خطوات الهجرة الى كندا - بدون محامي .!!!

[هيثم نافع]

الصحف المصرية والعربية

تسجيل متابعة ،،،،

 

 

[nona alawaal]

اقتباس المشاركة الأصلية كتبت بواسطة nona alawaal و بعدين هتلاقى فى الابليكشن اللى انت نزلتها المراسلات correspondence هتختار يأمه English او French( و يفترض ان حضرتك اقوى فى الانجليزى عن الفرنساوى لانك مقدم للمقاطعات الانجليزية ) ثم الانترفيوInterview حضرتك هتختار English او French ... و يمكنك اختيار العربية و لكن فى هذه الحالة هتدفع اجر مترجم ( لا افضل ان تختار لغة غير الانجليزية وخصوصا انت مسافر للمقاطعات الانجليزية و لا تقلق سيتقدم مستواك فى الانجليزية بحصولك على الايلتس بأذن الله ) ( وقد يأتى فى زهن الممتحن : كيف تذهب الى بلد لا تستطيع التحدث بلغتها.. اسمع الدعاوى بقى

يبقى نكمل طالما فيه ناس متابعه
بس ياريت نتابع مع الدعاوى .... انا معتمد على الله ثم دعاويكم
نأتى للسؤال الاول
Family name : ( ده تكتب فيه اسم العائلة )
Given name (s) :تكتب فيه اسمك( او اسمك و اسم الوالد و والد الوالد)
مثال:
أحمد محمد جاد جادوللى
Family name : Gadolly
Given names : Ahmed Mohamed Gad
تمام كده .... اسمع الدعاوى

 

 

[Mizo]

ربنا يبارك فيكي يا اختنا نونا ، مجهودك فعلا رائع للباحثين ، تسجيل متابعه "بس ياريت نسرع شويه عشان أكمل الأوراق على ايديكم"

 

 

[nona alawaal]

اقتباس المشاركة الأصلية كتبت بواسطة nona alawaal يبقى نكمل طالما فيه ناس متابعه بس ياريت نتابع مع الدعاوى .... انا معتمد على الله ثم دعاويكم نأتى للسؤال الاول Family name : ( ده تكتب فيه اسم العائلة ) Given name (s) :تكتب فيه اسمك( او اسمك و اسم الوالد و والد الوالد) مثال: أحمد محمد جاد جادوللى Family name : Gadolly Given names : Ahmed Mohamed Gad تمام كده .... اسمع الدعاوى

يظهر محدش عايز يهاجر فى المنتدى ده
احنا كنا نزلنا الابليكشن و ملئنا السؤال الاول \
نيجى بقى
السوال الثانى النوع
الذكر هيعلم على خانة male, والانثى هتعلم على خانةFemale
ثم
السؤال الثالث تاريخ ميلاد المتقدم بالابليكشن...هنكتب تاريخ الميلاد اللى مكتوب بشهادة الميلاد
هتكتب : اليوم - الشهر - السنة
السؤال الرابع مكان ميلاد حضرتك
المدينة : مثلا Cairo او Alexandria او المنيا وهكذا
البلد : Egypt مثلا
الى الان مفيش مشاكل الحمد لله
اسمع الدعاوى

 

 

[No Body]

اقتباس المشاركة الأصلية كتبت بواسطة nona alawaal يظهر محدش عايز يهاجر فى المنتدى ده احنا كنا نزلنا الابليكشن و ملئنا السؤال الاول \ نيجى بقى السوال الثانى النوع الذكر هيعلم على خانة male, والانثى هتعلم على خانةFemale ثم السؤال الثالث تاريخ ميلاد المتقدم بالابليكشن...هنكتب تاريخ الميلاد اللى مكتوب بشهادة الميلاد هتكتب : اليوم - الشهر - السنة السؤال الرابع مكان ميلاد حضرتك المدينة : مثلا Cairo او Alexandria او المنيا وهكذا البلد : Egypt مثلا الى الان مفيش مشاكل الحمد لله اسمع الدعاوى

إيه الطمع ده

انتي عاوزة على كل سؤال دعوة !!!

ومع ذلك على السؤالين اللي فاتو خدي دول

إلهي ما انت جاهي يرزقك يانونا يا بنت الأوال بحسنات من كل الاتجاهات شرق وغرب وفوق وتحت

ويرزقك من حيث لا تحتسبي

ويعلى مراتبك كمان وكمان

وننصبك في كندا عميدة المصريات المغتربات

عاوزة حاجة تاني

أشوف بقى السؤال الخامس وننجز

 

 

[فــيــروز]

معلش سؤال بايخ

عنوان الموضوع بيقول "نهاجر إلى كندا فيدرال"

طيب هو فيدرال يعنى إيه مميّزاته عن اللىّ مش فيدرال !!

