اخص على كده : اسراء عبدالفتاح وشباب الثورة مع عمرو موسى

[Farida]

الصحف المصرية والعربية

اقتباس المشاركة الأصلية كتبت بواسطة savary سبحان الله يا ألكس !! سبحان الله بجد ! أولا يعنى , انت مش شايف تحامل رهيب فى التوبك ؟ مش شايف أن العنوان مضلل بعض الشىء ؟؟ شباااااااااب الثورة ! احنا بنتكلم على 5 مليون شاب مصرى شاركوا فى الثورة دى بنتكلم عن أيدولوجيات متعددة و عشرات الحركات و ألاف الناشطين السياسين دول اللى بيتسحلوا و دول اللى بيتقتلوا و دول اللى راحوا السجن الحربى و دول اللى اتقدموا لمحاكمات عسكرية و دول اللى بيضربوا فى الشارع !!! دول اللى منهم 6000 واحد متقدم لمحاكمة عسكرية دول اللى مخليين الثورة مستمرة من يوم التنحى ليومنا هذا دول اللى راحت عنيهم ! دول اللى قدموا كل حاجة ...........وما اخدوش أى حاجة !!!! هل من العدل يتم اختزال كوووووول دول فى 3 اسماء راحوا قعدوا مع عمرو موسى !! فاقول شباب الثورة مع عمرو موسى !! ؟؟؟؟؟؟؟؟؟؟؟؟؟؟؟؟؟ يعنى هيبقى خائض عبد الله و تلفيق عكاشة و الاخوانيست و السلفيست و الفلول و العسكر كوووووول دول شغالين هجوم و تخوين و تدليس على شباب الثورة واحنا كمان يا ناس المفروض انها مؤمنه بهذه الثورة .......نحذو نفس الحذو !! 3 شباب ولا عشرة ولا ميه حتى راحوا قعدوا مع عمرو موسى ولا دعموه حتى ...اقول شباب الثورة ! مش ملاحظ برده كيل بخمسيمت مكيال يعنى الناس دى كفرت و بقت وحشة و كخة عشان راحت قعدت مع عمرو موسى واللى بيقعد مع الأمريكان و الاسرائيلين و بقاله 6 سنين فى لقاءات مع الأمريكان .......عااااااااااتى خالص ! اللى بيادة فى رجل العسكر و بيمرر جرائهم و يدافع باستماته عنهم و يدافع باستماته عن الداخلية عاااااااتى خاااااااالص ! الناس بتتكلم على البرداعى و على نجيب ساويرس و على المذيعين وأ.جرديز بيقولك لازم يشخشخو جيبوهم شوية و يساعدوا الغلابة و يعملوا مشارييييييييييييييع ! ومعندوش ادنى مشكلة فيما يمارسه البرلمان المصرى من - عهر سياسى - و من تفريط فى الدم و المال و العرض ! الناس بتتكلم على البرادعى اللى راح يبوس انجلينا جولى ومعندهمش أدنى مشكلة فى التغطية السياسية اللى قام بها الاسلاميين لتمرير مذبحة بورسعيد اللى راح فيها 190 شاب مصرى زى الورد ..190 شاب مصرى حموا الثورة دى و حموا الميدان و حموا الناس فى محمد محمود 190 شاب مصرى كل ذنبهم انهم غنوا و قالوا يسقط يسقط حكم العسكر ! عااااااااااااتى خاااااااااالص ! والله العظيم يا شيخ والله العظيم تانى الجيل دا خسارة فى الشعب دا وربنا العيال دى بما لديهم من ثقافة و علم و وطنية و انتماء و بما قدموه من تضحيات خسارة فى البلد دى ! اسراء عبد الفتاح دى كانت صاحبة دعوة اضراب 6 ابريل و اللى نتج عنها احداث المحلة و اللى كانت البروفة الأخيرة للثورة ! اسراء عبد الفتاح دى راحت أمن الدولة و اتهددت بكلام عيب أنى أقوله اسراء عبد الفتاح دى ليها دين فى رقبة كل مصرى .....زيها زى كل 6 ابريل و زيها زى كل الحركات الشبابية اللى كانت وقود الثورة دى و قدمت التضحيات فى الثورة دى و أول ناس نزلت الشاعر يوم 25 يناير هوا فعلا أخص بس مش لاسماء و لا لشباب الثورة اخص عليها بلد جاحدة ملعونة ملهاش إلا اللى يديها بالجزم على دماغها !! واخص على اللى ملهوش غير اللى ينصب عليه و يبيع دمه و ماله و عرضه لما يوصل للكرسى ! الشعب دا ملهوش إلا الاخوان و العسكر ! والبلد دى ملهاش إلا الاخوان والعسكر ربنا يطلعنا منها على خير و ينجدنا و ينقذنا و يعتقنا ويخلصنا !

