كندا يا كندا و انا نفسى اروح لكندا

[alaashabana]

الصحف المصرية والعربية

اقتباس المشاركة الأصلية كتبت بواسطة محمد حسين و الحمد لله أستلمت الباسبور بعد 22 يوم من الولاده :) للأسف لما عملت حسابات الأجازه كان فى ناس هنا بتقول بعد أسبوع حيبقى معاك الباسبور و أنا أكتشفت ان الموضوع دا مش صح . بس الحمد لله عموما :) الى باقيلى أنى أقولكو على مغامرات السواقه :) و بكده أكون قلت كل حاجه عندى :)

انا قلبى وقف يا بشمهندس واعصابى سابت

ربنا يوفقك يارب ويكرمك

 

 

[محمد حسين]

اقتباس المشاركة الأصلية كتبت بواسطة alaashabana انا قلبى وقف يا بشمهندس واعصابى سابت ربنا يوفقك يارب ويكرمك

الله يخليك و يوفقنا كلنا :)

 

 

[محمد حسين]

الزياره بتاعة الولاده كان صعب أنى أبقى ساكن فى فنادق عشان المده كبيره و الاسعار عاليه ففى حل تانى للى عايز حاجه لأرخص و فى أحوال كتيره أحسن أسمها Airbnb.com
و دا موقع يتحجز من عليه شقه مفروشه و مجهزة بمطبخ و كل حاجه و أسعاره أحسن بكتير من الفنادق
انا قلت هى فرصه كمان ليا أتعرف على مونتريال و جربت 3 شقق فى 3 مناطق مختلفه
Notre-Dame-de-Grâce / Côte-des-Neiges / Rosemont
بس يعتبروا كلهم قريبين من الداون تاون
الأماكن اللى حسيت أنها كويسه و أسعارها ظريفه للأستقرار ان شاء الله brossard - Laval ( على ما أظن 850- تجيب كوندو كويس )
و كمان point claire / west island بس الأسعار هناك أغلى شويه (تقريبا تبدأ من 1100 الكوندو ال 4-1/2 )
بس الاسعار الأعلى بتاخد قصادها مدارس أحسن و الله أعلم بس دا اللى أعرفه لسه مجربتش :)

 

 

[محمد حسين]

