طب الاسنان في كندا

[Moe]

الصحف المصرية والعربية

اقتباس المشاركة الأصلية كتبت بواسطة مصطفى حزاك الله خيرا على سرعه الرد انا طبيب اسنان عمري في منتصف الثلاثينات معدلي في البكالوريوس كان اثنان و سبعون ،معايه ماستر بس اكيد مش معترف بيها زي البكالوريوس الوضع من ناحيه الهجره قدمت ورقي )بمعنى اخر القدوم الى كندا مش قبل سنه على الاقل السوال الرابع صدقني لسه مش عارف السوال الخامس يا ريت يا فندم بس حضرتك شايف ان ده ممكن.. و ربنا يجعل كل كلمه تفيد بيها اي حد في ميزان حسناتك

مربط الفرس يا يا طيب أنت ناوي تستقر ولا ايه ..لأن ناس كتير بتغير رأيها....لو حتستقر يبقى لا مفر من أنك تبتدي من دلوقتي الاجراءات وتتوكل علي الله وتحاول ...لأن اعتقد أنت مارست المهنة لمدة طويلة دلوقتي عشان تغير ...مااعتقدش حتبقى سهلة عليك تغير المجال ...لو مش حتستقر و راجع الخليج يبقى دبلومة لاي حاجة في السريع ...Endo-Implantology-حتفرق كتير جدا بفضل الله هناك ..ملهاش لازمة لو مش حتستقر تبتدي معادلة وده شيء تقرروا مع نفسك بعد ما تشوف الوضع إن شاء الله بنفسك ..

لو قررت معادلة يبقى ابدتدي ذاكر يا طيب خلال السنة الي جاية دي لامتحان ال
Assessment of Fundamental Knowledge


زي ماانت شايف في السامبل القصة مش صعبة ..بس اصعب شوية من الامتحان الاول في النظام القديم EE )Elagibilty exam)...لأن النجاح كان فيه من 60% بس .. و دي سهلة ..بس الامتحان الجديد ده لازم 75% ..خلوه اصعب ..فيه حاجات ممكن تتعبك لأن في مصر ماحدش بركز عليها زي Micro-anatomy و Biochemistry

** محدش دخل الامتحانات دي .. ومحدش يعرف بالضبط مصدر المذاكره...غير الكتب الموجودة في السايت .. الشباب بيذاكروا من ال .
..dentEssentials...Dental Ducks ...الي جانب التكست بوكس في السايت بتاعهم..مفيش حد عنده مصدر واحد ولا مؤكد ..لكن في حاجات الكل متفق عليها زي كارانزة بتاع الPerio مثلا ..


** املي الابيلكاشن وابعت لهم الاوراق والشهادات..القصة مش زي الاول منظمة هي علي بتعمل التقيم .. هما بيعملوا التقيم..

**Clinical Part مااعتقدش أنك حتواجه مشكلة لانك واضح أنك طبيب محنك ..بس لو داخل البلد وعاوز تشوف الناس دي بتشتغل ازي في ناس بتدي كورسات ..أعرف واحد في ميسيساجا قولي لما تكون في المرحلة دي وأنا اقولك عليهم إن شاء الله

** الجزء الأكاديمي لو في امريكا ممكن اقولك ينفع إن شاء الله بقلب جامد..القبول سهل جدا بالنسبة لبرامج الدكتورة هناك..كندا معقدين الدنيا لحد كبير .. وهما كلهم 9 كليات في البلد ..امريكا 120 كلية .. الفرص اكبر أكيد

**زي ماقلتلك يا غالي ماحدش يعرف شيء لسة ..الويبسايت ده كل مصدر المعلومات دلوقتي ..عشان كده خد وقتك ..اقرا كل كلمة وتوكل علي الله .. الايام الجاية حاجات كتير حتبان وأنا معاك بفضل الله لو عرفت شيء جديد إن شاء الله

ربنا يجعل هجرتك موفقة إن شاء الله وتنال كل الا بتتمناه يا طيب

 

 

[elmadysm]

دعوه لموضوعي

CharlesSwide

جزاك الله خير يا دكتورنا ياطيب
رجعت متاخر
انكسفت اتصل بعد الساعة 10

 

 

[Moe]

