تجارب المطاريد المهاجرين

[somayasaleh]

الصحف المصرية والعربية

تجربة العزيزة ناوية علي الهجرة

من تورونتو بمسي عليكم
===============

https://www.almatareed.org/vb/showthread.php?t=22057

 

 

[somayasaleh]

نصائح هامة للفاضل وجدي....والفاضل هادي من تجاربهم الشخصية


نصائح غالية وهامة جدا للفاضل الاستاذ وجدي

نويت خلاص الهجرة وأتكلت على الله فإليك بعض النصائح الهامة..
==============================

-بداية قبل سفرك أكتب قائمة بكل ممتلكاتك من أثاث ومجوهرات وفضيات...ولا تستثني أي شئ...حتى النجف والسجاجيد والمراتب...كل شئ..

.وجهز نسختين من هذه القائمة مع تقييم مبدئي لها...

عند وصولك لكندا سوف تقدمها في المطار للجمارك وسوف يختمونها ويحتفظون بصورة..

.وبذلك لو جئت بأي شئ من القائمة بعد ذلك لن تدفع عليها جمارك...هذه القائمة لن تكلفك شيئاً ولكنها قد توفر لك الكثير بعد ذلك...

- حاول بقدر الإمكان أن تأتي في الشهور بين أبريل إلى نوفمبر...خاصة لو ستأتي مع زوجتك وأطفالك..

.تجنب أن تأتي في شهور الشتاء بقدرالمستطاع...فدرجة الحرارة هنا في الشتاء تتراوح بين 15 و30 تحت الصفر...وعادي جداً إنها توصل ل -40...فتجنب الشتاء...

-قبل وصولك حاول أن تحجز في فندق في الdowntown... لمدة عشرة ايام على الأقل...فهناك ستكون قريباً من جميع المكاتب لإستخراج كارت التأمين الصحي وا لSIN

وكذلك ستكون قريباً من وسائل المواصلات الرئيسية...

-التأمين الصحي لا يبدأ العمل به إلا بعد ثلاثة اشهر.

..لذلك من الضروري جداً أن تقوم بعمل تأمين مع أحدى الشركات الخاصة لهذه المدة- ولا أبالغ لو قلت أن هذا أول ما عليك عمله بعد وصولك للفندق...

-انهاء جميع اوراقك والتقديم على الكروت لن يستغرق منك أكثر من يوم أو يومين على الأكثر..

.لذلك أستغل باقى الوقت في التعرف على المدينة وإيجاد مكان للسكن...

-بالنسبة للسكن حاول ان تؤجر شقة بالشهر وليس بعقد سنوي حتى لو كانت اغلى شوية...ولذلك حكمة...

فمن الطبيعي أنك لن تجد عمل قبل ثلاثة أو اربعة شهور...لذلك عند حصولك على العمل فعندها يمكنك أن تتعاقد على شقة أو منزل بعقد سنوي أو حتى تشتريه...

- بالنسبة للعمل...واقعياً الشركات هنا لا تعترف كثيراً بدراساتك و خبراتك إن لم تكن حصلت أمريكية او اوروبية...لذلك..

.فنصيحتي الذهبية هو ألا تضيع وقتك في البحث عن عمل بل حاول الحصول على اي certification في المجال الذي تريد العمل به من اي جامعة او معهد...

عندها سوف تكون فرصتك للحصول على عمل جيدة جداً....

-نسبة المسلمين هنا عالية والحمد لله وهي تزداد كل يوم...والمساجد منتشرة في معظم أحياء المدينة...وكذلك الجزارات الإسلامية...

والمراكز الإسلامية هنا نشطة وتقدم الكثير من الخدمات الإجتماعية...وكذلك يوجد العديد من المدارس الإسلامية والعربية...


نصائح اكتر من رائعة للاستاذ الفاضل هادي
========================

وانا الحقيقة اريد أن يعرف القادمين الجدد بعض حقوقهم الهامة

مثل انه يجوز لك التقديم على سكن مدعوم من الدولة

في حالة كونك صاحب اسرة ذات دخل منخفض

(يساوي 22500 $ سنوياً في اونتاريو)

واليك العنوان
https://www.housingconnections.ca/

وهذا من أهم الاجراءات التي يجب ان تنتهي منها بمجرد وصولك

لان طابور الانتظار طويل وقد يستغرق سنوات

لكن عندما يأتي دورك ستحصل على سكن تدفع انت 30% فقط من ايجاره والباقي تدفعه الدولة

اذن ادخل الموقع السابق
(او اذهب لهم بنفسك في العنوان .. أو اتصل بهم هاتفياً

176 Elm St., Toronto, Ontario, M5T 3M4
Automated telephone system: (416) 981-6111 Fax: (416) 981-6112
Resource Centre hours: Monday, Wednesday, Thursday, Friday: 8:30-4:30 Tuesday: 2:00-5:00
Phone representatives are available: Monday, Wednesday, Thursday, Friday: 9:00-12:00, 2:00-4:00 Tuesday: 2:00-5:00 )

وبعدما تحدد الاماكن التي تريد السكن فيها (اختر اماكن كثيرة ليكون لك اولوية)
====================
قم بملء الاستمارة .. كل هذا مجاني !!

كذلك أود الحديث عن دعم الدواء
================
فأنت تعرف ان اهم ميزات كندا هي الضمان الصحي

وكارت الضمان الصحي يجعل زيارة أي طبيب مجانية (عدى الاسنان والعيون)

وكذلك اجراء أي عملية جراحية – لا قدر الله تعالى-

ولكن الدواء تشتريه من مالك الخاص

وهناك طريقة تجعل الدولة تدعم لك الدواء فتدفع انت منه نسبة قد لا تجاوز 15% من سعره

وهذا الدعم للاسر اصحاب الدخول الضعيفة

وهو شيء مفيد طبعا في حالة ان هناك شخص مصاب مثلا بالسكر أو مرض يحتاج تكرار الدواء بشكل دوري

كيف تحصل على دعم الدواء ؟

اذهب إلى أي صيدلية في الشارع واطلب من الصيدلي نموذج (form TRILLIUM)

اقرأ التعليمات جيدأ والشروط (هناك مبلغ سنوي مقطوع قد يساوي 240 $)

قم بملء الاستمارة وارسلها بالبريد

 

 

[somayasaleh]

تجربة مدام ميو في كالجاري
===============

نا هنا في كلجاري في south west احنا اخترنا كلجاري لاسباب كثيرة ويا رب يكون اختيارن صح

اولا لتوافر الوظائف فيها

لعدم اهتمامهم بالخبرة في بعض الاوقات

يصلح فيها تربية الاولاد بعيدا عن الاشياء الضارة

لاسعار هنا باعتبرها غالية يمكن ادمنتون ارخص

احنا اجرنا شقة عبارة عن غرفتين وصالة بحوالي 1275

ونصيحة لكل مهاجر جديد محاولة ترجمة الورق من اي مكتب ترجمة معتمد لان الترجمة هنا بتاخد شوية وقت

وايضا للسيدات انصح كل اخت انها تجيب معاها ادوات مطبخ متنوعة وملابس وجاكيتات ثقيلة لان الصيف هنا قريب من شتا مصر لان الاسواق في الاول صعب معرفتها

ايضا ملحوظة صغيرة للقادمين الجدد احجزوا طيران قبل السفر باربع او خمس اشهر اي قبل موسم الصيف للقادمين في الصيف

احنا حجزنا على الخطوط البريطانية بحوالي 22 الف مصري لاربع افراد ولقين الاسعار تضاعفت وقت السفر لما سألنا عليها على فكرة احنا كنا في الكويت وسافرنا من الكويت مباشرة الى كندا

بالنسبة لموضوع الرخصة لم نترجمها في الكويت ولكن احضرناها مثل ما هي واخذها زوجي معه للتقديم فاعطوه مكتب ترجمة معتمد وقالو له ترجمها وتعال والمكتب معتمد فهو يضع طوابع معتمدة يقبلون بها ولكن فيه حاجة سمعت عنها قبل السفر بيوم ان ممكن كمان تجيب شهادة خبرة من مرور الكويت الى جانب الرخصة


بالنسبة للسؤال عن ادوات الطبخ انا جبت اغراض وكنت باقول حاكمل الباقي من الدولار مول بس علشان الواحد يعرف مكانه اخد اسبوعيين واسعار اقل حلة 30 دولار فاغراض البيت عندك على قد ما تقدري هاتيها طول ما معاك وزن وايضا شراء 2 بطانية لان الاسعار للبطاطيين غالية وكمان توابل ومشروبات جاهزة مثل بابونج وكركدية وخلافة وسجادة صلاة بالبوصلة&ادوات النظافة الشخصية

