ألبرتا- ادمنتون

[Sepia]

الصحف المصرية والعربية

https://www.almatareed.org/vb/showpost.php?p=47278&postcount=61

اقتباس اقتباس طيب ايه بقي مميزات العيشة في البلد دي عن تورونتو؟؟؟ اولا: هتلاقي شغل بسهولة و مرتبات كويسه نظرا للعجز الرهيب في الايدي العاملة فيها حتي انها مفتوحة للهجرة الترشيحية من خلال المقاطعات "provincial nomination" من الملاحظ فعلا في اماكن كثيرة يافطة "now hiring" و لكن ذلك بالنسبة للاعمال البسيطة.لكن طبعا لو بنتكلم عن اعمال متخصصة طبيب مهندس ...ده محتاج شوية بحث. والشئ المطمئن في رحلة البحث عن العمل ا ن عادة عندما تقدم لاعلان عمل -لو من على موقع نت زي Workopolis مثلا -انت تقدم في الحقيقة لrecruiter و يكون هو الوسيط مع الشركة التي ستعمل بهابعد ذلك.و من صلحته طبعا ان يحصل لك على اعلى اجر حتى ياخذ اعلى نسبة من صاحب الشركة (و ليس منك انت). كمان لو حصل و لم توفق في اول فرصة عمل هو بيكون لديه ملف خاص بك خلاص و يبحث لك عن اللي بعدها.المهم في ذلك انك طبعا يكون عندك سى في محترم و انك تظهر جديتك مع هذا الrecruiter و تتابع معاه و تساله حتى يتاكد هو من جديتك و انك ستكون حالة كسبانة بالنسبة له.(ده بالنسبة لمجال الهندسة و الايتي و الhuman resources ا كيد , و مثلا في معظم الشركات الخاصة, و ايضا قطاعات الحكومة هنا في البرتا يتم جزء كبير من خلال الrecruiter , و لكن بالنسبة لمؤسسات اخرى -زي مثلا وزارة الهجرة و اللجوء و يمكن عشان مقاييس الامن فيها اعلى - يكون التقدم للعمل مباشرة معهم و ليس من خلال وسيط)

اقتباس اقتباس بس العيشة هناك غالية......وكمان السكن اغلي......صح....بس بمعادله بسيطة انك لو قدرت تستغني عن بعض الكماليات في حياتك هتلاقي المرتب ده ممتاز للعيشة احسن من اللي ممكن تاخده و تشيله في تورونتو لااعلم بالضبط بالمقارنة باونتاريو او كيبك,,,بس مثلا بالارقام على طول : الشقة الصغيرة (حجرة نوم صالة حمام مخزن مطبخ و بلكونة) في البرتا-ادمنتون المنطقة على بعد3٠ دقيقة من الdowntown حوالي 850 او 950 دولار شهريا. لو كندو في نفس المنطقة (كوندو:شقة مستواها افضل لانها عادة تؤجر من شخص و ليست شركة ,المحيط بتاعها اجمل و انظف ,فيهاعادة باركينج تحت الارض و الappliances داخل المنزل اكثر:بوتاجاز مايكرويف ثلاجة غسالة دراير-حجرتين و صالة و حمامين و مخزنين و دراسينج صغيرو بلكونة) دي حوالي الى 1300٠. اعتقد فعلا ان السكن ده اغلى من مثيله في مونتريال .

اقتباس اقتباس ......امال انا هاشتغل ايه في البرتا.....هاقولك ان حضرتك غالبا هتشتغل شغلتك بتاعة مصر من غير معادلة ولا يحزنون بس الموضوع انك مش هتمضي علي حاجة و مش هتبقي شايل مسئوليات المهندس النقابي مثلا لو انت مهندس.......بس طبعا مرتبك مش هيبقي زي مرتب المهندس النقابي ....... بالنسبة للمهندس و عن تجربة شخصية و رغم اني كنت كسولة فعلا في البحث عن عمل الا انه جائتني كذا فرصة اول ما وصلت بدون ان احتاج للمعادلة وحتى التسجيل بالنقابة.و المرتب طبعا اقل مش بس بسبب النقابة و لكن ايضا بسبب عدم وجود خبرة كندي

