اسكندراني,, و الهوي علي كيبك رماني

[samehelassad]

الصحف المصرية والعربية

اية ياجدوللي بطلت تكتب لية. عاوزينك تكمل متحرمناش من كتاباتك.

 

 

[gadolly]

اقتباس المشاركة الأصلية كتبت بواسطة samehelassad اية ياجدوللي بطلت تكتب لية. عاوزينك تكمل متحرمناش من كتاباتك.

اصبر عليا ان شاء الله حنزل قصة في باب فرفشة اسمها زعبولة كسر القلة!! بس افوق شوية

 

 

[nona alawaal]

اقتباس المشاركة الأصلية كتبت بواسطة gadolly اصبر عليا ان شاء الله حنزل قصة في باب فرفشة اسمها زعبولة كسر القلة!! بس افوق شوية

هو خير كل بتوع الاتوبيس هيهجره منتدى كندا و يكتبوا فى ابواب اخرى

 

 

[gadolly]

اقتباس المشاركة الأصلية كتبت بواسطة nona alawaal هو خير كل بتوع الاتوبيس هيهجره منتدى كندا و يكتبوا فى ابواب اخرى

الحقيقة هي بتتكلم عن حاجة بعيدة عن الهجرة, مش عايز اشغل شريط الاخبار و الناس تزعل تاني مننا! فقلت احطها في باب تاني
بس لو عايزنها في الباب هنا, فممكن نستأذن ياسر و نشوف

 

 

[nona alawaal]

حضرتك منتمى لهنا
بجد يا استاذ جادوللى انا لما بكون فى الباب هنا بحس انى فى بيتى
و لما بشارك فى اى باب اخر بحس انى ضيفة هناك
انت ممكن تضعها ضمن التوبيك ده " الاسكندرية و الهوى رمانى " كقصة منفصلة لو حضرتك تخشوا على الشريط
بالنسبة لاستاذ ياسر معتقدش انه هيمانع .. حتى علشان باب كندا ميكنش نايم
ما احنا ممكن نسمى قصتك الجديدة " زعبولة كسر القلة - من ادبيات كندى "... و تبقى القصة تبع باب كندا 100%

 

 

[samehelassad]

اقتباس المشاركة الأصلية كتبت بواسطة gadolly اصبر عليا ان شاء الله حنزل قصة في باب فرفشة اسمها زعبولة كسر القلة!! بس افوق شوية

مستنيين زعبولة ياجادوللي وزي مانونا قالت نزلها هنا. انا نادرا مابفتح امواضيع التانية.

 

 

[yassir]

اقتباس المشاركة الأصلية كتبت بواسطة gadolly الحقيقة هي بتتكلم عن حاجة بعيدة عن الهجرة, مش عايز اشغل شريط الاخبار و الناس تزعل تاني مننا! فقلت احطها في باب تاني بس لو عايزنها في الباب هنا, فممكن نستأذن ياسر و نشوف

عمنا جادولى موفد قطاع الذوق -كيبك ....
شكرا لذوقك الكريم و هو ليس غريبا عليك , خد راحتك دون حساسيات ....كلنا أخوه ...عفوا لست محتاجا لأن تستأذن ....أحنا الى بنستأذنك ألا تغيب علينا ....
كما ترى عدد الموضوعات كما توقعت ليس كبيرا لأسباب كثيره ....أنشغال الكثيرين ....المجهود الذى بذل فى الأوتوبيس و عدم الرغبه فى اعاده ما طرح من قبل ....الزنقه اللى زنقهالنا حمودى فى كواليس السياسه ......منتظريين زعبله فى باب كندا ....تحياتى ...

 

 

[negmo]

انت فين يا جادوللي.... والله زمان شوفت انت ساحبنا وراك ازاي من منتدي للتاني....تسجيل متابعة واعجاب عالسريع من اخوك ألأسكندراني الصغير....

 

 

[gadolly]

يا يونيون الصوت مش واضح

زمان بقي لما كان النت بطئ و انا في اسكندرية, كلمت يونيون و كان في شهر مارس و سالته بتعمل ايه دلوقتي, قاللي بشحت علي المترو
اوبة ده الموضوع مش باين عليه سهل, واد يا يونيون هو انت بقالك 3 شهور مش لاقي شغل, يقوللي ايوة قاعد في البيت, يخرب عقلك يا بعيد, ده كان الحلم بتاعي الاقيك قاعد في اليت, يقوللي اه, طيب كندا ايه و نيلة ايه, كانت اول صدمة في موضوع كندا, عشان كدة بنقول للاشبال الصغيرين لازم يكونوا مستعدين لاي موقف من غسيل اطباق الي توزيع جرايد في الشوارع في عز التلج
المهم بدات اساله علي اجراءات كيبك اللي الناس دلوقتي بقت بتلاقيها علي المنتدي بمنتهي السهولة, و للامانة التاريخية سالته اسالة من نوعية الورق كتير اوي يا يونيون, هو ازاي الظرف حياخد الورق ده كله
عشان كدة انا بقدر اي واحد يسال و عمري ما حقر سؤاله مهما كان, بس اللي بيضايقني اللي بيسالوا الاجابة موجودة في نفس التوبك

