رحلتى الى كندا ................ وامريكا!!!!!!!!!

[تاتا]

الصحف المصرية والعربية

بسم الله الرحمن الرحيم
اخوانى الاعزاء اخيرا جاء دورى لاقص عليكم رحلة اللاندنج والاستقرار فى الجميلة كندا لندن اوناريو
اولا
يجب ان احيطكم عالما بالدافع من وراء هذة الهجرة والافاضل الاجلاء والاصدقاء الطيبين اللذين كانو السبب فى اتخاذى مثل هذا القرار الكبير.
الدفع مثلى كمثل الاخرين من المهاجرين هو تعليييييييييييييييييييم الاولاد ومحاولة ضمان مستقبل مشرق لهم بحول اللة فى بلد التعليم والصحة والجمال وحقوق الانسان.
دافع شخصى اخر هو ضمان تامين صحى لى ولاسرتى لضمان رعاية صحية عافانا اللة جميعا شر البلايا والامراض, واخيرا دافع البحث عن حياة اكثر اشراقا وسعادة فى بلاد تمتاز بجمال البيئئة والخضرة الوافرة وحسن معشر اهلها من جميع الطوائف والاعراق والاديان والذين يحكمهم جميعا مبادئ حقوق الانسان والذوق فى التعامل وبشاشة الوجة ويسر التعامل والرغبة فى مساغدة الاخرين عن طيب خاطر.
كل تلك الدوافع مع الوضع فى الاعتبار ان كندا ليست كبلاد الخليج وان تكاليف الحياة فى كندا هى ثلاث اضعاف التكاليف فى دول الخليج مع علمى بصعوبة ايجاد فرصة عمل واحتمالية ان اقبل بعمل اقل من .حدود امكانياتى العلمية والعملية ذلك ان وجد مثل هذا العمل .......................... وهى قصة اخرى.
لا اريد ان اطيل عليكم ولكنى اجدنى مدين بالشكر لكل من لواء متقاعد/ عبد الرجمن الزفتاوى-صديقى الكندى/ محمد رشاد-عمدة مدينة لندن الدكتور/ محمد الشامى واخيرا وليس اخرا الاستاذ /الحو استراليا الذى كان بمثابة اخو لي فى لندن وقام هو واسرتة الكريمة بمساعدتنا فى الاستقرار فى لندن والوقوف معنا وكانو لنا مثل الاهل فلم نشعر بالغربة فى لندن ابدا فى وجودهم حولنا وقد غمرونا بكرمهم الوافر اثابهم اللةعنا كل خير واللهم احفظهم يا رب وذللل لهم العقبات واشملهم بلطفك ورعايتك امييين
ولكل من هؤلاء قصة ساعرضها على حضراتكم لاحقا
ؤاخرا طبعا جميع الاصدقاء والزملاء فى منتدى المطاريد والمحاورات وبعد
وجدتنى انا واسرتى على الطريق العام نسير فى الارض تحت طحين الشمس الملتهبة حاملين حقائبنا السبع متجهين الى مطار الرياض للسفر الى مصر لقضاء عيد الفطر ثم التوجة مباشرة الى كندا عبر لندون هيثرو
حجزت الرحلة على اكسبديا مبكرا كما نصح الاصدقاء وكان سعر خمس تذاكر 4484.50 دولاروهو سعر ممتازجدا ولللللللللللللللللنللاسف اضررت لتغير موعد الرحلة قبل السفر وذذذذذذذذذذذذلك كلفنى 1300 دولار كان يمكن توفيرهم (تاكد من موعد سفرك جيدا قبل الحجز)
وطلعنا من مطار القاهرة على البى ام اى اربع ساعات لطيفة الى هيثيرو (البايخ) وانتظرنا فية حولى 9 ساعات مملة ومؤلمة ( انا مدخننننننننننن) وعرفت بعدين انة كان بامكانى اخذ فيزا ترنست 24 ساعة مجانا لو اردت ذلك لاستنشاق بعض الهواء (والنيكوتيييييين )ولكنى لم اخرج وانتظرنا فى المطار الذى كان فى حالة سبات عميق حيث كانت الياغة 11 مساء ثم انتقلنا الى تيرمينل1 واخدنا طيارة اير كندا الساغة8.30 ص الى تورنتو بيرسون 8ساعات ووصلنا الساعة 11.30 ص!!!!! وكانت الرحلة غاية فى الجمال والراحة ولم نشعر بمرور الوقت لجودة الخدمة ولطف المسافرين والطاقم
لا اخفى عليكم مدى رعبى من تلك الرحلة فانتم تستطيعون تخيل موقف مهاجر مع اسرتة الى تلك البلاد البعيدة علما بانى لم اذهب ابعد من السعودية وهى بلدى الثانى ولا اشعر فيها بالغربة فهى ارض طيبة وحبيبة الى قلبى هى وشعبها الكريم النبيل.
ثم توالت المفاجاءات فى مطار بيرسون الدولى...................................يتبع

