Arabic Discussion Forum with a Special Interest in Travel and Immigration

أحمد فاروق · 7th May 2012, 05:58 PM

السؤال التخيلي ده جه على بالي النهاردة ...
نفترض فرضًا تخيليًا إن تكشف ليك بالدليل القاطع - سواء بشكل شخصي أو غير شخصي - إن المجلس العسكري مجرمين وخونة وعملاء لأمريكا وإسرائيل وهم اللي قتلوا الثوار من 11 فبراير 2011 ولحد دلوقتي. ونفترض برضه فرضًا تخيليًا إن المجلس العسكري خصص لكل مواطن فرد من القوات المسلحة يسأله: "انت معانا واللا لأ، ومفيش اختيار تالت؟" لو قال معانا، يسيبه بشرط إنه هيراقبه طول الوقت عشان يتأكد إنه فعلا معاهم، ولو قال لأ أو مش عارف أو أي اختيارات تانية، هياخده على السجن. هتقول نعم واللا لأ؟
المقصود، لو تكشف الحق بما لا يدع مجالًا للشك، وكان الوقوف مع الحق يحتاج تضحية، انت على استعداد للتضحية عشان الحق ده واللا لأ، بفرض إن مفيش مجال لأي اختيار تالت، يا تضحي يا تبقى مع الباطل.

أنا بصراحة لسه بفكر في الإجابة لأني شايفها مش سهلة. فأكون كداب لو قلت إني حسمت أمري بآه أو لأ.

aymanology · 7th May 2012, 06:08 PM

نعم مع الاستقرار

waleedelrefiey · 7th May 2012, 06:24 PM

دولة الظلم ساعة

و

دولة الحق كل ساعة

بس لو أتعذبت زيادة
هقول
انك قائد التنظيم

سامحني يا عم أحمد

دكتور مهندس جمال الشربيني · 7th May 2012, 06:31 PM

دعوه لموضوعي

مستر "عاوز" وأنـــــــــــــــــــــــــا

لا للمفاوضات
مع من صنعهم مبارك المخلوع
وإذا كنت تقرأ العربية
بص تحت وشوف توقيعي

...ويسقط يسقط حكم العسكر

....وعجبي!

أحمد فاروق · 7th May 2012, 06:41 PM

اقتباس

المشاركة الأصلية كتبت بواسطة aymanology


	نعم مع الاستقرار

هي فين طراطيف ديول ضوافر رجلين الاستقرار؟

اقتباس

المشاركة الأصلية كتبت بواسطة waleedelrefiey


	بس لو أتعذبت زيادة هقول انك قائد التنظيم

هاقتبس رد عادل إمام في فيلم المشبوه وهاقولك: انت يعني فاكر إنك لو قلت ليك شركا، هيفرجوا عنك؟

يعني سجني وتعذيبي لن يغني عن سجنك وتعذيبك شيء

اقتباس

المشاركة الأصلية كتبت بواسطة دكتور مهندس جمال الشربيني


	لا للمفاوضات

ماهو مفيش مجال للمفاوضات، اللي هي رمادي. يا أبيض يا إسود. يا معانا يا علينا.

بس أنا فهمت إن حضرتك هتقول لأ، وهتقبل السجن.

aymanology · 7th May 2012, 06:46 PM

اقتباس

المشاركة الأصلية كتبت بواسطة أحمد فاروق


	هي فين طراطيف ديول ضوافر رجلين الاستقرار؟

الاستقرار يا رااااجل

aymanology · 7th May 2012, 06:51 PM

استاذ احمد
في البدايه حضرتك حاطط فرضيه ان ( * ) علي خطأ بل وخائن وعميل

وتسألنا ما رايكم في (*) !!!

حضرتك مفترض ان (اكس) مجرم .. هل من المفروض اننا نقف مع المجرم؟؟!!

هل تتوقع ان يجاوبك احد بنعم (مثلما جاوبتك علي سبيل المداعبه) ؟؟!!

ليس هكذا تُدار استطلاعات الرأي .. مع وجود فرضيه مسبقه !!

لاننا لو علمنا وتيقنا ببواطن الامور.. وليس بناء علي تقديرتنا الشخصيه ...لكنا كلنا نسير في اتجاه واحد ..

أحمد فاروق · 7th May 2012, 07:02 PM

اقتباس

المشاركة الأصلية كتبت بواسطة aymanology


	*في البدايه حضرتك حاطط فرضيه ان ( ) علي خطأ بل وخائن وعميل وتسألنا ما رايكم في () !!!*

لا لا ... مش ما رأيكم. السؤال انتوا معاه واللا لأ، بشرط إن "لأ" ليها تمن.