اقتباس المشاركة الأصلية كتبت بواسطة somayasaleh مساء الخير يا دكتور محمد،،،،،،، انا كمان بسأل حضرتك لبنتي....هي خلصت سنة اولي طب اسنان هنا في مصر وقدمت في جامعات تورونتو... وماكماستر.....وواترلو علي علوم....بس لسه ماجاش الرد المهم....سؤالي .....ايه المجال اللي ينفع تكمل فيه بعد العلوم غير مواويل الطب وطب الاسنان،،،،والصيدلة....الخ يعني ياريت حضرتك تفتح لي شوية ابواب ومجالات قريبة من الفيلد الطبي ....ومش صعبة زي الطب والاسنان والصيدلة؟؟؟ وشكرا لحضرتك مقدما

مدام سمية صباح الخيرات
80% علي الاقل من الا بيدخلوا العلوم هنا زي ماحضرتك أكيد شفتي عشان يدخلو احد الكليات الطبية...طب ..صيدله..طب اسنان ... ده الهدف الأساسي
الباقي بيدخلوا علي الماسترات والدكتورهات عشان يكملوا اكاديمي ...مدارس أو جامعات ...أو يشتغلو في مجال البحث العلمي
فيه الي بيعمل شيفت ويدرس حاجة زي MBA ويدخل المجال ده في ادارة الشركات العلمية زي ماأنا عملت .. لأن معظم شركات الادوية والشركات العلمية والطبية عايزين واحد خلفية علمية او طبية معا حاجة في البيزنس...

**كلية علوم هنا من غير Up-head Planing ...ماستر ...دكتورة..حاجة كده ..الباكلريوس بس .. عديم القيمة لحد كبير .. والدراسة في الجامعات الكنديه صعبة لحد كبير خصوصا في المجال العلمي ... الناس دي ماعندهاش هزار .. ولا فيه دروس خصوصية ..ولا درجات رأفة.. الواحد لما يخلص بيكون خلص أصلا .. ألا لو نفسه طويل..لازم الواحد يكون عنده خطة لقدام


** حاجة زي ال Physiotherapy الي ذكرها دكتور shah بديل ممتاز وسهل ومضمون الشغل لحد كبير ..غير كده بتعتمد علي الشخص نفسه دماغه رايحه فين


**علي قد ماالدراسة هنا ممتعة لكن مفيش دارسة جامعة هنا سهلة.. اي كلية محتاجة مجهود كبير ..فخليها تدرس الا بتحبه افضل .. ويارب يكتب لكم جميعا التوفيق والنجاح الباهر في البلد دي ويجعله قدم سعد عليكم إن شاء الله

 

 

[phrma]

يا دكتور moe ربنا يكرمك ما تقولنا ايه احسن طريق خريجى علوم يسلكوه هناك لانى صراحة مش عاوز اعمل معادلة وعاوز ادرس كيمياء هناك من الاول
هل بكالوريوس كيمياء مطلوب هناك خصوصا انهم متشحفتين على كيميائيين ؟؟؟؟؟؟

وهل لو حبيت اكمل فى اى حاجة تانى خصوصا لو طب اسنان ينفع وهكمل كام سنة بعد علوم ؟؟؟

ولو مش هاكمل ايه دراسات العليا اللى ممكن اعملها ولاقى بيها شغل بسرعه؟؟؟

وهل بيعطونى قرض اثناء دراستى ولا بصرف من جيبى ؟؟؟

شكرا يا باشا وارجو المعذرة على كثرة الاسئلة

 

 

[مصطفى]

