ضربة موجعة للنظام

[هدى الخرباوى]

الصحف المصرية والعربية

برغم كل الاستحكامات الأمنية التى أقامتها وزارة الداخلية بمعرض القاهرة الدولى هذا العام منعا للمظاهرات والتجمعات الاحتجاجية على أرض المعرض وفى ضربة شعبية مؤثرة لم يتوقعها النظام الحاكم , قام اليوم عدد من زوار معرض الكتاب من المصريين الشرفاء بالقيام
بمسيرة داخل جنبات أرض المعارض بمدينة نصر مرددين خلالها هتافات قوية
منددة بـ "جدار العار الفولاذى" الذى يقوم نظام مبارك حالياً بتشييده على
حدودنا مع قطاع غزة , وقد إحتشد المئات من زوار المعرض وراء الهتافات
معبرين عن الرفض الشعبى لهذا الموقف المخزى الذى وضعنا فيه نظام مبارك ,
ولم تستطع الشرطة التعامل مع الأمر إلا بعد أن كانت المسيرة قد جابت أغلب
جنبات المعرض , بعدها قاموا بإحتجاز عدد من الأفراد المحركين للمسيرة لعدة
ساعات قبل أن تأتيهم الأوامر بالإفراج عنهم منذ قليل , وهذا خشية من أن
يؤدى إعتقالهم لإثارة الرأى العام والصحافة المستقلة حول موضوع الجدار ,
الذى يود مبارك أن يتناساه المصريين مع مرور الوقت حتى لا يؤثر بالسلب على
مخطط توريث الحكم الذى يسعى جاهداً إليه , وللعلم فإن هذا الجدار
يقوم النظام المصرى بإنشاؤه حالياً تحت إشراف أمريكى بغرض تشديد الحصار
على أهلنا بغزة , تنفيذاً للإتفاقية الأمريكية الإسرائيلية التى أبرمتها
"ليفنى" مع "كونداليزا رايس" فى يناير 2009 , جالباً العار لكل مصرى يعرف
قيمة مصر ودورها فى مساندة أشقائها والدفاع عنهم ويرى اليوم دماء شهداء
مصر فى حروبها مع العدو الصهيونى المحتل على مر التاريخ تهدر بتلك الأفعال
الخاضعة والخادمة لأهداف الصهاينة وأطماعهم فى المنطقة.

نقلا عن الزملاء خالد أدهم وعلى المصرى
والتفاصيل من مدونة صوت غاضب
https://soutgadeb.blogspot.com/2010/02/blog-post_11.html

 

[brain]

عارفه يا استاذه هدى
رغم ايماني الشديد بحقوق الشعب الفلسطيني و بدور مصر و شعبها لمواجهه الخطر الاسرائيلي
الا انني كنت اتمنى لو كانت غضبه الشعب المصري لعشرات الاشياء التي يعاني منها كما يغضب للاخوه في فلسطين
اراه شئ غريب جدا ان يثور المصريون من اجل غزه - و هم يستحقوا الثوره و اكثر - و لكنهم في ذات الوقت متبلدين الاحساس تجاه ما يحدث لهم شخصيا
و سبب حزني انني اعرف السبب في هذا التناقض

 

 

[Farida]

ياعم براين الله لا يسيئك المنظومة واحده و الشروة على بعضها و عموما و لاتزعل نفسك دور على النت على اضراب عمال مصر للكتان و اللى عاملينه و قبل كده احتجاجات موظفى الشهر العقارى و قبلهم مظاهرات عمال غزل المحله و غيرها و غيرها ............الناس بتفوق لكن المشكله فى اللى يكملهم بعد كده و يعرض مطالبهم ماينفعش هم يتظاهروا و الأمن يتدخل يسكهم على دماغهم و يفصلهم و يعتقلهم و ماحدش ولا محامين ولا منظمات اهلية يقوموا بواجبهم بعد كده يعرضوا مطالب و يتفاوضوا حولها و يجيبوا حقوق اللى بييتظاهروا هات لى مظاهرات فى الدنيا تقوم و الناس كلها تتكلم فى نفس واحد لابد من وجود نقابات حرة و مستقله و ده تم القضاء عليه بالقوانين اللى اتعملت و الحراسات و غيرها ...........
و بعدين اللى انت خايف منه ده ضد مبادئ الحريه كل انسان من حقه ينظم صفوفه و يجمع مؤيديه و اللى مش قادر على المواجهه و المقارنة يسكت ساكت

