الإعداد لمقابلة كيبك والاسئلة الخاصه بالمقابله وتجارب الاعضاء الشخصية

[ReYYaN]

الصحف المصرية والعربية

اقتباس المشاركة الأصلية كتبت بواسطة safinoor لاء الحقيقة مش فاهمة يعنى انت كنت كل دة وعديت من الانترفيو؟؟؟؟؟؟؟؟ لو كدة يبقى ربنا يطمنك. و يبقى روح بخر نفسك علشان كدة انتا يتخاف عليك و ربنا يكملها معاك بالستر.

الحمد لله
مستر اكس مش ممكن يموت ابدا

اقتباس المشاركة الأصلية كتبت بواسطة ساكو الف مبرووك للنجحو .. بس انا ملاحظه ان محدش بيكتب تفاصيل مقابلته؟ ياريت اي شخص دخل وعنده المقدره ان يكتب مقابلته ياريت يكتبهه موفقين

والله كتبتها وموجودة فى التوبيك ده

 

 

[hamed75]

اقتباس المشاركة الأصلية كتبت بواسطة ReYYaN الله يبارك فيك بص والله محسبتهاش بس ممكن حضرتك تحسبها مهندس ميكانيكا اعزب 27.5 سنة 3 سنين خبرة تقريبا مستوى رابع فرنسى مستوى عاشر انجليزى ومعرفش هو ادانى كام فى اى حاجه

مليون مبرووووووووك يا ReYYaN
يلا بسرعة قدم ملف الفيدرال ، وبالتوفيق

 

 

[son of the king]