اقتباس المشاركة الأصلية كتبت بواسطة Moe مربط الفرس يا يا طيب أنت ناوي تستقر ولا ايه ..لأن ناس كتير بتغير رأيها....لو حتستقر يبقى لا مفر من أنك تبتدي من دلوقتي الاجراءات وتتوكل علي الله وتحاول ...لأن اعتقد أنت مارست المهنة لمدة طويلة دلوقتي عشان تغير ...مااعتقدش حتبقى سهلة عليك تغير المجال ...لو مش حتستقر و راجع الخليج يبقى دبلومة لاي حاجة في السريع ...Endo-Implantology-حتفرق كتير جدا بفضل الله هناك ..ملهاش لازمة لو مش حتستقر تبتدي معادلة وده شيء تقرروا مع نفسك بعد ما تشوف الوضع إن شاء الله بنفسك .. لو قررت معادلة يبقى ابدتدي ذاكر يا طيب خلال السنة الي جاية دي لامتحان ال Assessment of Fundamental Knowledge زي ماانت شايف في السامبل القصة مش صعبة ..بس اصعب شوية من الامتحان الاول في النظام القديم EE )Elagibilty exam)...لأن النجاح كان فيه من 60% بس .. و دي سهلة ..بس الامتحان الجديد ده لازم 75% ..خلوه اصعب ..فيه حاجات ممكن تتعبك لأن في مصر ماحدش بركز عليها زي Micro-anatomy و Biochemistry ** محدش دخل الامتحانات دي .. ومحدش يعرف بالضبط مصدر المذاكره...غير الكتب الموجودة في السايت .. الشباب بيذاكروا من ال . ..dentEssentials...Dental Ducks ...الي جانب التكست بوكس في السايت بتاعهم..مفيش حد عنده مصدر واحد ولا مؤكد ..لكن في حاجات الكل متفق عليها زي كارانزة بتاع الPerio مثلا .. ** املي الابيلكاشن وابعت لهم الاوراق والشهادات..القصة مش زي الاول منظمة هي علي بتعمل التقيم .. هما بيعملوا التقيم.. **Clinical Part مااعتقدش أنك حتواجه مشكلة لانك واضح أنك طبيب محنك ..بس لو داخل البلد وعاوز تشوف الناس دي بتشتغل ازي في ناس بتدي كورسات ..أعرف واحد في ميسيساجا قولي لما تكون في المرحلة دي وأنا اقولك عليهم إن شاء الله ** الجزء الأكاديمي لو في امريكا ممكن اقولك ينفع إن شاء الله بقلب جامد..القبول سهل جدا بالنسبة لبرامج الدكتورة هناك..كندا معقدين الدنيا لحد كبير .. وهما كلهم 9 كليات في البلد ..امريكا 120 كلية .. الفرص اكبر أكيد **زي ماقلتلك يا غالي ماحدش يعرف شيء لسة ..الويبسايت ده كل مصدر المعلومات دلوقتي ..عشان كده خد وقتك ..اقرا كل كلمة وتوكل علي الله .. الايام الجاية حاجات كتير حتبان وأنا معاك بفضل الله لو عرفت شيء جديد إن شاء الله ربنا يجعل هجرتك موفقة إن شاء الله وتنال كل الا بتتمناه يا طيب

ربنا يجزيك كل خير
وييسرلك الخير ..ويرزقك السعاده في الدنيا والجنه في الاخره..
معلش انا عاوز استوضح من حضرتك ،يعني حضرتك تنصحني اقدم السنه الجايه مش السنه ديه..
وبارك الله بك

 

 

[sharsharmsa]

دكتور محمد اتمنى تقولنا ايه اخبار الناس اللي دخلت الامتحان بتاع المعادله التلات اجزاء احنا عايزين نعرف القصه ماشيه ازاي فيه ناس نجحت ولا لا ارجو الرد لاني الموضوع يهمني جدا وعملت سيرش على جوجل محدش بيتكلم عن اسنان ف كندا خالص وانا تقريبا حبدأ ف القصه دي فارجوك رد عليا انا ليا عمي هناك بس معنديش استعداد اني اشتغل حاجه غير طب اسنان فلو القصه مقفله ياريت تقولي

 

 

[sharsharmsa]

انا سجلت ف المنتدى ده مخصوص عشان الموضوع ده ياريت اعرف معلومات منك يادوكتور وشكرا

 

 

[dr_mohamedimam]

السلام عليكم و رحمة الله بركاته..
أنا فتحت الموضوع ده لاني لفيت في المنتدى كتير عشان أجمع معلومات متفرقة... عن طب الأسنان و المعادلة الكندية و التخصص في كندا و عن مصير أطباء الأسنان بعد مابيوصلوا كندا..
فأتمنى كل من عنده تجربة أو معلومة تفيدنا نحن معشر اطباء الأسنان .. يجي يكتبهالنا هنا...
و أنا حبتي و أحط بعض الروابط المهمة لنا اللي قدرت أوصلها خلال بحثي... و يا ريت اللي عنده استفسار او عنده إضافات ..احنا هنا كلنا اسرة واحدة... :)
أول رابط ححطه هو رابط كلية طب الأسنان في جامعة تورنتو ..
https://www.utoronto.ca/dentistry/adm...sionsmain.html
https://www.utoronto.ca/dentistry/adm...qualacreq.html