بالنسبه للسواقه

المهاجر الجديد ليه 6 شهور يسوق برخصه من خارج كندا - من الأفضل ترجمتها من قبل ما تيجى -
فأنا قلت الدنيا شتاء و معايا أولاد و مراتى حامل فقلت أأجر عربيه الفتره اللى حبقى فيها هناك
أجرت فعلا من على ال internet من priceline.com و مره تانيه من kayak.com و الشركه كان أسمها E-Z car rental و دى سيئه جدا و الشركة التانيه discount و دى أحسن كتير .
التأمين على المواقع دى بيبقى 11 دولار لليوم
فى مكاتب التأجير بيتضايقو لو لاقوك شارى التأمين دا و بيقولك ملوش لازمه
لو حتشترى تأمين من عندهم حتدفع من 25-35 دولار فى اليوم
انا وصلت 26-10 الساعه 3 الظهر كنت فى البيت بالعربيه
طلعت الشنط و الاولاد و كل حاجه و طبعا نمت محتش بنفسى غير على الفجر
نزلت أشوف ركنة العربيه ايه أخبارها مكان صح و كده ولا أغيرها
لاقيت تيكيت غرامه ب 53 دولار
رغم ان العلامة كانت بتقول من الاتنين للجمعه متركنش من الساعه 10-11:30 و الساعه كانت لسه 5 الصبح
المهم خدت العربيه و غيرت مكانها و قلت لما اصحى اشوف الموضوع دا
صحيت من النوم و أخدت الاولاد و مراتى و نزلنا
لقيت تيكيت تانى ب 53 دولار
قعدت أقرأ التيكيتس و أحاول أفهم ايه اللى هببته
طلع أن انا راكن فى منطقه مخصصه للسكان فقط و لازم أروح المرور عشان أخد ستيكر يقول ان انا من السكان
رحت المرور يومها قلت مش حبات تانى كده :)
قعدت الف ساعه بال GPS فى الاخر كلمتهم قالولى متجيش طالما مش ساكن بشكل دائم
قلتلهم يعنى اركن فى اشارع و كل يوم 53 دولار
قالىلى على الموقع حتلاقى اماكن شوارع ممكن تركن فيها فأوقات معينه لو مش من اهل المنطقه و تفضل تنطط العربيه عشان متاخدش تيكيت
المهم قفلت معاهم و قعدت ألف فى الشوارع و أسأل الناس حوالين البيت لحد ما ربنا سهل و لقيت أنى 10 دقايق مشى من جامعة مونتريال
و لقيت الباركينج ب 17 دولار فى اليوم فحمدت ربنا و ركنت هناك كل يوم و قلت المره الجايه لما أحجز شقه أركز يبقى فى جراج
تانى يوم بقى و انا مع مراتى و الولاد نازلين بالعربيه وقفنى ظابط و ركنت و بعدين جالى قالى انت دوست على خط مش مقطع فى الطريق و اولادك ورا مش لابسين seat belt قلتله انا لسه جى و الله يا عمو و سماح المره دى
قالى و كمان لسه جى طب ورينى الرخصه
فأديتله الرخصه السعودى عشان مكتوب فيها بالأنجليزى و مكانش معايا الترجمه للرخصه المصرى
أخدهم و رجع عربيته و قعد ربع ساعه كده و جالى قالى انا سامحتك على ال seat belt عشان لسه جديد
بس مش حسامحك على الرخصه عشان مش فاهم حاجه فيها فقلتله ماشى و أدانى 2 تيكيت
فمشيت و قلت الحمد لله انه مادانيش تيكيت على ال seat belt
بعد ممشيت ببص لقيت ان تيكيت الرخصه ب 480 $ و تيكيت تعدية الخط المتصل 63 دولار
طبعا انا حاسس انى كان لازم اتكلم معاه و كده و اقوله مهى مكتوبه بالانجليزى أهى و كده بس مع الخضه معملتش حاجه , أهو الواخد بياخد خبره
المهم الورقه فيها مكان لو عايز تعترض و متدفعش و تدخل محاكمه بس للأسف مكنتش عارف انى حطول و قلت انا ماشى بعد 3 أسابيع و لو طلبت محاكمه و مكنتش فى البلد ساعتها و مش دافع أكيد حيبهدلونى
و بعدين دخلت على النت و دفعت الغرامات بال credit card
بعدين و انا ماشى على الطريق high way معرفش ايه وقع على العربيه من فوق حاجه رفيعه جدا جدا عملت خدش فى الزجاج الأمامى .
المهم قلت حكلم التأمين و نسيت خالص
بعدها ربنا سترها معايا لحد ما سلمت العربيه و الراجل بيستلمها أخدتنى الأمانه :) و أفتكرت الزجاج الامامى و قلت للراجل عليه عشان ياخد فلوسه من التأمين قالى التأمين دا انا معرفوش انا أدفعك و اتصرف انت معاهم
الحمد لله دفعت 650 $ تغيير زجاج أمامى دا غير 150 $ عشان عجلة العربيه اللى قدام يمين متعورة من الركنة جمب الرصيف ( فيها قطع لا يرى بالعين المجرده )
و بعت للتأمين و بعتولى ورق ال claim و حعمل سكان للتقرير بتاع شركة التأجير و أبعتهلهم لسه معرفش حيحصل أيه . ربنا يستر :)
أخر حاجه بقى عشان انا جالى أحساس ان انا خلاص كده بقيت جامد و عارف كل حاجه فلازم يحصلى حاجه فى ساعتها تحسسنى أنى ولا أعرف أى حاجه :)
تالت مكان أجرت فيه اللى هو Rosemont الحمد لله كنت بركن العربيه بليل فى شارع واضح و صريح أنى أركن فيه أى وقت , أتعميت و مشفتش ال fire hydrant و ركنت فى وشها
الصبح الحمد لله لقيت التيكيت الظريف أبو 63 دولار عشان مسبتش مسافه اكتر من 5 متر بيتى و بين الهايدرنت .
و يا رب يبقى خلاص كده لحد ممشى يوم السبت أن شاء الله :)
كان فى كام يوم فى النص مش مأجر فيهم عربيه و نزلت أخلص مشاوير لوحدى . المواصلات ظريفه جدا جدا و الله بس المشكله كلها فى الأولاد . اللى معوش أولاد أشجعه يقضيها مواصلات .

