ظهور أجسام غريبة في سماء العريش يثير الذعر بين الأهالي.. والأمن يدرس الموقف

[مدى]

ظهور أجسام غريبة في سماء العريش يثير الذعر بين الأهالي.. والأمن يدرس الموقف

سيناء- أشرف سويلم-


فوجئ أهالي محافظة شمال سيناء وخاصة المقيمين على ساحل مدينة العريش مساء يوم الثلاثاء بظهور أجسام غربية في السماء عبارة عن كتل ضوئية استمر ظهورها لعدة دقائق.
وبحسب شهود عيان فإن الأجسام ظهرت على شاطئ مدينة العريش المطل على البحر المتوسط وكانت عبارة عن جسم مضيء بدأ ظهوره في السماء وظل يقترب من سطح البحر حتى حوالي 2000 متر واستمر ظهوره حوالي دقيقتين ثم اختفى تاركا وراءه سحابة من الضوء وعاود الظهور مرة أخري بكيفية مغايرة حيث ظهر أكثر احمرارا وظل مستمرا في الظهور لحوالي دقيقتين ثم اختفى.
بعدها سادت حالة من الذعر والترقب على رواد الشاطئ خوفا من أن يكون هذا الجسم يشكل خطرا ما على أرواحهم وأرواح أبنائهم.


اجسام غريبة

ومن جانبه وفي تصريحات خاصة لمصراوي أكد الناشط السياسي خليل جبر أحد أبناء قبيلة السواركة انه رأي نفس الجسم بمدينة الشيخ زويد الواقعة على بعد حوالي 15 كيلوا من العريش .
وأكد عدد من رواد الشاطئ لمصراوي ومنهم عبد الرازق عبد الحليم "فني صيانة" وعبد التواب عبد الحليم "مهندس" أنهم شاهدو الجسم الغريب وراقبوا حركته التي استمرت عدة دقائق بين الظهور والاختفاء وما سببته الأضواء الهائلة من ذعر وفوضى.
نفس الأنباء والمشاهدات أكدها شهود عيان بمحافظتي بورسعيد والإسماعيلية.
وفي تصريحات خاصة لمصراوي أكدت مصادر أمنية رفيعة المستوى بمحافظة شمال سيناء أنها تعكف على دراسة الموقف وأنها تحاول العثور على الصور ومقاطع الفيديو التي تم التقاطها للأجسام الغريبة لبيان حقيقة الموقف.. وأكدت المصادر أن أفراد أمن رصدوا الأجسام الغريبة فوق قناة السويس.
وفي تطور لاحق للأحداث أكدت مصادر أمنية رفيعة المستوى لمصراوي أن الجهات المختصة تدرس هوية الجسمين الغريبين اللذان شوهدا في سماء سيناء مساء الثلاثاء، ومر أحدهما من الشرق إلى الغرب فوق محافظات شمال سيناء وبورسعيد في اتجاه الإسماعيلية والشرقية، والجسم الآخر انطلق من إسرائيل في اتجاه الغرب.
وأضافت المصادر أن السلطات المصرية استطلعت الأمر مع الجانب الإسرائيلي الذي أكد أن هذه الأجسام عبارة عن قمر تجسس أطلقته إسرائيل مساء الثلاثاء للتجسس على إيران وهي المعلومات التي يشكك الجانب المصري في مصداقيتها، وترجح المصادر أن تكون هذه الأجسام صواريخ غير معلومة تقنية صناعتها إلى الآن أو صواريخ استكشافية أو صواريخ عسكرية أطلقت بطريق الخطأ.. ونوهت المصادر إلى أنه في كل الأحوال سيتم دراسة الموقف.
وطلبت السلطات المصرية الحصول على الفيديو الذي نشره موقع مصراوي للمساعدة في التوصل إلى هوية الأجسام الغريبة.. وهو الفيديو الذي انفرد مصراوي بنشره بعد الحصول عليه من الناشط خليل جبر والذي قام بتصوير الأجسام من منزله بمدينة الشيخ زويد وهو لأحد الأجسام التي تم مشاهدتها في سماء سيناء مساء الثلاثاء.

https://www.masrawy.com/News/Egypt/Po...h.aspx?ref=rss

 

[هدوء الليل]

هيييييييييييييييييييييه فضائيييييييييييييين

خدوووووني معاكو و النبي


هيطلع في الاخر انه ماس كهربائي
او مختل عقليا طلع يتمشي في الفضا و هو حران و كان ماسك شمعه

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة هدوء الليل هيييييييييييييييييييييه فضائيييييييييييييين خدوووووني معاكو و النبي هيطلع في الاخر انه ماس كهربائي او مختل عقليا طلع يتمشي في الفضا و هو حران و كان ماسك شمعه

هاتطلع في الآخر طلقات اشارت ضوئية من بتاعة السفن

 

 

[مصرية]

مش عارفة شكله إما فعلا قمر تجسس أو شهاب أو حاجة زي كده بس لإننا مش متعودين عليها في مصر فاستغربنا المنظر

والله أعلم

 

 

[af27_3]

أعتقد انى كمان شوفته أمبارح .... حاجه بيضه كده كانها شهاب وفضلت فترة فى السما تتحرك وبعد كده أختفت.... بس كان باين عليها انها غريبة .... لأنها ما أختفتش بسرعه زى الشهب ..