و ده موقع المعادلة الكندية و كل الخطوات اللي لازم تعملها بالترتيب عشان تحصل على ترخيص مزاولة المهنة في كندا
https://www.ndeb.ca/en/non_accredited...graduates.html

و دي ال text books اللي بتتدرس هناك المفروض نذاكر منها
https://www.ndeb.ca/en/accredited/reference.htm

بالنسبة لينا على بال ما نخلص المعادلة الكندية .. انا كنت بفكر انه الواحد ياخدله فترة تدريب (اللي انا عايز أتأكد منها هي قد ايه بالضبط) كمساعد طبيب أسنان و يشتغل مساعد لحد ربنا ما يكرمه و ينجح في المعادلة على خير و ده حيكون في مجالنا و مفيد جدا أكيد و أعتقد حسب ما قريت في المنتدى هنا انه التدريب من 6 شهور لسنة....
(و يا ريت اللي عنده اقتراحات تانية للشغل المؤقت هناك يقول... و اللي عنده تعليق أو تصحيح يا مرحب بيه
https://www.livingin-canada.com/salar...ssistants.html
دي رواتب المساعد في مدن وو لايات كندا....

حدور على برامج التدريب دي و اللي ألاقيه ححطه هنا ان شاءالله .. سواء من المنتدى أو جوجل..

 

 

[OmarDent]

ازيك يا دكتور محمد
مشكلة المعادلة الرئيسية مش المذاكرة ولا صعوبة الامتحانات و انك ت Survive سنتين المعادلة مع صعوبة العمل أثناء الدراسة
المشكلة في ال Admission .. ان جامعة تقبلك في برنامج المعادلة لأنهم بياخدوا أعداد قليلة جدا
عموما لو حد عنده تجربة عملية يا ريت يقولنا

 

 

[dr_mohamedimam]

ازيك يا د.عمر..
ياريت حد يكون راح كندا يقولنا الوضع هناك بالنسبالنا ايه ..
بس انا اعتقد المعادلة زي اي معادلة بتقدم عليها و تذاكر زي كل الشهادات اللي بتحتاج معادلة.. معتقدش ان ليها نسبة معينة بتعملها و الا ليه بقى سامحين ب 1000 طبيب اسنان انه يهاجر هناك ؟؟ لكن يمكن قصدك على البرنامج اللي عاملينه لأطباء الأسنان اللي معاهم شهادات مش معتمدة.. البرنامج ده انا مش عارف حيقبلوا كل اللي بيقدم و مستوفي الشروط وللا لأ .. و هل اجباري اننا نقدم فيه . .وللا ممكن نعمل المعادلة نفسها علطول..
أنا كنت راسلت جامعة هناك و سألتها عن اعتماد شهاداتنا و اكمال التخصص هناك .. و ردوا علية كالآتي:
Dear Dr. Imam,

Thank you for your inquiry regarding acquiring a license to practice a dental specialty in Canada.

The Royal College of Dentists of Canada (RCDC) is an examination body for dental specialists.

You will be eligible to take our examination once the process listed below has been followed:

1. Completion of the Dental Specialists Core Knowledge Examination (DSCKE), administered by the Association of Canadian Faculties of Dentistry (ACFD). Website: www.acfd.ca.
2. Completion of the Dental Specialty Assessment and Training Program (DSATP)*. This is a special university program, with an initial assessment period (to a maximum) of three months.
3. If training is deemed necessary upon completion of initial assessment, the required gap training must be completed within nine months, and a certificate of completion obtained, signed by the Dean or Program Director of a participating accredited program, stating that competency *****alent to a Canadian-trained specialist has been achieved.

* We recommend you visit the following links for the universities that offer the DSATP:
- The University of Toronto Faculty of Dentistry at www.utoronto.ca/dentistry/admissions/dsatp
- The University of British Columbia Faculty of Dentistry at www.dentistry.ubc.ca


To practise dentistry in Canada a person must be registered with (and licensed by) a Dental Regulatory Authority (DRA) in the relevant province or territory. The NDSE is recognized by all Canadian DRAs and will permit you to become licensed in Canada, in the province of your choice. DRAs are organized by province: a complete listing is available on our links page (https://www.rcdc.ca/links.cfm).

We trust this information is helpful. Feel free to contact us in the future with other questions for which we may have answers, as you pursue your career in dentistry.


يا ريت اللي عنده خبرة في الموضوع يطمنا ..