 

 

[HanyMan]

علي ما اظن ده تاني لاندنج ولا هو هو نفس اللاندنج ، مش فاهم

ربنا يسترها معاكم وتوصلوا بالسلامه
posted via mobile device

 

 

[محمد حسين]

اقتباس المشاركة الأصلية كتبت بواسطة HanyMan علي ما اظن ده تاني لاندنج ولا هو هو نفس اللاندنج ، مش فاهم ربنا يسترها معاكم وتوصلوا بالسلامه posted via mobile device

هو أنا عملت لاندينج فى شهر 8 و بعدين رجعت و سافرت تانى فى أخر شهر 10 عشان الولاده
تقدر تقول تانى لاندينج :)
معلش يمكن انا مرتبتش الكلام كويس
الله يسلمك :)

 

 

[Dr.Menoo]

اقتباس المشاركة الأصلية كتبت بواسطة محمد حسين هو أنا عملت لاندينج فى شهر 8 و بعدين رجعت و سافرت تانى فى أخر شهر 10 عشان الولاده تقدر تقول تانى لاندينج :) معلش يمكن انا مرتبتش الكلام كويس الله يسلمك :)

.احلي حاجة في كتابتك انك مهندس بتسرد بسرعه وبتجيب الخلاصه ومن الاخر
تحياتي
Good luck
posted via mobile device

 

 

[alaashabana]

اقتباس المشاركة الأصلية كتبت بواسطة محمد حسين بالنسبه للسواقه المهاجر الجديد ليه 6 شهور يسوق برخصه من خارج كندا - من الأفضل ترجمتها من قبل ما تيجى - فأنا قلت الدنيا شتاء و معايا أولاد و مراتى حامل فقلت أأجر عربيه الفتره اللى حبقى فيها هناك أجرت فعلا من على ال internet من priceline.com و مره تانيه من kayak.com و الشركه كان أسمها E-Z car rental و دى سيئه جدا و الشركة التانيه discount و دى أحسن كتير . التأمين على المواقع دى بيبقى 11 دولار لليوم فى مكاتب التأجير بيتضايقو لو لاقوك شارى التأمين دا و بيقولك ملوش لازمه لو حتشترى تأمين من عندهم حتدفع من 25-35 دولار فى اليوم انا وصلت 26-10 الساعه 3 الظهر كنت فى البيت بالعربيه طلعت الشنط و الاولاد و كل حاجه و طبعا نمت محتش بنفسى غير على الفجر نزلت أشوف ركنة العربيه ايه أخبارها مكان صح و كده ولا أغيرها لاقيت تيكيت غرامه ب 53 دولار رغم ان العلامة كانت بتقول من الاتنين للجمعه متركنش من الساعه 10-11:30 و الساعه كانت لسه 5 الصبح المهم خدت العربيه و غيرت مكانها و قلت لما اصحى اشوف الموضوع دا صحيت من النوم و أخدت الاولاد و مراتى و نزلنا لقيت تيكيت تانى ب 53 دولار قعدت أقرأ التيكيتس و أحاول أفهم ايه اللى هببته طلع أن انا راكن فى منطقه مخصصه للسكان فقط و لازم أروح المرور عشان أخد ستيكر يقول ان انا من السكان رحت المرور يومها قلت مش حبات تانى كده :) قعدت الف ساعه بال GPS فى الاخر كلمتهم قالولى متجيش طالما مش ساكن بشكل دائم قلتلهم يعنى اركن فى اشارع و كل يوم 53 دولار قالىلى على الموقع حتلاقى اماكن شوارع ممكن تركن فيها فأوقات معينه لو مش من اهل المنطقه و تفضل تنطط العربيه عشان متاخدش تيكيت المهم قفلت معاهم و قعدت ألف فى الشوارع و أسأل الناس حوالين البيت لحد ما ربنا سهل و لقيت أنى 10 دقايق مشى من جامعة مونتريال و لقيت الباركينج ب 17 دولار فى اليوم فحمدت ربنا و ركنت هناك كل يوم و قلت المره الجايه لما أحجز شقه أركز يبقى فى جراج تانى يوم بقى و انا مع مراتى و الولاد نازلين بالعربيه وقفنى ظابط و ركنت و بعدين جالى قالى انت دوست على خط مش مقطع فى الطريق و اولادك ورا مش لابسين seat belt قلتله انا لسه جى و الله يا عمو و سماح المره دى قالى و كمان لسه جى طب ورينى الرخصه