هل قرار الهجرة قرار صائب ؟؟

[الثائر]

منذ فترة و انا فى قمة الحيرة من امرى فيما يخص الهجرة
عقليا اريد الهجرة لان العالم العربى عامة ينهار و مصر خاصة تنهار بوتيرة اسرع
قلبيا غير مقتنع بالهجرة تماما لاسباب اهمها : -

1 - ان ابنائى سيكونون فى خطر دائم نتيجة التعليم العلمانى الذى سيرسخ مفهوم ان الاديان جميعها متساوية و كونك مسلم او مسيحى او بوذى او ملحد لا يهم ، المهم ان تكون انسانا فاعلا فى المجتمع و لا تؤذى احدا .

2 - ستكون اللغة العربية عند ابنائى فى منتهى الضعف مما سيؤثر على فهمهم للقرآن و السنة و خطبة الجمعة اكثر بكثير مما لو نشاوا فى بلد عربى ( برغم كل عيوب التعليم فى بلاد العرب الا انها تبقى اقل ضررا )

3 - الجيل الثالث ( ابناء ابنائى ) غالبا سيكون اندماجهم فى المجتمع الغربى اقوى و فرصة بعدهم عن الدين اعلى بكثير من ابائهم الذين سيلقون اعلى اهتمام منى بسبب خوفى عليهم فى البداية

4 - لا اشعر بمعنى الحياة الحقيقى الا فى مصر بين اهلى و اصدقائى
5 - حتى اذا هاجرت فاننى لا انوى العيش خارج مصر للابد و ساضطر للعودة و هنا اكون ضيعت من عمرى سنوات فى مشروع حكمت عليه مسبقا الا يكتمل
لكن لاسف الحياة فى العالم العربى لا تسر عدو ولا حبيب
قلة قيمة و ضياع حقوق و حياة متدنية و تعاملات سيئة و حقد و كره بين الناس

حيرة شديدة
احيانا اقول ان اجتهد فى عملى فى الخارج لتحصيل مبلغا من المال يمكننى من العيش فى مستوى مرتفع فى مصر و فى منطقة راقية تجنبنى 80 % من مساوىء الحياة فى مصر ... لكن يبقى حلا وهميا

 

[زحل]

سبها لله
محدش عارف الخير فين
ربنا يستر

 

 

[engabdo]

والله انت فتحت موضوع مهم
فيه كتير من الناس مش عارفة عاوزة تهاجر ليه.
وفيه بعض الناس عارفة هاعمل ايه هناك ودول منهم ناس مقررة انها ماترجعش تاني .
وفيه نوع تاني رايح لهدف معيم وراجع تاني
شوف حضرتك عاوز تهاجر ليه اصلا.
هو مشروع يا اما تكسب او تخسر
بس المكسب والخسارة هو جزء من عمرك مش فلوس بس
وان كان لو الواحد عمل مشروع في بلده برده لو فيه خسارة هايبقى فلوس وعمر .بس مش هايبقى صعب زي لو كنت بره .
بالاضافة انك فعلا هاتفقد حاجة مهمة وهي صلة الرحم من زيارات الاهل وخلافه.
كل حاجة ليها سلبيات وايجابيات.
فيه ناس برده بتهاجر لانها بتهرب من واقع معين. على امل انه رايح لواقع من وجهة نظره انه افضل من واقعه الحالي. مانقدرش نقول برده انه بيفكر صح او غلط لانها ترجع للشخص نفسه هو او هي عاوز(ة) يوصل لايه بالضبط.
الموضوع برمته عاوز تفكير فعلا الواحد(ة) هايكسب ايه وهايخسر .
والقرار في الآخر لحضرتك بعد الاستخارة والاستشارة.
بالتوفيق.

 

 

[dr_waleed]

لو حضرتك بتسأل السؤال ده وانت في جيبك الفيزا يبقى نفسك هاتميل بشدة انك تسافر وتشوف الدنيا هناك

ولو مش عارف تجيب فيزا الهجرة يبقى نفسك هاتميل انك تقنع نفسك ان مصر والبلاد العربية احسن

موضوع العمر الضايع والفلوس والاولاد ... دي كلها عوامل بنضحك بيها على نفسنا

ابنك لو هايصلح (ان شاء الله) يبقى هايفلح في البلدين ولو هايفشل لا قدر الله برده هايفشل في البلدين

الفلوس مش مهمة في كندا ومش مهم تضيع لأنك هاتتعلم ازاي تاخد فلوس من الحكومة او من الشغل

والعمر واحد في الحالتين

لو معاك فيزا روح سافرلك سنة وجرب

ولو مش عارف تدخل كندا بفيزا .. حاول تتعابش مع الواقع التعيس اللي احنا عايشين فيه

بالتوفيق

 

 