 

 

[بندق]

50 سنة حكم بوليسى قطعت الألسنة وقتلت المبادرة عند الناس ..

أذكر كلمة قالها لى أحد الرجال العاديين زمان .. والذى لم أكن أتخيل انه كان عضوا عاملا فى الاخوان فى الخمسينات .. وهو يقول بحسرة .. حرقت "فوامة" منشورات (الفوامة حمل حمار يعنى) كانت لدى ومشيت جنب الحيط بعدما رأيت حكايات القبض والتعذيب وكل اولادى بنات صغار .. وعدد لى ناس كثر كانو منخرطين فى العمل العام عموما وفى الاخوان خصوصا .. أراهم ماشيين جنب الحيط بل تحت الحيط .. ترى هل هذا أهم ما قدمت ثورة يوليو؟

 

 

[brain]

'سمعتي حاجه عن اوكرانيا يا دكتوره فريده من فتره
انا اقولك اخر اخبارها
يوم الاحد اللي فات كانت عندهم جوله تانيه للانتخابات الرئاسيه بين يانكوفيتش و تيموشينكو
الانتخابات دي ادت الى فوز يانكوفيتش و خساره تيموشينكو
الجميل في هذا الموضوع ايه ؟
ان تيموشينكو دي كانت هي زعيمه المعارضه التي اطاحت بيانكوفيتش من 5 سنوات في التظاهرات التي اجتاحت اوكرانيا و سميت يومها بالثوره البرتقاليه
و الان تخسر بعد 5 سنوات في الحكم امام نفس الرجل الذي اطاحت به من قبل
ايه العظمه دي بتاعه الديمقراطيه
و ايه جبروت الشعب الاوكراني ده
الشعب من 5 سنوات نزل الشوارع و اطاح بيانكوفيتش
و النهارده بعد 5 سنوات يعود به مره اخرى و يطيح بالزعيمه التي الهبت الجماهير من 5 سنوات
ادي الشعوب ولا بلاش
ادي الدول المحترمه ولا بلاش
ادى تيموشينكو الفرصه
عملت ايه ؟
فشلت
يبقى مع السلامه
و نجيب غيرها
بالذمه بقى يا دكتوره مش حرام بعدها نقول على الشعب المصري عمل علشان شيه اضرابات و شويه مظاهرات و اعتصامات
طيب اذا اطلقنا لقب الشعب المحترم على الشعب الاوكراني
ماذا يمكن ان نطلق على الشعب المصري في المقابل ؟
و بلاش حد يحمل الموضوع على عبد الناصر
لان حكم عبد الناصر يعتبر جنه اذا ما قورن بالحكم الشيوعي الذي كان يحكم الاتحاد السوفيتي
بس هي في الاخر همه شعب و مقدره شعب و طبيعه شعب

 

 

[Farida]

