حنينة قوى قوى الست دى

[Farida]

الصحف المصرية والعربية

https://www.almasry-alyoum.com/articl...9&IssueID=1551

اقتباس أسرة السادات تحيى ذكراه: كعك للمعزين وقبلة من جيهان للمحاربين.. وجمال مبارك يتلقى طلبات التوظيف والإعانات حسام صدقة ٧/ ١٠/ ٢٠٠٩جيهان السادات وقبلة لأحد المحاربين القدماء كعادتها سنوياً.. أحيت أسرة الرئيس الراحل أنور السادات، الذكرى الـ٢٨ لرحيله بزيارة قبره واستقبال المعزين من المحاربين القدماء والمواطنين العاديين، ووزعت أسرة السادات بعض أنواع الكعك عليهم، كما حضر جمال مبارك، أمين السياسات بالحزب الوطنى، لتقديم العزاء، واستغل عدد من المواطنين حضوره لتسليمه العديد من الطلبات التى تراوحت بين طلب الإعانة وطلب الوظيفة، فيما طالبه آخرون بالسماح لهم بزيارته فى مكتبه لعرض بعض المشكلات عليه. وحضر من أسرة السادات حرمه السيدة جيهان، وابنتاه جيهان ولبنى، وشقيقته سكينة، ومن أسرة شقيقه عصمت لم يحضر سوى عفت، وغاب شقيقاه محمد وطلعت السادات. وفى تصريحات لـ«المصرى اليوم»، قالت السيدة جيهان السادات إنها تحرص دائماً على التواجد فى مصر فى مثل هذه الأيام لإحياء ذكرى زوجها، وإن تعذر ذلك تحيى ذكراه فى الولايات المتحدة الأمريكية، حيث تقوم بالتدريس فى إحدى جامعاتها. وأضافت: أشعر بروح السادات تحلق فى المكان، وأتذكر الأيام التى قضيتها معه، وانتصاراته وإنجازاته من أجل مصر. تصوير ـ فؤاد الجرنوسى وقبلة لجمال مبارك جيهان السادات حرصت على تقبيل المحاربين القدماء وبادلوها بتقبيل يديها فى مشهد يتكرر كل عام.

مش عارفه ليه افتكرت القبله اياها بتاعة كارتر .....انا لقيت لها عذر ملا منى الشاذلى ناقشتها و قالت لها ان كارتر و هو جاى عليا ماعرفتش اتصرف ازاى لأن التصرف ده عندهم عادى و احنا لأ و ده كان واجب الناس بتوع الأتيكيت و المناسبات يوضح لهم ان دى مش تقاليدنا و انا صدقت .........
بس بعد ما شفت الصور دى - و شفتها امس فى العاشره مساءا ...... اكتشفت قد ايه الست دى كانت و مازالت حنينه قوى قوى

 

[فــيــروز]

اقتباس المشاركة الأصلية كتبت بواسطة Farida مش عارفه ليه افتكرت القبله اياها بتاعة كارتر .....انا لقيت لها عذر ملا منى الشاذلى ناقشتها و قالت لها ان كارتر و هو جاى عليا ماعرفتش اتصرف ازاى لأن التصرف ده عندهم عادى و احنا لأ و ده كان واجب الناس بتوع الأتيكيت و المناسبات يوضح لهم ان دى مش تقاليدنا و انا صدقت ......... بس بعد ما شفت الصور دى - و شفتها امس فى العاشره مساءا ...... اكتشفت قد ايه الست دى كانت و مازالت حنينه قوى قوى

يا شيخه !! بقى "منى الشاذلى" أثارت معاها الموضوع العجيب ده !!
أصلى فاكره إنّى شفت "منى" و هى تتلقّى قُبله من "محمد حسنين هيكل" فى حفل أقامته الجامعه الأمريكيه و "منى" كما هو معروف من خرّيجيها .. الموضوع ده لم يعنينى بصراحه بس افتكرته و استغربت جدّا أمّا قرأت حكاية تساؤلها عن قُبلة "كارتر" ل "جيهان السادات" !!

 

 

[hoppa]

مامته يا جماعة تفهموش غلط

يمكن و الله اعلم كانت بتاخد بالها من التصرف دا زمان و حاطة فى دماغها انها مخالف لتقاليدنا لكن دولقتى و مع طول عيشتها فى امريكا بقى الموضوع عادى عندها و معدتش تهتم

 

 

[أمة العزيز]

على فكرة فيه ناس في الارياف الموضوع ده بالنسبالها عادي ..
وستات تلاقيهم بيهجموا على رجالة ومن سن مقارب مش من سن اولادهم حتى ...