[ehabbb]

اقتباس المشاركة الأصلية كتبت بواسطة dr_waleed لو حضرتك بتسأل السؤال ده وانت في جيبك الفيزا يبقى نفسك هاتميل بشدة انك تسافر وتشوف الدنيا هناك ولو مش عارف تجيب فيزا الهجرة يبقى نفسك هاتميل انك تقنع نفسك ان مصر والبلاد العربية احسن موضوع العمر الضايع والفلوس والاولاد ... دي كلها عوامل بنضحك بيها على نفسنا ابنك لو هايصلح (ان شاء الله) يبقى هايفلح في البلدين ولو هايفشل لا قدر الله برده هايفشل في البلدين الفلوس مش مهمة في كندا ومش مهم تضيع لأنك هاتتعلم ازاي تاخد فلوس من الحكومة او من الشغل والعمر واحد في الحالتين لو معاك فيزا روح سافرلك سنة وجرب ولو مش عارف تدخل كندا بفيزا .. حاول تتعابش مع الواقع التعيس اللي احنا عايشين فيه بالتوفيق

.


..................

 

 

[استشارى]

لو لم اكن مصريا لوددت اكون اى حاجه تانى خالص غير مصريا دى
الباشا صيدلى مش كده برده وﻻ ايه
يعنى سورى ﻻقيمه بره وﻻ قيمه جوه -انا معاك فى مملكه اﻻنسانيه
لو معاك فيزا ادهالى وعيش وسبنى اعيش
اخيرا بس فى امام المسجد هنا اسمه شيخ عبد العزيز واخد دكتوراه فى القراءات العشر زبونى وكده وبروح كمان عنده البيتالمهم ابنه نزل الجامعه وانحرف وكده وبيضرب بانجوا دلوقت وابنه التانى نزل وماشالله دلوقت
متجوز عرفى

 

 

[Rano]

اقتباس المشاركة الأصلية كتبت بواسطة dr_waleed لو حضرتك بتسأل السؤال ده وانت في جيبك الفيزا يبقى نفسك هاتميل بشدة انك تسافر وتشوف الدنيا هناك ولو مش عارف تجيب فيزا الهجرة يبقى نفسك هاتميل انك تقنع نفسك ان مصر والبلاد العربية احسن موضوع العمر الضايع والفلوس والاولاد ... دي كلها عوامل بنضحك بيها على نفسنا ابنك لو هايصلح (ان شاء الله) يبقى هايفلح في البلدين ولو هايفشل لا قدر الله برده هايفشل في البلدين الفلوس مش مهمة في كندا ومش مهم تضيع لأنك هاتتعلم ازاي تاخد فلوس من الحكومة او من الشغل والعمر واحد في الحالتين لو معاك فيزا روح سافرلك سنة وجرب ولو مش عارف تدخل كندا بفيزا .. حاول تتعابش مع الواقع التعيس اللي احنا عايشين فيه بالتوفيق

والله ضحكتنى وانا مش قادر اضحك.

جوابك منطقي، لكن اتخاذا القرار صعب. انا في نفس الوضعية لكن معي الاقامة ههههههههههههه
الحل ايه ياولاد نورونا :) الواحد فوض امره لله

 

 

[ysma]

فى رأيي أن مشروع الهجرة ينجح فى حالتين أو على الأقل واحد منهما:

1- أن لا يكون قد ولد فى بلده المقيم فيها حالياً, يعنى بلده القانونية المقيم فيها حالياً ليست إلا حبر على الورق و لا يربطه بها إلا الورق..

2- الإستمرار فى بلده القانونية خسارة مادية و معنوية له, فإذا إستمر الحال فى بلده الجديد فلن يكون الموضوع غريباً عليه, على العكس سيكون له الدافع القوى لكسر ظروفه التى كان يعانى منها فى بلده الأول.

 

 

[Anesthesiatec]

ههههه كأنك بتحكي عني بالضبط

اقتباس المشاركة الأصلية كتبت بواسطة ysma فى رأيي أن مشروع الهجرة ينجح فى حالتين أو على الأقل واحد منهما: 1- أن لا يكون قد ولد فى بلده المقيم فيها حالياً, يعنى بلده القانونية المقيم فيها حالياً ليست إلا حبر على الورق و لا يربطه بها إلا الورق.. 2- الإستمرار فى بلده القانونية خسارة مادية و معنوية له, فإذا إستمر الحال فى بلده الجديد فلن يكون الموضوع غريباً عليه, على العكس سيكون له الدافع القوى لكسر ظروفه التى كان يعانى منها فى بلده الأول.

 

 

[eagle eye]

بصراحة مش عارفة حضرتك حاطط الموضوع هنا ليه
انت بتسال تهاجر ولا لا
واحنا بنسال نهاجر ازاى