المقارنة ظالمة جدا و غير عادله ................
بالمناسبه فى مجال عملى فيه بعض المشروعات مع اوكرانيا و زملاء لى سافروا هناك و عاشوا فترة هناك ............اوكرانيا تعيش فى ظروف احلك بمراحل مما نعيشه نحن و الدعارة و الفساد و الجرائم لا تقاس بما يحدث فى مصر و موضوع ان الشعب هناك محترم و احنا لأ .........وجهة نظر لا تصلح للقياس
ثانيا : انت بتقول الست المعارضه وصلت للحكم دون وجود وزارة داخليه تعتقل و تعذب و ترهب الشعب و دون وجود مجلس شعب احادى التوجه و النظرة و انتخابات مزروة ولو لا بد من وجود ثورة - مثل الثورة البرتقاليه - انت عارف ضرورة وجود دعم خارجى زى ما حصل للثورة البرتقاليه و دعم امريكا لها و دعم امريكا اصلا لأنهيار اتحاد السوفتى لا يخفى على احد و زى ما كان فيه دعم سوفيتى للأنقلاب فى يوليو ..........................لكن احنا مطاطيين للنظام العالمى على الأخر و ماحدش يقدر يهوب ناحيتنا و موضوع الشعوب المحترمة تحرر نفسها فيها قولان و التاريخ بيقول فيه اكتر من طريقه للتخلص من الأستبداد .............الشعوب تختلف و الشعب المصرى من 7 الاف سنه لم يقم بثورة جامحه مثل الثورة البلشفيه و الثورة الفرنسيه عارف ليه يا براين علشان المصريين مختلفين مش حاصنف الشعوب لمحترمين او غير محترمين لأ حاأصنفهم لشعوب مر عليها 7 الاف سنه من عصارة تجارب الأمم مصر عبقريه فى الزمان و المكان زى ماقال جمال حمدان لا جغرافيا ولا تاريخ قالوا اننا بنهب نقتل و ننهب و نغضب فى ثورات الموضوع عندنا بيتعالج بطرق اخرى .............
لكن المشكله برضه مش فى الشعب المشكله فى النخبه فيك و فيا ........فى اللى جوه اللى فاهم وواعى و عارف لكن مش بيقدر يتعامل مع قسوة و هراوات الأمن و غياب لدور المؤسسات المدنيه اللى تحمى و تدافع لما تنتهك الحرمات و فى اللى قاعد بره حزين على شعبنا الغير محترم و مش قادر يعمل حاجه غير انه يفضل بره و للأسف خايف برضه من جواسيس الأمن و كفيله لو فى دول الخليج و قوانين الأرهاب لو فى دول غير دول الخليج .......................كلنا يا عزيزى براين زى ما بيقولوا ملطوطين و مافيش حد اوحش من حد
لى

اقتباس المشاركة الأصلية كتبت بواسطة brain 'سمعتي حاجه عن اوكرانيا يا دكتوره فريده من فتره انا اقولك اخر اخبارها يوم الاحد اللي فات كانت عندهم جوله تانيه للانتخابات الرئاسيه بين يانكوفيتش و تيموشينكو الانتخابات دي ادت الى فوز يانكوفيتش و خساره تيموشينكو الجميل في هذا الموضوع ايه ؟ ان تيموشينكو دي كانت هي زعيمه المعارضه التي اطاحت بيانكوفيتش من 5 سنوات في التظاهرات التي اجتاحت اوكرانيا و سميت يومها بالثوره البرتقاليه و الان تخسر بعد 5 سنوات في الحكم امام نفس الرجل الذي اطاحت به من قبل ايه العظمه دي بتاعه الديمقراطيه و ايه جبروت الشعب الاوكراني ده الشعب من 5 سنوات نزل الشوارع و اطاح بيانكوفيتش و النهارده بعد 5 سنوات يعود به مره اخرى و يطيح بالزعيمه التي الهبت الجماهير من 5 سنوات ادي الشعوب ولا بلاش ادي الدول المحترمه ولا بلاش ادى تيموشينكو الفرصه عملت ايه ؟ فشلت يبقى مع السلامه و نجيب غيرها بالذمه بقى يا دكتوره مش حرام بعدها نقول على الشعب المصري عمل علشان شيه اضرابات و شويه مظاهرات و اعتصامات طيب اذا اطلقنا لقب الشعب المحترم على الشعب الاوكراني ماذا يمكن ان نطلق على الشعب المصري في المقابل ؟ و بلاش حد يحمل الموضوع على عبد الناصر لان حكم عبد الناصر يعتبر جنه اذا ما قورن بالحكم الشيوعي الذي كان يحكم الاتحاد السوفيتي بس هي في الاخر همه شعب و مقدره شعب و طبيعه شعب