ربنا ييسّر لك ما فيه الخير لك و لأسرتك .. دعاء مقدّما أهه

 

 

[nona alawaal]

اقتباس المشاركة الأصلية كتبت بواسطة فــيــروز معلش سؤال بايخ عنوان الموضوع بيقول "نهاجر إلى كندا فيدرال" طيب هو فيدرال يعنى إيه مميّزاته عن اللىّ مش فيدرال !! ربنا ييسّر لك ما فيه الخير لك و لأسرتك .. دعاء مقدّما أهه

أهلا بك
شكرا جزيلا على الدعوة الحلوة دى
و السؤال و لا غلس و لا حاجة
عندنا انواع كتير للهجرة الى كندا
1-Quebec-selected skilled workers
هجرة العمالة المهرة الى كيبك
2-Sponsoring your family
الهجرة العائلية
3-Investors, entrepreneurs and self-employed persons
هجرة المستثمريين و رجال الاعمال
4-Canadian Experience Class
هجرة فئة الخبرة الكندية
5-Provincial nominees
الهجرة الى البروفينسى
كل اللى فات دول انا مليش دعوة بيهم
انا ليه دعوة بهجرة العمالة المهرة الى المقاطعات الانجليزية -الفيدرال
6-Skilled workers and professionals
كل نوع من انواع الهجرة يستلزم ابليكشن خاص بيه
الابليكشن اللى احنا بنمليها هنا و اللى حضرتكم هتنزلوها من موقع الcicدى بتاعت السكيل وركر فيدرال اى مش كيبك ( انجليزى مش فرنساوى )
و ياريت من الاخوة و الاخوات الاعضاء اللى عنده تفسير اكثر يتفضل
هو حضرتك بقى مقدمة و له هتقدمى على الهجرة لكندا؟؟
اهلا بيكى
و فقنا الله و اياكم

 

 

[galaxy]

حبيبتي يا فيروز...........زخليكي معايا كيبك ونتعلم فرنساوي سوا.............ول اني بفكر بجد اخليني مهع نونا ونطلع ع الفيدرال......عموما مش هتفرق المهم نتجمع هناك علي خير ان شاء الله

 

 

[nona alawaal]

اقتباس المشاركة الأصلية كتبت بواسطة No Body إيه الطمع ده انتي عاوزة على كل سؤال دعوة !!! ومع ذلك على السؤالين اللي فاتو خدي دول إلهي ما انت جاهي يرزقك يانونا يا بنت الأوال بحسنات من كل الاتجاهات شرق وغرب وفوق وتحت ويرزقك من حيث لا تحتسبي ويعلى مراتبك كمان وكمان وننصبك في كندا عميدة المصريات المغتربات عاوزة حاجة تاني أشوف بقى السؤال الخامس وننجز

ننجز يا سيدى
على شان خطرك الخامس و السادس

السؤال الخامس : بلد المواطنة
هتكتب اسم وطنك ........ المصرى هيكتب Egypt.....
السؤال السادس بلد اقامتك / او بلد سكنك
هتكتب البلد اللى حضرتك مقيم بها الان
مثلا : Egypt بالنسبة للمقيمين بمصر...و على المقيمين خارجها مراعاة كتابة اسم البلد اللى بيقيموا بها الان

since when
اكتب تاريخ اقامتك بها يوم / شهر / سنة
بالنسبة للمقيمين بها منذ الميلاد ( ميلادك انت يعنى ) اكتب تاريخ ميلادك اللى موجود فى شهادة الميلاد.... سهلة دى
ملاحظة هامة
كل الاسماء/التواريخ اللى هتكتبوها فى الابليكشن تكون مطابقة للبسبور
الدعاوات يا مطاريد

 

 

[nona alawaal]

اقتباس المشاركة الأصلية كتبت بواسطة galaxy حبيبتي يا فيروز...........زخليكي معايا كيبك ونتعلم فرنساوي سوا.............ول اني بفكر بجد اخليني مهع نونا ونطلع ع الفيدرال......عموما مش هتفرق المهم نتجمع هناك علي خير ان شاء الله

جلاكسى حبيبة قلبى انتى بتدعيها تروح كيبك و بعدين انت هتيجى فيدرال
شوفوا انتم الاثنين سيبكم من الفرنساوى بلا وجع قلب ...دى مفيش لغة اصلا و بيكلوا نصف الكلمة و تفهمى بقى من الجملة وجع قلب
ده غير ان كل الفرنساوى اللى هتتعلموه كوم و الفرنساوى الكيباوى اللى هو مش فرنساوى ده كوم اخر