ما هو المشروع اللي ممكن يجيبلك 3000 دولار دخل صافي شهريا في كندا؟ للمقيمين حاليا هناك

[Open Mind]

الصحف المصرية والعربية

3 آلاف دولار فى الشهر يعنى 36 ألف فى السنة، وزى ماحنا عارفين العائد على الاستثمار الآمن بيبقى منخفض، فلو قلنا العائد 4 فى المية سنويا، يبقى محتاج تستثمر 900 ألف دولار

 

 

[Open Mind]

ده Tutorial لموضوع الفرانشايز:
https://www.cfa.ca/Publications_Resea...s/default.aspx

للبحث عن فرص لفرانشايز:
https://www.cfa.ca/Look_for_Franchise/


فى الآخر بتوصل للفرصة اللى تناسبك، زى مثلا دى:
https://www.cfa.ca/FranchiseDetail.as...Canada+Limited

فرانشايز تبع ماكدونالدز، بيشترطوا يكون متوفر معاك 300 ألف دولار، ممكن تطلب منهم معلومات إضافية، وتكمل فى الموضوع.

 

 

[Mzohairy]

اقتباس المشاركة الأصلية كتبت بواسطة ehabtaher اوعى تكون خلصت فلوسك يا عمده علشان كده مش عارف تجيب تلاجه.. والا باين انك مش حاتحتاج فى كندا لتلاجه علشان البروتين ايه حكايه زهيرى هو فلس والا ايه .. مش المفروض يقو لنا عمل ايه فى السنه اللى فاتت

و الله يا ايهاب قارون نفسه ممكن يفلس في كندا لو قعد من غير شغل

اقتباس المشاركة الأصلية كتبت بواسطة مازن أطرش عزيزي دكتور ايهاب...زوهيري ..ميتخافش عليه..حنفية الخليج لسه شغالة معاه ..هو بس بيفكر بالغلابة اللي زيي ..اللي يا دوب حياخدوا معاهم مصروف لكام شهر...ربنا يجزيه الخير .. وهنا بيحضرني سؤال ..ليش لما الشباب بيكونوا بالخليج ..وبيرحوا وييجوا على كندا ..تلاقيهم بيكتبوا وكأنهم مستقرين بكندا ..ولما بيستقروا تماما ..بيختفوا ..!!

هي دي المشكله يا مازن
أغلبية الناس مابتبقاش عارفه هي حتستقر هناك ولا حترجع ولا حتعمل ايه
و بالتالي الفلوس اللي معاهم بتخلص بدون الاستفاده منها

اقتباس المشاركة الأصلية كتبت بواسطة Open Mind 3 آلاف دولار فى الشهر يعنى 36 ألف فى السنة، وزى ماحنا عارفين العائد على الاستثمار الآمن بيبقى منخفض، فلو قلنا العائد 4 فى المية سنويا، يبقى محتاج تستثمر 900 ألف دولار

من الناحيه النظريه الكلام صح
لكن على ارض الواقع لو اخدت كورسات كمحاسب و حصلت على شهادة ال ACCA مثلا و لنفترض انها كلفتك 20 الف دولار لغاية ما تحصل عليها
امكانية شغلك بعدها حتكون كبيره و بدخل اكبر من 3 الاف دولار شهريا طبعا
كذلك كورسات معينه في مجالات التمريض و الاسعاف
كذلك كورسات كبيبي سيتر للزوجه
ده من ناحية الدراسه للشغل
الله اعلم بالنسبه للمشاريع التجاريه زي البقالات العربيه و ما شابه

اقتباس المشاركة الأصلية كتبت بواسطة Open Mind ده Tutorial لموضوع الفرانشايز: https://www.cfa.ca/Publications_Resea...s/default.aspx للبحث عن فرص لفرانشايز: https://www.cfa.ca/Look_for_Franchise/ فى الآخر بتوصل للفرصة اللى تناسبك، زى مثلا دى: https://www.cfa.ca/FranchiseDetail.as...Canada+Limited فرانشايز تبع ماكدونالدز، بيشترطوا يكون متوفر معاك 300 ألف دولار، ممكن تطلب منهم معلومات إضافية، وتكمل فى الموضوع.