بجد زهقتنى فى المنتديات و عالم المنتديات كله.........ده انت جايلى انا بقه و مش بتقول اراء لأ ده انت بتتهمنى صراحة انى باشنع على الثورة و الثوار بحجه انى ايسلاميست -زى استايلست كده - .....ولا بتفهم كلامى ولا عايز تفهم و شاطر بس تهاجم و تدخل مواضيعى تغرقها كلام و كلام و كلام و هجوم و نج لا له اول ولا له اخر .......مش طبيعى بجد ...........ياماتدخلش مواضيعى نهائى زى ما انا باعمل .....يا تعمل مواضيع تناقش وجهة نظرك ............بجد كرهت المطاريد بسببك تصدق

 

 

[savary]

اقتباس المشاركة الأصلية كتبت بواسطة Farida بجد زهقتنى فى المنتديات و عالم المنتديات كله.........ده انت جايلى انا بقه و مش بتقول اراء لأ ده انت بتتهمنى صراحة انى باشنع على الثورة و الثوار بحجه انى ايسلاميست -زى استايلست كده - .....ولا بتفهم كلامى ولا عايز تفهم و شاطر بس تهاجم و تدخل مواضيعى تغرقها كلام و كلام و كلام و هجوم و نج لا له اول ولا له اخر .......مش طبيعى بجد ...........ياماتدخلش مواضيعى نهائى زى ما انا باعمل .....يا تعمل مواضيع تناقش وجهة نظرك ............بجد كرهت المطاريد بسببك تصدق

عادى

ما فى ييجى 15 عضو كرهوا المنتدى و كرهوا المطاريد و سابوه بسبب حضرتك يا دكتورة !!




يعنى انا الكلام دا بمنتهى الأمانة يشرفنى و يبقى تاج على رأسى


أخدت بتار ناس كتير قوى !!



عموما ,, انا من المرة اللى فاتت و انا استكفيت خلاص و مكنتش ناوى - بجد - أناكف تانى !!





بس الموضوع دا وحش قوى الحقيقة !


انا برده عندى شرف فى الخصومة و متأكد أنه مكنش قصدك التشنيع على شباب الثورة


عشان كدا قولت

اقتباس المشاركة الأصلية كتبت بواسطة savary واحنا كمان يا ناس المفروض انها مؤمنه بهذه الثورة .......نحذو نفس الحذو !! !

بس بجد الموضوع فعلا تشنيع يعنى!!!

3 ولا عشرة ولا مية ......مش معناهم أبدا شباب الثورة !!

مكنش المفروض نقول -- شباب الثورة --- !!


وبعدين ما هو حضرتك غضبتى زمان ليوسف القرضاوى


مش عاوزه غيرك يغضب للى ليهم دين فى رقابينا ؟؟؟؟


على الأقل دول شافوا الموت بعنيهم و شالوا أرواحهم على كفوفهم


لما القرضاوى كان فى قطر عند الشيخة موزة و جوزها الشوال !!

ولما كانوا الاخوان فى بيوتهم بيراقبوا اللى بيحصل !!



بس القرضاوى جه و ركب زى جماعته ما ركبت على دم أغلى و أطهر و أنقى من فى مصر


اللى حضرتك بتقولى عليهم (( أخص ))


سبحان الله

مسمعناش الاخص دى على اللى فرطوا فى دم 190 شاب مصرى اتقتلوا فى نص ساعة زمن




هى البلد رايحة فى داهية من شوية !