نظام المواصلات هنا مريحةا بس مكلف لو فية اسرة يعني لو احنا اخذنا التام او اسمه التريين ندفع انا وزوجي وابني اكثر من 6 دولار والتذاكر لمدة ساعة ونصف صلاحيتها ونركب بها الباص ايضا لكن واحنا راجعيين لازم ندفع تذاكر جديدة بعد الوقت المحدد والاشتراك الشهري 100 دولار لسة حنعمله

في كل منطقة محطة باص للوصول الى اي مكان ولكن يجب دراسة ارقام الباصات واتجاهتها لانها كثيرة

السيارة هنا مكلفة وكمان الطرق ونظام القيادة مختلف فلازم نعطي فترة لمعرفة كل النظام والقيادة على اساس

فيchild tax لا يسألوا عن اثباتات لكن لازم الصدق في التحدث عن الدخل السابق


رقم تليفون مكتب لخدمة المهاجريين هو 1120 -265 403

www.calgaryimmigrantaid.ca


بالنسبة للكورسات فهي كثيرة ويستطيع اي احد ان يختار منها ما هو قريب من تخصصه فهم يعرضون عليك الكورسات وانت تختار ما يناسبك ومن واقع معرفتي

المحدودة في سوق العمل اي كورس من هنا يساعد جدا علي ايجاد عمل

احناسألنا مكتب الهجرة وقالوا لنا لو اسرة من اربع افراد يكون معاكم 10000

دولار كندي لاننا كنا نسيين كتبنا ايه في استمارات الهجرة

ودخلنا بالفلوس كاش وفي المطار بس سالونا معاكم كام ولاحد شاف الفلوس ولا عدها وقالوا المهم معاك فلوس تكفيك لغاية ما تلاقي عمل

لو اسرة من اربع افراد الميزانية تتحسب حسب الايجار فناس ساكنا 1000 وناس ساكنا 1500 ضيف عليهم 100في الاسبوع مستلزمات البيت

100 مواصلات في الشهر وكمان احسب 100 فواتيير التليفون والبيت وكمان سيولة 300 لاي نواقص في البيت وهذة الشهرية غير تاسييس البيت لان التاسييس محتاج شوية

بس هناك طرق لتاسييس البيت تخلي الامور اخف بكثيير

به نقطة مهمة للقادميين الجدد احب اقول عليها عند تأسييس الشقة

عند التأسييس حاول تجنب شراء كل شئ جديد في الاول فقط المراتب والمخدات واغطية السرير هي التي يجب شراؤها جديدة

فالشقة مؤسسة من الاجهزة فاشتري فقط اغراض النوم في الاول ثم اشتري بالطريقة الاتية

اولا الشراء من موقع my kijiji

فهو موقع ممتاز يعرض البضاعة بالصور خاص بكل مدينة في كندا اطلب الذي يعجبك على التليفون و واطلب التوصيل كمان بفلوس اضافية اسعارها جميلة

كمان فية محل في كلجاري للاشياء المستعملة اسمه value village ممتاز

ايضا لو ساكن في مجمع سكني كبيير حتلاقي كل يوم اعلان في laundry
عن بيع اغراض واوقات تلاقي حاجات ببلاش موجودة

انا وزوجي اسسنا الشقة بهذة الطرق واغراض في حالة ممتازة واسعار الحمد لله لم تكن مكلفة

 

 

[somayasaleh]

نصائح مهمة من تجربة مدام كويين
==================



- من الافضل ان الاب يسافر اولا بشهر على الاقل لترتيب الامور للأسرة

- عند اختيار الشقة يفضل ان تكون فيها غسالة و نشافة في الشقة نفسها، لانها فعلا بتفرق كتير جدا، و يفضل ان تكون كل حاجة زي التدفئة و المياة و الجراج مشمولة في الايجار.

- لابد ان تكون تعرف حد في المدينة اللي مسافر ليها، علشان يكون ضامن لك على عقد الشقة، و الا حتكون ضحية لاستغلال اصحاب الشقة و قد تضطر تدفع ايجار السنة كاملة.

- يوجد برنامج ممول من حكومة اونتاريو للي انجليزيته كويسة ممكن بعدها ينتهي بالتعيين اسمه
(ELT ( Enhanced Language Training program

ما يميزه انه مجاني طبعا، .......ثانيا فيه حضانة للاطفال....... و ثالثا بيساعد على كتابة السيرة الذاتية

و بيؤهل للمقابلة الشخصية و بيحسن من communication skills و بينتهي ب placement في وظايف ادارية أو خدمة عملاء او محاسبة.

- عن الاشتراك مع شركة للموبيل .......... يفضل تكون روجرز (حرامية حرامية، كلهم كده)، لان في هذه الحالة ممكن تحتفظ بتليفونك، غير بل لازم ,تشتري تليفون من عندهم.

و كل التليفونات اللي عندهم اللي اسعارها رخيصة موديلاتها قديمة.

- اعدوا نفسكم نفسيا جيدا، لان الحياة مختلفة و نمط الحياة مختلف جدا عن مصر و الخليج و التحديات كتيرة جدا

. خصوصا للي جي من الخليج، نمط الحياة في الخليج سهل و مريح و كله كسل و راحة على عكس هنا تماما.

- هاتوا شهادة الطعيمات ، مهمة جدا.


فعلا الفترة الاولى في الهجرة بتكون صعبة جدا و خصوصا للعائلات اللي فيها اطفال صغيرة،

ده بيزود من التعب و كمان بيبقي الواحد عايز يخلص و يستقر بسرعة علشان الاولاد،

و ممكن ده يخليه ياخد شقة اغلى او يشتري عفش اغلى علشان يختصر الوقت و يستقر في بيت بسرعة.

- من الحاجات المهمة اوي ان الواحد يجد شقة بسرعة،

و السبب، ان كل حاجة مرتبطة بعنوان البيت،

من اول كارت التأمين الصحي ، .......Child benefit tax.........، تسجيل الاولاد بالمدرسة،

في حاجات ممكن تديهم عنوان صديق، زي الPR،...... او الاشتراك في الموبيل، ........او حساب البنك.

لكن في تسجيل المدرسة لازم عنوانك لان المدرسة بتكون حسب العنوان،

و كمان الكارت الصحي حيطلبوا منك فاتورة تليفون باسمك، ......او عقد ايجار باسمك،

فلازم يكون عنوانك. بذلك تكون مهمة اللي رايح يستقر (مش يعمل لاندنج بس) انه يبحث عن السكن المناسب باسرع وقت.

- للأشتراك في التليفون، النت، الكابل لازم تكون يقظ جدا جدا لان هنا في hidden cost في كل حاجة،

لازم تسأل كتير جدا ، و ما تتكسفش من الاسئلة و الا حتلاقي نفسك مدبس في long term commitment ما تقدرش تخلص منها.

و هنا مثال صغير: عند شحن الموبيل rogers لو كان pay as you go و ده النظام اللي يشبه الكارت هنا،

بتشحن ب عشرين دولار بيديك صلاحية شهر و لو ب خمسين برضو شهر لما بتشحن ب مية الصلاحية بتكون سنه، المعلومة ديه مش بيقولوهالك عند الاشتراك،

معظم الحاجات هنا في كندا كده، معلومات مستخبيه و خدع بيعملوها بتوع ال marketing علشان يذودوا مبيعاتهم، في امثلة كتير بس مش وقتها.

الناس هنا كمان مش بتستخدم الموبيلات زي مصر و الخليج، الاعتماد على الخط الارضي ، و علشان كده معظم الناس الجديدة بيدفعوا اول فاتورة مبلغ كبير جدا لحد ما يفهموا الTricks.

- بالسنبة ELT، ده ممول من حكومة اونتاريو و الهجرة، هو مبدئيا برنامج تعليم انجليزي،

الاول بيكون في امتحان تحديد مستوى، مش في صعوبة الايلتس طبعا، و بتكون في سبع مراحل،

لو كان مستواك من 1 الى خمسة بتدخل في حاجة اسمها linc و ديه كورسات انجليزي عادية ،

لو من 5 الى 7 ممكن تدخل ELT و ده كورس انجليزي متقدم التركيز فيه على التأهيل للعمل، في منه Generic و منه Accounting، العمل طبعا بيكون entry level jobs.

مفيش مؤهلات مطلوبة بس يكون الانجليزي ما بين 5 الي 7. معظم المشتركين من السيدات، لان موضوع الحضانة بيشجع الامهات .

