من نحن؟

[Muhammad Zidan]

الصحف المصرية والعربية

اقتباس المشاركة الأصلية كتبت بواسطة ابتسامــة وعليكم السلام ورحمة الله غالباً ما تكون نوايا مؤسسي أي منتدى طيبة وتأتي الديباجة الاولى أو الافتتاحية مبشرة بكل خير وتوضح الممارسة الفعلية صدق هذه النوايا والقدرة على التمسك بها من عدمها ... أتمنى لكم كل التوفيق بالنسبة للملاحظات الفنية التي انتبهت لها أولا ... استحالة التسجيل والمشاركة باستخدام الفايرفوكس ثانيا... الرد السريع غير مفعّل حتى بعد الضغط على أيقونة الرد السريع ثالثا... فين أوبشن الصورة الرمزية للعضو؟!<<< استعجلت وكتبتها شكوى هذا ما لفت نظري حتى الآن أكرر أمنياتي بالتوفيق

مساء الخير يا ابتسامة

عشان تدخلي الصورة الرمزية تعملي الخطوات السريعة دي

1. تدوسي على السهم اللي جنب كلمة خيارات سريعة اللي تحت إسم العضو

2. هاتلاقي خيارات كتير من ضمنها لوحة تحكم العضو .. تحتيه كلمة تعديل اختيارات .. دوسي عليها

3. هاتفتح صفحة تعديل الاختيارات وموجود فيها تعديل الصورة الرمزية

4. تدوسي عليها هايظهرك صفحة جديدة وفيها خيارين واحد من أي رابط عارفاه والتاني من الكمبيوتر بتاعك اللي هو ( brows ) دوسي عليه بس تكوني محضرة الصورة وحطاها على الديسك توب عشان ما تدوخيش

5. وده الأهم الصورة تكون حلوة وتفتح النفس

أي خدمة

 

 

[Farida]

مبروك عليكم المنتدى الجديد بعد 8 سنين خدمة فى المنتديات و المشاركه فى انشاء وولادة منتديات جديده و مشاهدة افول و نهايه منتديات كانت ملء السمع و البصر باقول ان مش دايما الأحلام بتتحقق مش عيب فى القائمين على المكان و لا طبعا فى النوايا الطيبه اللى بنبتدى بيها اى مشروع ولا فى قوانين ميت فل و اربعتاشر و لكن العيب فى تعقيدات النفس البشريه و عيوب العالم الأفتراضى و رخص اسعار النت علشان كده نفسى يكون المنتدى هنا مختلف مش عايزين مواضيع تقليديه عايزين مكان مريح نفسيا ....


على رأى فؤاد المهندس .....ازاى ماعرفش

 

 

[ابو عمر]

خوانى الاعزاء نجفة هانم الضب وحشيش بك الف مبروك ويارب يكون اضافة واكون من اول مشتركين المنتدى الجميل بس انا من اولها كده بقول عايزكو تعلمونى عشان انى طبعى امشى جنب الحيط واوعدكو اكون معاكو على طول والف مبروك مر ة تانية

 

 

[شينكاوي]

طبعا بنبارك ونهنئكم بمناسبة المنتدي ده والتهنئة جاية من المنصورة ورجالة المنصورة من اخونا العضو رمضان مرجان عين اعيان الكويت والدول العربية ومن العضو المستشار القانوني وائل بيه ملك المحاكم والقضايا ومن العضو ميزو ملك المنتديات وسمعونا سلام قوم اقف وانت بتكلمني ,,,,,,,,,,,,,,,,,,,,,,,,,,,,,,,,, والتهنئة جاية للعضو حشيش افيونة المنتديات المؤلف الراكي والقصاص المبدع وصاحب رواية ترترة الشهيرة والي العضوة نجفة الضب حسين الشهيرة ببدرية مكاوي وعاوزين نسمع ضرب نار لقرب صلاة الفجر

 

 

[حشيش]

بصراحة ياجماعة الفرحة بوجودكم معانا هنا عقدت لسانى وبتعالج حالياً فى معهد الصم والبكم بإمبابة ... أسماء كبيرة كلها وبنعتبر وجودكم جنبنا فى وقت شدة زى ده جميل طوقتم به رقبتنا لدرجة إن بدرية قعدت تصرخ وتقول (هوا ... هوا ... عايزة هوا... حتخنق) ... مش عارف بصراحة أرحب بمين فيكم الأول فقررت إنى مرحبش بحد ... ربنا يخليكم يارب وكلمة شكراً لن تفيكم حقكم

 

 

[Farida]

مش مهم الترحيب يا حشيش القلوب عند بعضها ......المهم عامل حسابك كويس فى تحصين المنتدى والمسائل دى ولا الواحد يشارك و يتعب نفسه و يعدى حاجز الألف و هوب عينك ماتشوف الا النور ...............فك الكيس شويه و اصرف ماتخافش المواضيع دى مش سهله و اللى اتلسع من الشوربه ينفخ فى الزبادى

 

 

[متفائل]

أخواني المطاريد

يارب يكون المنتدى ده فعلا واحة المطاريد

وكل واحد يعبر عن رأيه بحرية وحب واخلاص (يكون هدفنا الوحيد الوصول للحقيقة بغض النظر عن مين الي ينتصر رأيه)

تحياتي للجميع

 

 

[قديم]

اولا مبروك لاخــوين حشيش وبدريـه المــنتدى الجميل وسقف الحريـه الجديد

ثانيا عايزاسال سؤال قبل ما ابتدي في المشاركه لاننا سجلت بالواسطــه

هل يشترط للتسجيل في المنــتدي صوره من صحيفه السوابق

انا عندي انذاين وخمس مرات طــرد لو دي بتكفي اوكي لاني عايز تكون تسجيلي نظامي . لو مش مكفيـه عطوني فرصـه يومين عشان ارفع معدل الطرد

تحياتي مع اجمل الاماني للجميـع

 

 

[Badroora]

العزيز قديم نورت الوكر يا فندم ..وبصراحة بتاريخك المشرف دا ونضالك واجتهادك للحصول على الانذارين والطرد 6 مرات نبشرك بانك قد استوفيت شروط الالتحاق وزيادة كمان لدرجة انك تنفع كمان تضيف عضوين على كفالتك
واهلا وسهلا بك مرة اخرى

 

 

[ابتسامــة]

اقتباس المشاركة الأصلية كتبت بواسطة gameel كلتاهما صحيحتان إن شاء الله

الكريم / جميل

شكرا على الاهتمام والرد
بس لو سمحت لي لماذا أجزت كتابتها شئون؟!

رأيي : أن الهمزة هنا متوسطة ساكنة وسُبقت بحرف مضموم (شُ)
فتكتب بحرف يناسب حركة ما قبلها لذا تكتب على واو
فيكون الرسم الإملائي السليم للكلمة شؤن ...

تقديري