خليكى يا دكتورة فريدة فى المطاريد و اكتبى براحتك اللى حضرتك عاوزاه


انا بعت القضية و مش فاضى و ميرضنيش انك تسيبى المطاريد بسببى





البلد دى اصلها عمرها ما هتنضف أبدا

لعنة فرعونية من قديم الأزل و عمل سفلى معمول و اترمى فى النيل و سحر أسود و منيل بنيلة


فعلى ايه حرقة الدم و الاعصاب ؟؟؟؟

هى خربانة .......خربانة



انا اللى ماشى و سايبه كله أهو و هنضم لل 15 اللى طفشوا

خليهم 16


بس انا خدت حقى و حقهم قبل ما أمشى


بس و الله العظيم , التوبك دا وكل كلمة كتبتها فيه

مكنتش عشان حاجة ......


الا الدفاع عن الثورة و عن شباب الثورة


اللى ما زلت مؤمن انهم خسارة فى البلدى و خسارة فى الشعب دا !!



بس مبقتش فارقة - للأسف


كل الكلام اتقال .......والشعر بقى ماسخ !!

على راى هشام الجخ


وخلاص

بقت بلد القرضاوى و العريان و الكتاتنى




و جوز الخيل و العربية

سرقوا الثورة الحرامية !!



مش مستاهلة حرقة دم يا دكتورة فريدة

je suis desole :-)


c'est fini

 

 

[Farida]

اقتباس المشاركة الأصلية كتبت بواسطة savary عادى ما فى ييجى 15 عضو كرهوا المنتدى و كرهوا المطاريد و سابوه بسبب حضرتك يا دكتورة !! يعنى انا الكلام دا بمنتهى الأمانة يشرفنى و يبقى تاج على رأسى أخدت بتار ناس كتير قوى !! عموما ,, انا من المرة اللى فاتت و انا استكفيت خلاص و مكنتش ناوى - بجد - أناكف تانى !! بس الموضوع دا وحش قوى الحقيقة !

ده انت فى مهمة مقدسة بقه لتطفيشى .....وتار و شغل كبير وانا ببرضه باقول ..................طب شكرا .......وسلم لى على ال15 و قولهم يرجعوا تانى .... البعبع مشى خلاص

 

 

[Farida]

قيل ما امشى بس احب اشير انى ذكرت اسم خالد عبد الحميد و انا كان قصدى ناصر عيد الحميد .....للأمانه علشان خاطر العزيزة اكرام لأنها فاهمه قد ايه الأسماء بتفرق ......و بالمرة كمان لما قلت شباب الثورة كان المقصود اللى معاهم كارنيهات شباب الثورة ولأن الخبر و الصورة فى جريدة التحرير كان مكتوب بنفس الصيغه اللى خلتنى مصدومة و كتبتها كما قراتها ...


.العواف بقه .

 

 

[Dr. Doaa Zakaria]

يا جماعة الموضوع قلب خناقة ليه؟
ليه منتعودش على الإستماع للآخر واحترام رأيه ولو كان على خطأ ومعارض تماما لرأيى
ويكون الحوار من غير تجريح للآخر ومحاولة اظاهرة على انه مش فاهم
اتمنى دا يحصل فى يوم من الأيام

القديرة والعزيزة Farida بجد توقيعك جميل

 

 

[انسان بقلب ملاك]

عجبآ ثم عجبآ .... عندما تخسرون من الشعب تتهموه بالغباء وانه اتنيل وشرب زيت وكيلو لحمه وخلافه وعندما تجدون صراع بين من انتخبهم الشعب وجماعه العسكر تنحازو للعسكر نكايه فيمن اختارهم الشعب ولفظكم وداس عليكم انكم نوع مختلف من امراض الشعب المصرى لا ينفع معها الا الجراحات والكبرى اننا امام مفترق طرق اما ان نرى منكم قوه ايها المتسلقين على اكتاف ثورة الشعب او تتنازلو شويه وتخرجو من اللعبه لانها كبيره عليكم وادى يا حبايبنا اتباعكم فيلحسو جزمه موسى وموسى ده مش بتاع فرعون لا ده موسى بتاع مبارك مش بقول لكم مبارك عرف يربى جيل بيعرف يلعب على كل الحبال