فــتــوى تزغيط الـبـط ... حلال .. حلال ...... !!!!!

[hoppa]

الصحف المصرية والعربية

اقتباس المشاركة الأصلية كتبت بواسطة brain نفس النقطه اللي عاوز اوصلها يا هبه من الذي يجزم بان هذا هو لصالح الحيوان او ضده ؟ ليس انا ولا انتي ولا السيد عالم الدين المبجل فقط المتخصص في علوم الحيوان هو من يستطيع ان يجزم -فقط بعلمه و ليس بشخصيته ولا اخلاقه ولا سلوكه - بتأثير هذا على الحيوان او عدم تأثيره و بالمثل في باقي نواحي الحياه اذا كان الانسان مصاب بامراض نفسيه فالعالم النفسي هو الوحيد الذي يمكن ان يفيد في هذه الحاله و بالمثل في حالات الاقتصاد و الاجتماع و الطب و السياسه و غيرها من نواحي الحياه يبقى توجيه السؤال من الاساس لعالم دين يعتبر اقحام رجال الدين في ما ليس لهم شان به هذا هو ما اثار اهتمامي في هذا الموضوع

انا بصراحة مفهمتش اعتراضك على ايه
صاحب السؤال لم يكن سؤاله انه هل ده يؤذى الحيوان ام لا بل قال ما معناه ان ده ربما يؤذى الحيوان فكان سؤاله انه هل لو يؤذى الحيوان و يضره يكون حلال ام حرام لاحظ هنا انه مقادر الاذية المحتمل ضئيل عشان كدة ممكن نقول عادى انه حلال ...و ايه يعنى لما نزغطه بطة و نحشر الأكل فى بقها<< البعض ممكن يقول كدة افتراضا مجرد افتراض

اقتباس اما النقطه التي ارد ان ارد عليها هي عدم وجود اخلاقيات احترام الحيوان عندنا مع كامل احترامي لك هذا الامر غير صحيح فلو لم يكن عندنا اخلاقيات احترام الحيوان - و هو غير صحيح فهذا الامر في تكوين الناس1 - و لكن على الاقل لان هذا الحيوان هو مصدر رزق لملايين البشر فيكونوا مضطرين الى الحفاظ عليه 2من باب المصلحه على الاقل

1 خلق الرحمة و الرفق و اللين مع الضعيف فى حد ذاته الانسان مفطور عليه لكن خد عندك نتيجة للظروف الاقتصادية و الجهل و اسباب اخرى كثير لو جيت قلت لواحد حالته ضنك الرفق بالحيوان و مش عارف ايه حيقولك الانسان اولى
و بصراحة بقى اغلب المنادين بالرفق بالحيوانات مثل الست برجيديت باردو(مش فاكرة السبلنج بتاع الاسم) من المرفهين المنعمين ولو قلت لواحد فقير انه فيه ناس بتحمم الكلاب وبتوديها فنادق و منتجعات خاصة بها سترى منه العجب العجاب من السخط و الغضب
2 هو مش حكاية الحفاظ على حياته فقط انما حسن رعايته و معاملته ....البعض يعتقد انه لانه ربنا سخر له الحيوانات انه يقدر يعمل فيها ما يشاء و لانها لا تنطق و لا تشتكى فيتمادى احيانا فى سوء معاملتها وهولا يدرى انه بيكتسب ذنوب لانه طالما امتلك حيوان يبقى دى رعية فى رقبته و مسؤل عنها

الشك مجرد الشك انه انسان ممكن يكون بيعمل حاجة بسيطة جدا لكنها تكتب عليه ذنوب و هو لا يدرى ده فى حد ذاته خطير شوف ده مهما صغر هذا الفعل و الواحد شاكك يبقى لازم يطمن لان الاثم هو ما حاك فى الصدر يعنى الواحد شعر بينه و بين نفسه انه ممكن يكون بياخد عليه ذنب

 

 

[Farida]

اهو فى موضوع البرص فيه ناس ارسلت تستفتى فى قتل البرص طيب ده كلام و النبى ...........ولا قتل النمل و الصراصير مثلا .............مش عارفه .........
ولا امس فى برنامج للطبيخ دكتورة التغذيه اللى عايزة كله مسلوق فى مسلوق وبلاش سكريات و تحمير و الكلا م ده فى رمضان افتت حضرتها بان الرسول عليه الصلاة و السلام حرم نقع اكتر من نوع تمر مع بعض راحت المذيعه قالت لها تقصدى الخشاف يعنى قالت لها ايوه حرام حرام يا جماعه ...............طيب ايه رايكم انا حاكل الخشاف يعنى حأكله و مش حأعمل بالفتوى دى ايه رايكم بقه ..............

