دراسه ماجستير علوم حاسب فى امريكا

[khaled_sabry]

الصحف المصرية والعربية

انا عاوز اسلط الضوء على دراسه ماجستير علوم الكمبيوتر فى جامعه اسمها مهاريش (امنع الضحك)
و اللى اتكلم عنها قبل كده Hassan Farouk فى وسط مشاركات فى موضوع تانى اسمه "هاميلتون لاول مره" و علشان كده ماحدش حياخد باله منها
الحاجه الوحيده المميزه فعلا للموضوع ده انك مش محتاج ايلتس و لا تويفل
الاول ابداء بإقتباس مشاركاته هناك
https://www.almatareed.org/vb/showpos...postcount=2325

اقتباس المشاركة الأصلية كتبت بواسطة Hassan Farouk هي جامعة حقيقية . مش نصب ولا حاجة .. مؤسس الجامعة مهاريشي يوجا وهو الي جمع علوم الفيدك ومؤسس علم اليوجا .. شخصية مشهورة في العالم واشتهر في الستنيات بشكل كبير .. لو تفتكر فيلم عائلة زيزي بتاع المكنة طلعت قماش .. فاكر البت بتاعة احمد رمزي في الفيلم وهي بتلعب يوجا ... أهو كان سعتها مهاريشي ده عايش وغزة العالم بأفكارة لدرجة أنها وصلت الي افلام المصرية في الستينات .. بختصار هي جامعة متخصصة في علوم الفيدك .. وعلي رأسها المدتيشن علم التأمل ... وهي في مدينة اسمها فيرفيلد مدينة جميلة جدا لها طبيعة خلابة .. المدينة دي تعتبر مجمع اديانمن وجهة نظري .. فيها كنيسة للمورمان والبرسطنت والكاثوليك والارثكس ومعبد ماسوني (معبد حقيقي مش هزار ) وجمعات الامش الجميلة والطريقة الرفاعية الصوفية والنقشبندية الصوفية .. المدينة حلوة مليانة غزلان وارنب وسناجب .. المدينة صغيرة جدا بالمناسبة مفهاش اي انشطة .. نيجي بقي لدراسة نفسها ... الماجستير ادارة الاعمال تقدر تحضر بعدها دكتورة انما علوم الحاسب هو ماجستير تطبيقي .. بعد مبتدرس لمدة 8 شهور الجامعة بتحولك الفيزا من F1 (فيزة طالب) الي CPT ( فيزة عمل ) .. وقبل مدور علي عمل بيجهزوك لسوف العمل وبيدوك كورسات اذلي تعدي من انترفيوة وتجيب عقد كويس برنامج تدريب اسمه الكرير استراتجيي وبكدة انت دخلت السوق العمل الامريكي بعد تجهيزك وتدريبك .. ومعاك كمان درجة علمية معترف بيها في امريكا والعالم ... ( التعليم في امريكا مفهوش هزار ) نيجي بقي للعمل بعد الدراسة انت مسموحلك تشتغل في اي مكان في امريكا في اي ولاية .. ( في مجال IT ) وده كرير كبير جدا ومهم في امريكا علي رأس الاوليات العمل في امريكا , أثناء العمل بتدفع القرض الدراسة .. وبتكمل دراستك اون لاين .. الجامعة معاك طول الوقت .. مهم جدا يكون عندك خبرة ولغة عشان تشتغل بسهولة .. بعد سنة وبعد متسدد معظم القرض الجامعة بتحولك الفيزا الي OPT ودي فيزة بتديك بدخلك شريحة اقامة العمل الي منها هتاخد من الشركة الي هتشغالك H1 فيزا .. ودي بقي الي عايز يلغيها ترامب عشان دخول الاجانب او الماهجرين للبلد عن طريقها.. بعد ال H1 تقدر تقدم علي الجرين جارد عن طريق محامي .. وفي امور تانية زي انك ممكن تجوز يبقي اختصارت كل حاجة الاقامة والاكل داخل الجامعة مباني كويسة جدا للمعيشة كل مبني بيتميز بحاجة .. في مبني في بلياردو مبني في بينج بنج معظمهم فيهم بنج بونج مبني في صالة جيم في مطابخ الخ .. كلهم فيهم تلفزيون واوضة للمذاكرة .. معيشة كويسة محترمة الاكل نباتي .. ممنوع اكل اللحمة نهائي في الجامعة .. لان ده من اساس قواعد اليوجا والتامل . ممنوع التدخين في الغرف او في الجامعة عمومان عايز تدخن في مكان مخصص لتدخين في الغابة .. الاكل في الجامعة مش حلوة او معني اخر مش لذيذ ... الذ حاجة هناك الاكل البعيد عن الطبخ عمومان .. زي الطماطم وورق الشجر التفاح البرتقال اليمون اللبن في امريكا عمومان روعة .. او اللبن الي في مصر الي مش لبن ... العسل كمان كويس جدا .. معظم الاكل اورجنيك .. الجامعة عملة اكتفاء زي عندها مزارعها الخاصة بطلع منها الاكل كل يوم فرش ... لكن الاكل المطبوخ مش كويس .. الاعتماد كله علي الاكل الغير مطبوخ بس ازي تقدم الموضوع بسيط جدا بتراسل الجامعة هيبعتولك امتحان لو عديته هيبعتولك الخطواط كاملة تمشي عليها بعد متخلصها هتلاقي نفسك داخل علي اخر مرحلة السفارة السفارة القبول في السفارة مش صعب ومتخفش منه لان الجامعة هتبعتلك جواب في البريد المستعجل استمار I 20 ودي بتثبت انك طالب وبقي ليك مقعد لدراسة في امريكا . فالسفارة بتتاكد من نية الرجوع بس ... فا بتشوف حالتك الاجتماعية وانك بتشتغل كشف حساب بنكي بتاكد من العوامل والدوافع الي بتاكد هدفك الدراسة مش تكسر فيزا بس عمومان موقفك قوي لان معاك ما يثبت انك رايح للدراسة .. في ناس هنا اترفضت في اول مقابلة وقدمو تاني واتقبلو اتمني اكون وفرتلك كل المعلومات الي انت محتاجها ... تحياتي