 

[ehabtaher]

الحمدلله على سلامتك والاولاد
ومتابعين كل شارده ووارده
هييييييييييييييييييييييه
من زمان محدش كتب عن اللاندنج
ده حتى العمده شكله نسى علشان كده بيقرا معانا ويفتكر الذكريات

 

 

[م/ غريب]

حمد الله ع السلامه يا دكتور تامر ... يارب تكون كل اموركم بخير .. ومش غريب على اخونا حاتم الحو كرم الاخلاق والصدق ...
نتمنى من الله ان يوفقكم جميعا ... وياريت تنقلنا الصورة الواقعيه لمدينة لندن ( جميلة الجميلات ) وتذكر لنا السلبيات والايجابيات ... ولك جزيل الشكر ..

متابعين باهتمام يا دكتور ..

 

 

[medopharm]

الف حمد الله ع السلامه يافندم
وربنا يذلل لكم كل صعب
ومنتظرين بشغف سرد باقى الاحداث
مع خالص احترامى

 

 

[astrophy]

حمدلله على السلامه يادكتور ربنا يوفقك فى مشوارك وبامر الله قرار صائب مائه بالمائه

 

 

[Ahmed Osman]

حمدا لله على السلامة
آنا زي المهندس غريب من المهتمين جدا بمدينة لندن
متابع في الصفوف الاولى

 

 

[yasovinas]

انا كل مرة ابص على موضوع من مواضيع الهجرة الاقي المشاركات فيه كتيرة جدا فاقول مش هينفع اتابع الموضوع من نصفة
لكن والحمد لله اهي الفرصة جائت لي اني اتابع الحكاية من اولها يمكن
بقول يييمككن افكر في الموضوع انا كمان ليه لاء
منتظر باقي الحكاية والمشوار

 

 

[أكسيلانس]

دكتور تامر ,,, نورت الجبل يا فندم ,, أحنا كنا في أنتظارك هنا من يوم ما وصلت الحمد لله أنك ليسه فاكرنا ,, فيك الخير
أنا حاجز أول كرسي جنب أخونا غريب بحكم أنه من أهل مدينه لندن أونتاريو ( مستقبلا) ,, أرجو أن تعدل في ذكرك للاحداث فلا تترك سلبي أو أيجابي الا و تشير أليه
مع خالص التحيه لاخونا ساكني لندن أونتاريو أخونا الكبير د/ شامي و زميلنا العزيز الاستاذ حاتم ,, ربنا يوفقكم جميعا و يجمعنا علي خير
الميكرفون معاك يا فندم - و الله أنا كنت مخلص مكتبي حالا - و الساعه هنا الحاديه عشر مساء ,, لكن هطلب واحد قهوه مضبوط سكر بره و قاعد معاك للصبح ,,, قول يا سيدي

 

 

[أكسيلانس]

عدد الذين شاهدوا هذا الموضوع : 13 3omda To, م/ غريب, Ahmed Osman, astrophy, تاتا, ehabtaher, medopharm, midomansour, Prof, yasovinas, نورالهدى, ضبش, قمر
واضح أني مش لوحدي - الجبل كله سهران الليله دي

 

 

[ehabtaher]

اقتباس المشاركة الأصلية كتبت بواسطة yasovinas انا كل مرة ابص على موضوع من مواضيع الهجرة الاقي المشاركات فيه كتيرة جدا فاقول مش هينفع اتابع الموضوع من نصفة لكن والحمد لله اهي الفرصة جائت لي اني اتابع الحكاية من اولها يمكن بقول يييمككن افكر في الموضوع انا كمان ليه لاء منتظر باقي الحكاية والمشوار

تابع اى موضوع من اوله
لسه قدامك بتاع 20 شهر على ما موضوع الهجره يتم ان شاء الله
ساعتها تكون قرات موضوعين كده والا حاجه