كيفية ملئ ابلكيشن كيبيك خطوة بخطوة

[د/بطوط]

الصحف المصرية والعربية

[QUOTE=طائرالوفاء;278602]

انا معاكم في الموضوع ده لانه هيكون مفيد جدا ان شاء الله وكمان فكرة الدكتورة بطوط حلوة جدا عشان كلنا نتابع مع بعض زي الفيدرالي

ده اسماء الناس اللي مقدمة الفترة ده علي حد علمي يا ريت اللي اسمه مش موجود يكتبه

الاســـــــم =======> التقديـــــم =======> الفايل نمبر=======> المقابلة

طرزانطوزز =====> 9 /5 /2010 =====> 28/06/2010

عمدة =========> 15 /6 /2010

ابولينو ========> 19/6 /2010

د/ بطوط =======> 24/6 /2010

طائر الوفاء ======> 7/7 / 2010

 

 

[د/بطوط]

بونسوار عليكم يا جماعه كلكم انامتشكره ليكم جدا ربنا يخليكم و ياريت نتفاعل علشان التوبك يبقى فعلا مفيد و شكرا لدانا لان الفكره فكرته طبعا هابتدى معاكم النهارده فى اول صفحه فى الابليكشن
المتقدم الرئيسى هيعلم على الكلمه دى
Requérant principal1
Travailleur qualifié (permanent2)
السوال الاول
1-بيكتب فيه اخر اسم فى اسم حضرتك Nom de famille à la naissance
-2بييكتب فيه اسمك الاول والتانى و التالت Prénom
3- هتكتب هنا اسمك بالكامل لو انت متزوج زى ماهو لو لا هتكتب s/a
(nom de famille après le mariage (s’il y a lieu
4-
N° de passeport ou de carte d’identitéرقم الباسبور بتاعك
5-
Autre nom que vous utilisez ou sous lequel vous êtes connu ده لو ليك اسماء تانيه و فى الغالب بنكتب s/a
6-Date de naissance
annee Mois Jourتاريخ ميلادك بالارقام الاول السنه -الشهر- اليوم
على فكره s/a = n/a = not applicable
7- مكان الميلاد المدينه Lieu de naissanceVille
Province / Régionالمحافظه
الدوله Pays
8- الجنسيه egyptien-egyptienne /<<-------Citoyenneté / Nationalité
9- ودى الحاله الاحتماعيه &Eacute;tat matrimonial actuel
Célibataire اعزب
Marié متزوج
Divorcé مطلق
Veuf ارمل
10-
Adresse de résidence عنوانك
11-
Adresse de correspondance العنوان اللى تحب يرسلوك عليه يبعتولك عليه الجوابات
والبقيه تاتى ياريت حد من الاعضاء يكمل من حيث انتهيت -

 

 

[د/بطوط]

1- شهاده ميلاد لكل فرد فى الاسره هيقدم فى الابليكشن
2-قيد عائلى
3- قسيمه جواز للمتزوجين /قسيمه الطلاق لو مطلق /شهاده وفاه لوفى حد ارمل
4- الباسبور يكون غير منتهى الصلاحيه للمتقدم وزوجته والاطفال حتى لوعنده يوم واحد
5- شهاده التخرج بالانجليزى للمتقدم وزوجته
6-بيان الدرجات بالانجليزى للمتقدم وزوجته
7- لو فى دبلومه يبقى شهاده الدبلومه
8- شهاده الثانويه العامه بيان الدرجات
9-شهادات الخبره
لو الخبره غير حكوميه يستحسن لو تثبت بالاضافه للشهاده بجواب التامينات و عقد العمل
ولا يشترط ان تكون الخبره فى نفس مجال المؤهل الدراسى هم عارفين ظروف مصر
بيعترفوا بيها طالما خبره شرعيه تتقاضى مقابلها اجر
10-شهادات اللغه اذا توفرت لو مفيش مش مشكله الانترفيو معمول عشان يقيم اللغه بتاعتك
كل الشهادات يفضل تكون بالانجليزيه لو مش موجوده انجليزى عادى لو اترجمت

لوفى حد يحب يضيف يتفضل علشان كلنا نساعد بعض

 

 

[د/بطوط]

انتم فين يا جماعه محدش سامع صوت حد ليه المنتدى كده هيضلم ده منور بيكم

 

 

[dana]