نجي بقى لتجربتى انا - موقع الجامعه
https://www.mum.edu/
مبدئيا موضوع ماجستير علوم الحاسب مش حينفع غير اللى شغال كديفيلوبر فقط و يكون دراسته الاكاديميه فى علوم الحاسب
و زى مامكتوب فى المشاركه المقتبسه - انا عملت بروفيل لاقيت مطلوب اكتب فيه المواد اللى درستها فى ال Software engineering و data structure و algorithms
و بعد كده بعتولى امتحان فى البرمجه حليته
و طلبو شويه ورق بسيطه اعمله اسكان و ابعته (تقريبا املا فورمه و ابعت صوره من الباسبور و ال transcript و شهاده التخرج )
و دلوقتى بعتولى ميل علشان يحددو معايا معاد يعملو فيه انترفيو علشان يتأكدو ان بفهم اتعامل بالانجليزي
كل ده و انا مش مركز فى الموضوع اوى لانى بعمله ك Plan b و دى مش حطتى الاساسيه فى الهجره
اللى اقصده ان القبول فيها من اسهل مايكون و انها سكه سهله للدخول لامريكا و الحصول على فيزا F1

لكن السؤال الفارق هل وعود الجامعه بتحويل الفيزا من F1 الى CPT ثم لى H1 بالسهوله دى ؟؟
انا فعلا معرفشى بس سألت كذا حد و قالى ان الموضوع مش سهل
ياريت اسمع تعليقاتكم و اراكم فى الموضوع
و هل الموضوع يستحق المغامره - خصوصا مع وجود زوجه و اطفال ووجود الاخ ترامب (فى السلطه مش فى العائله طبعا )