 

 

[dr-amira]

بالعكس يا برين ..انا شايفة المصريين بدأوا يتحركوا ..يعنى عمرنا ما شفنا الفلاحين عاملين اضراب او اعتصام ..النهاردة الفلاح بدأ يعتصم و يقطع الطريق الزراعى ويهاجم موكب الوزير ....ونفس الكلام مع مختلف الفئات من اطباء وصيادلة ومهندسين واساتذة جامعة وعمال
المشكلة هنا فى حاجتين ...اولا عدم وجود شخصية قياديةتنظم الغضب ده وتوجهه صح يعنى كل واحد مع نفسه
الحاجة التانية الباب لما يخبط وتلاقى مخبر من امن الدوله بيستدعيك انت او ابنك بس علشان يوريك العين الحمرا ويقولك هااااااااااااااه
ومع ذلك فيه امل ..يعنى جرأه الشباب فى عمل مظاهرة المعرض بالرغم احتياطات الامن المرعبة فى المعرض وبالرغم من منع الدخول يوم الجمعة غير بعد الصلاة منعا للمظاهراتيقول ان فيه امل

 

 

[brain]

اقتباس المشاركة الأصلية كتبت بواسطة Farida المقارنة ظالمة جدا و غير عادله ................ بالمناسبه فى مجال عملى فيه بعض المشروعات مع اوكرانيا و زملاء لى سافروا هناك و عاشوا فترة هناك ............اوكرانيا تعيش فى ظروف احلك بمراحل مما نعيشه نحن و الدعارة و الفساد و الجرائم لا تقاس بما يحدث فى مصر و موضوع ان الشعب هناك محترم و احنا لأ .........وجهة نظر لا تصلح للقياس ثانيا : انت بتقول الست المعارضه وصلت للحكم دون وجود وزارة داخليه تعتقل و تعذب و ترهب الشعب و دون وجود مجلس شعب احادى التوجه و النظرة و انتخابات مزروة ولو لا بد من وجود ثورة - مثل الثورة البرتقاليه - انت عارف ضرورة وجود دعم خارجى زى ما حصل للثورة البرتقاليه و دعم امريكا لها و دعم امريكا اصلا لأنهيار اتحاد السوفتى لا يخفى على احد و زى ما كان فيه دعم سوفيتى للأنقلاب فى يوليو ..........................لكن احنا مطاطيين للنظام العالمى على الأخر و ماحدش يقدر يهوب ناحيتنا و موضوع الشعوب المحترمة تحرر نفسها فيها قولان و التاريخ بيقول فيه اكتر من طريقه للتخلص من الأستبداد .............الشعوب تختلف و الشعب المصرى من 7 الاف سنه لم يقم بثورة جامحه مثل الثورة البلشفيه و الثورة الفرنسيه عارف ليه يا براين علشان المصريين مختلفين مش حاصنف الشعوب لمحترمين او غير محترمين لأ حاأصنفهم لشعوب مر عليها 7 الاف سنه من عصارة تجارب الأمم مصر عبقريه فى الزمان و المكان زى ماقال جمال حمدان لا جغرافيا ولا تاريخ قالوا اننا بنهب نقتل و ننهب و نغضب فى ثورات الموضوع عندنا بيتعالج بطرق اخرى ............. لكن المشكله برضه مش فى الشعب المشكله فى النخبه فيك و فيا ........فى اللى جوه اللى فاهم وواعى و عارف لكن مش بيقدر يتعامل مع قسوة و هراوات الأمن و غياب لدور المؤسسات المدنيه اللى تحمى و تدافع لما تنتهك الحرمات و فى اللى قاعد بره حزين على شعبنا الغير محترم و مش قادر يعمل حاجه غير انه يفضل بره و للأسف خايف برضه من جواسيس الأمن و كفيله لو فى دول الخليج و قوانين الأرهاب لو فى دول غير دول الخليج .......................كلنا يا عزيزى براين زى ما بيقولوا ملطوطين و مافيش حد اوحش من حد لى

