و الاولاد ( او المقدم باسمه الابليكشن+ الزوج او الزوجة + الاولاد )بس فقط
بالنسبة للعزاب بالطبع مفيش زوجة و معندهمش اولاد يبقوا هيكتبو نفسهم بس
ثم
المراسلات correspondence
هتختار يأمه English او French( و يفترض ان حضرتك اقوى فى الانجليزى عن الفرنساوى لانك مقدم للمقاطعات الانجليزية )
ثم
الانترفيوInterview
حضرتك هتختار English او French ... و يمكنك اختيار العربية و لكن فى هذه الحالة هتدفع اجر مترجم ( لا افضل ان تختار لغة غير الانجليزية وخصوصا انت مسافر للمقاطعات الانجليزية
و لا تقلق سيتقدم مستواك فى الانجليزية بحصولك على الايلتس بأذن الله ) ( وقد يأتى فى زهن الممتحن : كيف تذهب الى بلد لا تستطيع التحدث بلغتها..
نأتى للسؤال الاول
Family name : ( ده تكتب فيه اسم العائلة )
Given name (s) :تكتب فيه اسمك( او اسمك و اسم الوالد و والد الوالد)
مثال:
أحمد محمد جاد جادوللى
Family name : Gadolly
Given names : Ahmed Mohamed Gad
السوال الثانى النوع
الذكر هيعلم على خانة male, والانثى هتعلم على خانةFemale
ثم
السؤال الثالث تاريخ ميلاد المتقدم بالابليكشن...هنكتب تاريخ الميلاد اللى مكتوب بشهادة الميلاد
هتكتب : اليوم - الشهر - السنة
السؤال الرابع مكان ميلاد حضرتك
المدينة : مثلا Cairo او Alexandria او المنيا وهكذا
البلد : Egypt مثلا
السؤال الخامس : بلد المواطنة
هتكتب اسم وطنك ........ المصرى هيكتب Egypt.....
السؤال السادس بلد اقامتك / او بلد سكنك
هتكتب البلد اللى حضرتك مقيم بها الان
مثلا : Egypt بالنسبة للمقيمين بمصر...و على المقيمين خارجها مراعاة كتابة اسم البلد اللى بيقيموا بها الان

since when
اكتب تاريخ اقامتك بها يوم / شهر / سنة
بالنسبة للمقيمين بها منذ الميلاد ( ميلادك انت يعنى ) اكتب تاريخ ميلادك اللى موجود فى شهادة الميلاد.... سهلة دى
ملاحظة هامة
كل الاسماء/التواريخ اللى هتكتبوها فى الابليكشن تكون مطابقة للبسبور
_______________________________
نواصلو امانا على كل من يقرا ما اكتبه الدعاء لى بتيسير الهجرة
السؤال السابع : لغتك الام
كلنا لغتنا Arabic

السؤال الثامن : طول حضرتك
اكتب طولك ( سهله و لا صعبة )
السؤال التاسع : لون عين حضرتك
بدون لينسيز من فضلك اكتب لون عين حضرتك
السؤال العاشر : حالتك الاجتماعية الان
تختار واحدة من الموجودة التى عمرها ما تزوجت او لم يتزوج بعد هيعلم على Never married
المتزوج / المتزوجة يعلم على Married
الارمل / الارملة تعلم / يعلم على widowed
المطلق و المطلقة تعلم او يعلم على Divorced
و بالنسبة للمتزوجين يكتبوا تاريخ زواجهم اللى فى قسيمة الزواج اليوم / الشهر / السنة
ملحوظة هامة جدا يا مطاريد:
و من فضلكم اى مكان خالى ميخصكمش تكتبوا فيه N/A
متنسوش الدعاوى دى امانة حملتهلكم هتتسألوا عليها يوم القيامة.......