انا لما عملت بحث لاقيت اللى اتكلم عن الجامعه دى تناولها من ناحيه عقائديه و قالك انها بتجبرك على ممارسه شعائر هندوسيه كفريه - و بصراحه انا شايفه كلام فارغ جاى من نفس المصدر اللى بيطلع بوستات (اقسم بالله ان ادوس لايك - لقد اقسمت يلا سوى لايك ) او (لاتخرج قبل ان تقول سبحان الله)

 

[AhmedMoataz]

انا بافكر في الموضوع ده من كام سنة بس كنت حاطه اخر خطوة برضو
الموضوع في تفاصيل كتير واحتمالات كتير بس باختصار

مفيش حاجة اسمها ان الجامعة هتحولك H1 الجامعة كل اللي هتعملهولك انك بعد ما تخلص اول ترمين on campus وتلاقي شغل هتديك موافقة بالCPT اللي هو لازم عشان اي شركة ترضى تشغلك
الCPT ده كاتبين انك ممكن تشتغل بيه لحد سنتين في خلال السنتين دول انت على حسب الشركة اللي هتشتغل فيها ممكن يقدمولك على H1 ساعاتها بتدخل اللوتري بتاع الH1 ويا تتقبل يا ما تتقبلش حسب الظروف لأنه بيبقى بالقرعة زائد عوامل تانية متوقفة على الشركة برضو بتأثر على احتمالية طلوعك في القرعة
المهم انك لو الشركة ما رضيتش تقدملك H1 او قدمت واترفضت وفضلت مكمل في الCPT لحد ما السنتين يخلصوا ساعتها لازم ترجع مصر مش هيبقى قدامك احتمال تاني

الاوبشن التاني الاحسن نسبيا انك بعد ما تاخد الCPT وتشتغل شوية تطلب من الجامعة تحولك OPT هيطلبوا منك ساعتها فلوس اكتر وتخلص باقي الكورسات اللي فاضلالك وساعتها تقدر تاخد الOPT
ميزة الOPT انه بيديلك افضلية في قرعة الH1 (وده برضو في حالة ان الشركة قدمتلك على H1) فاحتمال انك تتقبل بيبقى اكبر
كمان قريت بس مش متأكد انك ممكن قبل ما السنة بتاعة الOPT تخلص لأن هو بيبقى مدته سنة تقدم على طلم مد للOPT وده ممكن يمدلك لسنتين

نيجي بقى للمشكلة الاكبر كالعادة في اي موضوع هجرة .. اللي اعرفه ان 99% بيروحوا بيلاقوا شغل بس الموضوع بيختلف في الوقت اللي هتاخده عشان تلاقي شغل ونوعية الشركة اللي هتشتغل فيها ونسبة الرفض من الشركات بتبقى كبيرة غالبا لأنهم ما بيحبوش الCPT وبيفضلو الresident او اللي معاه visa وساعات بيقولك عاوزين american experience بس مع عدد المحاولات الدنيا بتظبط في الاخر
فانت لو رحت لازم تعمل حسابك ان هتقعد كام شهر على حسابك تدور على شغل ولازم تروح ولايات يكون فيها شركات Software بتشغل international كتير عشان الموضوع يكون اسهل نسبيا
الموضوع في نسبة مغامرة برضو مش اكبر مغامرة لكن مش سهل اوي للدرجة

 

 

[khaled_sabry]