 

 

[somayasaleh]

تجربة الدكتور وليد في رحلته اللاندنجية في نيو فونلاند
======================

أولا انا اخترت مدينة سانت جونز لأن ابني بيدرس في جامعتها Memorial University of Newfoundland منذ اربع سنوات وسيتخرج إن شاء الله الشهر القادم

وكانت فكرة هذه المدينة الصغيرة قد اقترحها اخي الأكبر والذي كان قد حصل على الدكتوراه من نفس الجامعة ونصحني بأن ارسل ابني هنا لأن البلد فيها اقل نسبة جريمة على مستوى كندا The lowest rate of violence حتى ان البنت ممكن تسير في الشارع الساعة 2 فجرا ولا يجروأ احد ان يعاكسها او يضايقها بالإضافة إلى ان اهلها ودودين


وبالنسبة لترتيب الجامعة على مستوى جامعات كندا فقد حصلت على المركز الـ 18 في عام 2008 بينما جامعة اوتاوا كانت في المركز ال 24
هذا بالأضافة لأن المدينة بعيدة في اقصى الشرق والناس دائما تفضل تورنتو والمدن الكبيرة فمصاريف المعيشة اقل نسبيا ومصاريف الجامعة تصل إلى ثلث مصاريف جامعات تورنتو خصوصا ان الحكومة بتشجع الناس تعيش برة المدن الكبيرة

المهم وجود ابني في أستقبالنا سهل حاجات كثيرة واعطانا راحة نفسية كبيرة لا يمكن وصفها حيث انه الأن يعمل كمرشد سياحي مخصوص لنا وسايب مذاكرته وحسيت الآن بقيمة وجود شخص معرفة في البلد الجديدة لأن المثل اللي بيقول ( الغريب اعمى ولو كان مفتح ) صحيح الف في المية

المهم يمكن بعد كده نذهب تورنتو ولكن نحن بإنتظار تخرج ابني ونشوف فرص عمله وفرص عملي وكل اللي بيجيبه ربنا كويس

رحتلي كان طويلة حيث وصلت إلى ما يقرب من 45 ساعة من وقت مغادرتي منزلي في مكة الساعة الثامنة والنصف مساء يوم الخميس مع زوجتي وبناتي وحتى وصولي إلى سانت جونز (وربنا ما يكتب ده على احد)

حيث كان خط طيراني المفترض جدة - لندن ثم لندن اوتاوا ثم اوتاوا سانت جونز ولكن نظرا لتأخر طائرة اير كندا في مطار لندن لمدة 3 ساعات نتيجة تسرب زيت في محركها فقد تأخر وصولنا لأوتاوا وما زاد الطين بلة الزحمة في مكتب الهجرة في مطار اوتاوا حيث امضينا هناك حوالي ساعة ونصف وبالتالي فاتتنا رحلة سانت جونز واضطررنا إلى تغيير خط رحلتنا وسافرنا إلى تورنتو وبتنا فيها ليلة كاملة (على حساب اير كندا في فندق ديلتا وست بعد مناقشات حامية اشتركت فيها بكل القوة النسائية الهجومية المصاحبة لي والمتمثلة بزوجتي وبنتي) ثم اخذنا رحلة اير كندا إلى سانت جونز في الصباح ووصلناها ظهر يوم السبت

وبعد هذه العلقة السخنة فإن غالب الظن اننا سنستخدم رحلة مصر للطيران المباشرة من القاهرة إلى تورنتو (لو كان هناك خط مفتوح) او مونتريال المرة القادمة وبلاش بهدلة حيث لفيت وشفت 3 مطارات كندية في اقل من 24 ساعة (شوفتوا الحظ)

المهم بعض الملاحظات السريعة اللي ممكن تفيد

لم يتم فتح او تفتيش اي شنطة لي في مطار اوتاوا وكانت المعاملة سهلة ومحترمة جدا

العربيات التي تضع عليها الشنط في مطار اوتاوا ومطار سانت جونز مجانية

ولكن المشكلة في مطار تورنتو حيث ان العربيات بفلوس بـ 2 دولار للعربية الواحد ولازم يكون مع الواحد عملة معدنية او كرت فيزا وصعب تجد اي احد يفكلك بس اللذيذ انك ممكن ترجع العربية بعد ما تشحن عفشك والماكينة حتديك ربع دولار يعني التكلفة حترسى على دولار و75 سنت (ولو الواحد راح المطار بدري فممكن يلم العربيات اللي الناس بتسيبها لأن معظم الناس ما تعرفش الموضوع ده ويرجعها وياخد ربع دولار عن كل عربية ويعمل ثروة واهي سبوبة وهو بيستنى ميعاد طيارته )

انا عملت اللاندينج في اوتاوا وضابط الهجرة في المطار اخبرني ان كرت ال بي ار سيصل بعد 6 اسابيع وهذا ما اكدته لي مرة اخرى ضابطة الهجرة في سانت جونز ولما سألتها عن إحتمال سفري قبل إستلامي للكرت أجابت انه يتعين علي ساعتها ان أذهب للسفارة الكندية واطلب فيزا دخول لكندا لمرة واحدة ولما اخبرتها ان ابني ممكن يرسل لي الكرت بالبريد فقالت انهم لا يحبذون هذا لأن المفترض ان لا يرسل هذا الكرت بالبريد إلى خارج كندا لأنه وثيقة رسمية

امس ذهبت وعملت كرت التأمين الصحي ويسمي في سانت جونز MCP = Medical Care plan وخلص في خلال 10 دقائق وإستلمته وانا واقف وتاريخ بداية إستخدامه من يوم دخولي كندا فورا (يعني من 4 ايام ) ولا احتاج للإنتظار 3 شهور زي ما قريت من الأفاضل الذين كتبوا عن هذا ويمكن ده علشان البلد مش زحمة مثل تورنتو

بعدها ذهبت وعملت كرت الضمان الإجتماعي SIN Card وقالوا لي انه حيوصل خلال 10 ايام ولو تأخر إلى اسبوعين فعلي أن أتصل بهم

وبعدها ذهبت وفتحت حساب في البنك ومن غير إيداع اي فلوس في الحساب واعطوني بطاقة البنك وانا واقف ولكن قالوا لي ان كرت الفيزا لا يمكن استخراجه إلا بعد ان اجد عمل في كندا
بالنسبة للطلبة فيمكن لهم فتح حساب واستخراج بطاقة البنك وبطاقة فيزا بسهولة ومن غير ما يكون ليهم عمل في كندا (معاملة سهلة جدا)

الجو في تورنتو كان ممطر طول الليل وهنا في سانت جونز متقلب ما بين ممطر ومشمس والهواء شديد وبارد وحلو بالمقارنة بمكة وجدة اللي سايبهم حر ورطوبة وأما داخل البيت فالجو دافي حتى من غير تتدفئة يعني من الأخر الطقس حاليا تحفه وربنا يستر في ما بعد خصوصا ان الثلج لسه ما نزلش


بالنسبة لموضوع شغل الأطباء فأنا لسه محتار وحشوف ناويين يشغلوني دكتور او سأذهب واقيم في مطار تورنتو وارجع العربيات واخد ربع دولار عن كل عربية (راجعي ردي فوق على الباشمهندسة سمية بس لو سمحتوا انا حجزت مطار تورنتو خلاص وكل واحد يضع يده على المطار اللي يريحه وبلاش نقطع على بعض )




بالمناسبة الرحلة ده كانت نوفمبر ٢٠٠٩

 

 

[somayasaleh]

وده تجربةاخونا دكتور سيرجن وولادة الصغيرة لمار في كندا
===============================



السلام عليكم ورحمة الله من بلاد الفرنجة

احنا وصلنا يوم الاربعاء الماضى الى مونتريال( ليه مونتريال؟ ) دى قصة طويلة حاقولها بعدين.

اول يومين( عملنا الاوراق بتاعت SIN والتأمين الصحى) و بصراحة عملناهم بسهولة ويسر ولله الحمد. احنا سكنا فى Downtown مونتريال, فى Clarion suites .هو عبارة عن اجنحة فندقية , كويس قوى ,بس هو غالى شويتين....

اهم حاجة بصراحة انهم فى التأمين الصحى اعطوا للمدام علشان هى حامل(confirmation of inssurance letter ) تستطيع به الولادة قبل الحصول على الكروت الصحية

الجو هنا ثلجججججج ,ويقولوا ده لسة الشتاء ما جاش؟؟؟!!!!1

الحمد لله نصف الرحلة تم بعون الله واحنا فى انتظار ولادة البيبى على خير.
نسألكم الدعاء بالتيسير

الفندق فى الشهر حوالى 2300 دولار شامل كل حاجة(ما عدا الاكل) جاهز من كل حاجة , وده بعد الخصم علشان الفترة كبيرة(الخصم حوالى40 %)

احنا سمينا البنوتة "لمار" واسألوا زناتى ايه المعنى لو مش عارفين

الحمد لله استلمنا النهاردة الSIN لينا كلنا(حتى الولاد الصغيرين اتعمل ليهم), جم فى حوالى 9 ايام. احنا فى انتظار ال PR علشان نقدر نسافر واحنا مطمنين.

