عندما يكون المصري صهيوني اكتر من الاسرائيلي نفسه

[biopasha]

الصحف المصرية والعربية

العنوان بيقولك عندما يكون المصري .. وحتي لم يستثني او يقول ان اللي في الفيديو ممكن يكون فلول ولا سيسي ولا اي حاجة .. مع اني سمعت فعلا انه مندوب حملة السيسي في فرنسا ..
وكأننا احنا مش مصريين ولا ننتمي للجنسية المصرية ..
فقط نتنمي للدين والاخوة في الدين والافلام الهندي دي .. ويا أخي ! واختي!
علي فكرة انصار السيسي محقين في وصف الاخوان والاسلاميين بانهم خونة للوطن ..
لا يقلوا عن العسكر في شئ ولايزيدوا ..
كلهم واحد ..

 

 

[Sepia]

هو المشكلة ان الشخص ده اسمه "مصري الفقي" يعني مش كفاية انه مصري فعلا , لا هو اسمه "مصري" كده خلقة ربنا ,,زيادة في التوكيد و المكايدة! ,, https://masrifeki.com/arabic.htm

 

 

[KANE]

اقتباس المشاركة الأصلية كتبت بواسطة biopasha العنوان بيقولك عندما يكون المصري .. وحتي لم يستثني او يقول ان اللي في الفيديو ممكن يكون فلول ولا سيسي ولا اي حاجة .. مع اني سمعت فعلا انه مندوب حملة السيسي في فرنسا .. وكأننا احنا مش مصريين ولا ننتمي للجنسية المصرية .. فقط نتنمي للدين والاخوة في الدين والافلام الهندي دي .. ويا أخي ! واختي! علي فكرة انصار السيسي محقين في وصف الاخوان والاسلاميين بانهم خونة للوطن .. لا يقلوا عن العسكر في شئ ولايزيدوا .. كلهم واحد ..

الصري ≠ المصريون


بالرغم من ان التعميم يكاد يكون صحيحاً

اقتباس المشاركة الأصلية كتبت بواسطة biopasha ياجماعة كفاية .. كدة الناس هتلعن سلسفيل ابو اللي جابونا في كل حتة .. وانا الصراحة ما بستحملش ورد فعلي بيكون عنيف وبغلط بلا حدود في اي حد عربي او غيره يجيب سيرة مصر بسوء علي الحقيقة او علي النت .. واكيد غيري كده كتير .. ودا بيعمل مشاكل وبيزعل ناس مني ومن ناس كتير .. الواحد مش بيمسك اعصابه احيانا .. اتخلقنا كدة في الصعيد و في باقي انحاء مصر .. ناس دمها بيغلي بسرعة وصعب تسيطر علي الموقف .. لو سمحتم .. بلاش لو فيه حل عملي اعملوه .. المفروض يعني ان سمعة البلد مهمة بغض النظر عن اي صراع سياسي .. والنداء لجميع المصريين في كل مكان ..

ينفع الاقتباسين دول

اقتباس Desoky Ahmed's status. Yesterday لما جيت ألمانيا من 3 سنين تقريبًا، جيت وأنا شاب مصري محمل بفخر الثورة وزهو الشعب المنتفض، ومعايا كل ميراث (أم الدنيا) و(الشقيقة الكبرى) و(الشعب المصري العظيم) صحيح مكنتش وصلت لمرحلة (المصرنازيون) اللي موجودين دلوقتي، لكن بالتأكيد كنت ملوث بشوائب من الاستعلاء المصري الشهير على خلق الله من العرب. يشاء ربك ان لقاءاتي الاولى في اول شهر تكون مع عرب نضاف ومحترمين يجبروني على التخلي عن كل شوائب الكبر والاستعلاء. كرم اخلاق ونضافة معدن الناس اللي قابلتهم من الفلسطينين والسودانيين واليمنيين والليبيين والشوام (الشام التاريخية مش دمشق بس) خلاني يوم بعد يوم بتنازل عن كل ميراثي القومي الشوفيني اللي زرعه عبناصر في المصريين. لو هنتكلم بصراحة عن نظرة بعض المصريين لشعوب عظيمة زي اليمن والسودان وليبيا هنلاقي نفسنا مضطرين للاعتذار. أنا بقولك الكلام دا وانا من اكثر المصريين حظا في اصحابه المصريين وتقريبًا مقابلتش هنا مصري وحش، ويوم لما احتجت فلوس مثلًا كان عندي اصدقاء مصريين واردنيين شالوني من عالارض شيل بجميل يطوقني ليوم الدين. النهاردة انا والله بكل موضوعية مبحسش اني غريب وسط اي تجمع عربي، وبحاول اكتر افهم لهجاتهم وتقاليدهم واتفهم طبائعهم كمان. وحاسس اني عندي مسئولية تجاه شعوب نضيفة وبنت ناس اتظلمت وسط مشاكل المصريين بصورة سلبية زي السودان واليمن وليبيا. من شوية اتفرجت على بث موحد للقنوات اللبنانية تضامنًا مع غزة، لبنان المقسمة طائفيًا بتقول على لسان مذيعيها "لبنان موحد في صوت تضامنه مع فلسطين"، مع ان اعلام الشقيقة الكبري، ام الدنيا وارض الكنانة، مش لوحده بيدعم الصهاينة، لا، وكمان جزء مش قليل من الشعب موافق على كدا !! او على الاقل شايف ان مفيش مشكلة كبيرة رغم امتلاكه لمفتاح الحل والتخفيف عن (اخوانه) في فلسطين. مذيعة الـ MTV اللبنانية بتقول في نشرة اخبار فلسطين الموحدة "المساءات تسأل فلسطين السماح، ربما نخجل أن نبلغك أننا انشغلنا عنك بهذيان السياسة عندنا، ماأرفعك يامدن الصلب، وماأشقانا" الـ MTV يامؤمن !! أعتقد اننا كمصريين مدركين كويس جدا احنا موقعنا الحقيقي اللي نستحقه بين العرب فين. #غزة