انا فعلا قريت على موضوع الفرانشايز كتير بس مش قادر اوصل لحقيقته
هل ربحيته مأمونه و مضمونه ولا احتمالات الفشل و الخساره وارده بشكل غير بسيط؟

 

 

[Open Mind]

اقتباس المشاركة الأصلية كتبت بواسطة Mzohairy انا فعلا قريت على موضوع الفرانشايز كتير بس مش قادر اوصل لحقيقته هل ربحيته مأمونه و مضمونه ولا احتمالات الفشل و الخساره وارده بشكل غير بسيط؟

احتمالات الخسارة واردة طبعا وإن كانت أقل من البزنس العادى، لأن البزنس موديل بيبقى متجرب قبل كده زائد الدعم اللى بتاخده من صاحب الاسم، بس فى المقابل العائد بيبقى أقل. النجاح فيه بيعتمد على عوامل كتير، لازم اللى يدخل فى الموضوع يعمل research كافى عن الفرصة المتاحة قبل مايقرر يدخل فيها، وفيه كتير من الفرص بتطلب خبرة سابقة فى المجال اللى هاتفتح فيه.

 

 

[أكسيلانس]

نفس السؤال تم طرحه في عدة نقاشات - و بالتحديد في الاجتماع الاخير للمطاريد تم أثارة هذه النقطه بكل قوه - و ذلك لعدة أغراض ,,, من أهما الوصول لعمل خاص يمكن أن يعيل أسرتين علي الاقل حتي يتم الانتهاء من الدراسه - و لا يضير أن يكون لك عمل حر بجانب أن تكون تعمل في مهنتك الاصليه - بل أن كثير منا أمضي عمره كله كموظف ,, كبر هذا الموظف أم صغر - و أنتهي بنا الامر للملل من الوظيفه و تحكم أصحاب العمل فينا - ربما كان الامر متعلق بنظرة مجتمعاتنا الي تفضيل الوظيفه عن كونك صاحب محل صغير أو مشروع صغير - ألا أننا بعد أن قضينا ما يزيد عن نصف أعمارنا موظفين أدركنا أننا في أشد الحاجه الي البحث عن عمل حر - و الكثير هنا يتحدث عن تغير الكارير لمهن أخري لينتهي بنا الحال الي موظفين في مهن أخري ,, فلما لا يكون التغير من الوظيفه الي العمل الحر أيا كان ,, طالما هو عمل شريف و حلال يكفيك و أهلك بل و يمكنك من توظيف زوجتك و أبنائك فيه و تخصم منه كل مصاريفك بداية من سيارتك و نفقاتها الي جميع المرتبات التي سيتقاضاها أفراد من أسرتك ,, بل أبعد من ذلك أذا كانت المهنه التي تعمل بها تحتاج للسفر فيمكن تحميل جميع نفقات سفرك الي بلدك علي نفقات العمل و خصمها من الضرائب -

النقاش مفتوح في هذا المجال - و نحن هنا كمطاريد الهجره بمصر أصبح هذا الموضوع هو محور لقائتنا في كل الاجتماعات بعد أن أرتضي الجميع أنه منتظر لرد مكتب الهجره علي مهله - فأصبح الشغل الشاغل لا هو ماذا سنفعل عندما تصلنا الفيزا و نقوم بأول لندنج لنا بكندا ,, الدكتور ميو رد علي في باب أجتماعات المطاريد بمجوعه لا بأس بها من الافكار الموجده بالفعل في كندا و التي تندرج كلها تحت مسمي المشورعات الصغيره و هذا هو رده كما كتب

[SIZE=×4]
@الكنديين ابتدوا يحبو الاكلات المديل ايستية..شاورمة..حتلاي واحد كندي داخل محل أكل وبيسأل عن سندوتش ألفلالفل..ايههه والنبي حد يمسينلنا علي الشبراوي والبغل للي راح المحلة ..حاجة زي دي لو اتعملت صح بتجيب فلوس ..