الجو يا جماعة مش ثلج, مش لاقى وصف... وطلع الموضوع يا زناتى يا خويا انه فى جواكت للبرد تتحمل درجات الحرارة تحت الصفر Thermal ) - 40 -50)

اللى عاش فى الخليج مش حيحصل له انبهار شديد هنا, لما سألت الناس قالوا ان مونتريال وكيبك مختلفين عن باقى المقاطعات الاخرى زى اونتاريو او فانكوفر.

ومع كدة الناس غاية فى الاحترام والالتزام, البلد لها طابع اوروبى جميل, ده طبعا غير الوجوه البشوشة اللى موجودة فى كل مكان.

بعض الانطباعات الاولية:
==============
1- انت صادق فى كل كلامك من غير ما يطلبوا اثبات لكلامك... من المطار(مكتب الهجرة) الى اى مكتب حكومى اخر.

2- الحياة غالية لو الواحد قعد يحسبها بالريال او الجنيه, اول كام يوم ما كنتش عارف اجيب ايه من كتر الحسابات الغريبة... بعد كده الواحد اخد على القيمة المالية الدولارية اللى هى زى الريال مثلا فى السعودية تزيد فى حاجات وتقل عنها فى حاجات ثانية.

3- الواحد على قد ما يقدر يعمل اللاندنج فى مكان يعرف فيه حد.. صدقونى بتفرق كثيررررررررر.

4-لازم الواحد ما يستعجلش فى عمل اللاندنج , لازم دراسة كويسة قوى ,بحث فى الانترنت, سؤال اصحاب عايشين فى نفس المكان... كل ده انا افتقدته مع انه الحمدلله الواحد ربنا سهلها له.

5-تجربة الولادة حاحكى عنها بعدين ,,لانى باكتب عربى ببطىء.
افتكرونا فى دعائكم.

بعد وصولنا ب4 ايام, الساعة 3 فجر يوم الاثنين الماضى لقيت زوجتى بتصحينى(كنت نايم من الساعة 12 ) وهى عندها الم ولادة....

صحينا الولاد بسرعة ,لبسنا الولاد بسرعة اكثر,نزلنا اللوبى بتاع الفندق الساعة 3:30 ,كان الريسبشانست موجودوالدنيا فى منتهى الهدوء, والمدام كانت غير عوايدها متماسكة ماشاء الله,طلبت منه يتصل ب911 علشان عندى emergency case , اتصل من غير تردد وبدأ بالكلام انه عنده حالة طارئة بحاجة الى عربية اسعاف وكانت ال911 operator واحدة ست , طلبت بيانات الفندق ثم أعطانى الجدع سماعة التليفون وبدأ حوار مدته حوالى دقيقة... حلو كدة.

what is your name sir , what is the case sir, how old is she, is the water out sir, does she has any medical problem, is this the first baby sir,
Ok sir the ambulance is on the way.

رجعت لزوجتى بعد المكالمة وهى كانت جالسة بالولاد سامعة الحوار وبدأت اهديها, لقيت ابنى الصغير بيقول لى بابا البوليس جيه( عربية الاسعاف جت بعد حوالى دقيقتين من المكالمة), ماكنتش مصدق اللى بيحصل خصوصا ان انا دكتور وشايف قبل كدة تجارب كثير فى مصر والخليج.

جيه لنا 2 مسعفين , بدأ الكلام واحد منهم :

every how much the contractions mam, is the water out, do you have any medical problem, which hospital do you follow up mam,

عرفته ان احنا نيو كمرز , وعايزين نروح royal victoria hospital , انا كنت قبل يوم روحت المستشفى استكشف المكان وبعده عن الفندق وسألت عن اجراءت الadmission .

اخونا المسعف الثانى لقيته بيقول : kids are not allowed in sir . بيقصد عربية الاسعاف
قلتله بمنتهى الادب Listen i have no one to keep them with now and i can not leave my wife in this condition.

رد المسعف الاول it is ok sir, mam you could go to the ambulance or you need stretcher

ركبنا كلنا الاسعاف , قعدونا انا والولاد كل واحد على كرسى وربطلنا الاحزمة والولاد فى منتهى السعادة فاكرين ان احنا بنتفسح .....والمدام ريحت على السرير وبدا الالم يزيد كل 2-3 دقايق.
أنطلقت عربية الاسعاف فى هدوء , الشوارع كانت شبه فاضية وصلنا المستشفى بعد حوالى 5 دقايق, كنا فى طوارىء ROYAL VICTORIA HOSPITAL

الحمد لله اليوم استلمت شهادة ميلاد البنت, وبرضة عرفت ان البى أر بيأخد 61 يوم علشان يجى وده عمل لى ربكة فى حساباتى

المهم نكمل حكاية الولادة.....

وصلنا THE ROYAL VICTORIA HOSPITAL حوالى الساعة 3:30 صباحا , الاسعاف وقف فى الطوارىء , ونزلونا هيلا بيلا على الدور السابع اللى فيه قسم الولادة , سألت المسعف مش لازم اعمل اجراءت التنويم(الحجز) فى الاول !! رد باستغراب : الاول نطمن على الام والبيبى ونحطحهم فى المكان بتاعهم وبعدين تروح تعمل الadmission .

طلعنا الدور السابع ,قسم الولادة دخلوا زوجتى الى حجرة كشف, عملوا استدعاء لنايبة علشان تشوف الحالة, فى ثوانى كان فى بنت زى القمر واقفى بتكشف على المدام وعملت لها سونار وتخطيط للبيبى وبعد كدة طلبت انهم يكملوا اجراءات الحجز علشان الحالة فعلا ولادة ولازم تتحجز.

كان اول حاجة قالوها ان الاطفال ممنوع وجودهم علشان الH1N1 , وده كان صدمة جامدة لى, المهم اخدت العيال ونزلنا عملنا اجراءات الحجز , ما اخدتش وقت, طلعنا تانى للدور لقيناهم دخلوا المدام حجرة لو حدها فيها متابعة للبيبى مستمرة, فيها يا زناتى ياخويا كاسيت علشان تهدى نفسيتها!! ولو عايزة تليفزيون يجيبوا بس كله بحسابه.

طلبوا ان الولاد يدخلوا يقولوا GOODBYE MAMY وقال ايه يروحوا؟؟!!!!!!
طبعا دخلوا قالوا جود باى مامى واللى نام جنبها على السرير واللى قعدت تلعب فى الكاسيت وانا استكشفت الحجرة والحمام......

مافيش 10 دقايق ودخلت الممرضةبكل ذوق طلبت منا الانصررررراااااااففففففف. اخوكم وقف وشرح ان احنا نيوكمرز والولاد مافيش حد ياخد باله منهم والوقت متأخر , فأنظروا ماذا انتم فاعلون؟؟؟؟؟

قالت IT IS OK , I WILL OPEN THE CHILDREN PLAY ROOM FOR THEM BUT YOU HAVE TO STAY WITH THEM, OK

طبعا وافقت وكنت طاير من الفرحة, وروحنا الحجرة اللى كان فيها لعب اطفال كتير وكومبيوتر والاطفال اتبسطوا فيها جدا وكانت ديه الحجرة بتاعتنا طول فترة وجودنا فى المستشفى, وكنت باسيبهم كل شوية وادخل اطل على امهم.

الولادة ماشاء الله اخدت وقت حوالى 15 ساعة مع انها الولادة التالتة, فى الفترة ديه ادولها ابرة الابيديورال علشان الالم و احنا استكشفنا المستشفى بالطول والعرض, بصراحة مستشفى كبيرة وحلوة الواحد يتمنى يشتغل فيها.....

كل شوية ممرضة تدخل تكشف تشوف احنا فين بالظبط , لما المسألة وصلت للأخر لقيتهم جهزوا نفس الحجرة علشان تبقى هى نفسها حجرة الولادة!!!!

الحمد لله ان فى نفس الوقت ده فى واحدة ممرضة صعبت عليها, قالتلى ادخل لمراتك وانا حاجلس مع الاطفال. وحضرت الولادة كلها ولقيت دكتورة كبيرة فى السن

عرفتنى بنفسها وهى اللى ولدت البيبى وخلتنى اقص الحبل السرى(يا جماعة الناس دى عندها احساس ومشاعر تجاه الاخرين غير عادية) علشان تبقى ذكرة كويسة. البيبى حطوه فى حضن امه على طول.جابوا ليه لبس وحفاضات والذى منه...