يا دكتوره فريده
يانكوفيتش تلميد نجيب للمدرسه السوفيتيه
و لو على القمع كان موجود
و لو على القتل كان موجود
ولو على الاختطاف و اخفاء المعارضين كان موجود
بس الشعب تخطى كل ده و استطاع ازاحته من السلطه

اما بالنسبه للحضاره و 7 الاف سنه و الكلام ده كله
شاوريلي كده على ثوره قام بها الشعب المصري
حضرتك بتقولي ان الموضوع بيتعالج بطريقه اخرى
ما هي الطريقه الاخرى ؟
الخضوع و الاستكانه ؟
و معلش عايز اعرف تعريف محدد لكلمه بيتعالج
هل ما يحدث الان في مصر يعتبر علاج ؟
ما هو علاج الظلم الذي يحدث ؟
و لو افترضا ان عبد الناصر كان زفت
يبقى من 58 سنه الشعب المصري مبيعالجش ليه ؟
و قبلها ب 150 سنه
الشعب المصري مبيعالجش ليه ؟
يا دكتوره بلاش بس نتكلم عن النخبه
نخبه ايه و نخبه مين ؟
يا دكتوره امبارح اليونان فيها اضراب دعت اليه نقابات العمال اضراب لمده 24 ساعه
نفس الظروف و الطلبات بتاعه ابريل 2008
دعوات على الانترنت تحولت الى اضراب شعبي
النخبه اهي عملت اللي عليها و دعت الى اضراب لمده 24 ساعه
و محدش يقولي توعيه و غير توعيه
اعتقد ان الشعب المصري على وعي كامل بمصيبته السوده اللي عايش فيها
عارفه ايه اللي حصل امبارح
مئات الالاف من العمال المضربين و طلبه الجامعات و اساتذه الجامعه اشتركوا في الاضراب
الاضراب كان للقطاع العام
مئات الالاف من القطاع الخاص اشتركوا في الاضراب
المدارس و المستشفيات و الجامعات و الطيران و المصانع كلهم شاركوا في الاضراب
عارفه الاضراب كان ليه ؟
علشان عايزين يزودوا الضرائب و يرفعوا سن المعاش
احنا فين بقى من الكلام ده ؟
كل ده و ايه
و اليونان تحكم بحكومه اشتراكيه وصلت الى الحكم من سنتين تقريبا بفضل خطتها الداعمه للشعب اليوناني
طيب احنا بقى نعمل ايه في نفسنا ؟
يا دكتوره اللي عايش بره او اللي مقتدر في مصر ايده في الميه
يعني ابراهيم عيسى قالها " هو ممكن يشتري اللحمه ب 50 جنيه و يقدر يتعالج في احسن المستشفيات و يدفع الضريبه العقاريه كمان "
و انا كده و انتي كده و معظم اللي في المنتديات كده
يبقى دول محدش يقدر يلومهم لانه بيدافع عن قضيه غيره
طيب و بقيه الشعب بيعمل ايه ؟
مبيدافعش عن قضيته ليه ؟
لا يا دكتوره الشعب المصري ملام بشكل كبير جدا في ما يحدث
طيب امنا ان النخبه في الطراوه
ضايعه و مش هتعمل حاجه
طيب و الشعب
هيستنى لامتى ؟
لغايه ما يموت و لا لما عمرو اديب يفتح في برنامجه فقره اسمها " الشحاته على الشعب المصري"