@شفت عراقيين عملوا مغسلة عربيات..دي منتشرة هنا جدا ..عملها تحت مكان فيه Business people ..والقصة مشيت معاهم كويس جدا

@شفت اخونا مصري ..اشتريTruck تعبان وعمله لل Moving .. وابتدي يعمل ملصقات من الكمبيتر بتاعه.. و يلف علي محطة الاتوبيسات ويلصقها...كل مايروح مكان يلزق اعلان ..كان بيعمل في الصيف مبلغ محترم ..بس الشغل موسمي ساعات كتير ..اقل نقلة للعفش هنا حوالي 300 دولار..بعد كده جاب ناس وهو اداره بس ..بعد ماطلع عينه في الاول أكيد ..مش سهلة الموفينج ده ..بعد كده جاب أكتر من عربية وفتحت معاه

@شفت اخونا سوداني عربيات الهوت دج ...اشتري أكتر من واحدة وشغل عليها ناس ..ده استيل كندي..مفيش حد عنده وقت هنا ...بتنفع لو في مكان حيوي

@شفت اخونا باكستاني فتح مخبز بتاع عيش and Beta Bread...كام سنة جاب بيت بمليون دولار

@شفت التونسي الي اتكلمت عليه قبل كده وعقود النضافة...شفت اثيوبين اصدقاء كل واحد منهم بيعمل من الشغلانة دي مالا يقل عن 60 ألف سنوي

@شفت ناس اشترت بيت ..قسمته لكذا غرفة واجرتها لطلبة.. أو للناس الي بتيجي زيارة قصيرة للبلد وتمشي ...اشتروا كذا بيت وطرق الاعلان كارجي ليست وكيجيجي بس عاملين شغل حلو

@شفت الأتراك والاكراد العراقيين اخترعوا حاجة أنا ما شفتك زيها في بلادنا....بيستخدموا الفيلين مع الاسمنت بيزينو بيها البيت ..ماتسالنيش ازي stucco..شغل موسمي برده لحد كبير

@شفت اخ وصديق عزيز مصري في البرتا كل الي بيعمله انه بيشيل التلج من قدام البيت شتاء..وبيجز الحشائش صيفا...وبيصلح العواميد الي طالعة من البيوت بتاعت الHeat عمل شركة ..وجاب واحد مصري تاني معاه ..و ابتدي بكم بيت ...وكبرت معاه العملية

@شفت الصينيين بياجروا الشقق الي في الدور
الأرضي من كل عمره ويعملها سوبر ماركت ...يجب وتسرون يونيون..مكانت تصوير.. اي شيء تتحيله وبيكسب أكيد

@شفت مهندس مصري بورسعيدي في ادمنتن جاب شحنة ملابس..كتن مصري و جودة عالية ..سعر معقول ...وزعها في ادمنتن .. وعايش زي الفل دلوقتي

@شفت مصري تاني بيجيب كونتينير عصير (كول )من مصر.بيخزنها في محأزن ...كل 3 شهور تقريبا..ويوزع بعربيته الفان في تورونتو وميسيوجا.. وكان مبسوط برده


@شفت لبناينين عاملين شركات Construction ..و منهم شغل بس في الدهان والاعمال اليدوية البسيطة الي اغلب الكنديين محتاجينها

@شفت الي الزوج وزوجته بيعملوا أكل...حلويات..وغيره وفاتحين شركة Cattering ..لحفلات.. والاعياد.. والأعراس...