طلبوا ان الولاد يدخلوا يشوفوا امهم علشان يواسوها شوية بعد الولادة. انصرفت انا والولاد بعد الولادة وكانت الساعة 8 مساء.
على ميعاد تانى يوم علشان ناخد البيبى ومامته نروحهم.....

كانت تجربة لذيذة وممتعة ومتعبة لينا كلنا , بس كلنا كنا الحمد لله مبسوطين بيها
اسألكم الدعاء لانى شكلى حاسافر بدرى بعد ما عرفت موضوع لبى أر ده!!!


الحمد لله احنا رجعنا اول امس الى السعودية بعد رحلة اللاندنج السريعة( 3 اسابيع)


اولا : موضوع ال61 يوم عرفته من مكتب الهجرة , أتصلت عليهم علشان اعرف باقى قد ايه ويبعتوا الكروت, فعرفت ان فى سيستم جديد وكروت جديدة , لما قلت للاستاذ الكندى(الاوفيسر) انهم فى المطار قالوا حياخد 4 اسابيع , رد انهم فى المطار ما يعرفوش التعديلات الجديدة, قلتله ششششكككككرررررررراااااااا بالفرنساوى(merci ).

وكان ده سبب عودتنا بسرعة , غير كده احنا كنا عايزين ناخد الكروت ونرجع.
ثانيا: مافيش فرق انك تعمل لاندنج فى مونتريال او اونتاريو او اى مكان فى كندا لو انتى فيدرال, كل الحكاية انك لو نزلت فى كيبك(مونتريال) لازم تديهم عنوان خارج كيبك, غير كده المعاملة واحدة ولو حبيت تعيش فى مونتريال سهل , حتقدم على السى اس كيو وحيفرحوا بيك جدا وحيدوك فلوس علشان تتعلم الفرنساوى.


فى مكتب الهجرة بتاع مطار مونتريال, ظابط الهجرة طلب منى عنوان علشان يبعتوا عليه البى أر ,اديته عنوان فى مونتريال رفض!!! وقال ما ينفعش علشان انت فيدرال ,ما اتكلمتش معه كثير اديته عنوان فى اونتاريو (كنت محضره تحسبا لحاجة زى ديه).


الموضوع فيه شوية خطورة ومجازفة انك تمشى من غير ما تاخد الكروت , بس لازم تحدد الاولويات قبل ما تقرر تعمل اللاندنج

الرحلة ده كانت نوفمبر 2009

 

 

[somayasaleh]

تجربة اخونا الدكتور الصيدلي كافسيمو
=====================================

اخونا الفاضل CAPHCYMO

أنا ياأخوانا اسمي كافسيمو (CAPHCYMO)، ودي اختصارات لكندا (CA)، فارمسي (PHCY)، وأول حرفين من أسمي (محمد MO).

نصيحة بخصوص ال PR cardو SIN card الى جميع الأخوة والأخوات الأعزاء المهاجرين قريباً:

أخوكم لسة عامل لاندنج في شهر سبتمبر 2009 وقبل رحلة اللاندنج واجهني مطب العنوان اللي لازم أديه لموظف الهجرة علشان يبعت عليه PR card. طبعا لازم يكون العنوان street address مش صندوق بريد.

المشكلة ان في ذلك الوقت ماكانش عندي حد أطمئن اليه علشان أحط عنوانه أو اني أثقل على حد تاني حتى لو اني أستأمنه على الكروت. بالصدفة عرفت ان ممكن تستأجر عنوان بريدي كأنه عنوان بيت أو مكتب وفعلا استأجرته عن طريق شركة في كندا بحوالي 50$ وبمجرد اي جواب يجيللك بيبعت لك email ان ليك بريد وبيخيرك تستلمه بنفسك أو بالبريد العادي أو البريد الممتاز.

الحمد لله حطيت هذا العنوان في حالة الPR card , SIN card , الكروت وصلت على العنوان في كندا ومنها الى مسقط في عمان عن طريق ARAMEX حيث كنت في انتظارهم وعقبال الجميع ان شاااااااء الله.

نصيحه أخرى ذات صله: مع موظف الهجرة أو SIN card مافيش داعي تشرح للضابط ايه طبيعة هذا العنوان لأنه عادة حيتفذلك ويمتنع عن أخذ هذا العنوان ويقوللك لازم عنوان سكنك.

الكلام دة حصل معايا لأني كنت قلقان وأنا بأعطي الضابط العنوان علشان ماسمعتش عن حد عمل كده قبلي، وسألتها هل العنوان دة مقبول ولا لأ. في الأول قالتلي مش حينفع وبعدين رجعت في كلامها. نفس الكلام حصل في الSIN card و في الأخر عدت بحمد الله.

عنوان الموقع لمن يحب هو https://bdc-canada.com/SSL/BDC/Mail-box-order-form.htm

وبالمناسبة نفس العنوان استخدمته لفتح حساب في البنك واستخراج credit card.


النصيحة الأولى:
==========
لازم يكون معاك كريدت كارد في البلد دي لأن أبسطها علشان أسحب تروللي في المطار نحط عليه شنطنا كان لازم أدفع 2 $ كندي. قلت هي دي أولها يا كندا هوه دة استقبال أهل البلد لازم نكع من أولها، المهم أدور يمين شمال في الجهاز اللي بيخرج التروللي مالقيتش قصادي غير فتحة الcoins و فتحة الكريدت كارد رحت دافع بالكريدت.

كمان اياك ثم اياك ثم اياك تغير دولار أمريكي لكندي الا من البنك لأني غيرت 300 USD في المطار و المفروض تاخد قصادهم تقريبا 315 CAD لأن الأمريكي أغلى من الكندي بس اللي حصل ان الكاشير ادتني حوالي 285 CAD يعني خسرت في اللعبة دي تقريبا 30 CAD. قلت يمكن دا المطار وظروفه كده فسألت محل صرافة في مول square one في مسيساجا عن سعر الدولار الأمريكي لقيت نفس الحدوتة المهم مالعبتش نفس لعبة المطار تجنبا للخسارة. تاني يوم كنت في بنك HSBC بافتح حساب و غيرت بالسعر الطبيعي، يعني كل 100 دولار أمريكي بتأخد قصاده تقريبا 105 كندي مش 95 زي ولاد ال......حلال الطيبين. لما سألت عرفت ان محلات الصرافة بتاخد عمولة عالية الى جانب سعر الصرف. طبعا قلة أدب. فكله يعمل حسابه الأول يصرف من الكريدت كارد يوم أو يومين لحد ما يروح البنك.

النصيحة التانية:
=========
لازم ثم لازم ثم حتما تأجر عربية من باب المطار لو معاك أسرة و مافيش حد في انتظارك.

أسعار الليموزينات نار كما هو واضح من مداخلات زملأؤنا و سعر مشوار واحد في الليموزين ممكن تأجر بيه عربية اليوم كله. أنا كنت حاجز عربية عن طريق HERTZ و كمان كنت مجهز الGPS صديق المهاجرين من وأنا في عمان.

أول ما ركبت العربية اديته الأوردر الأول (بينا على الفندق) وبصراحة من أول مهمة أثبت جدارته وفي خلال 10 دقائق كنا في اللوبي بتاع الفندق في مسيساجا. قررت ساعتها اني لن أترك هذا الصديق الوفي وسنكون سويا الى الأبد في السراء والضراء. لازم طبعا لما تدور على عربية تشوف عروض الشركات المختلفة وتحجز الأوفر والأفضل من حيث حجم السيارة المناسب لأسرتك، وموضوع الأوفرز ده بيختلف من شهر ال شهر ومن شركة الى اخرى (جرب Hertz, Avis, Budjet, dollar).

الأهم من كل ده الرخصة الدولية ورخصة بلدك الأصلية تكون في جيبك والاااااااااااااااااااا. ولا تنسى التأمين على السيارة يكون شامل علشان تكون في الأمان وربنا بيستر ان شاء الله، يعني أنا الحمد لله أستخدمت العربية 10 أيام فترة الرحلة وعدوا بسلام بفضل الله.