اقتباس اقتباس ثانيا:البرتا (كالجري و ادمينتون) من اكثر المدن الكندية عرضة للشمس يعني نصيبها كبير من الشمس و عدد ساعتها علي مدار العام رغم برودتها...مش بس كده هو التعرض للشمس لا يعني بالضرورة الدفء, الشمس موجودة هنا في الشتاء و الحرارة -٣٠في الهواء. كما ان الشمس على مدار اليوم في الصيف تضايق و خاصة لو في رمضان حيث كان الفجر حوالي في اثالثة والمغرب الثامنة و النصف مساء. و قبل كده في الصيف اكثر كان المغرب الساعة ١٠!! و في الشتاء حاليا النهار قصير جدا الفجر الساعة ٧ صباحا و المغرب الساعة 4.

اقتباس اقتباس فيه رياح بتيجي عليها في عز الشتا مش فاكر اسمها بالضبط بس تقريبا الشينوك حاجه زي كدا دي بتقلل درجة الحرارة في يوم و ليلة من 20 تحت الصفر الي 5 فوق الصفر مثلا....يعني تصحا الصبح تلاقي مفيش تلج و الدنيا حلوه و دافيه....سبحان الله متهيالي الرياح دي في كالجاري و ليست ادمنتون و هي بالفعل ادفى قليلا من الاخيرة. بالنسبة لموضوع الثلج لما بيسيح :الثلج في الحقيقة يمتص جزء منالبرودة لذا هو نزوله مشمعناه ان هذاابرد حاجة. بالعكس المشكلة اكثر من الرياح و دي سبب البرد و ليس الثلج.لذا عندما تقرا الحرارة تقراء الدرجة في الwindchill عشان ده المؤشر الصادق: من٤ اسابيع كده كانت الحرارة حوالي -20 و لكن المهم كانت الwindchill -٣٥.

اقتباس اقتباس ثالثا: البلد اصغر من تورونتو بكتير وبالتالي اهدا و اامن .... بالنسبة لادمنتون هي اكيد صغر من تورتنو واهدا لكن مش مؤكد موضوع اامن , دي محتاجةاحصائيات. و لكن اكيد بالنسبة للخروج و السياحة هياكيد اقل من تورتنو و كالجاري و خاصة في الشتاء.

اقتباس اقتباس رابعا: الضرائب فيها اقل وكمان فيها مصريين وعرب كتير اكبر جالية من العرب هنا في ادمنتون هي الجالية اللبنانية و ده من خلال ملاحظتي الشخصية و ليست احصائية و هي بالمناسبة انشط جالية ايضا. و المحل العربي الوحيد (تصحيح هنا في أكثر من محل عربي حلال ..أعتذر عن هذاالخطأ!!) الذي يبيع الاكل العربي و الحلال هو لبناني. اعتقد في تورنتو هناك كثير من محل عربي و ليس واحد. هنا مدرسة وحيدة اسلامية في ادمنتون و لكنها اكبر مدرسة اسلامية حجما في شمال امريكا كلها. و الجالية العربية هنا عامة ليست في مثل نشاط و حضور جالية تورنتو, و التي ادى حضورها الطاغي مثلا الى حشد الاف للمؤتمر الاسلامي السنوي الذي يعقد هناك و يقصده الشيوخ منالمشرق و المغرب.

 

 

[Sepia]

اقتباس المشاركة الأصلية كتبت بواسطة HAMOUDI شكرا مدام سيبيا وللايضاح نحن نعلم ان الانجليزيه تدرس لغه ثانيه في كيبك والفرنسيه او الاسبانيه لغه ثانيه في كندا الانجليزيه معنى ذلك ان اللغه العربيه تدرس كلغه ثانيه في هذه المدرسه بدلا مما سبق ؟ وهل هذه المدرسه حتى الثانوي ام مرحلة التعليم الاساسي فقط ؟

- لا أعلم إن كان تدريس العربية بديلا عن هذه اللغات أم بالإضافة إليها, أنا كنت حاولت استفسرلك عن هذا السؤال من المدرسة رأسا و لكن كان وقت العطلة السنوية للأسف. و اعتقد أن العطلة مستمرة كمان اسبوعين تقريبا !
- المدرسة ابتدائى فقط

 

 

[HAMOUDI]

هل يوجد صور لادمنتون ( طبيعيه ) ؟؟

 

 

[Sepia]