@شفت عراقي اشتري كام Decorationلاعراس..والحفلات..و كان بيجيبنا عشان نساعده نركب الديكورات دي ..وكان عمل شغل كويس جدا برده ..بس ممكن موسمي شوية

مممم لما أفتكر تاني اقولك إن شاء الله ...ده يديك لمحة عن الاعمال الحرة الصغيرة هنا ..not easy at all ..الذيذ أنا اشتغلت كل الشغلانات دي ..مش مبالغه والله
تحياتي


[/SIZE]

 

 

[أكسيلانس]

و في رأي أن أي من هذه المشروعات يجب أن يقوم به أكثر من شخص واحد - 2 أو 3 علي الاقل , و أذا أذدهرت الامور يمكنهم الانفصال و يكن لكلا منهم مشروهع في نفس المجال - و هذا ما فهل زملاء لي بفرنسا مثلا بدأو جميعا كعمال في شرقات المقاولات ثم أنشأوا شركات لهم و ووظفوا فيها كل المصرين الذين يعرفوهم - ثم أنفصل كلا من يستطيع أنشاء شركه جديده - و هم جميعا مازالوا يعملوا سويا فس شمروعات كبيره و صغيره - لكن نستطيع أن نقول أنهم سيطرا علي هذا القطاع - فلما لا ننقل الفكرة و نختار النشاط الذي يمكننا بسهوله أختراقه


خالص تحياتي

 

 

[ابو باسل]

موضوع جميييييييييل

 

 

[ehabtaher]

وعندنا الزناتى عنده خبره فى المقاولات .. وكمان بيعمل المعادله
يعنى فاضل العماله... جاهزين يا ريس

 

 

[م/ غريب]

اقتباس المشاركة الأصلية كتبت بواسطة أكسيلانس و في رأي أن أي من هذه المشروعات يجب أن يقوم به أكثر من شخص واحد - 2 أو 3 علي الاقل , و أذا أذدهرت الامور يمكنهم الانفصال و يكن لكلا منهم مشروهع في نفس المجال - و هذا ما فهل زملاء لي بفرنسا مثلا بدأو جميعا كعمال في شرقات المقاولات ثم أنشأوا شركات لهم و ووظفوا فيها كل المصرين الذين يعرفوهم - ثم أنفصل كلا من يستطيع أنشاء شركه جديده - و هم جميعا مازالوا يعملوا سويا فس شمروعات كبيره و صغيره - لكن نستطيع أن نقول أنهم سيطرا علي هذا القطاع - فلما لا ننقل الفكرة و نختار النشاط الذي يمكننا بسهوله أختراقه خالص تحياتي

لو على شركات المقاولات - تجديد منازل قديمه او انشاء منازل جديده - يبقى سهله ... عندنا لفيف من كبار المهندسين ومتفاهمين الى حد كبير ومنهم من جرب العمل الحر كمقاول ومنهم المصمم ومنهم الاعمال المكتبيه ومنهم المشرف على التنفيذ ... لكن اعتقد ان السكة دي محتاجه راس مال لاصطياد الفرص - سواء اراضي او منازل مستعمله - والصرف عليها لكن العائد سيكون كبير ومضمون ..
فيه ناس كتير بتشتري بيوت قديمه ويعملو لها تجديد ويبيعوها باسعار فيها مكسب عالي ( ممكن عمليه كل سنه ومكسبها يكفي مصاريف السنه )

 

 

[طارق عبد اللطيف]

لا فض فوك يا إكسلانس انت و الدكتور ميو.
أزيدك من الشعر بيت:
- أعرف واحد مهندس ميكانيكا، عايش في تورونتو، متخرج من جامعة كندية، كان بيشتغل بشهادته عادي جدا (أظن مفيش أحسن من كده) بدأ يشتري سيارات محتاجة تصليح و يصلحها بنفسه و يبيعها - أفتكر انه كان بيكسب أكثر من الوظيفة.
- بعد كده راح أخد كورس Real Estate و أصبح بيشتغل Agent و ساب الوظيفة، الأكثر من كده أنه دلوقتي أصبح بيشتري بيوت محتاجة تصليح و يصلحها بنفسه و يبيعها و الحياه جميلة جدا معاه.
تحياتي