فمش جت على دول يعني ..

انا بصراحة اللي لفت نظري مش القبل .. الكعك اللي اتوزع

ده زي القرص عندنا كده يعني

 

 

[nohope]

يعنى عايزين جيهان بعد العز واكل الوز واللى مازالت فيه بسبب المرحوم وفى الاخر توزع عليه قرص دا يبقى ماتمرش فيها اللى عملته فى مصر ايامها ومصروفها اللى كانت بتاخده منه واشترت بيه المزرعة اللى فى امريكا

 

 

[Farida]

انا ما استغربتش انها باست جمال ............ده زى ولاد ولادها اللى استغربيته انها باست الجنود القدامى كمان

 

 

[Farida]

اقتباس المشاركة الأصلية كتبت بواسطة فــيــروز يا شيخه !! بقى "منى الشاذلى" أثارت معاها الموضوع العجيب ده !! !!

اه و الله حصل ...وانا وقتها قلت الست معاها حق .حتى انا فاكره انها ردت عليها و قالت لها يعنى كنتى عايزانى لما الاقيه بيبوسنى فجأة اروح مثلا ضارباه بالقلم -زى ما متعودين - علشان يعجب الناس ..................

اقتباس أصلى فاكره إنّى شفت "منى" و هى تتلقّى قُبله من "محمد حسنين هيكل" فى حفل أقامته الجامعه الأمريكيه و "منى" كما هو معروف من خرّيجيها .. الموضوع ده لم يعنينى بصراحه بس افتكرته و استغربت جدّا أمّا قرأت حكاية تساؤلها عن قُبلة "كارتر" ل "جيهان السادات"

بجد ........منى الشاذلى ............طيب .............عموما محمد حسنين هيكل برضه راجل كباره وزى ابوها الحاج الشاذلى

 

 

[حشيش]

طبعاً تقبيل جيهان لجمال مبارك لوجود الكاميرات والمجاملة فقط نظراً لحضوره ذكرى إستشهاد السادات لكن بالتأكيد مش من القلب

 

 

[Prof]

اقتباس المشاركة الأصلية كتبت بواسطة فــيــروز يا شيخه !! بقى "منى الشاذلى" أثارت معاها الموضوع العجيب ده !! أصلى فاكره إنّى شفت "منى" و هى تتلقّى قُبله من "محمد حسنين هيكل" فى حفل أقامته الجامعه الأمريكيه و "منى" كما هو معروف من خرّيجيها .. الموضوع ده لم يعنينى بصراحه بس افتكرته و استغربت جدّا أمّا قرأت حكاية تساؤلها عن قُبلة "كارتر" ل "جيهان السادات" !!

ماهو يا فيروز بيكون فيه شغل قبل التصوير ما بين الضيف وبين فريق الإعداد وين المذيع.. عشان الحلقة تتطلع لطيفة واللي عايز "يتصيت" يتصيت" واللي عايز يعالج مشكلة ما يعالجها وكده يعني.. ده عرف متبع ومعروف.. عادي.
يختلف عن كده نوعاً ما نوع آخر من البرامج "الافتراسية".. زي بتاع طوني كده مثلاً.

 

 

[فــيــروز]

اقتباس المشاركة الأصلية كتبت بواسطة Prof ماهو يا فيروز بيكون فيه شغل قبل التصوير ما بين الضيف وبين فريق الإعداد وين المذيع.. عشان الحلقة تتطلع لطيفة واللي عايز "يتصيت" يتصيت" واللي عايز يعالج مشكلة ما يعالجها وكده يعني.. ده عرف متبع ومعروف.. عادي. يختلف عن كده نوعاً ما نوع آخر من البرامج "الافتراسية".. زي بتاع طوني كده مثلاً.

ما هى المشكله بتبقى فى المشاهد اللىّ زيّى اللىّ يستغرب سؤال زى ده من مذيعه مرّت بموقف تقريبا طبق الأصل من الموقف الذى تتظاهر بانتقاده (ده باعتبار إنّها متفقه مع الضيفه على السؤال لإعطائها فرصه مثلا لتوضيح الموضوع بعد مرور سنوات طويله جدّا عليه !)