اقتباس المشاركة الأصلية كتبت بواسطة ReYYaN [SIZE=×4]المقابلة يوم الخميس 17/3/2011 القاهرة الساعة 11 و30 دقيقة مستشار الهجرة (سيمون فورست) ليلة المقابلة كانت ليلة عصيبة جدا معرفتش انام كويس وصحيت بالظبط ستة وتلت الصبح ومعرفتش انام تانى كنت عايز انزل بدرى عشان الحق اقابل الاستاذ (فريند)(معاده 8 ونص الصبح قبلى ) بعد ما يخرج عشان اعرف منه عمل ايه فى المقابلة ده بخلاف اى ملاحظات او تعليمات جديدة وصلت السفارة الساعة تسعة ونص وقمت داخل على الامن وقلتلة عندى مقابلة وطبعا لما عرف انها 11 ونص استأذنى انى ارجع الساعة 11 و عرفت منه انى لسه (فريند) مخرجش طبعا انا وقفت بعيد كده بعد السفارة عمال اراقب فى اللى خارج من السفارة لعله يكون منهم وتقريبا خمنت شاب خارج كده معاه ملف اوراق كبير فى ايده انه هو طبعا عرفت منه انه لم يوفق ورغم كده كان هادىء وقانع وراضى بالنصيب عرفت منه ايه اللى حصل معاه ونوع الاسئلة وسبب الرفض عرفت منه ايضا ان فى مترجمة ودورها فعال جدا فى تسهيل المقابلة عرفت ايضا منه طباع المستشار ونوعية اسئلته المهم وقفت معاه شويه وبعدها دخلت السفارة على 10 ونص وكان ساعتها معاد مقابلة (راجل وزوجته) جلست بره على الكراسى اراجع فى ورق التحضير بتاعى والساعة فى مواجهتى الساعة 11 وربع خرج الراجل وزوجته بملامح سعيدة وابتسامة ملأت وجههم الساعة 11 ونص تليفون لبتاع الامن يقوم يبصلى ويقولى اتفضل على غرفة 5 حانت لحظة المواجهة , المهم رسمت على وجهى ابتسامة خفيفة الغرض منها الايحاء بالهدوء والثقة بالنفس فتحت الباب ودخلت الغرفة مربعة عبارة عن جزئين بينهم فاصل زجاجى الجانب بتاعى فيه كرسيين فقط فى الجانب الاخر طبعا المستشار وجنبه المترجمة (اللى على طول بتضحك) سؤال (فرنسى): مسيو................................؟ اجابة (فرنسى): نعم سؤال (فرنسى): .................................................. .....................؟ كلام فرنساوى سريع وانا مفهمتش حرف يا نهار مش فايت من اولها كده بصتله بصة اللى بيستفسر قالى سؤال معرفش هل هو اعاده الاولانى ولا سؤال جديد سؤال(فرنسى):...................................... .............................؟ مفهمتش حاجه برده خلاص انا ضعت سؤال(فرنسى)(المرة دى بلهجه بطيئة جدا):حضرتك فاهم انا بقول ايه؟ اجابة (فرنسى):قليلا وارجو الملاحظة ان كل الاسئلة بالفرنسية تباعا بسرعة بطيئة وبكلام واضح سؤال (فرنسى) انت جاى منين؟ ايه السؤال الغريب ده اجابة(فرنسى): من البيت سؤال (فرنسى):انت ساكن فين؟ اجابة(فرنسى): فى القاهرة فى ............ المستشار(فرنسى):احنا هنا النهارده عشان نعمل تقييم لملفك بخصوص طلب الهجرة والاطلاع على اوراقك طبعا الكلمتين اللى فاتو فهمتهم بالشبه كده يعنى المستشار(فرنسى): عملت دراستك الجامعية فين؟ الاجابة(فرنسى) :فى جامعة ............. المستشار(فرنسى): دراستك الجامعية كانت كام سنه؟ الاجابة(فرنسى):.................... المستشار (فرنسى): بسبورك؟ اتفضل المستشار بيقلب فى البسبور وبيكرر الاسم وتاريخ الميلاد وشوية بيانات بصوت عالى شوية المستشار (فرنسى): شهادتك الجامعية اتفضل بيقرى اسم البكالريوس بصوت عالى وبيبص فى الشهاده وترتسم على وشه علامات الرضا لما يلاقى فى اخر الشهادة العبارة التالية (هذه البيانات موثقة على قاعدة بيانات جامعة (اسم الجامعة) تحت رقم (رقم ID بتاع الشهاده) ويمكن الرجوع اليها على الانترنت على العنوان التالى ) المستشار (فرنسى): بيان التقديرات والدرجات اتفضل المستشار لقى نفس العبارة السابقة موجوده اسفل الشهادتين بص فيهم سريعا وقام مرجعهم وهو بيشاولى بأيده بعلامة كده صح بعدها فتح فايل كبير عنده وقعد يقلب فيه مكررا اسم شهادتى لحد لما لقاه وتقريبا قصاد الشهاده رقم معين قام قعد يكرر الرقم ده وهو بيدخله على الجهاز قدامه المستشار (فرنسى) : انت بتشتغل فين؟ الاجابة (فرنسى): بشتغل فى شركة مقاولات؟ المستشار (فرنسى): بتشتغل ايه فى الشركة دى؟ الاجابة (فرنسى): بشتغل مهندس ميكانيكا المستشار (فرنسى): معاك شهادة خبرة ؟ اتفضل قعد يقرى فى شهاده الخبرة ومن الواضح انها لم تكن على المستوى من وجهة نظره المستشار (فرنسى):الشركه بتاعتك دى بتشتغل فى ايه؟ الاجابة (فرنسى):.......................................... .... المستشار(فرنسى): تقصد لأى نوع من المبانى والانشاءات؟ مفهمتش المترجمة فهمتنى الاجابة (فرنسى)(بالصدفة طلعت عارف الاجابة بالفرنسى): ...................... المستشار(فرنسى):ايه مهام وظيفتك ؟ الاجابة (فرنسى):.......................................... .. لكن لسوء الحظ ورد لفظ (مناقصة) داخل احد المهام الوظيفية وهنا قاطعنى قبل ما الحق اكمل حتى نصهم وقالى كلمنى على المناقصات طبعا سؤال زى ده مش محضره بالفرنسى سألته بالانجليزية هل ممكن ارد على السؤال ده انجليزى قالى اتفضل والحمد لله اول لما ادانى فرصتى انجليزى حسيت زى ما اكون اتفتحت ومش عايز اسكت المستشار (فرنسى) : كلمنى على اخر مشروع انت عملته؟ مفهمتش السؤال المترجمة فهمتى مكنتش محضر الاجابة دى الاجابة (انجليزى):........................................ ........ المستشار(فرنسى): عندك شهاده تأمين؟ الاجابة (فرنسى): لا املك شهادة تأمين المستشار (فرنسى): وما السبب؟ الاجابة (فرنسى):.......................................... ........... علامات عدم الاقتناع على وجهه الا انه واصل المستشار (فرنسى):كام عدد الذين يعملون فى شركتك؟ الاجابة (فرنسى):.......................................... ........................................ الا ان من ضمن الاجابة وردت عبارة العمالة اليومية المستشار (فرنسى): ماذا تعنى بالعمالة اليومية؟ برده نفس السيناريو عدم تحضير الاجابة بالفرنسية = الاجابة بالانجليزية المستشار (انجليزى): هل كل هذا العدد من الموظفين مش مؤمن عليهم مثلك؟ الاجابة (انجليزى):........................................ ..................................... المستشار انجليزى: ولماذا يوجد جزء مؤمن عليهم وجزء اخر غير؟ الاجابة(انجليزى):................................. ............................... وهنا انا اتدخلت وقلتله ان اذا كنت حضرتك متشكك فى شهاده خبرتى انا ممكن اقنعك قالى اتفضل قلتله الغرفة اللى احنا قاعدين فيها شاملة الاضاءة و التكييف والتهوية اتعملت ازاى وقلتله ايه اللى موجود فوق السقف المستعار للغرفة مع ذكر كلمات والفاظ فنية جدا وهو سابنى ارغى براحتى واستمع للنهاية معرفش بقى هل اقتنع او مقتنعش بس هو قعد يلعب على الكمبيوتر قدامه المستشار (فرنسى ) اتعلمت الفرنساوى فين؟ الاجابة (فرنسى) : اخذت الابتدائية بالفرنسية فى الجزائر ثم توقفت لكن حديثا بدأت مرة اخرى مع مدرس يحضر لمنزلى المستشار(فرنسى): منذ متى يحضر عندك.؟ الاجابة: حوالى ثلاث شهور السؤال (فرنسى):تعرف ايه عن متطلبات عمل المعادلة فى كيبك؟ مفهمتش؟؟ بص للمترجمة وفهمتنى الاجابة (فرنسى)عشان محضرها:........................................... ....... المستشار (فرنسى):معاك ورق بالكلام ده اتفضل وقلتله كلمتين بالفرنساوى انى دورت فى النت على عقود عمل لوظيفتى ولقيت كتير قالى ورينى المستشار(انجليزى):انت فاهم بالظبط ايه المطلوب منك فى الورق ده ؟ طبعا انا مش فاهم حاجه بس قلتله مكتوب عند سيادتك كل الخطوات بالترتيب المستشار(انجليزى):واخد بالك فى عروض العمل مطلوب ايه؟ قلتله مطلوب ايه حضرتك قالى مطلوب بخلاف الترخيص اجادة الفرنسية و الانجليزية وانت مستواك جيد فى الانجليزى لكن اقل من المتوسط فى الفرنسية الاجابة (فرنسى ): طبعا لسه قدامة فترة على ما اروح هناك اتعلم وانا عازم على المواصلة والوصول الى مستوى جيد المستشار يسكت طويلا ويكتب على جهازة وانا فى عقلى بقول ياشماتة ابلة ظاظا فيا المستشار (فرنسى): عندك حد فى كيبك ممكن يساعدك اول ما توصل؟ الاجابة (فرنسى): حاليا معنديش بس اختى وزوجها بالفعل حصلو على سى اس كيو وعملو خلاص الكشف الطبى ومتوقعين يسافرو فى خلال خمس شهور من دلوقتى وانا بالتأكيد هعتمد عليهم فى بداية وصولى لكيبك المستشار(انجليزى): اختك وزوجها بيشتغلو ايه؟ الاجابة (انجليزى):........................................ ........... ودخلنا فى فترة صمت يتخللها شوية كلام منه لنفسه وهو بيكتب على الكمبيوتر وانت مش عارف تحدد الملامح اللى على وشه دى علامات رضا ولا رفض بصيت للمترجمة اللى ما بطلتش ضحك ولا بص فى الزجاج اللى قدامها ولعب فى شعرها وقلتلها (هو ما فيش امل خلاص ) طبعا بالعربى على سبيل الدعابة وطبعا انا مش واخد بالى ان وظيفتها انها تترجم كل اللى بقوله حتى لو خارج سياق الاسئلة بتاعة المستشار يعنى انا لو عطست تقوله ده عطس المهم قامت بنت الايه قايلالو ده بيقول هو مفيش امل خلاص المستشار قام بصصلى وقرب من الفاصل بينا وقالى (دائما يوجد امل) وسكت شوية وقالها قوليله ان انا عندى ليه اخبار سارة طبعا انا فهمت وقعدت ساكت ثم بدأ بالطباعة وقالى انت اتقبلت عايز تقول حاجه قلتله ميــــــــــــــــــــــــــرســــــــــــــــــــ ـــــى بكــــــــــــــــــــــوووووووووو وبعدها قد يطبع ورق كتير الكلام الجاى كله قالة بالفرنسية بسرعة والمترجمة فهمتنى بالعربى الورقة دى اللى هتتقدم للسفارة فى مصر حيث انك علاقتك بسوريا انتهت خلاص الورقة دى اللى هتاخدها معاك هناك فى كيبك الوقة دى اللى هتسجل بيها فى بنك الوظايف فى كيبك قبل ما تروح بشهر المواقع دى تدخل تسجل عليها عشان تتعلم فرنساوى واى فلوس هتدفعها فى تعلم الفرنسية تاخد بيها رسيت وهندفعهولك فى كيبك لو الموقع ده ما قبلكش عشان مستواك وحش ادخل على المواقع دى(ادانى ورقة تانية) شكرا مع السلامة اسف جدا جدا على التاخير فى كتابة التفاصيل[/SIZE]

