كل شئ عن نظام الهجرة الجديد لكندا Express Entry

[mostafasaad]

الصحف المصرية والعربية

دعوه لموضوعي

كندا كعب داير

شكرا لكل الزملاء اللي سجلوا متابعتهم للموضوع أو دخلوا علقوا أو استفسروا..
بالرغم من أن المعلومات المنشورة والمشروحة فوق دي بتدي بعض التفاصيل اللي ماكناش عارفينها قبل كده.. إﻻ أنه فيه بعض النقاط اللي مازالت غامضة..
أول ما سمعته عن هذا النظام هو انه شبيه بالنظام الاسترالي .. وبالفعل هو شبيه بيه فيما أعلن حتى اﻵن مع اختلاف في المسميات.. يعني مثلا في استراليا اسمه Expression of Interest هنا مسميينه Express Entry

أوجه الشبه مع النظام اﻻسترالي:
1- انه نظام اليكتروني بتتم معظم خطواته من خلال الانترنت حتى الخطوات النهائية التي يتم فيها ارسال المستندات ودفع المصاريف
2- ان ممكن المتقدم يقدم في أكتر من برنامج في نفس الوقت
3- انه مرتبط باحتياجات سوق العمل وبنك الوظائف
4- ان اختيار المقاطعة للمتقدم أو حصوله على عرض عمل من اصحاب العمل يعطي نقاط زيادة ويسرع من دعوة المتقدم للحصول على الفيزا
5- ان فترة الانتظار قليلة ﻻ تتعدي الشهور وليس السنين كما كان بالسابق

ومع ذلك فيه بعض النقاط الغامضة وغير الواضحة حتى اﻵن
يعني في استراليا مثلا فيه نوع من الفيزات اسمها INDEPENDANT يعني مش بتلزمك تعيش في وﻻية بعينها وﻻ تشتغل في حتة بعينها.. يعني لو ماجالكش ترشيح من وﻻية أو عرض عمل يمكنك اﻻستمرار في عملية الهجرة إذا كانت نقاطك مكملة الحد المطلوب طبقا لل Point System المطبق.. فهل في كندا هيكون الوضع كده برضه وﻻ ايه؟
الأمر التاني .. في استراليا يشترط عشان تقدم للهجرة أصلا وتفتح expression of interest انك تكون عادلت شهادتك بالفعل .. فهل في كندا هيشترطوا كده برضه وﻻ ﻷ؟

هاحاول في الفترة القادمة وعاوزكو تبحثوا معايا في الموضوع ده اني ألاقي اجابة للأسئلة دي وغيرها.. يا ريت اللي يلاقي أي مصدﻻ معلومات حولين الموضوع ده يشاركه معانا

 

 

[mostafasaad]

دعوه لموضوعي

كندا كعب داير

اقتباس المشاركة الأصلية كتبت بواسطة رفعت اسماعيل في الحقيقه انا الان بجهز في ورقي للتقديم، وناوي اقدم ع شهر 12،انا فهمت من كلامك انه لو ما عندي عقد عمل في كندا لن يتم قبولي في برنامج الاقامه الدائمه،وهل سيتم في البرنامج الجديد تغيير حساب النقط،مع العلم انه انا بالنظام الحالي مستوفي الشروط وشكرا

لو ورقك جاهز ووظيفتك مطلوبة يبقى أكيد تقدم السنة دي قبل النظام الجديد.. ده اللي انا عملته على فكرة

موضوع لو ما عندكش عقد العمل ده مش واضح بالنسبة لي وكمان طريقة حساب النقاط مش معلنة

 

 

[mohab mostafa]

الموضوع بقى كومبليكاتد خالص

 

 

[M. Yousef]

هاااااار اسسسسسسسسسوووود !!

معلش... بس دا كان احساسى و انا باستوعب الكلام دا.