اقتباس المشاركة الأصلية كتبت بواسطة AhmedMoataz انا بافكر في الموضوع ده من كام سنة بس كنت حاطه اخر خطوة برضو الموضوع في تفاصيل كتير واحتمالات كتير بس باختصار مفيش حاجة اسمها ان الجامعة هتحولك H1 الجامعة كل اللي هتعملهولك انك بعد ما تخلص اول ترمين on campus وتلاقي شغل هتديك موافقة بالCPT اللي هو لازم عشان اي شركة ترضى تشغلك الCPT ده كاتبين انك ممكن تشتغل بيه لحد سنتين في خلال السنتين دول انت على حسب الشركة اللي هتشتغل فيها ممكن يقدمولك على H1 ساعاتها بتدخل اللوتري بتاع الH1 ويا تتقبل يا ما تتقبلش حسب الظروف لأنه بيبقى بالقرعة زائد عوامل تانية متوقفة على الشركة برضو بتأثر على احتمالية طلوعك في القرعة المهم انك لو الشركة ما رضيتش تقدملك H1 او قدمت واترفضت وفضلت مكمل في الCPT لحد ما السنتين يخلصوا ساعتها لازم ترجع مصر مش هيبقى قدامك احتمال تاني الاوبشن التاني الاحسن نسبيا انك بعد ما تاخد الCPT وتشتغل شوية تطلب من الجامعة تحولك OPT هيطلبوا منك ساعتها فلوس اكتر وتخلص باقي الكورسات اللي فاضلالك وساعتها تقدر تاخد الOPT ميزة الOPT انه بيديلك افضلية في قرعة الH1 (وده برضو في حالة ان الشركة قدمتلك على H1) فاحتمال انك تتقبل بيبقى اكبر كمان قريت بس مش متأكد انك ممكن قبل ما السنة بتاعة الOPT تخلص لأن هو بيبقى مدته سنة تقدم على طلم مد للOPT وده ممكن يمدلك لسنتين نيجي بقى للمشكلة الاكبر كالعادة في اي موضوع هجرة .. اللي اعرفه ان 99% بيروحوا بيلاقوا شغل بس الموضوع بيختلف في الوقت اللي هتاخده عشان تلاقي شغل ونوعية الشركة اللي هتشتغل فيها ونسبة الرفض من الشركات بتبقى كبيرة غالبا لأنهم ما بيحبوش الCPT وبيفضلو الresident او اللي معاه visa وساعات بيقولك عاوزين american experience بس مع عدد المحاولات الدنيا بتظبط في الاخر فانت لو رحت لازم تعمل حسابك ان هتقعد كام شهر على حسابك تدور على شغل ولازم تروح ولايات يكون فيها شركات Software بتشغل international كتير عشان الموضوع يكون اسهل نسبيا الموضوع في نسبة مغامرة برضو مش اكبر مغامرة لكن مش سهل اوي للدرجة

و الله كويس انى لاقيت حد مهتم بالموضوع
انا عملت اتصالاتى و عرفت ناس كانو فى البرامج ده و ابعتميلات كتير للجامعه نفسها و سألت اصدقائى كانو بيدرسو فى امريكا قبل كده و منها صححت مفاهيم كات غلط عندى
الاول نصحح التعريفات و مها حنفهم الديا
فيزا F1 : دى فيزا دراسه عاديه و غير مسموح بالعمل لحاملها - و دى اللى بتديهالك الجامعه فى اول فتره ليك
CPT : دى فيزا دراسه و تسمح لحاملها بالعمل اثناء الدراسه كنوع من التدريب - و دى اللى بتستخرجها الجامعه
OPT (optional Practical Training) : دى المهمه بقى https://en.wikipedia.org/wiki/Option...tical_Training - دى مش فيزا دراسه دى فيزا بيطلعها الشخص بنفسه اللى حصل على درجه علميه من امريكا بتبقى لمده 12 شهر للمجالات العاديه و للدارسي فى المجالات science, technology, engineering, and mathematics (STEM) بتبقى 3 سنين - شرط كمان لاستخراجها ان يكون الطالب ما عملشى CPT اكتر من سنه


