أمى وأبويا الناس...أختى و أخويا جيرانى

[hoppa]

الصحف المصرية والعربية

على حس الموضوع عن الاحتفال بمرور 75 عاما على انشاء اذاعة القاهره و نداءها الشهير هنا القاهره
افتكرت اللى كنت بسمعه اجباريا من إذاعة جنوب الصعيد حيث اننى لست من هواه الاستماع للاذاعة اطلاقا
لكن والدتى كانت بتشغل الاذاعة دى كل صباح تقريبا و كنت بسمع فيها اغنية لا اتذكر انى سمعتها فى مكان تانى
حتى بدور عليها على النت مش لاقياها
اغنية اسمها "يا قطر الصعيد"
بس مش بتاعت عفاف راضى..لأ دى اغنية شعبية فلكورية حتى اللى بيغنيها صعيدى بلهجة صعيدية واضحة

نفسى بجد الاقى الاغنية..فينك يا هيثم نافع

من كلمات الاغنية :

يا قطر الصعيد يا مقبل أسوان زيد السرعة زيد مشتاق للخلان
عدى يا قطر وفوت على المنيا و روح ملاوى
قبل سوهاج اسيوط مدد مدد يا قناوى

و تستمر مقاطع الاغنية لحين الوصول لمقطع "أمى و أبويا الناس اختى و اخويا جيرانى"

اغنية جميلة من الفلكلور الصعيدى ونفسى بجد ألاقيها...اصلى بصراحة مش معجبة اوى بمتقال اللى ضيع ماله و مش عارف يعمل ايه..الله يرحمه بقى

 

[قائد مدفعيه المطاريد]

احنا كده مظلومين (أهل بنىسويف ) الناس فى الصعيد بيقولوا علينا احنا مش صعايده و فى بحرى بيقولوا مستحيل تكونوا بحراويه .. حتى الراجل اللى بيغنى الاغنيه بتعتك دى يا هبه بدأ الصعيد من المنيا .. نروح فين بس يا جماعه

 

 

[hoppa]

اقتباس المشاركة الأصلية كتبت بواسطة قائد مدفعيه المطاريد احنا كده مظلومين (أهل بنىسويف ) الناس فى الصعيد بيقولوا علينا احنا مش صعايده و فى بحرى بيقولوا مستحيل تكونوا بحراويه .. حتى الراجل اللى بيغنى الاغنيه بتعتك دى يا هبه بدأ الصعيد من المنيا .. نروح فين بس يا جماعه

كان فيه موضوع ليجعله عامر اسمه " مأساة رجل فى المنتصف" اهو ينطبق عليكم يا قائد
انتوا تعتبروا مصر الوسطى اللى فيها منف عاصمة مصر القديمة يعنى انتوا التاريخ كله