 

 

[ابتسامــة]

اقتباس المشاركة الأصلية كتبت بواسطة Farida ولا امس فى برنامج للطبيخ دكتورة التغذيه اللى عايزة كله مسلوق فى مسلوق وبلاش سكريات و تحمير و الكلا م ده فى رمضان افتت حضرتها بان الرسول عليه الصلاة و السلام حرم نقع اكتر من نوع تمر مع بعض راحت المذيعه قالت لها تقصدى الخشاف يعنى قالت لها ايوه حرام حرام يا جماعه ...............طيب ايه رايكم انا حاكل الخشاف يعنى حأكله و مش حأعمل بالفتوى دى ايه رايكم بقه ..............

لأ لأ لأ
كلوو إلا الخشاف
أنا لازم آكل خشاف كل يوم في رمضان

بجد زادت عن حدها الظاهرة دي بأه، وأهي الست دكتورة في التغذية
وأعطت فتوى على الهوا كمان ، مكنش ممكن تكتفي بإنها تسرد معلومة علمية؟!
لازم تقول الرسول قال والخشاف حرام مع إن الرسول في الأكل بالذات لم يحرم
إلا ما حرمه الله في محكم كتابه، وكان الأكل الذي لا يستسيغه لا يعيبه إنما يتركه
ويسكت عنه الست الدكتورة دي جابت كلامها ده منين؟!

 

 

[ابتسامــة]

صحيح ...
الخشاف مش أكتر من نوع بلح مع بعض
الخشاف بلح وتين ومشمش وقراصيا ومكسرات وزبيب
يبقى حلال

استغفر الله العظيم بس
مش بحب الهزار أو السخرية في المواضيع الدينية
بس فعلا بعض ما جاء هنا يخرج الحليم عن طوره

 

 

[kokomen]

طيب بالمناسبة دي .... سؤال محيرني من زمان بس مش قادر أسأله وهو ....


يعني أيه كلمة ( خشاف ) ....؟؟؟ وأصلها وفصلها أيه ....؟؟؟


معلش لو فيها خروج بسيط عن الموضوع ... سامحوني ...

 

 

[Farida]

اقتباس المشاركة الأصلية كتبت بواسطة kokomen طيب بالمناسبة دي .... سؤال محيرني من زمان بس مش قادر أسأله وهو .... يعني أيه كلمة ( خشاف ) ....؟؟؟ وأصلها وفصلها أيه ....؟؟؟ معلش لو فيها خروج بسيط عن الموضوع ... سامحوني ...

ممكن ترسل تستفتى فى الموضوع ده .......انا افتكرت الدكتورة قالت الرسول صلى الله عليه و سلم نهى عن اكل ما يعرف بالخشاف الأن ..........و الله بجد اتعكننت جدا ولو انى محرومة منه بس البنات بيحبوه جدا و خصوصا التين و المشميه و الزبيب معاهم يانهاااااااااااااااااااااااااااااااااار

 

 

[hoppa]

هى الدكتورة واخدة دكتوراه فيه بالضبط؟!
لا بجد حكاية الخشاف دى خارجة عن الحد
على حد علمى البلح مش بيتخمر و لا بيعمل كحول عشان نقول لاحسن يكون مسكر نقع اكثر من نوع مع بعض ..اكيد حديث ضعيف ... اذا كان حديث اصلا

 

 

[ابتسامــة]

اقتباس المشاركة الأصلية كتبت بواسطة kokomen طيب بالمناسبة دي .... سؤال محيرني من زمان بس مش قادر أسأله وهو .... يعني أيه كلمة ( خشاف ) ....؟؟؟ وأصلها وفصلها أيه ....؟؟؟ معلش لو فيها خروج بسيط عن الموضوع ... سامحوني ...

أعتقد إن كلمة خشاف دي أصلها مش عربي يمكن تركي

إنما خشَفَ الفعل يعني
و خشْف المصدر موجودين في اللغة العربية بس بمعنيين مختلفين

فيه حديث عن الرسول صلى الله عليه وسلم كان بيكلم فيه بلال رضي الله عنه
وبيسأله عما يفعله بالتحديد لأنه سمع "خشْف نعليك في الجنة"
وخشف هنا كانت بمعنى صوت احتكاك نعليه بالأرض.

وكنت قرأت في أحد كتب التراث جملة : "خشَفَ الماء" بمعنى بَرُدَ
يعني أصبح بارداً..