 

 

[brain]

اقتباس المشاركة الأصلية كتبت بواسطة dr-amira بالعكس يا برين ..انا شايفة المصريين بدأوا يتحركوا ..يعنى عمرنا ما شفنا الفلاحين عاملين اضراب او اعتصام ..النهاردة الفلاح بدأ يعتصم و يقطع الطريق الزراعى ويهاجم موكب الوزير ....ونفس الكلام مع مختلف الفئات من اطباء وصيادلة ومهندسين واساتذة جامعة وعمال المشكلة هنا فى حاجتين ...اولا عدم وجود شخصية قياديةتنظم الغضب ده وتوجهه صح يعنى كل واحد مع نفسه الحاجة التانية الباب لما يخبط وتلاقى مخبر من امن الدوله بيستدعيك انت او ابنك بس علشان يوريك العين الحمرا ويقولك هااااااااااااااه ومع ذلك فيه امل ..يعنى جرأه الشباب فى عمل مظاهرة المعرض بالرغم احتياطات الامن المرعبة فى المعرض وبالرغم من منع الدخول يوم الجمعة غير بعد الصلاة منعا للمظاهراتيقول ان فيه امل

يا دكتوره انا مكسوف من اللي باسمعه ده
هو ده اللي يقدر عليه الشعب المصري ؟
اقفال الطريق الزراعي مره كل سنتين ؟
عيب اوي لما شعب الجابون - لا 7 الاف سنه حضاره ولا غيره - يعملوا مظاهرات يجبروا فيها الرئيس ان يحتكم الى المحكمه الدستوريه لاثبات صحه انتخابه و الشعب المصري بيقفل طريق زراعي زي قطاعي الطرق بتوع زمان
عيب اوي لما شعب اليونان - اهو زينا و 7 الاف سنه حضاره و العقل و الحكمه موجودين فيه - يخرج عن بكره ابيه في اضراب شعبي لمده 24 ساعه بينما البنت اسراء لما عملت اضراب هي و و العمال بتوع المحله الناس عملت ودن من طين و ودن من عجين و قالت يكش تولع
عيب اوي لما شعب اوكرانيا - شعب فضل 100 سنه تحت قهر الحكم الشيوعي - لما يخرج في مظاهرات مليونيه من 5 سنين علشان يشيل الرئيس و بعدها ب 5 سنين يشيل اللي جابوها بعد ما شالوا الرئيس و رجعوا الرئيس تاني بينما نحن بقالنا 5 سنين بنخرج برضه في مظاهرات مليونيه بس علشان نستقبل المعلم و منتخب الساجدين و هم راجعين بالكاس و رايحين للكاس و كسبانين الكاميرون و خسرانين من الجزائر
بذمتك يا دكتوره ده شعب و ده شعب
لو خيروكي تنتسبي لاي شعب فيهم ؟

 

 

[د. يحي الشاعر]

بدأت القراءة ... وأردت المتابعة فقط ، ولكن لم أريد الصبر والإنتظار .......

كان لطلبة الجامعات والمعاهد دور قيادي في "توعية" ... و "قيادة" .... مظاهرات الإحتجاج
ضد أوضاع سيئة .. أو قانون .. أو وزارة ... أو حاكم

كان الشعب في مصر ، يتطلع إلي جامعة القاهرة .... وكانت "سلطات الأمن" تتوجس وتتخوف
من "بوابة" جامعة القاهرة الحديدية ... إذا فتحت علي مصراعيها .... فقد كان ذلك بداية لخروج
مظاهرات .... قدم خلالهم العديد من الطلبة لأرواحهم .... من أجل كلمات مباديء يناودون بها "الحقيقة والعدل والحق"