الف الف الف مبررررررررررررررررررروووووك
مقابلة مشجعة جدا
و الف مبروك لكل اللي نجحوا
و شكرا علي مشاركتك
بس انت من رايك , اية اهم حاجة تتوقع ان المستشار قدر انه يخليك تنجح بيها ؟

 

 

[ReYYaN]

اقتباس المشاركة الأصلية كتبت بواسطة hamed75 مليون مبرووووووووك يا ReYYaN يلا بسرعة قدم ملف الفيدرال ، وبالتوفيق

الله يبارك يا حامد يا اخويا
انت بتفكرنى بالايام الاولى لفكرة الهجرة
مقابلتك كانت من اول المقابلات اللى قريتها
انت عامل ايه
وصلك الميدكال

اقتباس المشاركة الأصلية كتبت بواسطة son of the king الف الف الف مبررررررررررررررررررروووووك مقابلة مشجعة جدا و الف مبروك لكل اللي نجحوا و شكرا علي مشاركتك بس انت من رايك , اية اهم حاجة تتوقع ان المستشار قدر انه يخليك تنجح بيها ؟

بص يا صاحبى
والله مش عايز افتى
ولا عايز انسب لنفسى بطولات وهمية
انا حكيت المقابلة بالظبط
وكمان قلت على ظروف ملفى
انت دور فيهم كدا
مش هتلاقى غير سبب واحد لقبولى
توفيق الله
والحمد لله

 

 

[نسيم الحرية]

ألف مبروك يا أستاذ ريان وربنا يوفقك فى مشوار هجرتك
بس ممكن أعرف الموقع الخاص ببنك الوظائف وكمان الموقع بتاع الورقة التانية لتعليم الفرنسى وهما موجدين فى الكتيب الأصفر بتاع النجاح فى كيبيك ولا لأ وشكرا مقدما

