Arabic Discussion Forum with a Special Interest in Travel and Immigration

Farida · 29th October 2008, 11:21 AM

المقادير :
-نصف كيلو كبده تقطع قطع صغيره .....انا باقول للجزار يقطعها اسكندرانى ....
-2 حبة طماطم و 2 حبة فلفل رومى مقطعين صغير
-3 ملاعق توم مفروم
-كمون
-4 ملاعق كبيرة زيت ذرة
-عصير 4 ليمونات
- ملح و فلفل
الطريقه :
-تغسل الكبده و تتبل بالتوم و الكمون و الملح و الفلفل و الليمون و ملعقتين زيت و تترك فى التتبيله لمده ساعه او ساعتين او زى ما ربنا يقدركم
- اقدح ملعقتين زيت فى الطاسه و اصب فوقهم الكبده بالخلطه بتاعتها و ازودها ميه شويه بشويه لما تقرب تستوى اضع الطماطم و الفلفل الرومى .....
و يقدم معاها بطاطس محمرة
و بالهنا و الشفا

بندق · 29th October 2008, 11:47 AM

أنا احب أشترى الكبدة قطعة واحدة أقشرها واقطعها بنفسى ..

بس من زمان بأكله فى السنة مرة أو مرتين بالكتير (مع خروف العيد)

سلمت يداك يا دكتورة .. خصوصا انه الوصفة فيها هندسة عالية

نجيبة نجيب · 29th October 2008, 03:32 PM

اقتباس

المشاركة الأصلية كتبت بواسطة dr.farida


	المقادير : -نصف كيلو كبده تقطع قطع صغيره .....انا باقول للجزار يقطعها اسكندرانى .... -2 حبة طماطم و 2 حبة فلفل رومى مقطعين صغير -3 ملاعق توم مفروم -كمون -4 ملاعق كبيرة زيت ذرة -عصير 4 ليمونات - ملح و فلفل الطريقه : -تغسل الكبده و تتبل بالتوم و الكمون و الملح و الفلفل و الليمون و ملعقتين زيت و تترك فى التتبيله لمده ساعه او ساعتين او زى ما ربنا يقدركم - اقدح ملعقتين زيت فى الطاسه و اصب فوقهم الكبده بالخلطه بتاعتها و ازودها ميه شويه بشويه لما تقرب تستوى اضع الطماطم و الفلفل الرومى ..... و يقدم معاها بطاطس محمرة و بالهنا و الشفا

متزعليش مني يا فريدة
عمرها ما هتزبط كده
الكبدة بالذات مينفعش انها تتحط بالتتبيلة من اول مرة لانها بتاخد زفر الكبدة معاها وبتتشربه، وطعمها مش بيزبط ابدا
اي تتبيل للكبدة لازم يكون تالي لعملية ازالة الزفر والرائحة وبعدين تتبل من اول وجديد على نضيف
وكمان افضل حاجة انك تحمريها في سمن بلدي وتحطي الفلفل الاول وبعدين الطماطم

لو سلقتي الكبدة وهي قطع كبيرة وبعدين قطعتيها اسكندراني تضمني انها استوت بشكل ممتاز
عموما الطبيخ نفس عمره ما كان وصفات
ومحجش يقدر يعرف ست البيت الشاطرة الا لما يدوق فعلا طبيخ ايديها

اختك
نجيبة نجيب

Badroora · 29th October 2008, 07:33 PM

اقتباس

المشاركة الأصلية كتبت بواسطة نجيبة نجيب


	متزعليش مني يا فريدة عمرها ما هتزبط كده الكبدة بالذات مينفعش انها تتحط بالتتبيلة من اول مرة لانها بتاخد زفر الكبدة معاها وبتتشربه، وطعمها مش بيزبط ابدا اي تتبيل للكبدة لازم يكون تالي لعملية ازالة الزفر والرائحة وبعدين تتبل من اول وجديد على نضيف وكمان افضل حاجة انك تحمريها في سمن بلدي وتحطي الفلفل الاول وبعدين الطماطم لو سلقتي الكبدة وهي قطع كبيرة وبعدين قطعتيها اسكندراني تضمني انها استوت بشكل ممتاز عموما الطبيخ نفس عمره ما كان وصفات ومحجش يقدر يعرف ست البيت الشاطرة الا لما يدوق فعلا طبيخ ايديها اختك نجيبة نجيب

الله يحظك يا نجيبة يا ختى

حتى الكبدة منجتش منك

يا ستى الكل كل بيت بيطبخ بطريقة هو يعنى دا قران منزل لازم طريقة الطبخ تكون واحده عشان تزبط.