لم يختلف ذلك إطلاقا خلال العهود الماضية وتاريخ مصر الحديث

خلال أيام الملكية .... "السلطان فؤاد" ... الملك فاروق .... (ففتح كوبري عباس ، ليسقط في مياه النيل
عدد من الطلبة " بعدما حاصرتهم قوات الأمن من الخلف ودفعت بهم إلي فتحة الكوبري)

خلال منذ أيام 23 يوليو "جمال عبدالناصر" .... إحتجاجا علي إستقالة محمد نجيب 1954 و إحتجاجا علي بساطة "قرارات الحكم ، علي القادة العسكريين الذين تسببوا في نكسة 1967" .... وبالذات قائد القوات الجوية محمود صدقي وغيره من الذين كانوا يتحملون مسئولية القيادة العامة للقوات المسلحة ... علي جميع المستويات العليا وهيئة أركان حرب القوات المسلحة (جامهة الإسكندرية .. القاهرة ... )

خلال سنوات السادات ..... ويوجد أكثر من شريط فيديو عن غضبهم وعن غضب "السادات" نفسه

ثم تلي حسني مبارك ، أنور السادات .... وتعتبر سنوات حكمه ... جمهولكية .... بل أصبحت في الطريق إلي الجمهوراثية ....

منذذ عام 1981 وهو سجلس علي "عرش" رئاسة الجمهورية الحديثة ....

نحن الآن عام 2010 ... أي أن حسني مبارك يجلس علي "كرسي العرش الجمهولكي" منذ 29 عام ومنذ عدة ألااف الأيام ....

تخطت حقبة سنوات حكمه ، حقبات سنوات حكم "الملكية" بشكل مفرد .... سواء الملك فاروق ... أو السلطان فؤاد (فيما بعد الملك فؤاد) ... وقبله السلاطين الذين عينتهم "تركيا العثمانية ....

وتخطت حقبة وسنوات حكمه مجموع سنوات كل من سنوان حكم ... اللواء محمد نجيب وجمال عبدالناصر و أنور السادات جميعا ....

وعندما ننظر حولنا .... ووجود "حــرية" بشكل أكبر نسبيا أو واقعيا .... لا بد أن نتسائل عن دور الطلبة
في الجامعات والمعاهد ..... ولماا لا تحدث "مظاهرات" إحتجاجية مؤثرة .... ؟؟؟

حقا ... تحدث مظاهرات .... ولكن يبقي التشاؤل عن "نتائجهم" ....

نحن نقول دائما الشعب ... يجب أن يفعل كذا وكذا ... ولكن ... من هو هذا الشعب ..... الذي سيفعل ذلك ؟؟؟؟؟

كانت توجد أحزاب خلال عصر الملكية .... ويوجد أحزاب في مصر ومرة أخري منذ عصر السادات ...

إذن ، لا يمكن الإدعاء ، بعدم وجود حرية ....

كانت توجد "حرية و ديموقراطية تطبيقية مفتوحة " خلال أيام الملكية ، ويوجد في مصر ومنذ عصر السادات ... "حرية و ديموقراطية تطبيقية مفتوحة لكل من هب ودب "

ولا بد من تدوين أنه (كانت توجد خلال أيام وسنوات جمال عبدالناصر ديموقراطية ، وحرية تطبيقية مرتبطة بأهداف الدولة والظروف التي كانت تعاصرهم في المنطقة ) ... وكنا ندخل تجارب .... ومحاولات
إستعادة للنفس والأنفس ... مما تسبب في العديد من التأويلات المختلفة وبالتالي الأخطاء ... جسيمة أحيانا ... ومتوسطة في أكثر من حالة .. وبسيطة بدائية كثيرا ...

إذن ، لا يمكن الإدعاء ، بعدم وجود الحرية .... في مصر وبالذات منذ سنوات السادات و حسني مبارك

يبقي السؤال الهام .....

