طلبك ,للهجرة, لكندا, إترفض ,شاركنا

[حلم السفر]

الصحف المصرية والعربية

اقتباس المشاركة الأصلية كتبت بواسطة OmarDent ابعت تاني و ربنا يقدم اللي فيه الخير

شكرا د كتور عمر
انا بالفعل بعت تانى ورينا يسهل

 

 

[Insider]

علشان الفايدة تعم انا قدمت أبريل 2006 فيدرال بدون محامى وجالى فايل نامبر بعدها بشهر وبعد كدة ماسمعتش منهم و كل أما أشيك على الapplication status على الcic الاقى الوضع:In progress لحد اما جالى جواب رفض فى يناير 2009 بيقول إنهم بعتوا جواب الupdate فى يونيو 2008 وكان عندى مهلة 90 يوم علشان أبعت ليهم الUpdate فبما إنى ما بعتش الUpdate فى المهلة الحددة (وده لإنى ما إستلمتش جواب الUpdate من اصله) جانى الرفض. المهم أعدت أدور فى الإنترنت وعلى أحد المنتديات الأجنبية واحد نصحنى إنى أبعت جواب للcic أشرح فيه إن أنا ما إستلمتش الجواب وأطلب إعادة فتح الملف وبالفعل سمحوا بفتح الفايل مرة أخرى ومشيت الأمور على خير الحمد لله

 

 

[تيتو]

انا قدمت فيدرال اغسطس 2008 بعدها نزلت القايمة الجديدة فى نوفمبر 2008 ووظيفتى استبعدت فى القايمه الجديده واترفضت بأثر رجعى مع كل اللى اقدم بدأ من فبراير 2008
وبعدها بسنتين قدمت كيبيك و حاليا منتظر المقابلة

 

 

[aymanology]

توبيك ممتاز .. وحظ افضل لمن لم يوفق

 

 

[ramyfathalla]

أنا بقى قدمت ملفى الأولانى فى فبراير 2008 قبل ما القانون يتغير بكام يوم فقط

فيدرال و الملف ما زال in process

و بما ان الانتظار صعب و يزهق قلت أقدم تانى

و قدمت فى يونيو 2011 و الايلتس بتاعى كان حايخلص فى يوليو 2011

و كانت الصدمة لما أتأخروا على و بعت لهم ايميل و ردوا على بأن الملف بتاعى رجع بسبب الفيزا كارد

قلت خلاص ما فيش فايدة و ربنا مش رايد لى الهجرة دلوقتى و الحمد لله الملف القديم موجود و يسد

المهم الحمد لله الورق رجع لى كله بعد ثلاث شهور أو أقل

و لما فتحت الظرف لقيت نفسى كاتب انتهاء صلاحية الفيزا كارد 2011 شهر 5 بدل من 2012

يعنى لو كانوا حاولوا يسحبوا كان سحب لكن الغلطة غلطتى بصراحة و لا ألوم الا نفسى

و حاليا بأذاكر ايلتس جديد و ان شاء الله لو حصل نصيب و جبت الدرجة المطلوبة حأقدم تانى و ربنا يستر المرة دى

تحياتى و شكرا لصاحب التوبيك على الفكرة

 

 

[مييزو]

كنت قدمت فيدرال فى 22 ديسمبر 2010 وجه الرفض فى 11 مارس 2011 بسبب أن المهام الوظيفية مكنتش موجودة فى شهادات الخبرة وان شاء الله يكون فيه نصيب فى وقت تانى

 

 

[hazemtara]

أنا سعيد جداً بتجاوب عدد كبير من الزملاء رغم تخوفى فى الأول من عدم مُشاركة أحد لأن الموضوع ممكن يكون شخصى شوية.

وسعيد جداً لأن فية ناس اضافت كلام جميل ورائع وجديد على أنا شخصياً أن الملف ممكن يُعاد فتحة بعد الرفض فى بعض الحالات زى مثلاً لو لم تتسلم خطاب الأبديت.

أتمنى التوفيق لكل الناس.

بالمناسبة دى انا إتصل بى المحامى وقال لى أن الفلوس بتاعتى رجعت لة على الفيزا كارد الخاص بة وقالى لو عاوز أقدم من تانى أبعت لة فأنا شكرتة وقلت لة لا رجع الفلوس لو سمحت فطلب رقم حسابى علشان يرجع لى الفلوس.

طبعاً انا ذكرت من قبل أن الملف الخاص بى تم تجميدة يعنى لن يعود الملف لى وهم إحتفظوا بة لهم.

شكراً للجميع.

 

 

[hesham_noaman]

المشاركات ممتازة وتبادل الخبرات شىء رائع

 

 

[hesham_noaman]

على فكرة برضة تجارب الفشل = طريق النجاح

 

 

[كل الالوان]

اقتباس المشاركة الأصلية كتبت بواسطة shawi فعلا سطر مهم حضرتك كتبتيه اللي بيفكر في موضوع الهجره لازم يخش ويقرا مغارات المطاريد وتجاربهم لان الافاضل اللي عاملين مستشارين هجره وفاتحين مكاتب بره بغض النظر عن جنسيتهم او ديانتهم همهم مادي بحت وانت واحلامك اللي ممكن تروح في الكازوزه بسبب غلطه منهم من غير ما تعرف اقولك على حاجه لذلك الى من يفكر في الهجره خذ الامر بجديه وادرسله زي امتحان التوجيهي بس بدون عصبيه يعني ريلاكس واقرا وخد نوته وسجل من المطاريد اختصر التشريفات والتحيات حتلاقي كل مغاره راحت معاك في عشر ورقات هي زبدة الموضوع وارسمها فلوتشارت يعني خطه اذا لم اعمل ايه طب اذا اروح فين طب اذا اجيب منين الخ وحضر نفسك كويس قوي في اللغه سواء فرنساوي او أيلتس والتوفيق والقسمه بعد كده من عند ربنا وبالتوفيق أخيرا لكل من كتب سطر واستفاد منه قارئ أو مهاجر دعوه خالصه لله أن يوفقه ويعطيه على قدر نيته

بجد احلى نصيحة سمعتها هنا ..ربنا يكرمك