تسلم ايديك يا دكتورة فريدة

Farida · 29th October 2008, 08:54 PM

بندق و بدريه شكرا لكم كتير .....

بندق · 29th October 2008, 09:01 PM

اقتباس

المشاركة الأصلية كتبت بواسطة Dr.Farida


	بندق و بدريه شكرا لكم كتير .....

الشكر على ايه يا دكتورة .. وصفة حضرتك مجربة وواخدة شهادة الآيزو ..

الكبدة تتسلق وبعدين يتعمل فيها مش عارف ايه ده كلام ناس مالهاش فى المطبخ .. أصلا الكبدة بتاخد وقت قد ايه عشان تستوى ..

أما حكاية انه الكبدة بتكون زفرة ولا ريحتها وحشة دا بيكون فى حالة فقط اننا نشتريها من الراجل اللى كان بيبيع لحم الحمير الميتة ..

هو ما حدش سمع عن الناس اللى بتاكل الكبدة وهى سخنة (يعنى بعد الذبح مباشرة؟) نية بدون تسوية فقط عليها ليمون .. معلش يا دكتورة أهو كل واحد بيدلو بدلوه وبيجيب اللى يعرفه

FINETOUCH · 30th October 2008, 09:15 AM

بصفتى مسجل كمواطن الكترونى بمحافظه الاسكندريه واحمل العديد من الشهادات من شهادة ميلاد وتطعيم ومراحل التعليم المختلفه وتجنيد وشهادة زواج من مواطنه اسكندرانيه ايضا
احب ان ادلو بهذا الدلو البسيط عن خبراتى المتواضعه
يستحسن ان يدق التوم ومعه الكمون والفلفل الاسود ورشه قرفه ناعمه والملح واذا حب احد ان يضيف شطه ..فى الهون
ثم يوضع فى الزيت على النار ومعه قرنين فلفل اخضر حامى او بارد و كام عود قرنفل فى وتقليبه صغيرة ثم توضع الكبدة وتقلب وقبل رفعها من على النار يوضع عصير ليمونه
فى الاسكندريه شرقها وغربها وشمالها وجنوبها لاتوضع اى طماطم او صلصه على الكبدة...
وبالهنا والشفا
جدو حسن مراسلكم من الاسكندريه

تقى · 2nd January 2009, 11:55 PM

الله الله يادكتور الريحة وصلت تسلم الايادي

Farida · 3rd January 2009, 05:13 AM

يا تقى مش عارفه امسكك فى موضوع كل ما ارد عليكى فى موضوع الاقيكى مشيتى منه ..المهم وحشانى و الله

جدو حسن الأسكندرانى معاك حق فى حكاية الطماطم دى بس دى اضافه منى على ما قسم زى موضوع القرفه ماهو اضافه منك برضه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بسم الله الرحمن الرحيم : الأجابة ...ابو الفتوح	إنتخابات الرئاسة	مــــلامــــح	5	1760	22nd May 2012 11:23 PM
اخص على كده : اسراء عبدالفتاح وشباب الثورة مع...	شؤون مصر الداخلية	انسان بقلب ملاك	55	5361	22nd March 2012 08:01 AM
النائب الخبؤ : محمد العمدة عايز يلغى الخلع	شؤون مصر الداخلية	مصرى فقط	21	4151	22nd March 2012 07:06 AM
جودة عبد الخالق عايزنا نحشى المحشى لسان عصفور	شؤون مصر الداخلية	Farida	0	1265	22nd March 2012 06:36 AM
ترشيحات حزب النور بتقول ان فيه امل	شؤون مصر الداخلية	AlexG	13	2560	22nd March 2012 06:31 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حواوشى اسكندرانى	مطرودالجبل	شؤون المطبخ	12	28th October 2011 02:49 PM
طبق كبده جملى	بنت البلد	شؤون المطبخ	16	6th August 2011 01:38 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

كبده اسكندرانى اصلى