أزيكم عاملين أيه فى الملكية .......

 

 

[مدى]

اقتباس المشاركة الأصلية كتبت بواسطة af27_3 أعتقد انى كمان شوفته أمبارح .... حاجه بيضه كده كانها شهاب وفضلت فترة فى السما تتحرك وبعد كده أختفت.... بس كان باين عليها انها غريبة .... لأنها ما أختفتش بسرعه زى الشهب .. أزيكم عاملين أيه فى الملكية .......

أزيك يا جندي..!
اخبار الحياة معاك ايه..!


طيب عندك تفسير..!!

 

 

[af27_3]

اقتباس المشاركة الأصلية كتبت بواسطة مدى أزيك يا جندي..! اخبار الحياة معاك ايه..! طيب عندك تفسير..!!

الحمد لله ..... الحياة زى الفل ... بأكل أكل ميرى يفوق الوصف .... انا كرهت أكل البيت من طعامة الأكل الميرى ..
بلبس لبس ميرى زى الفل ....لدرجة أنى مش هلبس بعد كده لبس ملكى ... حبيت البيادة ..
قاعد فى عنابر .... على أساس أنى فى مستشفى المجانين .... بتعالج من مرض الحرية .... والحمد لله ... وعايز أقول لأى شاب وأى فتاة .. لا تنحرف ... والجريمة لا تفيد ..... لو دخلت التجنيد لأنك مصرى .... بوس أيدك شعر ودقن .. وإشكر ربنا ... أنك مش مسحول ولا ميت من الضرب ... وأنك أنعزلت عن المنحرفين ألى برا ... ... و أحب أسمع أغنية ... خلى السلاح صاحى صاحى صاحى ....

 

 

[مصرية]

اقتباس المشاركة الأصلية كتبت بواسطة af27_3 أعتقد انى كمان شوفته أمبارح .... حاجه بيضه كده كانها شهاب وفضلت فترة فى السما تتحرك وبعد كده أختفت.... بس كان باين عليها انها غريبة .... لأنها ما أختفتش بسرعه زى الشهب .. أزيكم عاملين أيه فى الملكية .......

حمد الله على السلامة
لازم تحكيلنا عملت إيه في التجنيد

 

 

[af27_3]

اقتباس المشاركة الأصلية كتبت بواسطة مصرية حمد الله على السلامة لازم تحكيلنا عملت إيه في التجنيد

الحمد لله أزيكم كلكم ....... بحمد ربنا على أنى دخلت التجنيد ... لولا كده أنا عمرى ما كنت عرفت قيمة نعم كتير كنت ما بحسش بيها ولا بقيمتها ..... وما حسيتش بيها فعلا ولا بجد إلا لما أتحرمت منها .... منها نعمة الحرية ....و وعمرى ما عرفت قيمة والدى ووالدتى زى ما عرفت وحسيت بقيمتهم وفضلهم علىّ لما بعدت عنهم .... حاجات كتير ... الحمد لله زى ما ربنا خد منى حاجات كتير فى الجيش أدانى حاجات أعظم منه ... وما فيش أعظم من نعمة القرب من ربنا والأحساس بقيمة الوقت .. ونعمة الرضا ...
بشكركم على السؤال .... شكرا مدى شكرا أستاذة مصرية ...

 

 

[abysaleh]

اقتباس المشاركة الأصلية كتبت بواسطة af27_3 الحمد لله أزيكم كلكم ....... بحمد ربنا على أنى دخلت التجنيد ... لولا كده أنا عمرى ما كنت عرفت قيمة نعم كتير كنت ما بحسش بيها ولا بقيمتها ..... وما حسيتش بيها فعلا ولا بجد إلا لما أتحرمت منها .... منها نعمة الحرية ....و وعمرى ما عرفت قيمة والدى ووالدتى زى ما عرفت وحسيت بقيمتهم وفضلهم علىّ لما بعدت عنهم .... حاجات كتير ... الحمد لله زى ما ربنا خد منى حاجات كتير فى الجيش أدانى حاجات أعظم منه ... وما فيش أعظم من نعمة القرب من ربنا والأحساس بقيمة الوقت .. ونعمة الرضا ... بشكركم على السؤال .... شكرا مدى شكرا أستاذة مصرية ...

ازيك يا احمد
حمد الله ع السلامة
ايه انت ف اجازة واللا ايه؟؟؟