طبعاً خالص الشكر لتعبك فى تجميع المعلومات

بس دا معنى كدا انهم قفلوها رسمى فهمى نظمى

لأن بالنسبة لأى حد من اللى شغلهم الأصلى Regulated ... الدنيا كانت صعبة اساسا و قبل ما الواحد يسافر كان لازم يستعد نفسياً للصدمة:

تقعد فترة تدور على شغل كاجوال و تترفض كمان... و بعدين تغير جزء او كل تخصصك (اللى انت مسافر عشان هو مطلوب اصلاً) عشان لقيته فجأه مش مطلوب من سيادتك ...
و تقعد وسط كل الضغط النفسى و العصبى دا ف ازاى تعيش (و يا سلام لو معاك اسرتك) لحد ما تعادل او تدرس من جديد..... زائد تجيب خبرة كندية هلامية سواء بشغل تستحمله اقل من امكانياتك (مش هاقول مستواك على اعتبار الشغل كله كويس و مافيهوش مستويات) و يا سلام بأه لو volunteer كمان!

كنا مستعدين نستحمل كل الهم دا (مش عاوز اقول كل الـ "ذل" دا) فى مقابل انك عايش فى مكان كويس و ان دا وضع مؤقت و قيمتك هترجع لك sooner or later و ترجع حياتك تكمل فى التراك اللى كنت ماشى فيه

دلوقت بالنظام دا هيبقى مطلوب منك تعمل كل دا و سيادتك لسا اساسا ما دخلتش البلد!

الناس دى بتهزر؟؟؟؟!!!!!!!!!!

 

 

[Faisal]

شكرا لك على اهتمامك ومجهودك

 

 

[onelove]

مجهود اكثر من رائع بجد .. و شغل على مية بيضة .. الف شكر .. ربنا يسهل الحال .. و كل سنة وانتم طيبين :)))

 

 

[M,Nagib]

اقتباس المشاركة الأصلية كتبت بواسطة M. Yousef هاااااار اسسسسسسسسسوووود !! معلش... بس دا كان احساسى و انا باستوعب الكلام دا. طبعاً خالص الشكر لتعبك فى تجميع المعلومات بس دا معنى كدا انهم قفلوها رسمى فهمى نظمى لأن بالنسبة لأى حد من اللى شغلهم الأصلى Regulated ... الدنيا كانت صعبة اساسا و قبل ما الواحد يسافر كان لازم يستعد نفسياً للصدمة: تقعد فترة تدور على شغل كاجوال و تترفض كمان... و بعدين تغير جزء او كل تخصصك (اللى انت مسافر عشان هو مطلوب اصلاً) عشان لقيته فجأه مش مطلوب من سيادتك ... و تقعد وسط كل الضغط النفسى و العصبى دا ف ازاى تعيش (و يا سلام لو معاك اسرتك) لحد ما تعادل او تدرس من جديد..... زائد تجيب خبرة كندية هلامية سواء بشغل تستحمله اقل من امكانياتك (مش هاقول مستواك على اعتبار الشغل كله كويس و مافيهوش مستويات) و يا سلام بأه لو volunteer كمان! كنا مستعدين نستحمل كل الهم دا (مش عاوز اقول كل الـ "ذل" دا) فى مقابل انك عايش فى مكان كويس و ان دا وضع مؤقت و قيمتك هترجع لك sooner or later و ترجع حياتك تكمل فى التراك اللى كنت ماشى فيه دلوقت بالنظام دا هيبقى مطلوب منك تعمل كل دا و سيادتك لسا اساسا ما دخلتش البلد! الناس دى بتهزر؟؟؟؟!!!!!!!!!!

طيب اشرحلنا اللى حضرتك خايف منه بالتفصيل اصل انا دماغى لفت ومابقتش فاهم حاجه

 

 

[مهندس وسيم]

مجهود رائع يا درش ..... ومعلومات قيمة جدا

وربنا ما يحوجنا للبرنامج الجديد ده ..... وكلنا نعدي قبل ما يتطبق

 

 

[biznaser]