 

 

[Mr.zoro]

اقتباس المشاركة الأصلية كتبت بواسطة ReYYaN بص يا صاحبى والله مش عايز افتى ولا عايز انسب لنفسى بطولات وهمية انا حكيت المقابلة بالظبط وكمان قلت على ظروف ملفى انت دور فيهم كدا مش هتلاقى غير سبب واحد لقبولى توفيق الله والحمد لله

ألف مبروك يا ريان وعقبال الفيزا وربنا يوفقنا جميعا
تحياتي

 

 

[son of the king]

اقتباس المشاركة الأصلية كتبت بواسطة ReYYaN الله يبارك يا حامد يا اخويا انت بتفكرنى بالايام الاولى لفكرة الهجرة مقابلتك كانت من اول المقابلات اللى قريتها انت عامل ايه وصلك الميدكال بص يا صاحبى والله مش عايز افتى ولا عايز انسب لنفسى بطولات وهمية انا حكيت المقابلة بالظبط وكمان قلت على ظروف ملفى انت دور فيهم كدا مش هتلاقى غير سبب واحد لقبولى توفيق الله والحمد لله

فعلا
مادام الامر بايد ربنا , يبقي كدة من حقنا نطمن جدا

 

 

[emadss]

انا كنت باعت الفايل بتاعى فى اغسطس 2010 جانى رقم الفايل فى شهر اكتوبر 2010 لحد دلوقتى تمام طبعا بذاكر فرنساوى بس ببط على مزاج
اتفاجات من يومين ب ايميل بيقولولى لازم تبعت شهادة بالمستوى الفرنسى قبل 120 يوم من مراكز معينة محددينها 3 مصر و 2 فى الامارات عشان انا عايش فى الكويت
انا مش فاهم حاجة

 

 

[safinoor]

اقتباس المشاركة الأصلية كتبت بواسطة son of the king الف الف الف مبررررررررررررررررررروووووك مقابلة مشجعة جدا و الف مبروك لكل اللي نجحوا و شكرا علي مشاركتك بس انت من رايك , اية اهم حاجة تتوقع ان المستشار قدر انه يخليك تنجح بيها ؟

الف مبروك ريان
انا شايفة ان انتا كنت مقنع جدا و دى اهم حاجة و انا زيك مقتنعة ان طاما المقابلة فيها راى شخصى ابنى ادام هيكون عنك راية الخاص يبا طبقا بعد توفيق ربنا القناع هو تهم حاجة.
بس انا مش فاهمة اية موضوع الترجمة دة و برضو محتاجين نعرف اخطاء صحبك علشان نتجنبها.
ربنا يكملك المشوار على خير

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة emadss انا كنت باعت الفايل بتاعى فى اغسطس 2010 جانى رقم الفايل فى شهر اكتوبر 2010 لحد دلوقتى تمام طبعا بذاكر فرنساوى بس ببط على مزاج اتفاجات من يومين ب ايميل بيقولولى لازم تبعت شهادة بالمستوى الفرنسى قبل 120 يوم من مراكز معينة محددينها 3 مصر و 2 فى الامارات عشان انا عايش فى الكويت انا مش فاهم حاجة

طب ممكن حضرتك الاول تحكلنا ظروف ملفك ( متزوج - عندك اطفال - تخصصك مطلوب )
عشان نقدر نفكر معاك ونساعدك

ولو سمحت وضحلنا النقط ده

هل حضرتك قدمت قبل كده وعملت مقابلة و اترفضت بسبب اللغة ؟؟؟
هل حضرتك كتبت في الابلكيشن انك حاصل علي شهادات لغة ؟؟؟
هل حضرتك كتبت مستوي مرتفع يعني فوق المستوي التامن او التاسع ؟؟؟
هل حضرتك عملت امتحان ايلتس وارفقت نتيجته مع الابلكيشن؟؟؟

كل ده حاجة مهمة لازم نعرفها الاول وان شاء الله خير متقلقش