 

 

[Batman]

فعلاً مجهود رائع مدام نونا
تسجيل متابعة وتحية تقدير

 

 

[nona alawaal]

الله يخليك يا دكتور باتمان
تحياتى

 

 

[great expectations]

انا وصلت مدام نونا
تحياتي لك

 

 

[gadolly]

اقتباس المشاركة الأصلية كتبت بواسطة nona alawaal و لله يا استاذ جادولى انا وصلت الى المستوى السادس فى الفرنساوى .. بس اكتأبت و جالى حالة نفسية و كنت لازم و لا بد التخلص من هذه اللغة ده كنت بقعد فى الحصة ادعى على الفرنسيين و فرنسا و اللى عايزين يتعلموها .. و مع اخر امتحان قلت لهم بالنص اناهروح and I will cure my self from this language ... دى خنقة يا راجل ... و الحمد لله نسيته ( بالمناسبة اخر امتحان لى كان اليوم اللى قبل رمضان ).. الانجليزى لغة جميلة و غير معقدة و مفهومة .. و اجراءات الهجرة بيسرعوها ادعى لى بس ان وظيفتى تكون مدرجة ضمن الوظائف المطلوبة للفيدرال .... انا عارفة ان دعوة حضرتك مستجابة ان شاء الله و خصوصا و انت فى الغربة

يا رب يكرمك يا مدام نونا, بس علي فكرة بدال وصلت للمستوي ده في الفرنساوي كان ممكن تعدي الانترفيو بسهولة اوي

يا رب وظيفتك تكون مدرجة, بس هي الوظيفة ايه

 

 

[nona alawaal]

اقتباس المشاركة الأصلية كتبت بواسطة qenawy انا وصلت مدام نونا تحياتي لك

انت نورت يا دكتور و انا نزلت لك ترحيب فى الباب بتاع الترحيب اول ما شفت اسمك
ممكن بقى تشاركنى بالصور اللى انت كنت منزلها علشان يبقى الموضوع هنا متكامل و منسق
جزاك الله عنا جميعا كل خير
و كل سنة و حضرتك طيب

 

 

[nona alawaal]

اقتباس المشاركة الأصلية كتبت بواسطة gadolly يا رب يكرمك يا مدام نونا, بس علي فكرة بدال وصلت للمستوي ده في الفرنساوي كان ممكن تعدي الانترفيو بسهولة اوي يا رب وظيفتك تكون مدرجة, بس هي الوظيفة ايه

It is a top secret so i will tell u by email

بالنسبة للفرنساوى بجد بجد نسيته اصلى كنت شيفاه مرض لازم اتعالج منه ههههههه

 

 

[nona alawaal]

نستكمل معا ما بدءناه مع ان محدش غير استاذ جادوللى سمعنى اى دعوة ... بس اهى دى امانة
انتم حريين
ملاحظة : طبعا كلنا عرفين ان الابليكشن هتملىء باسم الشخص اللى يقدر يحصل على الدرجات الاكثر
يعنى الزوج او الزوجة يشوفوا مين اللى يستطيع يجمع نقط اكثر و هو ده اللى يتملى باسمه الابليكشن
نستكمل معا
السؤال الحادى عشر
هل كنت متزوج / متزوجة قبل كده
الاجابه تكون يأمه yes او No
اذا أجبت ب Yes
هتكتب اسمك الزوج السابق/ الزوجة السابقة
و تاريخ ميلاده او ميلادها
و تعلم على ( Marriage)
و هتكتب الفترة اللى كنتم مرتبطين فيها بالزواج من كذا الى كذا( يوم -شهر -سنة )
طب الاجابة لو هى No
هنعلم على No و باقى الخانات نكتب فيها N/ A
ملحوظة كلاكيت تانى مرة اى خانة متخصناش نكتب فيها N/A منسيبش خانة فضيه علشان الورق ميرجعلناش تانى و تتأخر الاجراءت)
السؤال الثانى عشر : هتكتب عنوان اقامة سيادتك الحالى شامل المدينة و البلد
ملحوظة كما هو وارد بالانفورميشن بتاعتهم اللى هى فى موقع CIC ممكن سعادتك تكتب العنوان بالعربى كمان ( هتقول لى ان المساحة الموجوده لن تكفى ) ارفق ورقة فضية اكتب فيها رقم السؤال و اكتب العنوان باللغة العربية .... يبقى كده حضرتك كتبت العنوان بلغتان انجليزى و عربى
و يبقى بكده احنا خلصنا ملىء ببساطة شديدةالى السؤال الثانى عشر من الابليكشن المقدم الى السفارة الكندية... و لكم جزيل الشكر..طبعا بحملكم أمانة الدعاء لى ان وظيفتى تكون مدرجة ضمن الوظائف المحتاجين اليها فى الفيدرال
و ربنا يوفقكم جميعا ان شاء الله
و كل عام و الجميع بخير