تسلم ايدك وبسجل متابعه
وهقول على امنيه ( او تخمين ) ان الموضوع يكون زي استراليا او نيوزلندا بالاصح وهو انك ايوة هتقد زي ما الزميل مصطفي شرح لنا بالتفصيل, بس اكيد مش كل الناس هتستني عرض العمل, فيه ناس هتتقبل عادي من الدولة
مثال من الواقع: نيوزلندا بتقولك حقق 140 نقطه وهتدخل ال POOL ويتعمل سحب وباذن الله يختاروك من اول او ثاني مرة ولكن اذا جبت اقل من 140 ( 100 الي 139 نقطه ) مش هتتقبل الا لو معاك عرض عمل
نأمل ان الموضوع يكون بالشكل دا وباذن الله خير

 

 

[M. Yousef]

اقتباس المشاركة الأصلية كتبت بواسطة M,Nagib طيب اشرحلنا اللى حضرتك خايف منه بالتفصيل اصل انا دماغى لفت ومابقتش فاهم حاجه

اولاً عيد سعيد على الجميع
وان شاء الله العيد الجاى يكون كل الناس وصلت للى بتتمناه

و معلش آسف انى انفعلت شوية ف ردى اللى فات... بس التهريج اللى الناس دى عاملاه مستفز فعلاً!

دلوقت الموضوع ببساطة و تسلسل منطقى هو كالآتى:

هى ايه اكبر مشكلة بتواجه اى مهاجر ؟؟ الشغل طبعاً

ليه؟

لأن اغلب او كل الناس اللى بتروح بيبقى مؤهلاتها و خبراتها غير معترف بيها
و بالذات المساكين اللى زى حالاتنا (Regulated)

لأنه مش بس مطالب انه يثبت لصاحب العمل كفائته و يقنعه يثق فيه و يشغله.... لأ. دا كمان مطالب انه يخضع لهيئة تنظيمية تانية ...ليها شروطها و متطلباتها لوحدها
اللى غالباً ما بتكون حاجات محتاجة مجهود ووقت (و تكاليف) مش قليلة خالص... و دا بيشكل عبئ مضاعف على المهاجر الجديد اللى بقا مطلوب منه مش بس يصرف على نفسه و أسرته من الفلوس اللى جايبها معاه... لأ كمان يصرف على كورسات او امتحانات او دراسة او خلافه ف نفس الوقت

فبيبقا زى اللى بيجرى ف سباقين ف نفس الوقت... عاوز يجيب اى شغل عشان يعرف يعيش (مجرد يعيش)
و عاوز بردو يركز ف مذاكرته و دراسته و معادلته عشان يعرف يدور على شغلانه كويسة تناظر اللى سابها فى الدخل او على الأقل تناظرها فى التخصص و المجال. يعنى حتى لو ما جابتش فلوس زى اللى فاتت (دا وضع اغلب اللى جايين من الخليج) يبقى على الأقل بيكتسب خبرة ف مجاله ليها اهمية

و الى بيوصل كندا و معاه عرض عمل ف مجاله دا بيعتبر دخل من البوابة الذهبية! و عشان كدا بتلاقى ال Job Offer دا عامل زى كارت الجوكر فى حساب نقط التقديم:
10 نقط على الأوفر نفسه + 5 كمان فى الAdaptability + ما يطلبش منك Proof of Fund و فوق كل دا حتى لو الكاب بتاع النوك بتاعك اتملى او ما كانش فى الليستة اساساً مش مهم... اهلاً و سهلاً بيك و تقدم زى الباشا!!! حاجة كدا ولا فى الأحلام

و فى المقابل اسأل اى حد هتلاقيه بيقولك ال10 نقط بتوع ال Job Offer دول انساهم حالص و شيلهم من حساباتك... ليه يا عم؟ الرد دايما انه شبه مستحيل
و احصائياً الغالبية العظمى من اللى بيقدم و معاه Job offer بيكون مقدم من جوا البلد. يعنى هو اساسا موجود و شغال بس ب Work Visa.
اما اللى برا البلد ففرص حصوله على الأوفر شبه معدومة

اولاً... اللى هيشغلك دا يعرفك منين؟ و يعمل لك انترفيو ازاى؟
و هل يثق ف خبرتك ولا لأ؟ اكيد طبعاً لأ. لأنه انت حتى بعد ما بتوصل البلد مش بيثق ف خبرتك و بتضطر تشوف المشوار المر اللى حكيت عليه قبل كدا.
دا طبعاً غير موضوع الشهادات و التعليم! و فوق كل دا الLicense

فهمنا ليه ال Job Offer دا حاجة شبه مستحيلة؟
تمام.