النصيحة الثالثة:
=========
لو حتنزلوا في فندق في الأيام الأولى أوخلال فترة اللاندنج (مدة 10 أيام أو أسبوعين) أنصح بحجز فندق بيقدم بوفيه افطار ليه يا ترى،...... لأن الأكل هناك غالي جدا جدا يعني مثلا أحنا دخلت المول المشهور في تورونتو اللي اسمه ايتون سنتر وده ليه حكاية بعدين، المهم كنا جعانين ودورنا لقينا في الفوود كورت محل شاورما وفلافل سوري، عمري في حياتي ما كنت أتخيل اني أكل سندوتش فلافل ب 6 CAD وشاورما ب7 CAD طبعا وأحنا سياح مافييييييش مشكلة وعل فكرة دة هو السعر الرسمي للفلافل والشاورما في معظم المحلات و المولات اللي زرناها في تورونتو، مسيساجا، هاملتون، و نياجرا.

طيب ايه دخل الفطار في الموضوع، من الأخر كدة لو انتو 4 أو 5 وعايزين تفطروا، بتمن ساندوتشين طعمية لكل واحد ممكن تفطروا أحلى فطار (open buffet) في الأوتيل يعني تديها كل ما تتخيله من (كرواسانات، كوكيز، دوناتس، دانش، بيض أومليت، جبن، هنا بدل الفول حتلاقوا وايت بينز أو الفاصوليا بيضا، زبادي أشكال وألوان اللي بافانيليا واللي بالتوت البري والدايت وووو، بعدكدة جميع أنواع الشاي و القهوة والنسكافيه، عصائر للأولاد انليميتد، شويبس وكوكاكولا، وفي الأخر لو لسة نفسك في حاجة يبقى تعمل طبق فروت سلاط كندي معتبر واللي نفسه في كريب بالشوكولاتة ما فيش مانع).

طبعا بعد الفطار اللي قلتلكو عليه مش حيبقى قدامكوا الا انكم تتعشوا و العشاء ساعتها هيكون أمره سهل. عليكم بسلسلة فنادق home wood دة أحلى مكان للسكن والأفطار الرائع وهيه سلسلة منتشرة في كل مدن كندا. الخلاصة مافيش داعي تسترخص في الفندق لأنه حيكون على حساب راحتكو وانبساطكم في رحلة اللاندنج. يعني لما تحط 40-50 CAD زيادة في سعر الليلة وتأخد أوضة أوسع وأنضف وفطار حلو على الصبح مع خدمة انترنت يبقى أكيد انته الكسبان.

ملحق النصيحة التانية:
===========
مش لازم تشتري جهاز مخصوص للGPS زي بتاع دكتورنا المحترم الشامي. أنا بعت موبايلي السامسونج واشتريت مخصوص موبايل اسمه Nokia Navigator. هوة منه موبايل وفي نفس الوقت كان نازل عليه خلاائط دول الخليج. كل اللي عملته اني دخلت على موقع Nokia ونزلت خرائط الNorth America واشتريت رخصة الnavigation، لو مش حاتعرف تعمل كل ده أقرب محل موبايلات ممكن يظبطهولك قبل السفر. كده يبقى انت وفرت ثمن جهاز navigator.

كمان مهم جدا لو موبايلك prepaid card يعني شحن ان يكون فيه رصيد كفاية لأن النافيجاتور بيسحب بسيط أوي من الرصيد أنا سحب مني في 10 أيام حوالي 10 ريال عماني أو ما يعادلهم من عملات خليجية أخرى (يعني زي 100 ريال سعودي مثلا) وبلتالي ده يجنبك أي حركات ندالة من صديقك النافيجاتور اللي أنا أكتشفت بعد عشرتي لية في ال10 أيام دول أنه ممكن ساعات وفي أحيان قليلة جدا يبييييييييعك بس يرجع تاني يندم ويحس بغلطه .

على فكرة أحييك على أختيارك للندن، بصراحة أحلى بلد زرناها فيكي يا كندا من ناحية الهدوء، الشوارع سهلة ما تلخبطش وما فيهاش جسور ومخارج كتير على الطريق.

الناس عسل و فرندلي على نمط الشامي، كمان كمية باركات (جناين) ما تتعدش ولا تتوصف سبحان الخالق، وخصوصا civic garden وما حولها مش فاكر اسمها كدة صح ولا أنا غلطان، كان نفسي يكون لية فرصة أقابل أخ رائع مثلك بس للأسف أنا ماكانش لية مشاركات على المنتدى وقتها علشان نتواصل. أحييك مرة أخرى وأنا ومراتي تذكرناكم على الأقل لما كنا في لندن وقلنا لبعض يمكن نقابل الشامي في Masonville mall أو storybook garden

صحيح أنا شفت مسجد كبير لونه أبيض كان تحت الانشاء اتمنيت لو اني أسكن في لندن وأكون جار لهذا المسجد. يا ترى خدت بالك منه وهل هو في حي عربي ام ان العملية scattered.

أنا سمعت ان في حي مليان بالعرب و المسلمين هل المسجد دة فيه ولا دي حته جديدة. عموما ربنا يباركلك في أختيارك و الأولاد يكونوا مبسوطين في مدارسهم و لا تنسانا في دعائك يا جميل.
ا

 

 

[somayasaleh]

تابع تجربة الدكتور كافسيمو

النصيحة الرابعة على شرف أخونا الشامي يا رجالة:
============================
زي ما قلتلكو قبل كدة ممكن صديقك الGPS معاك مرة ويعمل انه نايم وبيشخر و دة حصل معايا تالت يوم ماوصلت. أول يوم وصلنا على المغرب دخلنا غرفة الفندق ماطلعناش الا تاني يوم الصبح، تاني يوم رحت على service canada علشان SIN card (للتفاصيل انظر صفحات أخويا الباشمهندس زناتي )

خلصنا في نص ساعة طلعنا عل square mall في مسيساجا لفيناه حتة حتة، including walmart ، محل الصرافة اللي كان عايز ينصب عليا تاني، وبالصدفة البحتة لقيت جواااااااااااه تفتكروا اييييييييييه، مش حادوخكم لقيت driving centre بتاع الرخص قلت ايه الحلاوة دي الSIN و الرخصة في يوم واحد دة أنا كدة اتظبت أحلى تظبيط بس يا فرحة ماتمت لقيت ورقة صغيرة برة بتقول احنا مش شغالين الا لما كل مطالبنا تتحقق و فوت علينا بكرة يا سيد، اححححتمال يكون الاضراب انتهى ونقدر نخدمك. بكرة دي أصبحت ال10 أيام فترة اقامتي كلها ومازال الأضراب مستمرا حتى يومنا هذا. هما كانوا وقتها فاتحين الباب وتحس انهم شغالين بس هية كانت عملية تحنيس مش أكتر يبقى ما إلك إلا الا الرخصة الدولية بس لغاااااااااااية امتى


المهم قضينا اليوم في الsquare mall وتاني يوم قلنا نطلع على Toronto و تحديدا eaton centre طبعا اديت الأوردر للGPS وقالي سمعا وطاعة. طلع بينا الGPS من مسيساجا (فندق HOME WOOD MISSISSAUGA اجابة لسؤال د صفاء وبدأ يدخل بينا في قلب Toronto

(تورونتو بلد قديمة، زحمة، مليانة اشارات، شوارع ضيقة، ترام مضيقها أكتر، ناس كتييييييير، أبراج طويييييييلللللللة ماتجيبش أخرها من شباك العربية، أنا بصراحة اتقبضت لما دخلتها مقارنة بست ستها مسيساجا)

المهم هنا في هذه اللحظة انصرف الGPS. مراتي في لحظتها قالت لي محمد ما فيش GPS ضحكت وقلتلها يعني ايه قالت لي بقوللك ما فيييييش GPS ، يا نهار مش فايت أخدت الموبايل أفركه ان الGPS يطلع ما طلعش .

فضلنا نهيم عل وجوهنا بالعربية في هذا الوحل اللي اسمه downtown وخصوصا لو معاك عربية هنا مافيش حاجة اسمها اركن على جنب لأن الشارع كله ما فيهوش كتف تركن عليه، حاجة قلة أدب.

فضلنا نتضرع الى الله الى ان لقينا نفسنا وجها لوجه مع الeaton centre. دخلنا وياريتنا ما دخلناه ولا فكرنا فيه، أولا الparking ب3 CAD في النص ساعة يعني دخلنا كسرنا الساعة بدقائق جوة المول ودفعنا 9 CAD (جوة عادي خالص مول تقليدي يزيد عن المولات الأخرى في ان حماماته على غير المستوى ولقيت ناس homeless قاعدة جنب الحمامات وعند الفووود كورت وبصراحة قلنا خسارة فيه فلوس الباركنج لأن العداد شغال)

كل الdown town مليان homeless ومش نضيف بالمرة و بالنسبة لي مش عايز أشوفه تاني الا في الشديد القوي لشغل أو دراسة.