المهم الواد يونيون شعلل الفكرة في دماغي, و انتم عارفين عمكم جادوللي من اكتر الناس مندفعة
انا اتنيمت علي كلمة كيبك و مفتاحها اللي هو الفرنساوي و كنت حاجز ساعتها في المركز الفرنسي, ايامها كان الكورس لسة اقل من 400 جنيه, و ده يا ولادي الاعزاء اول درس نتعلمه في الحلقة دي و هو ابدا دلوقتي و الان, متعرفش بكرة في ايه, اوعي تكسل انت و هو و تقول الايام كتيرة, لا يا باشا الفرصة متجيش بسهولة و اللي تلحق تعمله دلوقتي اجري و خلصه و ربنا بيبارك في الوقت و الصحة,

طيب بدات فرنساوي مع نادين في المركز الثقافي بالاسكندرية, و عشان تتعلم فرنساوي (نصيحة من واحد مش بيعرف يتكلم و لا يفهم كويس لحد دلوقتي) لازم حياتك كلها تبقي فرنساوي, يعني موبايلك, الجرنان, الكمبيوتر, تجيب قصص اطفال, كارتون بالفرنساوي, كل حاجة, عيش الدور انك فرنساوي, انا وصت اني كنت بجيب ترجمة القران بالفرنساوي

بدات سكة الكفاح, مع بعض الاعاقات الخارجية اللي مش عايز اتكلم ليها دلوقتي, و البعض من حزب اعداء النجاح, بس الوحد الحمدلله عرف يشق الطريق الصعب الي كيبك, و كان احلي وقت ليا في المكتبة بتاعة المركز الفرنسي, كنت بطلع من الشغل عليها و بعدين اخد الكورس اللي كان معظمهم مكثف, يعني 4 ايام في الاسبوع و بعدين ارجع البيت اذاكر الدكتوراه و الحمد لله رغم كدة كنتش بنسي العلم الشرعي (ياه فين الايام دي, الواحد حاسس انه عجز و مش قادر يعمل ربع اللي كان بيعملوا زمان, الظاهر يا ولاد النت و المنتدي لحس مخ الواحد)
طبعا كان فيه اوقات بيجيلي احباط جامد و احس ان الدنيا سودة في وشي, زي مانا حاسس دلوقتي و مستني الاخبار من مكتب دمشق علي اخبار ملف الهجرة اللي بقيت اخر واحد في المكتب , بس بارده كنت بقاوح و لو حسيت ان الهدف بدا يروح مني, كنت بحط هدف تاني صغير و امشي وراه عشان مقفش في وسط الطريق, المهم الكابوس بتاع الموظف اللي شايل بطيخة ميجليش, ما ده الكابوس اللي كان بيجيلي, و هو اني بقبت موظف في اي شركة حتي لو مرتبي بالالاف, و راجع البيت و جايب معايا بطيخة و اعيال اول ميشوفوني يقولوا بابا جه بابا جه, لااااا الا الكابوس ده, مش عايز اشوفه ادامي, الموظف اللي حياته بقت رتم واحد, شغل - بيت- جرنان-علاقات اجتماعية-نوم-تعليم عيال- جوازهم- موت الموظف
مش دي حياة معظم المصريين مع اضافة حبة كورة و قعدة علي القهوة او حبة حنجرة في الاقتصاد و السياسة او بصبصة و كلام علي الستات , علي هامش الحياة, من غير امل او هدف, او بالاصح من غير حلم, الحلم اللي بيخليك تسيب كل حاجة و تيجي علي كندا, كندا ارض الاحلام

 

 

[gadolly]

اقتباس المشاركة الأصلية كتبت بواسطة yassir عمنا جادولى موفد قطاع الذوق -كيبك .... شكرا لذوقك الكريم و هو ليس غريبا عليك , خد راحتك دون حساسيات ....كلنا أخوه ...عفوا لست محتاجا لأن تستأذن ....أحنا الى بنستأذنك ألا تغيب علينا .... كما ترى عدد الموضوعات كما توقعت ليس كبيرا لأسباب كثيره ....أنشغال الكثيرين ....المجهود الذى بذل فى الأوتوبيس و عدم الرغبه فى اعاده ما طرح من قبل ....الزنقه اللى زنقهالنا حمودى فى كواليس السياسه ......منتظريين زعبله فى باب كندا ....تحياتى ...

بس انت تكتب و احنا معاك
انت يا عمنا القاطرة, حتوقف كتابة كلنا بنقف, مش عارف ليه من ساع ما روحت علي الاشراف و بطلت تكتب, و انا كمان معتش ليا نفس اكتب, ما تسيبك من الاشرف علي المنتدي و ترجعلنا تاني