طيب نيجى بأه للى بيقولو من النهاردة مش هنسمح لحد يقدم الا لما يبقى معاه Job Offer... اعرض نفسك و مؤهلاتك يا حلو و لما يبقى صاحب عمل يقبلك و يعرض عليك انك تشتغل يبقى تقدم زى الشاطر و احنا هنخلص ورقك ف 6 شهور بس!!!

الرد الطبيعى هو (حمرا)!

واضح طبعاً ان الناس دى يا اما (آسف على التعبير) عايشة ف مية البطيخ و مش عارفة اللى بيجرا للمهاجرين على ما يعرفو يلاقو شغل زى اللى سابوه. و اللى هما قبلوهم على اساسه بالمناسبة
يا اما هما عارفين كويس قوى و بالطريقة اللطيفة دى بيقفل الباب قدام كل الفئات اللى كانت بتعانى لحد ما اوضاعها تستقر... و طبعا كلنا عارفين ان الغالبية العظمى من المهاجرين العرب و الشرق اوسطيين و الآسيويين و كل من هو ليس غربى المنشأ (مش اوروبى او امريكى يعنى) بينتموا للفئة دى

فكدا بقا الوضع ان اللى من الناس اللى اتقفلت قدامهم السكة مش هيفتحها له غير حد من مواطنيه جوا البلد يرضى يديله جوب اوفر... و طبعا دا باستثناء العرب لأن زى ما كلنا عارفين نسبة مش قليلة من العرب اللى فى البلد و اوضاعهم مستقرة مش هيرضى يساعد حد عربى زيه.
بدليل انهم كتير بيدوا اصواتهم فى الانتخابات للمحافظين علشان يقفلوا الباب قدام المهاجرين اللى زيهم (اسألوا الكنج هوبا ف الموضوع دا)

يبقى الحل التالت اللى قدام الناس ايه؟

انا تحاول تجيب جوب اوفر بأى شكل و لأى شغلانة...
يعنى بدل ما كنت بتروح البلد و بعدين تيجى تدور على شغل تاخد رد من اتنين: يا اما Overqualified يا اما No Canadian Experience فتضطر تشيل من مؤهلاتك و تخبى اى ماجستير او دكتوراه معاك من الريزومى و تنسى انك كنت دكتور استشارى و رئيس قسم او مهندس سينيور او سكشن هيد او لييد ديزاينر و تبدأ تدور على كاشير او سيكيوريتى او ريسبشنست علشان تعرف تعيش لحد ما تقدر تعادل او تدرس و بعدين تشوف شغلانه ف مجالك بس من مرحلة اقل بكتييير ... Entry level يعنى و تستحملها على ما تاخد الرخصة و بعد كل دا (4 او 5 سنين فى المتوسط) تبدأ حياتك تظبط و تقدر تدور على شغل يماثل اللى انت سبته.

بدل ما كنت بتعمل الفيلم دا و مسلسل التنازلات دى واحد ورا التانى و انت جوا البلد، هتضطر تعمله و انت لسا ما قدمتش! و تعرض مؤهلاتك و تطلب Entry level و انت رئيس قسم او اقل كمان و تنزل بمستوى طموحك درجة ورا التانية لحد ما حد يرضى بيك و يديك اوفر! دا لو حصل طبعاَ

دى القصة زى ما انا شايفها و متوقعها بالتفصيل...
عارف انها سوداوية اوى... بس انا دايما و بطبيعة شغلى متعود احسب حساب ال Worst Case Scenario
يمكن اكون مبالغ.... بس الواقع ان فيه حاجات اسوأ كمان انا ما قلتهاش لسا

و يا ريت تردوا عليا و نتناقش لو فيه اضافة او تعليق على كلامى
و يا رب اطلع غلطان!

تحياتى