فأديتله الرخصه السعودى عشان مكتوب فيها بالأنجليزى و مكانش معايا الترجمه للرخصه المصرى أخدهم و رجع عربيته و قعد ربع ساعه كده و جالى قالى انا سامحتك على ال seat belt عشان لسه جديد بس مش حسامحك على الرخصه عشان مش فاهم حاجه فيها فقلتله ماشى و أدانى 2 تيكيت فمشيت و قلت الحمد لله انه مادانيش تيكيت على ال seat belt بعد ممشيت ببص لقيت ان تيكيت الرخصه ب 480 $ و تيكيت تعدية الخط المتصل 63 دولار طبعا انا حاسس انى كان لازم اتكلم معاه و كده و اقوله مهى مكتوبه بالانجليزى أهى و كده بس مع الخضه معملتش حاجه , أهو الواخد بياخد خبره المهم الورقه فيها مكان لو عايز تعترض و متدفعش و تدخل محاكمه بس للأسف مكنتش عارف انى حطول و قلت انا ماشى بعد 3 أسابيع و لو طلبت محاكمه و مكنتش فى البلد ساعتها و مش دافع أكيد حيبهدلونى و بعدين دخلت على النت و دفعت الغرامات بال credit card بعدين و انا ماشى على الطريق high way معرفش ايه وقع على العربيه من فوق حاجه رفيعه جدا جدا عملت خدش فى الزجاج الأمامى . المهم قلت حكلم التأمين و نسيت خالص بعدها ربنا سترها معايا لحد ما سلمت العربيه و الراجل بيستلمها أخدتنى الأمانه :) و أفتكرت الزجاج الامامى و قلت للراجل عليه عشان ياخد فلوسه من التأمين قالى التأمين دا انا معرفوش انا أدفعك و اتصرف انت معاهم الحمد لله دفعت 650 $ تغيير زجاج أمامى دا غير 150 $ عشان عجلة العربيه اللى قدام يمين متعورة من الركنة جمب الرصيف ( فيها قطع لا يرى بالعين المجرده ) و بعت للتأمين و بعتولى ورق ال claim و حعمل سكان للتقرير بتاع شركة التأجير و أبعتهلهم لسه معرفش حيحصل أيه . ربنا يستر :) أخر حاجه بقى عشان انا جالى أحساس ان انا خلاص كده بقيت جامد و عارف كل حاجه فلازم يحصلى حاجه فى ساعتها تحسسنى أنى ولا أعرف أى حاجه :) تالت مكان أجرت فيه اللى هو Rosemont الحمد لله كنت بركن العربيه بليل فى شارع واضح و صريح أنى أركن فيه أى وقت , أتعميت و مشفتش ال fire hydrant و ركنت فى وشها الصبح الحمد لله لقيت التيكيت الظريف أبو 63 دولار عشان مسبتش مسافه اكتر من 5 متر بيتى و بين الهايدرنت . و يا رب يبقى خلاص كده لحد ممشى يوم السبت أن شاء الله :) كان فى كام يوم فى النص مش مأجر فيهم عربيه و نزلت أخلص مشاوير لوحدى . المواصلات ظريفه جدا جدا و الله بس المشكله كلها فى الأولاد . اللى معوش أولاد أشجعه يقضيها مواصلات .

كدة انا عرفت فلوسك خلصت بسرعه ليه

انت دفعت تامين ومخالفات بثمن عربيه مستعمله

معلش كلها خبرات بردو بتستفاد منها واحنا كمان بنستفاد - ربنا يكرمك ويوفقك للخير

تحياتى

 

 

[Mohamed Rashwan]

حمد الله على السلامة يا هندسة..
شكراً على السرد الجميل. تقريباً احنا اتكلمنا فى التليفون فى اسكندرية قبل كده. أنا سبقتك فى اللاندنج. كنت هناك فى مايو 2014 وسعيد انى أشوف معلومات جديدة لأنى برضه رجعت الخليج زيك.
مبروك على القادم الجديد وأول باسبور
فى انتظار باقى انطباعاتك عن البلد. بتساعدنا كتير فى التفكير.

سلام.

 

 

[محمد حسين]

اقتباس المشاركة الأصلية كتبت بواسطة Dr.Menoo .احلي حاجة في كتابتك انك مهندس بتسرد بسرعه وبتجيب الخلاصه ومن الاخر تحياتي Good luck posted via mobile device

هههه الله يخليك :) انا و الله بحاول أقول كل حاجه قبل ما أنسى بس :)