طيب بالنسبه لنظام الدراسه فى الجامعه - فيه كذا اختيار
Track 1: Attend 2 semesters on campus + up to 2 years Curricular Practical Training
Track 2: Attend 10-11 months on campus + 11 months Curricular Practical Training
Track 3: Attend 12-13 months on campus with optional Practical Training

من السابق نستنج ان اكتر اختيار بيضمن اطول مده لبقائق فى امريكا هو الاختيار Track 2 و فيه حتدرس 11 شهر تقريبا و تاخد CPT لمده 11 شهر و بعدها يحق ليك الحصول على OPT لمده 3 سنين
حاجه كمان فى فتره ال CPT لو شركتك قدمتلك على H1B حتدخل فى لوترى كوته العامه اللى هى 65 الف
اما فى فتره الOPT حتكون حاصل على شهادة الماجستير فلما الشركتك تقدملك على H1B حتدخل الكوتا بتاعت اللى حاصلين على درجه علميه امريكيه و هى 20 الف بس حيبقى التنافس اقل

 

 

[khaled_sabry]

فيه حاجه كمان نسيتها
لو اخد Track 2 يبقى حتدفع فى الاول 17000 الف تقريبا و الباقى بيتقسط على سنه CPT
ده فى مقابل انك حتقدر تاخد3 سنين OPT بعدها

 

 

[AhmedMoataz]

اقتباس المشاركة الأصلية كتبت بواسطة khaled_sabry فيه حاجه كمان نسيتها لو اخد Track 2 يبقى حتدفع فى الاول 17000 الف تقريبا و الباقى بيتقسط على سنه CPT ده فى مقابل انك حتقدر تاخد3 سنين OPT بعدها

اللي اعرفه من واحد صاحبي هناك ان الاحسن تروح على Track 1 لأنه اقل تكلفة فيهم في البداية وبعد كده لما تلاقي شغل وتظبط اوضاعك تنقل Track2 وتدفع فرق الinitial cost بين Track 1 و Track 2
ده اكيد هيبقى احسن لأنك هتدفع مبلغ على حسابك اقل في الاول ولما تشتغل مش هيبقى فيه مشكلة هتدفع من مرتبك هناك

 

 

[ماتريكس دوت نت]

السلام عليكم

في جديد في الموضوع ده ياشباب والناس اللي هناك عرفت تظبط امورها ولا ايه بالظبط؟؟

لاني بفكر اخد خطوة في الموضوع ده

 

 

[KANE]

السؤال الأهم في الحالة دي

هي الجامعة معترف بيها؟

بلاش حكاية rank بس على الأقل هي جامعة معترف بيها ولا شهادتها فستك؟

 

 

[KANE]

طيب ملاحظة تانية ع السريع

المكان بتاع الجامعة campus في قرية صغيرة جداً وبعيده عن اي مدينة كبيرة

هو قايل near Chicago

بس بينه وبين شيكاجو ولا 300-400 ميل

قستها على اقرب طريق 350 كيلومتر

ومافيش مدن كبيره أوحتى متوسطة قريبة منها

يعني باختصار يكاد يكون مستحيل انك تلاقي شغل


ولا انا بقكر غلط؟

اتأكد من جوجل ايرث بنفسك

MAHARISHI
UNIVERSITY
OF MANAGEMENT
1000 North Fourth St.
Fairfield, Iowa 52556

 

 

[ماتريكس دوت نت]

انا لقيت الماستر بتاعها مقبول في WES Canada وبيساوي ماستر هناك وتقدر تتاكد من الموضوع ده من موقع الويس نفسه
بالنسبة للشغل انت مش مرتبط بمكان الجامعة لان الجامعة بتديك ليستة بالشركات اللي ممكن تتواصل معاه بخصوص برنامج التدريب اللي هو الشغل يعني وممكن تعمل الانترفيو علي الاسكايب

 

 

[KANE]

طيب آخر حاجة علشان تكون الأمور واضحة

ان نسبة القبول acceptance rate منخفضة مش مرتفعة