اسهل والذ سمك من افتكاسي..

[مدى]

الصحف المصرية والعربية

المقادير..

- كيلو سمك فيليه.
-نص كيلو بطاطس مقطعة ع الشكل اللي تحبيه (شرائح..دوائر..مثلثات ..اي حاجة)
- عدد 2 بصل مقطع ع شكل هلال او اي شكل بردوا.
- عدد 3 جزر او حسب الرغبة وتقطيعهم بردوا.
- عدد فلفل رومي او حار حسب الرغبة ...وتقطيعه دوائر..
- عدد 2 طماطم وتقطيعهم ع شكل هلال.

الطريقة ..
توضع جميع الخضروات السابقة فــ إناء عميق وتتبل بالآتي ..
(ملعقة ملح + ملعقتين سمااق +نص ملعقة فلفل اسود+ ملعقتين كاتشب)

ومن ثم ترص فــ صينية التقديم ..وتوضع فوقها قطع الفيليه المتبلة بنفس التتبيلة..ومن ثم

عدد 4 ملاعق زيت زيتون او اي زيت..

ومن الممكن اضافة شرائح الإناناس للصينية ..او الإستغناء عنها..

وتغطى الصينية بورق الفويل وتوضع فــ الفرن لمدة نص سااعة..

وادعولي..

قبل..


بعد..





ملحوظة..او بمعنى أصح تسسييح..

يلاحظ ان المطبخ اللي قبل غير المطبخ اللي بعد ..وذلك لأني لما حطيت الصينية فــ فرن مطبخنا انفجر ..الإزاز اتكسر بتاع الفرن (ازاي وليه..الله أعلم )
فرحت كملت الأختراع فــ مطبخ أختي..

اعملوا انكم مش واخدين بالكم

 

[هدى الخرباوى]

واااااااو يامدى
الصينية شكلها تحفة والدنيا رجيم .. شكلى هاضرب الرجيم يوم الجمعة واجربها
بس تفتكرى لازم الفرن ينفجر علشان تدينا نفس الطعم الجميل

أعتقد أنه وصله رزاز ماء بارد وهو سخن فانفجر الزجاج .. والله أعلم
ولا يهمك .. المهم الصينية اتعملت والناس أكلت وعوضك على الله فى الفرن

 

 

[مدى]

ملحوظة رقم 2..

اللي هيدخل واشوف اسمه تحت بدون مايقلي مشكوووووووور هزعل منه اووي

ماتحبطونيش كفاية فــ البيت ..مش مقدرين ابتكاراتي دي

 

 

[مدى]

اقتباس المشاركة الأصلية كتبت بواسطة هدى الخرباوى واااااااو يامدى الصينية شكلها تحفة والدنيا رجيم .. شكلى هاضرب الرجيم يوم الجمعة واجربها بس تفتكرى لازم الفرن ينفجر علشان تدينا نفس الطعم الجميل أعتقد أنه وصله رزاز ماء بارد وهو سخن فانفجر الزجاج .. والله أعلم ولا يهمك .. المهم الصينية اتعملت والناس أكلت وعوضك على الله فى الفرن

الله يسعدك رفعتي معنويااتي..
هي لذوذة جدا والله..

ماما لحد دلوقتي بتذلني بحكاية الفرن..
بتقلي لما اجهزك هخلي عريسك يجبلي فرن بدل ده وخدي انتي ده..


يسعد قلبك ويفرحك..واهلا بالدايت..

 

 

[kokomen]

ما شاء الله عليكي يا مـــدى

أكلة سمك جميلة تصادف وأنا بأشاهد موضوعك

إن أمامي أناناس طازج وصل لنا مباشرة من

سيريلانكا ضحكت وقلت لهم آدي الأناناس فاضل

السمك

تسلم يداك آكلة أسكندرانية جميلة

مش مهم زجاج الفرن اللي إنكسر .. المهم السمك

 

 

[النوبة حبيبتي]

مشكوور
جزاك الله خيرا
بحب الفيليه خالص مالص

 

 

[FINETOUCH]

اقتباس المشاركة الأصلية كتبت بواسطة مدى ملحوظة رقم 2.. اللي هيدخل واشوف اسمه تحت بدون مايقلي مشكوووووووور هزعل منه اووي ماتحبطونيش كفاية فــ البيت ..مش مقدرين ابتكاراتي دي

مشكووووووره بالغالى....كده تمام ؟

 ماما لحد دلوقتي بتذلني بحكاية الفرن..
بتقلي لما اجهزك هخلي عريسك يجبلي فرن بدل ده وخدي انتي ده..051.gif
 
 
 
 

بس انتى محتاجه فرن يكون بابه خرسانه اومصفح زى خزينه البنك المركزى

 

 

[msameh]

يا بنتي الفرن ما استحملش ..... ربنا يستر علي اللي هياكلها






تسلم الايادي .... شكلها جوعني

 

 

[toota]

المفروض تسميها اكلة سمك بالمفرقعات يا مدى.....


اكلة واضح انها حلوة....تسلم الايادي

 

 

[biopasha]

جميلة الاكلة دي ..

عاوزين كل يوم أكلة زي كدة ..

بالهنا والشفا .. تسلموا ..


مش ناقص بس غير كوباية شاي وتبقي تمام ..

خلوا الشاي علي حسابي بقي ..

وعندك واحد شاي دوبل محترااااااااااااااااااااااام