اقتباس Kamal Hamed July 18 · Edited واقفين دلوقتي بنستعد لمظاهرة علشان غزة، جالي واحد جزائري، قالي "انت مصري ؟ ايه اللي جايبكم معانا هنا؟ جايين تشمتوا فيهم؟ ما انتوا اللي عاملين فيهم كده، وإعلامكم نازل فيهم شتايم كل يوم، اسرائيل جمبكم بقالها 60 سنه عملتوا فيها ايه؟ وفي الاخر رايحيين تقفلوا المعابر في وجههم. وما تقوليش انك مش مع السيسي، كلكم مع السيسي زي ما كلكم كنتوا مع مبارك لما شتمتم الجزائر" اداهملي في نفس واحد اكتفيت بابتسامة الموناليزا حتى ابتعد. #جايبينلنا_التهزيق_حتى_واحنا_بعيد

اقتباس المشاركة الأصلية كتبت بواسطة biopasha والنبي شوفولكم فيديوهين كمان .. خلاوها تسخن كدة وتحلي .. عاوزين دم .. عاوزين الناس تتلم ..

آخر فيديو من العينه دي






وفيديو تاني ازاي بنشتم دوله وبنخليها كلها بلد دعاره علشان بتدعم فلسطين بس




وهسكت خلاص علشان سمعة مصر

 

 

[يسر]

المفروض نغمض اعيننا عن الكوارث عشان خاطر الوطن , هؤلاء الفسدة هم من يخرقون قاع الوطن لاغراقه هم المحرضون على قتل ابنائه هم من يهاجمون الاشقاء لقطع كل حبال الود او حتى مصلحة بيننا و بينهم و عند اذ سنصبح وحيدين في مواجهة الاعداء و الخطوب و لن نجد حتى من يرثى لحالنا او حتى صامت ان لم يكن شامت
افعل ما شئت كما تدين تدان

 

 

[biopasha]

طيب اتفضلوا ادخلوا ع الفيس وشيلوا شتايم عني شوية ..
شتايم لكل مصر واللي نفسه يتحرق ال ٩٠ مليون كلهم واللي يقولك خونة .. واللي يقولك ثوروا ع السيسي .. دا غير شتايم بذيئة اكتر من كدة ..
ثوروا ع السيسي ايه !! امال الناس كانت بتلعب معاه شلح !؟ اذا كان السيسي والعسكر قتلوا من المصريين اكتر من اللي قتلتهم اسرائيل من الفلسطينين .. بردوا مش نافع ولاحد فاهم ..

اللي يستحمل بقي يدخل يكيلهم ..
انا زهقت ...

 

 

[NazeeH]

الباب اللي يجيلك منه الريح ..
للأسف أصبح حال شرفاء المصريين الآن مابين مقتول أو معتقل أو مطارد أو مهاجر ..
ومن يتصدر الساحة هم سفلة القوم و أراذل مصر .. وهم أيضاً من جلب السباب واللعنة للباقين ..
لو لم تكن من ضمن هؤلاء أو تتعاطف معم فلا تضيرك الشتائم لأنها ليست موجهة لك بل لهم ولمن على شاكلتهم ومن يؤيدهم ويدافع عنهم ..
فلا تظلم نفسك كثيرا ...
أما عن شتائم الفيس فكلها مردودة على قائليها وكاتبيها .. فلا تكترث ..