ألخلااااااصة لو جاي تعمل لاندنج ابعد تمام عن الداون تاون وخليك في أي حتة في أونتاريو حتلاقي كل اللي انته عايزه من بنك، سن كارد أو رخصة (ما فيش حاجة زيادة في الداون تاون). اما الخائن الGPS فطلعلي مع نفسه بعد ما سيبنا الداون تاون و كنت ناوي أبهدله بس نزل حب على أيدي وقالي مش حنام تاني يا باشا وفعلا ماعملهاش تاني طول ال10 أيام .

قبل طلعة eaton centre في الصباح الباكر العربية حبت تهزر معايا هزار كندي تقيل ودة حيكون عنوان النصيحة الخامسة ان شاء الله. تصبحوا على خيييييييير


نا بس عايز أوضح نقطتين أتسألت عليهم من د صفاء و أ محمد جمال:د صفاء سألت عن طريقة حجز الفندق: أحسن طريقة لحجز الفندق تعملي تشيك أب على 3 مواقع بعد ما تحددي فندق معين ترتاحي له:
www.expedia.com
www.booking.com
+ الموقع الرسمي للفندق على سبيل المثال الفندق بتاعي
https://homewoodsuites1.hilton.com/en...tario/index.do
المقارنة بتكون في السعر لأنه في معظم الأحيان بيختلف من موقع للتاني

بالنسبة لسؤال أمحمد جمال عن الفنادق والمواصلات:

الفنادق حتكون كما سبق مع الدكتورة صفاء. مسألة ميزانية الفندق انت اللي بتحددها حسب احتاجاتك وامكاناتك انا الفندق اللي حجزته في مسيساجا كان بحوالي 170 CAD في الليلة طبعا كتير حيقولوا كتييييييييييير أنا حسبتها لقيت انه أفضل عرض وقتها من حيث: قربه من المطار في أول يوم للوصول + الفندق كله سويتات يعني غرفة ليك والتانية ليفينج للعيال بعيد عن الدوشة و يناموا على sofa bed + الأفطار اللي قلتلكو عليه + الفري باركنج + الفري انترنت

في حاجة ظريفة جدا كان الفندق بيعمله، وهي عبارة عن free welcome dinner (نفس فكرة الفطار بس بدل الجبنة و الوايت بينز و البيض بيحطو رز ولحمة أو فراخ) مشكلة البوفيه دة ان اللحم والفراخ استحالة ناكلها وبالتالي كنا بنقضيها سلطات و مخبوزات و مشروبات بس الموضوع دة بيتعمل كل أيام الأسبوع ومافيش free dinner في الويك اند السبت والأحد.

ممكن تلاقي حاجات أرخص بس مش كل المزايا دي حتتجمع لك و ممكن ربنا يكرمك بأكتر منها و بسعر أرخص ودي بأة اللي اسمها أرزاق مش شطارة

المواصلات أنا عرفت ان في تقريبا اشتراك في المواصلات العامة (حوالي 35-30 CAD للفرد في الأسبوع) لو عايز تستعمل ترام و أتوبيس و أشياء من هذا القبيل. الأفضل وجود سيارة لو معاك أطفال أو حتى لو فري (عزابي) علشان تدي نفسك فرصة تنطلق برة تورونتو و مسيساجا لأن رحلة اللندنج يفضل تشوف فيه اكتر من بلد جوة نفس المقاطعة، دة بيديلك فكرة عن ستايل البلد و امكانية تفضيللك للسكن في واحدة منهم مقارنة بلأخريات

(في حالتي أنا حبيت لندن). أنا بالعربية قدرت أروح لندن، أوكفيل، هاميلتون، سانت كاترين، و نياجرا انما لو ماعيش عربية حاقعد في تورونتو أو مسيساجا ومش حاتعتع منها الا على المطار. كمان العربية فرصة تعمل بيها تريننج على شوارع كندا و جو السواقة فيها دة اعتقد مهم جدا قبل ماتدخل على الدرايف تست. ايجار العربية ممكن في رانج 50-60 دولار في اليوم مع التأمين الشامل.


لنصيحة الخامسة:
=========
تالت يوم لينا في مسيساجا كنا رايحين البنك علشان فتح الحساب. المهم بعد الفطار خرجنا من الفندق متوجهين الى السيارة في الباركنج. دست على الريموت بتاع العربية علشان أفتحها ما فتحتش، كررت المحاولة تاني وتالت ما فيش فايدة ، رحت ضارب المفتاح في الباب وداخل، بدأت أعمل ستارت للعربية ما دارتش ، وكمان نور التابلوه و العدادات كلها ما بتنطقش.

العربية فورد اسكيب موديل 2009 يعني ما فيش مجال ان يكون ده عيب في السيارة بس اللي حصل ان اليوم اللي قبله علطول كنت شايف العربيات كلها مولعة النور الخفيف في عز الضهر (مش عارف ليه) قلت اشمعنى أنا لما أعمل زيهم ، علشان كده علطول جيه في دماغي ان أناسبت النور مفتوح طول الليييييييييييييييل . طبعا مادت الأرض من تحت أقدامي و قلت أه وقعت في أول فخ كندي و كندا كلها حتتفرج عليك يا محمد دلوقتي. المهم رحت داخل اللوبي تاني كان فيه اتنين ريسيبشينستس قلت لواحد منهم (أنا طالبك) على رأي الخليجيين،

حكيت له الحكاية راح بايعني بمنتهى الشياكة والأخلاق وقالي المهندس بتاع الفندق للأسف في أجازة النهاردة وهوة اللي معاه الكابل اللي ممكن يعمل boosting لعربيتك قال لي بس ممكن تكلم شركة ايجار السيارة وتليفونها حتلاقيه على سلسلة مفاتيح عربيتك بصيت لقيت فعلا في تليفون قلت باااااااااااس كده، انته كندي في الجون بس اديني التليفون علشان اتكلم.

أهم حاجة في المكالمة دي أني حسيت نفس احساس أهمية البني أدم اللي حسيته الدكتورة سوسوراني لما جالها الباراميديك علشان صوابعها، أول كلمة سمعتها على التليفون مش Hello ولا good morning، لأ لقيت اللي بيقولي Are you safe ، قلتله أيوة حضرتك أنا سيف بس العربية لأ مش سيف. حكيت له الحكاية قالي حدد مكانك حددتهوله لعب شوية على الكومبيوتر وقالي حأبعتلك support بس ده حيكلفك 75 CAD، قلتله طيب سيبني استوعب الصدمة وحاكلمك تاني . المهم طلعت برة وقلت لأ بأه ده أنا مصري و لسه ما اتخلقش في كندا اللي يضحك عليا .

طلعت وأنا ناوي أروح مول جنب الفندق أشتري منه boosting wire وأشوف لي أي عربية أخد منه وصلة، بس وانا طالع لقيت قصاد الفندق ليموزين سايقه مهراجا مستني يلقط رزقه، قلت أحاول معاه يمكن ربنا يفرجها على أيده. أول ما رحتله راح مدور عربيته وقالي Taxi Sir قلتله لأ حضرتك أنا عايز boosting لعربيتي اللي واقفه هنا جنبك قالي فيفتييين دولارز قلتله ما ينفعش تين و صباحك زي الفل قالي نو نو نو، قلتله وعلى أيه فيفتين فيفتين يلا بينا . حب يعمل أبو العريف وراح قايلي أنا حأبوستر العربية بالكابل بتاعي دارت دارت مادارتش حاخد برضه الفيفتين دولارز قلتله بس كدة ولا يهمك، الحمد لله من أول محاولة قامت العربية وتنفسنا الصعداء.

أرجو أن تكون النصيحة وصلت وأراكم قريبا في النصيحة رقم 6. في أمان الله

 

 

[somayasaleh]

اخر جزء في تجربة دكتور كافسيمو(محمد)

النصيحة السادسة:
==========
خلال أيام اللاندنج العشرة تجولنا في عدة مدن منها أوكفيل و لندن. المدن دي وأعتقد غيرها كتير في أونتاريو مشهورة بمساحات خضراء شاسعة وأفضل وصف ليها أنها غابات على امتداد البصر ما تعرفش أولها من أخرها. طبعا كسياح المنظر بيخطف الأبصار وتبقى عايز تستكشف هذه الأماكن الساحرة وهي ساحرة بمعنى الكلمة.

علشان كدة من ضمن برنامجنا اليومي ان احنا صباحا لازم نزور واحدة من الباركات ديه. بعض هذه الباركات بيسموها national park ودي لما تكون كبيرة وفيها حياة طبيعية (natural life) و ما أدراك ما الناتشورال لايف.