ماذا تغير في مصر .... حتي لا نعاصر ، ما وثقه التاريخ

كنا نقول دائما علي الشعب ... أن يفعل كذا وكذا ... فكانت مظاهرات طلبة الجامعة .. والمحامين ... بل والعمال ... و "التلاميذ" في المدارس الثانوية ؟؟؟؟؟

الآن نقول دائما الشعب ... يجب أن يفعل كذا وكذا ... ولا ولن يتحرك أحد ....

كانت المظاهرات "تقمع" دائما خلال جميع العصور التي عاهدتهم مصر ....

وكات "زنزانات" السجون وأقسام "البوليس" .. و "الشرطة" تمتليء .... بالعديد من المثقفين
ولو لساعات .. أو فترات مختلفة .....

وكان هناك فساد ... وإستغلال .... وسرقة ... ونهب .... خلال أيام الملكية (وبقي منهم نسبة وإن كانت قليلة جدا جدا بعد ثورة 1952 ... ) ... ثم رجع الفساد الواضح البشع والإستغلال والسرقة والنهب المنظم وبشكل متوسع ومتزايد بعدما ، نجحنا وعبرنا القنال 1973 .... وتطور الحال لييصبح النهب ومنظما والسرقة علنية والإستغلال مبدأ والتبذير في مقومات الوطن مبدأ لعدد لا باس به ممن يتمكنوا من وضع توقيعاتهم "الهامة" علي مستويات عالية جدا ... بل وزارية مجددة .... ,اصبح مبدأ الفساد ... تراعيني قراط أراعيك خمسين وتشوفني بعين ... أرد عليط بميتين (والحديث هنا عن الملايين ... المفردة)

كانت الحكومات "تخشي" ردود فعل الإعلام ... وبالذات الصحافة .... وما تصرح به الأحزاب والمجموعات والتجمعات

أما الآن ..... لا حياة فيمن تنادي ... بل من يشبع .... سيبقي ليشبع غيره ، إلا إذا حدث شيء خلف الكواليس أو أريد ذر الرماد في اعين "عشرات الملايين من الشعب المصري )

إذن ماذا حدث .... ؟؟؟؟ ولماذا حدث ذلك ..... ؟؟؟؟

و من هو هذا الشعب ..... الذي ننتظره ليفعل ذلك ؟؟؟؟؟

الحقيقة الواضحة والموثقة ... أن "الإنــتــمــــاء" .... قد إنقرض يشكل كبير
الإنتماء إلي الوطن .... الذذي أصبح "ممزقا" .... ليس فقط جغرافيا ولكن إجتماعيا ...

كنا وقتها نقول ... مصر .... الــوطن ..... فكانت الكلمة تجمعنا .....

الآن .... نسمع كثيرا "وأنا مالي ياعم" ....

لم يكن لك سوي النتيجة الواضحة ، لما يدور في وطني "مصر" ...

وهنا ... أترك أنفسنا لنتسائل ....

متي بدأ ذلك .... ؟؟؟؟

وكيف حدث ذلك ... ولا زال يحدث يوميا ..... ؟؟؟؟

ما هي مظاهر هذا "الــتــفـــكــــك" .... القومي ..... ؟؟؟؟

وهل لا زال عندنا "ســــلــطــة" علي أنـفـسـنـا ... ؟؟؟؟

أود أن أكتب الكثير .... ولكني سأكتفي وسأتوقف هنا ... وعند هذه النقطة .... وأرجو من يقرأ السطور أن
يعلم بأن سطوري لا تعني سنوات معينة ... ولكني أطلب منه "الحيادية" وأن ينظر ويتمعن في تاريخ مصر ... منذ عام 1810 ... حتي 2010 .... وليقارن .... وإذا أراد فلياخذ عام 1910 حتي 2010

إســـــــــــلـــــمي يــــامــــصــــــــر

أو

أفــيـــقـــي يـــامــصـــــــــــر

الحقيقة المــرة

يا خــســــارتـك يـــا مــصــر

د. يحي الشاعر