اقتباس المشاركة الأصلية كتبت بواسطة د/بطوط 1- شهاده ميلاد لكل فرد فى الاسره هيقدم فى الابليكشن 2-قيد عائلى 3- قسيمه جواز للمتزوجين /قسيمه الطلاق لو مطلق /شهاده وفاه لوفى حد ارمل 4- الباسبور يكون غير منتهى الصلاحيه للمتقدم وزوجته والاطفال حتى لوعنده يوم واحد 5- شهاده التخرج بالانجليزى للمتقدم وزوجته 6-بيان الدرجات بالانجليزى للمتقدم وزوجته 7- لو فى دبلومه يبقى شهاده الدبلومه 8- شهاده الثانويه العامه بيان الدرجات 9-شهادات الخبره لو الخبره غير حكوميه يستحسن لو تثبت بالاضافه للشهاده بجواب التامينات و عقد العمل ولا يشترط ان تكون الخبره فى نفس مجال المؤهل الدراسى هم عارفين ظروف مصر بيعترفوا بيها طالما خبره شرعيه تتقاضى مقابلها اجر 10-شهادات اللغه اذا توفرت لو مفيش مش مشكله الانترفيو معمول عشان يقيم اللغه بتاعتك كل الشهادات يفضل تكون بالانجليزيه لو مش موجوده انجليزى عادى لو اترجمت لوفى حد يحب يضيف يتفضل علشان كلنا نساعد بعض

متشكرين على المجهود الجميل دة يا دكتورة بطوط
اعتقد كمان الصور الشخصية فى الابلكيشن اعتقد هما 6 صور وفيه ناس بتقول 7 6 فى ظرف يكتب الاسم وتاريخ الميلاد ولون العينين والطول + واحدة فى الابلكيشن
المقاس 3.5 *4.5 على خلفية بيضا
على العموم لو 7 صور مش هتفرق من 6 ( بس يا ريت حد يصححلى لو فيه حاجة غلط علشان الجدد)
لو فيه صورة كارنية النقابة ( احنا مش بنصعب على الناس بس لو فيه يستحسن تجيبها)
3- شهادة الجيش مترجمة

 

 

[dana]

نكمل باقى الابلكيشن من حيث توقف د / بطوط

الاول احب استفسر نكتب على اى شئ لا يخصنا او لا يملئ n/a ,b s/a ولا الاتنين زى بعض

n de telephone (domicile
نكتب رقم تليفون المنزل 002 كود المحافظة ثم الرقم

n de telephone ( travail
نكتب رقم تليفون العمل برضة 002 ثم كود المحافظة ثم رقم التليفون

courriel ( email
اكتب الايميل اللى هيرسلوك عليه لو مفيش تكتب n/a

autre ( precisez
,لو فيه شئ اخر تحب تضيفة او اى معلومة لو مفيش هتكتب n/a اوعى تسيبها فاضية

n de telecopieur( domicile
رقم الفاكس المنزلى لو مفيش تكتب n/a

n de telecopieur( travail
رقم فاكس العمل

autre ( precisez
برضة اى شئ اخر تحب تضيفة

ملحوظة اى خانة متخصنيش او معنديش ليها معلومات متتسبشى فاضية نكتب فيها n/a

وبكدة نكون خلصنا سؤال 3
يا ريت الجماعة اللى قدمة ومنهم د /بطوط يراجع على اللى كتبته كويس ولو فيه غلط يصحح لانكم اهل خبرة انما العبد لله لسه هيقدم فى شهر 11 على ما اذاكر الفرنساويو

 

 

[جبالى]

والله فكرة جميلة جداااااااااا يا دانا حلوة بجد حاولى تكملى الله يكرمك والله حتساعدى ناس كتيررررررررررر

 

 

[مصطفى ماهر]

في انتظار البقيه ياشباااااااااااب
طيب بالنسبه للاوراق المطلوبه .. انتو مقلتوش البطاقه ( هل هي ضروريه ولا الباسبور يغني )؟؟؟

 

 

[HanyMan]

شكرا يا دكتو بطوط والشكر ايضا لدانا بس يا اخوانا المفروض حد يرفع الابلكشن اللى هيتملى عشان الناس تعرف شكلة وواحدة واحدة علينا

 

 

[Abuadam]

ده الابلكيشن الاساسي اللي بنملاه دلوقتي يا هاني مان

https://www.immigration-quebec.gouv.q...-selection.pdf