اقتباس

المشاركة الأصلية كتبت بواسطة aymanology


	حضرتك مفترض ان (اكس) مجرم .. هل من المفروض اننا نقف مع المجرم؟؟!! هل تتوقع ان يجاوبك احد بنعم (مثلما جاوبتك علي سبيل المداعبه) ؟؟!!

هو كان سؤال لنفسي، وكنت شايف إني ممكن أقول آه. وشايف إنه ممكن يكون فيه مصريين (غيري

) يقولوا نعم. لأن "لأ" ليها تمن. ومش كل الناس عندها الاستعداد للتضحية عشان الحق. يا ريت كنا كلنا (المصريين أو البشر) عندنا هذا الاستعداد، كنا كلنا هنمشي في اتجاه الحق زي ما حضرتك بتقول، وماكانش هيبقى فيه كلمة اسمها "باطل".

اقتباس

المشاركة الأصلية كتبت بواسطة aymanology


	ليس هكذا تُدار استطلاعات الرأي .. مع وجود فرضيه مسبقه !!

خلاص اعتبرني سحبت الاستطلاع وخليته موضوع عادي

هو سؤال مش واقعي ... هو سؤال تخيلي مباشر سألته لنفسي بصرف النظر عن أي اعتبارات عملية أو واقعية. لأني شفت إن إجابتي هيتحدد على أساسها حاجات كتير، كتير منها ممكن يكون له وجود على أرض الواقع مش بس في الخيال.

محمد علي عامر · 7th May 2012, 07:20 PM

اقتباس

المشاركة الأصلية كتبت بواسطة أحمد فاروق


	لا لا ... مش ما رأيكم. السؤال انتوا معاه واللا لأ، بشرط إن "لأ" ليها تمن. هو كان سؤال لنفسي، وكنت شايف إني ممكن أقول آه. وشايف إنه ممكن يكون فيه مصريين (غيري ) يقولوا نعم. لأن "لأ" ليها تمن. ومش كل الناس عندها الاستعداد للتضحية عشان الحق. يا ريت كنا كلنا (المصريين أو البشر) عندنا هذا الاستعداد، كنا كلنا هنمشي في اتجاه الحق زي ما حضرتك بتقول، وماكانش هيبقى فيه كلمة اسمها "باطل".

إذا كانت "لا" لها ثمن "فنعم" أيضا لها ثمن
لأنه إذا كان المجلس العسكري خائن - وهو بالفعل كذلك - فلابد أن الشعب كله سيدفع ثمن خيانة هذا المجلس وهو ما يحدث الآن.

biopasha · 7th May 2012, 07:22 PM

مش دا مطلعش شفيق ..
شفيق طلع اللي بيخرج من الإنتخابات ويرجع تاني يااااراجل

اقتباس

المشاركة الأصلية كتبت بواسطة aymanology


	الاستقرار يا رااااجل

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

مشاهدة نتائج الإستطلاع: السؤال في الموضوع ... هتقول نعم واللا لأ؟
نعم معاكوا	2	28.57%
لأ مش معاكوا	5	71.43%
المصوتون: 7. أنت لم تصوت في هذا الإستطلاع

Latest Threads By This Member
Thread	Forum	Last Poster	Replies	Views	Last Post
سلطات رئيس الجمهورية في مسودة الدستور	شؤون مصر الداخلية	أحمد فاروق	7	2201	3rd December 2012 07:35 PM
مطلوب قرار وزاري من وزارة الصحة	خدمات عامة	نبيلة القطعاني	2	11844	22nd June 2012 02:48 AM
لو تكشف إجرام المجلس العسكري، تدفع تمن الحق؟	ثورة مصر ... 25 يناير 2011	NazeeH	29	5729	7th May 2012 05:58 PM
ثورة السعودية	ثورات عربية	أحمد فاروق	5	4482	15th March 2012 08:26 AM
ثقافة "شوبير"!	ثورة مصر ... 25 يناير 2011	أحمد فاروق	2	1417	11th February 2012 07:26 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
البرادعى يقترح على المجلس العسكرى إجراء الانتخابات الرئاسية أولاً	د. يحي الشاعر	إنتخابات الرئاسة	0	1st March 2011 09:42 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ثورة مصر ... 25 يناير 2011

لو تكشف إجرام المجلس العسكري، تدفع تمن الحق؟