♥♥♥♥ عمار يا كندا ♥♥♥♥

[Ehab Salem]

الصحف المصرية والعربية

الأخوه الأفاضل
والله أخجلتموني بمشاركتكم ... ده الجبل بيكم أصبح حديقه غناء
أستأذنكم تسمحولي إني أتجنب الرد على كل مشاركه حتى لا نشتت مسار الموضوع و نستغل الوقت كله في سرد الذكريات و الإنطباعات

 

 

[حشيش]

تسجيل متابعة ... فكرتنى يا عم إيهاب بكصتى الخالدة (المنتوف) التى كنت أحكى فيها عن ذكرياتى المؤلمة وأيام أسود من قرن الخروب عشتها فى مركز تدريب المدفعية ... حبقى أكتبها لكم فى حشيشيات

 

 

[Ehab Salem]

اقتباس المشاركة الأصلية كتبت بواسطة كنداويه بالمناسبه يافندم احنا جايين لاندنج في الصيف بإذن الله على عندكم مسيساجا وعايزة اشتري حته دجيتال حلوه تصد معانا في مشاوير نياجرا فالز وما إلى ذلك وناخد بيها جوائز أحلى صور بإذن الله، نطلب اقتراحاتكم ايه النوعيه اللي نشتريها تكون مميزة في التصوير البعيد والتصوير بالليل؟

أنا بأستعمل الكاميرا دي


هي فيها كل المميزات اللي طلبتيها
زووم عالي و موود خاص بالتصوير الليلي

https://www.panasonic.ca/english/audi...ll/DMCFZ35.asp

 

 

[Ehab Salem]

نكمل الحكايه

بعد التخرج والجيش .. لم يكن من الممكن الهجره لكندا مباشرة .. كان لازم العمل لفتره في الخليج لإكتساب الخبره و الزواج و إدخار بعض المال للإستعانه به في سنين الهجره الأولى
هما الأربعه سافرو الكويت و أنا سافرت قطر و تعاهدنا على العمل لفتره ثم الهجره لكندا

أنا تقدمت بملفي في أكتوبر 2001 و حصلت على التأشيره في أبريل 2004 و ذهبت لعمل لاندينج في أغسطس 2004

أكون كداب لو قلت إني كنت متحمس للذهاب مباشرة لكندا .. طبعا كنت خايف ... كنت في وضع مستقر في وظيفه جيده في مكان مميز و دخل عالي و لا أعاني من أي مشاكل وطبعا أهلي و أهل مراتي كانوا شايفين إني مجنون عشان أسيب وضع مستقر يتمناه ناس كتير عشان أذهب للمجهول و أبدأ من الصفر

 

 

[Ehab Salem]

الحقيقه الحياه في قطر كانت مثاليه ... حياه راقيه و دخل عالي ووظيفه محترمه و شعب راقي المعامله
ورغم إنه عمر ما قابلتني مشاكل من مشاكل الكفيل لأني كنت أعمل في وزاره حكوميه ... بس كان فيه مشكله واضحه .. إنها مش بلدي و الأهم إنها مش بلد أولادي و أنا مش هأفضل عايش طول عمري هناك و في نفس الوقت أنا لا أريد العوده للحياه في مصر بشكل دائم ... إذن كان لا بد من تفعيل قرار الهجره لكندا ..
كان لي صديق مهندس مصري تعرفت عليه في قطر ... كان ماشي في مشوار كندا مثلي بس هو كان أجرأ مني ... أخذ الفيزا و إستقال و حرق المراكب و راح كندا في صيف ٢٠٠٣ ... يعني قبلي بسنه

أنا قلت بلاش أحرق المراكب و أعمل لاندينج و أرجع و أفكر براحتي
ذهبنا لعمل لاندينج في أغسطس ٢٠٠٤ وكان صديقي في إستقبالنا و حجز لنا في الفندق ده في ميسيساجا https://www.portshotel.ca/

 

 

[Ehab Salem]

حجزلنا في الفندق ده لأنه على بعد دقائق مشي من شقته عشان نكون قريبين منه وفي الحقيقه كان ده شئ من أفضل ما فعل
الفندق يقع في حي من مدينة مسيساجا يسمى بورت كريدت على بحيرة أونتاريو مباشرة

بورت كريدت منطقه سياحيه ... تنتشر بها المقاهي و البارات و المحلات و طبعا تعج بالحدائق ... يخترق نهر credit river الحي ليصب في البحيره و عند إلتقاء النهر بالبحيره يوجد مارينا لليخوت حيث يأتي الناس للإبحار في بحيرة اونتاريو و أيضا للتجديف في النهر

يكثر إقامة المهرجانات و الإحتفالات الموسيقيه و الترفيهيه في المنطقه

سأستعرض في المشاركات التاليه صور إلتقطتها من هناك أثناء رحلة اللاندينج

 

 

[Ehab Salem]

الصوره دي كانت من بلكونة شقة ... ده شارع lakeshore Rd west ... على الشمال نهر كريدت ريفر يعبر من تحت الكوبري ليصب في بحيرة أونتاريو على اليمين
يظهر في الأفق مداخن عملاقه لمحطة توليد كهرباء ... تم غلق هذه المحطه نهائيا لإحتجاج سكان مسيساجا بداعي التلوث



زاويه مفتوحه قليلا جهة اليمين لتظهر مارينا اليخوت

 

 

[Ehab Salem]

لما رجعت بعد ثلاث سنين في ٢٠٠٧ سكنت في شقه في واحده من العمارات اللي ظاهره هناك

 

 

[Ehab Salem]

ده بيت للمسنين




البيت ده بيطل على البحيره من جهتين .... مش عايز أتخيل تمنه كام



التاون هومز دي صغيرة المساحه جدا ... الواحد تقريبا 1500 قدم مربع
كان فيه واحد فيهم معروض للبيع وقتها على 670 ألف ... طبعا عشان في بورت كريدت و على البحيره

 

 

[Ehab Salem]

مكثنا في اللاندينج عشرة أيام فقط ... جاءت بعض الأيام غائمه و ممطره ... بالنسبه لنا كان هذا شئ غريب جدا وقتها أن نرى غيم و مطر في شهر أغسطس