اقتباس المشاركة الأصلية كتبت بواسطة HAMOUDI هل يوجد صور لادمنتون ( طبيعيه ) ؟؟

الحقيقة مش من هواة تصوير المناظر الطبيعية لحالها كده إلا فيما ندر.. بس أشوفلك

(مش عارفة إزاي أضيف الصور, هل لازم تكون مرفوعة على موقع مسبقا؟)

 

 

[HAMOUDI]

اقتباس المشاركة الأصلية كتبت بواسطة Sepia الحقيقة مش من هواة تصوير المناظر الطبيعية لحالها كده إلا فيما ندر.. بس أشوفلك (مش عارفة إزاي أضيف الصور, هل لازم تكون مرفوعة على موقع مسبقا؟)

بصراحه ماجربتش قبل كده وحتى تأتي الافاده
في سؤالين سريعين

الاول
هل العمليات الجراحيه مغطاه بالتأمين الصحي ام هي خارجه مثل الدواء والاسنان والعيون

الثاني سبق وان ذكرتي ان الاطباء من المهن المطلوبه في ادمنتون فهل المحاسبين او مساعدي المحاسبين كذلك من المهن المطلوبه

 

 

[MFaisal]

اقتباس المشاركة الأصلية كتبت بواسطة HAMOUDI بصراحه ماجربتش قبل كده وحتى تأتي الافاده في سؤالين سريعين خدو الموقع ده ميل وبسيط وممكن ترفع بيه عدة صور فى نفس الوقت وتحط رابط الصور على المنتدى أو ممكن تعملهم copy و paste من عالموقع علطول https://imageshack.us/ الثاني سبق وان ذكرتي ان الاطباء من المهن المطلوبه في ادمنتون فهل المحاسبين او مساعدي المحاسبين كذلك من المهن المطلوبه حبيب ألبى يا زومل

ربنا يوفقك يا حمودى

 

 

[nassarlink]

بصراحه يا مدام Sepia

انتي نقلتي لينا صوره افضل من الكاميرا

عن كل ما يخص ادمنتون

لكن بالنسبه لي انا واخد قرار بكيبيك

لاكثر من سبب اولهم تعليم بناتي فرنساوي

فمش عاوز اعملهم مشكله بسبب التغيير

وخصوصا ان الكبيره بتدرس من اولي ابتدائي حتي الصف السادس

لكن اذا توافرت في ادمنتون مدارس فرنساوي كويسه

ممكن افكر اني اغير وجهتي

بس بردو بعد ما اكون اقمت في كيبيك اول سنه

ولا حضرتك رايك ايه

نصّار

 

 

[Sepia]

اقتباس المشاركة الأصلية كتبت بواسطة HAMOUDI شكرا مدام سيبيا وللايضاح نحن نعلم ان الانجليزيه تدرس لغه ثانيه في كيبك والفرنسيه او الاسبانيه لغه ثانيه في كندا الانجليزيه معنى ذلك ان اللغه العربيه تدرس كلغه ثانيه في هذه المدرسه بدلا مما سبق ؟ وهل هذه المدرسه حتى الثانوي ام مرحلة التعليم الاساسي فقط ؟

سألتلك في المدرسة مباشرة: ( فتحت ابوابها للعام الدراسي الجديد يوم الأربعاء فقط أول أمس) الدراسة فقط للغة الأنجليزية و العربية. و المدرسة تعليم اساسي , و يوجد مدرسة أخرى يمكن أن يلتحق بها الطالب للإستكمال حتى التعليم الثانوى بنفس نظام انجليزي-عربي و هي https://killarney.epsb.ca/

 

 

[Mzohairy]

كل الولايات الغير فرنسيه على فكره فيها مدارس فرنسيه

و انا ولادي هنا في فانكوفر في مدرسه فرنسيه حكوميه

 

 

[nassarlink]

اقتباس المشاركة الأصلية كتبت بواسطة Mzohairy كل الولايات الغير فرنسيه على فكره فيها مدارس فرنسيه و انا ولادي هنا في فانكوفر في مدرسه فرنسيه حكوميه

ربنا يطمنك يا زوهيري

الواحد كده ممكن خطته تتغير بعد السنه الاولي ان شاء الله في كيبيك

ده لو الظروف في كيبيك مكنتش علي ما يرام