صاب نصيحة: لازم تقرا كتير في الجرايد الكندية على النت منها تقوي النجليزي ومنها تسمع قصص ما بتتحكاش كتير كمان مهم تقرا عن الأماكن اللي بتروح تزورها.

المهم قريت شوية على الناشيونال باركس ولقيت انها عمرانة بأشكال وألوان من الأشجار والنباتات والطيور الجميلة مع قليل من الثعالب الحمراء والذئاب و الزواحف الرائعة . لو مش مصدقين خشوا عل السايت بتاع الناشيونال باركBronte creek في أوكفيل

https://www.ontarioparks.com/english/bron-multiple.html

لأني لما قريت الكلام ده قلت الناس دي أكيد بتهزر و بعدين دول بيقولوا اتمشى واركب عجل و كمان في سباحة. المهم رحنا و أول حاجة قابلتنا play ground قلت حلو والعيال هيصوا في الزحاليق والمراجيح، بس المدام أبت الا ان ندخل في العميق و نستكشف السحر والجمال بتاع البارك وقلتلها خلاص خلي الأولاد يلعبوا ونروح نتمشى.

صاب نصيحة: مش لازم دايما تسمع كلام مراتك وانته في كندا لأن ده ممكن يكلفكم حياتكم انتم الأتنين

المهم بدأنا نمشي على التريل trail أو الممشى قابلنا كلبين متوحشين زي الورد وماسكاهم ست عجوزة شيك بتتمشى بيهم أول ما شافتنا لقيتها ارتبكت وراحت مكلبشة في الطوق بتاع الكلبين علشان ما يهبشوناش وبادلناها التحية بابتسامة يشوبها الرعب من الكلبين. همة عدوا جنبي وكنا مش مستريحين لبعض لأني عندي فوبيا من الكلاب و الظاهر الكلبين شموا خبر وكانوا مش ناويين على خير (حاجة كده طول بعرض ومنقطين أبيض في أسود أو بني مش فاكر)

المهم عدت، دخلنا واتصورنا واتوهمنا بالجو الخلاب و نسيم الغابة العليل بس لسة المدام عايزة تشوف أكتر وتستمتع بالطبيعة الساحرة لكني اضطريت اني اضغط بالرجوع للعيال لأنهم لوحدهم و بعدين تخيلت ان في اصوات فحيح وزئير و عواء وحاجات من دي كتير و الموضوع شكله كان حيقلب (طرزان في الغابة)

المهم بعد رجوعنا من كندا بشهر قريت خبر في جريدة كندية ان مطربة كندية كانت بتتمشى لوحدها في ناشيونال بارك في نوفاسكوتشيا وبعدييييين عارفين حصل لها اييييييييييييييييه، هجم عليها ديبين وأكلوها . وأدي الدليل في الخبر اللي تحت، أنا وريته لمراتي واثبت لها ان الموضوع مش هزاااااااار

A Canadian singer/songwriter has been attacked and killed by two coyotes in a national park in eastern Canada, according to multiple tabloid reports. The folk musician from Ontario was hiking alone in Nova Scotia and walking along the Skyline Trail, one of the most scenic trails, when the normally shy animals brutally attacked her. Other hikers in the area heard her frantic screams and called the park rangers who shot one of the animals. With bites covering her entire body, Mitchell was then airlifted to a hospital in Halifax, where she was listed in critical condition. She died of her injuries Wednesday morning (Oct. 28) in the hospital.

صاب نصيحة: لو حصل لاااااااقدر الله و قابلت ديب أو تعلب بالصدفة، الخبراء ينصحون بألا توليه الأدبار لأنه أساسا بيخاف من الأنسان بس لو جريت منه حيجري وراك وحيوقعك وحيهبشك زي البنت المطربة، وربنا يستر من الباقي

تعقيبا على مخاوف الأخ العزيز الزناتي من كندا حبيت اضلمها خالص بالنقطة دي كمان، ويمكن دي أكتر حاجة ضايقتني وعكرت مزاجي في كندا، ألا وهي الكلاب. أنا طول ما أنا في البلد وبنروح باركات كنت بشوف كلاب من مختلف السلالات و كانت تشترك في حاجة واحدة انها كلها بترفع لي الأدرينالين للسقف و مراتي العكس تماما ربنا كان منزل عليها سكينة و مش في دماغها الموضوع أصلا لدرجة كنا في لندن في بارك مش فاكر اسمها والمدام بتجمع (للذكرى) ورق الmaple leaf (الورقة الشهيرة بتاعة علم كندا) لأننا كنا في الخريف وورق كتير كان على الأرض وكان في واحد ظريف جدا كان طالق الكلب بتاعه اللي شبه الديب وكان بيرمح حوالينا زي الأسد بسرعة 100 كم\ساعة، رحت قايلها أنا خلاااااااااااااااص جبت أخري ولازم نمشي حالا ونرجع للأولاد.

صاب نصيحة: خليك دايما على البر جنب الplay ground علشان دي بتبقى في أول البارك في الأمان لأن كل ما بتدخل جوه أكتر الموضوع مش مضمون وعلى رأي الزناتي تبقى بتلعب في عداد عمرك. كمان أحذر من أنك تدي الأمان للكلاب وتقول دي كلاب ولاد ناس والكلام دة لأني عملت بحث في الموضوع ولقيت احصائية بتقول ان 2% من سكان أمريكا ) حوالي 5 مليون نسمة من 250 مليون نسمة بيتعضوا سنويا و تلات أربع اللي بيتعضوا هما مالكي الكلاب أو أقاربهم أو أصحابهم فما بالك لو كنت غريب، أكيييييييييد الكلب حيقطعك.

ألا هل بلغت، اللهم فاشهد ، واعذروني على حلقة الرعب دي بس أرجو أن تكون النصائح وصلت قبل فوات الأوان



علشان كده حاحكيلكم موقف حصلي بعد مارجعت من اللاندنج وده أعتبره ناقوس خطر للأسرة المهاجرة لابد من قرعه

قابلت جار لي عراقي وهوه أستاذ ورئيس قسم في كلية الهندسة، قلتله ان أنا لسه راجع من كندا و كنت بعمل لاندنج، الراجل ده أنا أعلم أنه معاه الجنسية الكندية ولذلك كان من البديهي اني أسأله النصيحة في موضوع الهجرة. أول ما سألته المشورة قالي اياك تروح . أنا هاجرت من 15 سنة بزوجتي و 5 عيال، و خديت أعلى المناصب و سويت كل اللي كنت أحلم فيه و حتى البيت شريته وفي الأخير اتمردتتتتتتتتتتتتتتتتتتتتتتتتتتتتتتت عليه .....ولما جلتلها نروح دولة عربية رفظت وقالتلي مأروح وتنازعني الحين في البيت وكل هدا الخراب بسبب كندا. في كندا (المرأه ولا مؤاخذه) هيه وكل راجل يطرطألي ودانه كوييييييييييييييييييييييييس، المرأه هيييييييييييييه البااااااااااااااااااااااااااااااااااااااااااااااا اااااااااااااااااااااااااااااا
اااااااااااااااااااااااااااااااااااااااااااااااااو ر

الراجل شدد عليه لاااااااااااا تروح، أنا أعذرك لأني كنت متلك من يوم جاني الهجرة في متل عمرك ولكن الحين نادم أشد الندم لأن كل العيلة تبعثرت.

الراجل ده متجوز دلوقتي دكتورة جديدة عراقية وعنده منها بنتين بس أنا حاسس أنه ماشي زي التايه. من كام يوم شوفته معاه ولدين من ولاده الخمسة جابهم من كندا وحطهم في مدرسة باكستانية. الولد لذيذ أوي مدي جامد على كندا مش العراق، المهم بيسألني حتسكن فين في كندا، هوه على فكرة مش بيعرف يرطن الا بالأنجليزي بس لما قلتله أنا محتار بين تورنتو وفانكوفر قالي باللفظ (تورنتو واصخة، but vancouver is very nice)

مراتي واحنا في كندا قالت لي كلام مشابه على الستات هناك، الستات هناك مستغنية و very powerful (لأنها شايفة معظم اللي شغالين في البلد ستات)، وحاسة ان البلد دي الستات فيها أكتر من الرجالة. يبقى يا رجال المنتدى


احذرووووووووووووووووووووووووو

 

 

[elmadysm]

دعوه لموضوعي

CharlesSwide

ربنا يبارك فيك يا باشمهندسة
كل رد او تعليق دائما فيه الجديد
ربنا يجازيك بك حرف خير